花園酒家

營業中

休息中

We went here for dim sum today.  We had the usual offerings including Siu Long Bao and BBQ pork buns.  The food was good and I would come here again.  It was especially helpful that the restaurant catered for our needs and didn't add any sauce to our greens, so our toddler could eat as well. 

排隊左一輪，終於入到去啦，果然冇失望丫⋯⋯環境：裝修完，雖然分左一層俾另一家酒樓，但係仍然坐得幾好，不過有小小嘈啦⋯⋯食物：好新蘚，仲有我最愛既田雞添⋯⋯正到丫價格：十點前每人178全包⋯⋯十點後148全包。。。堅抵食丫

同一班朋友去打邊爐，俾幾個呀姐係咁鬧我，我唔知台號無寫台號俾呀姐鬧，問邊道拎醬汁又俾呀姐鬧⋯⋯⋯⋯我dllm，我自問態度好，我有得罪你咩，我去過咁多間餐廳，都未試過有咁差服務，我班朋友見到都o嘴，呢間花未裝之前我都食過幾次，都未試過咁，雖然野食係唔錯，而且價錢都唔貴，但是咁樣既服務，係貼錢買難受，我以後要bad list呢間野

趁完SEM約埋幾個朋友去食火鍋，去到發覺不在２樓食，原來係去５樓食，個場都幾大，一入門口就有配料同豉油拎，但侍應會帶你去坐先。我們之前選擇了一個莞茜皮蛋湯底，因為我們都不吃辣的，莞茜份量都幾多同淡口。啤酒汽水任飲，又有酸梅湯，菊花茶同夏枯草飲，希望可以冇咁熱氣！五個人前後叫左成幾十碟肥牛，又叫左少少點心，蔬菜，特別推介干貝燒，口感好好！埋單都係$178全包,算係咁啦

同成班同事放工出黎食晚飯，最好就係可以慢慢嘆住又任食既打邊爐，於是有人提議去呢間到食平時任食打邊爐每樣叫，有時等到天昏地暗都未到，不過呢間牛肉自己出去拎，唔洗怕d牛十世都未黎，可以盡情地食，係其他火鍋配料到之前已經唔洗等可以盡情地食住等！打邊爐豉油亦好重要，酒家內火鍋調味料亦都十分齊全，唔會好似某d酒家咁冇辣油冇炸香蔥，可以放心混醬。另外啤酒汽水當然都係任飲～其他火鍋配料方面，唐生菜，菜芯都好新鮮，各種唔同既丸亦都相當齊全，選擇多，質素亦無因為任食而變得差，特別推介小籠包魚蛋，非常有特式，口感好好，賣相亦相當有趣，小籠包既外型配上魚蛋既彈牙，值得一試。比較不足既地方係湯底，湯底叫左豬骨同豬肚湯，雖然唔可以話湯底差，係比預期中淡味，較為似清湯。價錢方面，由於十一時入席，每人只係148再+1，食得飽而質素又唔錯，值得一試～

琴晚就同阿媽佢地講好，今日去飲早茶，一家人好耐未試過一早出去飲早茶喇，今日過油麻地嘅花園酒店飲早茶，呢間酒店飲早茶環境比較好，價格又唔會相差好多，所以相對嚟講都算抵食，而且味道都算可以。牛肉腸粉，呢間餐廳嘅腸粉出品都可以，媽媽就中意食牛肉腸，佢鐘意牛肉腸，牛肉系大片切，腸粉都算嫩滑，豉油好香。蝦餃不過不失，味道仲算可以，皮薄，蝦肉都算大只，都幾新鮮彈牙，一人食兩只就剛好。傳統美食馬拉糕，阿媽至愛，每次飲茶都會點，馬拉糕都蒸得幾松軟，唔系好甜，剛剛好，一舊一個人食曬比較多，兩個人分就剛剛好。豉椒鳳爪味道唔錯，蒸得好淋，好容易咬，味道唔錯。

對於毫無烹調技術可言，且任食的火鍋，一向都不存厚望。但今晚與同事慶祝久違了的“花紅”飯局，真係有驚喜。先來個限量的蝦串及蟶子，兩者都好新鮮，蟶子尤其鮮甜。同事見火鍋紙有田雞🐸，即點，平時屋企唔會整，出街食又怕煮唔熟（因為有很多菌），但火鍋可以自己煮長些時間，所以都食好多，雖然煮久一點，但肉質依然夠嫩滑。還有不常見的魚鰾，平時買魚可能會比番個魚鰾，咁屋企人就要爭吃。這裡不用爭，個個魚鰾脹卜卜，夠新鮮，食落好爽好香，encore左一次。有新鮮的龍躉班🐟，又係好新鮮，好滑。還有任點的花膠，前後點了兩次。居然還有象拔蚌，但雪得太久，一次已足夠。多款水餃、雲吞供選擇，但冇乜特別。肥牛反而太肥，屬下等貨式，喜歡食肉既朋友，可能會失望。食物新鮮，款式亦多，以$178可以食到咁既水準，相當超值。

今日媽媽節，諗住同母親大人去打邊邊，去到即刻有位，之後叫左個酸菜咩咸肚鍋，個湯無味的，心已經feel到奶野，之後豬皮又薄又有沙，菜就無問題，但肥牛仲鞋過張繼聰塊面，9菜餃硬班班的，仲要d渣完全入唔到口，豆腐又係硬的，侍應十問九唔應的，唔洗講咁多，black list直到永遠，阿們。

