花園餐廳 (已結業)

食過佢set lunch 既牛扒餐,有包, 餐湯同野飲,個包係好好好普通既餐包, 仲用微波爐叮...羅宋湯同牛扒ok啦... 我最鐘意食d薯條, 哈哈,價錢好平, $50下, 不過環境一般...

上星期日到這裡食tea,發覺食品質比以前差,一杯凍朱古力都可以沖得好難飲,食份沙律超多油喎,但係一可取的就是waiter的service都好好,向他們說冰已溶了,他也會很樂意效勞,但始終是一間食店,食品質素是最重要嘛!

放工約左朋友食飯...本來諗住係返中環食...不過諗唔到食乜好,於是朋友提議去呢度食..咪過左causeway bay..差唔多兩點黎到都無乜人;本來想食扒..但係見到有個餐好似好好味..就叫左個波菜汁三文魚扒石斑配墨魚汁面..朋友要了意大利汁肉腸蜆仔配牛油寬面,大家都要了紅湯~~個面黎到,睇落唔錯..但係食味唔得,三文魚扒唔好味,d面又無墨汁味..比較好少少係個斑塊~~ 朋友都話佢果個面麻麻,所謂的意大利汁其實係茄汁.=.= ,跟餐的咖啡好難飲啊...知道叫檸茶好過..,飲左一啖都唔駛再飲~~~ 無下次..埋單八十幾~~食果時有d待仔又食lunch,幾個坐埋係度勁講粗口又食煙..

一向都對餐廳的環境及清潔有些要求,此餐廳跟香港的茶餐廳一樣,好dirty,須然食物品質同選擇都幾好,但衛生是食店最重要的,而且服務不太好,這店不可說是西餐廳,只可說是茶餐廳..

所謂的聖誕大餐<br />諗住同班朋友食餐好既~估唔到有咁既遭遇!<br />本來諗住80 零蚊~100 蚊去食個din~但係度度都…幾係野~睇見花園有扒餐咪上去囉!<br />點知原來只限你食聖誕大餐, 個個過百,都唔緊要! 想轉卡位,個經理居然好hill咁話:你要轉就出去等囉!<br />嘩~咩意思~細路都係客啊? 我入得來就比得起錢啦!你咩態度~間野又唔係氣氛好!不過我同班朋友入得去,就廢事就咁行出來~仲比人睇死(為啖氣)<br />最後又唔知乜原因好死地比左個卡位我地囉!<br />跟住我地d 前菜都仲未食,就上扒…搞到成抬係野…人地d 餐廳都識一樣一樣咁上啦!咁都算喇~<br />d 扒話要七成熟,比4 成熟我都唔知有冇~生到出血架!!!<br />佢不但只冇帶一點抱歉,仲極之不滿咁拿番走,拿入去翻煎兩野就算!<br />個朱古力新地…係朱古力糯米滋咋掛…<br /><br />$151.8@ppl,我

銅鑼灣間花園餐廳既食物亦算不俗,可算抵食夾大件,不過侍應服務態度就麻麻喇!當時我地七,八個朋友度傾緊計,有一個侍應捧住餐飲送到我地張檯,佢問我其中一個FRIEND飲哪種飲品,我個FRIEND掛住傾計,冇留意到個侍應同佢講野,但係個侍應好冇禮貌好大聲咁再問我個FRIEND,以一間頗為有名氣餐廳黎講,咁既服務態度,點得!!

午餐質素之低教人吃驚，滑蛋海鮮粒飯海鮮有腥味兼加送蛋榖，羅宋湯淡而無味，價錢比大家樂高出一截，但質素也輸一截，令人缺乏再光顧的衝動。

環境唔錯,T骨好掂,牛扒亦可以.

花園餐廳都算係地道港式西餐既代表之一，好好食就一定唔會，不過就勝在價錢合理，份量大份搭夠。好似今日去左銅鑼灣金百利商場5樓商場度食晏，午餐有三款，32蚊，我就揀左鮮茄牛肉飯，D牛肉比梳打粉掩到冇晒味，D蕃茄又得個獻，認真麻麻地，不過又真係好大碟，加埋餐湯、麵包、餐飲，成完真係飽到上心口。若然只求飽肚，價錢又唔想太貴，食物質素普通就得，我諗呢度都係個好選擇。

花園餐廳我試過幾間, 最差係旺角, d 黑椒汁太杰, 件扒太熟, 我食開medium rare..最正係北角英皇道果間, 環境、食物同衛生方面都比其他分店好, 可能冇咁旺la...次次都一定叫兩冷牛扒餐, 幾正o架!

果次去食T 骨, 件骨真係大過個頭.. 味道又正.. 而且價錢又合理.. 值得一試