影片
港鐵香港站 C 出口, 步行約9分鐘
繼續閱讀
電話號碼
57436331
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
早排聽朋友講有間黎自大阪道頓掘既拉麵店開到黎香港，主打慢煮豬軟骨拉麵，價錢親民，質素又高，所以今日同朋友一齊黎試下，睇下係咪真係咁正。餐廳既裝修有濃濃日式風味，木質裝潢配搭溫暖燈光，坐低即刻有種舒適既感覺。 .招牌原條慢煮豬軟骨拉麵配溏心蛋 $150試既第一碗係佢既招牌原條慢煮豬軟骨拉麵，我揀左激辛湯底中辣，湯底入口辣得來有層次，濃郁又香濃，帶住少少豚骨既鮮味。拉麵係自家製既粗拉麵，煙韌爽口，掛湯效果一流，每啖麵都吸晒湯底既精華。而重頭戲當然係果條超誇張既慢煮豬軟骨，慢煮8個鐘，肉質嫩滑得黎入口即化，真係完全感受到時間同心思煮出黎既效果，配埋溏心蛋，蛋黃仲係流心既，好Creamy，呢碗拉麵完全無得輸。 .幸福拉麵二重奏配溏心蛋 $128第二碗叫左幸福拉麵二重奏，今次揀左醬油豬骨湯底。湯底比激辛版溫和d, 但濃郁得黎層次豐富，每啖都有種細膩既感覺。二重奏有叉燒同豬軟骨兩種肉類，叉燒肥瘦比例岩岩好，嫩滑帶少少炭香，而豬軟骨就一如既往咁出色。碗面仲有片紫菜，上面印左開運字眼，得意又有心思，帶住d小寓意，好岩打卡。 .天婦羅紫菜魷魚鬚 $52最後叫左天婦羅紫菜魷魚鬚小食，炸得香脆但吾油膩，外層係薄薄脆脆既天婦羅粉漿，咬落去聽到d酥脆既聲，魷魚鬚啖啖肉爽口彈牙，配埋淡淡既紫菜香，好岩一邊傾計一邊食
繼續閱讀
去過大阪，總會念念不忘"花丸軒"呢間拉麵店。大阪嘅花丸軒24小時營業，每次經過都會見到長長人龍，因為真係好好食❣️😋聽到花丸軒會登陸香港嘅中環，超興奮！！即刻衝去食😍🤩🍜招牌原條慢煮豬軟骨拉麵呢個係"花丸軒"既招牌，必試！！！湯底醬油豚骨湯底，超濃郁😋完全copy大阪嘅味道呀😋😍❣️原條豬軟骨，超級大條，份量好多！肉嘅部分超級軟稔，豬軟骨部位膠質滿滿，食完個嘴會覺得黏黏的，骨膠原充沛， 食完簡直覺得膠原蛋白都boost up😋😍佢上面仲有一塊寫住"開運"嘅紫菜,誠意加分！價錢方面，加咗溏心蛋，$148雖然價錢係比喺大阪食貴好多，不過唔使飛去大阪， 隨時去中環都食到喎！香港其他普通拉麵都係呢個價，所以呢間拉麵真係推介👍👍🍜幸福拉麵二重奏(叉燒豬軟骨) 豚骨濃湯拉麵二重奏就有半條嘅豬軟骨加叉燒，上面有一塊寫住"幸福來訪"嘅紫菜配溏心蛋$128更加抵食。除左佢招牌既醬油豚骨湯底，另外仲有激辛湯底可以揀，小/中/大辣,特別要求走葱/走蒜又或者追加配料。食拉麵，可以加38蚊升級套餐，就可以有多一款小食同飲品。佢好多小食選擇，仲比大阪嗰邊多選擇！天婦羅紫菜魷魚鬚，每日限量52份，脆脆的， 入面魷魚鬚都大條彈牙，都幾好味。見到佢仲有個香港限定嘅黑豚丼飯。環境方面香港呢間又畀大阪乾淨舒服好坐喎！香港呢間服務真係不錯，仲好貼心有提供小孩座椅/圍裙/髮圈。香港拉麵界有多個強手啦❣️😆
繼續閱讀
花丸軒是來自大阪的人氣拉麵店，位於中環半山行人天橋附近位置方便。這次吃了幸福拉麵二重奏，因為可以一次吃到叉燒和豬軟骨，但可惜豬軟骨太少一塊，下次要吃招牌原條慢煮豬軟骨拉麵。❈ 幸福拉麵二重奏配溏心蛋 HK$128幸福拉麵二重奏有叉燒和豬軟骨，兩款肉都好好吃。叉燒肥瘦均勻，表面用火灸燒過，特別香口。豬軟骨用了八小時細膩燉煮，肉嫩香軟不會黏牙，而且入味非常。湯底選擇了醬油豚骨，味道香濃。溏心蛋的蛋黃呈現流心狀態，味道香濃。☆分類標籤#nuttylife
繼續閱讀
之前去大阪一定去花丸軒食拉麵😚由大阪開到黎香港🥳我超鐘意佢個湯底，所以今次香港分店一定要去食下🤩餐廳坐得好舒服，但都仲有保留都吧台位😝可以睇拉麵師傅煮拉麵🤓我地點左幸福拉麵二重奏配溏心蛋& 招牌原條慢煮豬軟骨拉麵配溏心蛋，仲有天婦羅紫菜魷魚鬚🤩🌸幸福拉麵入面有叉燒同慢煮豬軟骨😍超豐富😋麵質彈牙🥰仲要掛到香香嘅湯底❤️糖心蛋好正💗味道香濃🥳🌸招牌原條慢煮豬軟骨拉麵配溏心蛋，豬軟骨好滑好入味🤩食落拉麵唔會膩🤗🌸天婦羅紫菜魷魚鬚，外脆入面係彈牙嘅魷魚💕夠鮮味👍🏻
繼續閱讀
而家唔洗去大阪都可以食到道頓掘既拉麵啦😍🍜～呢間拉麵店主打慢煮8小時嘅原條豬軟骨拉麵，拉麵價錢同香港其他拉麵店差唔多，我同朋友就試咗其中兩款拉麵🍜～招牌原條慢煮豬軟骨拉麵配溏心蛋（$148）🐖🍜原條慢煮豬軟骨真係好吸睛🤩，慢煮8小時嘅豬軟骨肉質極軟嫩，入口即化；醬油豚骨湯底口感濃稠、味道濃郁；溏心蛋煮得岩岩好，而且好香蛋味🤤幸福拉麵二重奏（叉燒、豬軟骨）配溏心蛋（$128）🐖🍜一次過可試齊叉燒同豬軟骨，叉燒薄切、肉質夠嫩，油脂分佈均勻，仲有半條慢煮豬軟骨😋，同樣係濃郁嘅醬油豚骨湯底，配埋溏心蛋～唐揚げ炸雞（$52）🐣炸雞熱辣辣，外皮酥脆，裡面好juicy，令人愈食愈開胃👍
繼續閱讀