從新裝修，食物沒有變質，最要推介係奶皇飽，係火鍋時段都可以食到 ，極正流心奶皇，要小心d咬，會流晒出黎，新鮮蒸出黎，熱辣辣，好好味，火鍋食物亦好新鮮，蝦滑，魚滑，墨魚滑，必叫，彈牙新鮮，爽口仲有好新既田雞食，食落就知唔係雪藏野，肉質實正，鮮甜美味，仲有好正一樣，酒樓主力係播放足球賽事，現場氣氛猶如去左大球場，如果唔好睇球就唔好黎 會好嘈……

中同聚會最好就係打邊爐，成班人成埋一齊圍埋個爐一邊食一邊傾計，慢慢享受!今次朋友就係提議去花園酒家，貪佢係油麻地乎點就腳，加上任飲任食夠抵食。食物款式都幾多，有美國肥牛、鮮雞片、炸魚皮、各式各樣既丸，最驚喜既係海鮮都有。蝦同扇貝都十分大隻，份量十足!!熟左之後都無縮水，蝦同扇貝都好新解，唔洗點豉油食都好鮮甜!肥牛脂肪分佈分均，入口十分鬆軟，牛味濃郁，讚炸魚片件件都夠哂大份，唔會"碎濕濕"!入口卜卜脆，夠哂新鮮!!整體黎講食物質素唔錯，而且食物上檯速度快又無漏單，下次聚會值得再食!

上星期六同埋幫親戚朋友一齊黎呢到打邊爐，初初諗住酒樓打邊爐唔會太多野食, 點知比我想像中多好多野食~一黎到就會送蝦同聖子，每人一隻不過聖子用黎打邊爐無咁好食, 首先係會甩左個殼，再淥耐D就會UN。我地叫左個蕃茄湯底，蕃茄湯底好香，好濃。而基本野食都好新鮮，係肥牛雪得比較硬，最開心既係佢有雞子，不過係細粒左D亦都有D幾特別既，例如黃鱔件，羊肉卷醬料都有好多花款，連芥末醬甜醬都有不過最衰係野飲, 得嘉士伯, 仙地, 汽水,雪碧,忌廉梳打仲有菊花茶, 酸梅湯,夏枯草, 不過呢3樣全部都係溝水溝到色都淡晒, 又無咩味, 得個凍字。食超過2.5小時都無人趕我地走大家有傾有講就食左成3個幾鐘，超開心不過要記得問佢係唔係有雪糕，D WAITER 先會拎張雪糕飛仔俾我地去拎雪糕，但只限一人一杯。而埋單都係178仲要無加1, 非常抵食。

油麻地任食邊爐（$178）間唔中一大班人打邊爐都會黎尼到，貪佢地點就腳，食物種類好多，而且服務態度又唔會差，生日都唔洗切餅費啊。今次司令叫左麻辣加沙嗲湯，咦個辣出奇地唔錯，都幾香，而且唔係得個樣，食落真係有辣味。講得出既野食都有，牛骨髓平時買都幾貴，但尼到隨便食，鵝腸、豬潤、羊肉應有盡有。味道呢，都係不過不失，最緊要係成班朋友食得開心嘛。最特別係佢有幾款點心食，司令每次都會叫馬拉糕食，甜甜地當甜品食都唔錯嘛。

今日同義工朋友食飯, 一班男人要食得多又要飲嘢, 揀左好耐, 決定去打邊爐。由於價錢同地點既因素, 我地揀左油麻地既花園酒家。好彩師兄醒目, 有訂位, 唔係就真係等死啦, 估唔到呢D酒家都可以咁多人等……師兄好勁, 上網整左張COUPON, 每日可以減二十蚊, 158蚊一個人, 咁又唔算貴WO. 睇住張菜單又宜係好多嘢可以食. 咁多樣嘢食, 我最鍾意係餃同雲吞, 全部餃都係好好食, D 餃好新鮮, 有多料, 皮又唔厚, 我地叫左好多次, 油麥菜都好新鮮, 一D都唔會老,好好食. 其他食物都係正常既水準, 除左札肉, D味道我唔鍾意罐裝飲品都正常, 可樂, JOLLY SANDY果D, 不過酸梅湯果D…就唔係咁好啦

今日同一幫朋友去花園酒家食，任飲任食火鍋超抵食食物款式都幾多，有肥牛、豬肉、雞肉同各式肉丸、連海鮮都有啊，仲要幾新鮮。調味品又好齊好多，想要咩都有，好方便。仲有野飲都系任飲。除左有罐裝汽水四款，同埋有冰凍既啤酒選擇，加上自家飲品有兩款連涼茶郭d都有，岩曬食火鍋會熱氣d人由於豬肉同雞肉味道方面沒有什麼特別，所以今次主打食肥牛雖然賣相和色澤方面只是一般，但將其灼一灼然後加上自己調配的醬油，既有實在的牛味，又不失牛肉的嫩滑海鮮都幾新鮮唔錯，蝦好爽口彈牙。。。青口就一般啦。最後買單百幾蚊一個人,系抵食架花園酒家

Farewell同事 十幾人最好就圍圍坐烚下烚下啦。同事介紹花園酒家位位任食168無加一,星期五晚算平啦!每位送一隻大蝦加扇貝,簡直係至愛!叫左一個鴛鴦窩,一個醉雞窩,2個窩都好味!見到象拔蚌可以任叫真係超開心呀,烚一陣就食得,爽口彈牙,翻叫再翻叫!另外鵝腸都好正,又係好爽口!!!羊肉同肥牛用料好,唔會似其他任食酒樓咁比d肥膏肥牛。仲有蝦滑墨魚滑都係必叫!!!呢度值得一讚既係某d材料都係用大家超市買到既貨,好似響鈴,芝士腸,豆腐咁。所以好好味。醬料當然是自助式啦,都多選擇。另外飲品除了汽水,仲有啤酒,jolly sandy任飲,唔鍾意有汽既就可以飲菊花水,酸梅湯等!