花心廚房

營業中

休息中

放假唔想煮飯，又唔想係屋企附近既高級餐廳食 。今晚諗起附近既呢間餐廳，第一次食 。我點了「蒜香牛柳絲炒烏冬」，而我朋友就點咗個「秘製咖喱牛腩飯」 。一開始，上了個中湯比我哋，有家既味道 。牛柳絲炒烏冬有鑊氣，而且牛柳新鮮，唔係雪藏嗰啲 。至於個咖喱亦都唔錯。牛腩好諗，薯仔都好入味 。餐飲叫左檸檬茶，亦都係有水準資助，係唔苦嗰隻 。今日係星期四晚，人客唔算多，相信生意唔易做，如果係街坊，有時間就支持下小店啦 。小店加油👍🏻

今日同個friend經過咗呢度，所以入咗嚟試吓呢間餐廳。我嗌咗香草鮮蝦意粉, 味道十足，個湯都好鬼好味。呢度嘅環境好乾淨舒服，仲有音樂聽，極度推介經過入嚟食。下次經過一定會再嚟幫襯😋😋😋

今日跟朋友兩人好耐沒出街食飯，行到附近就想起之前食過的花心廚房，便進去食左個悠閒午餐❤️我地叫左個上湯餃子，日式咖哩牛肉丼，及大蝦炒意粉。餃子好新鮮，老闆娘話是自己每天新鮮包的😍，日式咖哩不太辣，少少甜，朋友不太吃得辣也覺得好味👍👍個大蝦意粉炒得好乾身，入味，我自己就覺得最好食是這個😍咁耐無黎，食物水準仍然保持到👍朋友初次來都話想下次再黎試下其他菜式。題外話，疫情其間，此小店的防疫意識也好嚴謹呢，店員不時都會清潔枱面，椅子，令到食客都食得安心放心❤️❤️❤️

今日下午三點去買個外賣——咖喱漢堡扒飯加凍檸茶 ($88)當時成間店得我一個1. 我嗌完俾埋錢之後等咗10分鐘 先突然黎問我漢堡扒唔係日本入口 接唔接受😓 (得我一個客 亦唔見有prepare緊其他外賣單， 點解要等10分鐘先開始整….)再問我要咩汁 (我嗌咖喱飯…仲有咩汁….)2. 成間店好多枱都未執 全部都係未洗嘅碗碟 感覺有點唔衞生3. 最後等咗20分鐘 終於拎得走 由於餐廳只係喺我屋企隔離 由拎走外賣到打開都不足5分鐘 一打開嗰下 發現個凍檸茶係室溫 一粒冰都冇😓😓😓4. 再試個飯 好乾，咖喱汁嘅量好少，唔夠餸飯，亦真係得汁，一粒薯仔/ 洋蔥/ 配菜都無。至於漢堡扒味道正常，不過不失總結: 唔會再幫襯

其實在半山電梯旁已看見這店的廣告幾年，只是現在才決定去試。店舖不大，只數張枱，另有bar 枱高櫈及門口側邊幾張高櫈，適合單身客人坐。看來店舖是花姐及其親友親自經營，所以服務不差，選擇亦多，性價比很高。我2次光顧都是午餐時間，巳包餐湯及飲品，餐湯是雜菜湯，有腰果。可能因人手問題，無甜品供應。若住在附近，值得幫襯。

本來我係唔食雞嘅，但係見到佢個樣好食都抗拒唔到，一食落去Juice到不得了！好好味夠晒味道！老闆娘又好人員工又好禮貌！極力推薦！同埋推薦個湯老火湯好好飲冇味精！正！一定會keep住再幫襯

之前已經去過幾次花心廚房午餐及晚餐，晚餐氣氛很好。昨日下午一行三人趁新限聚令(只限二人)生效前再去一次，叫了set lunch，食物保持水準，環境舒適和清靜，值得推薦。

上次叫網上外賣平台，等咗半個鐘，突然餐廳cut單（我唔知係餐廳定網上外賣平台問題啦！）。好啦，見佢都有啲好評，今日再諗住比多次機會，叫咗個蝦炒意粉同黑毛豬五餐肉煎蛋飯。首先兩樣嘢嘅粉量都好細，個意粉好多油，蝦又細粒（同相差好遠！），另外一個黑毛豬五餐肉煎蛋飯唔知半碗飯有冇，蛋又細隻，兩樣嘢索價$196，問題係又唔好食，又勁多味精！由三點食，到而家九點仲係好口渴！永遠唔會再幫襯！實在好差！

家常小店，環境整潔乾淨，舒服感覺，又有酒飲，適合一家大細或者朋友相聚嘅地方。平時食開咖喱（招牌）配薄餅今日見有新菜式，貪得意試吓，絕對拍得住咖喱咁正！ 酸菜魚：魚好滑（原來係沙巴龍躉），夠酸，粉絲彈牙又吸晒啲味超正，略嫌唔夠辣（如果可以自行選辣度就好啦）黑椒薯仔牛柳粒：牛柳粒夠林又入味，不過略嫌大粒，可以細少少一口一粒就好，加埋薯仔拼得好入味好match👍🏻👍🏻價錢合利。期待有新菜式！ 支持小店

味道唔錯.....自家製餐湯用料新鮮，啖啖香濃 🍲牛肉漢堡扒飯ok，係配咖喱汁ge ！干炒黑椒雞柳意粉 ok！雖然店子雖小，但乾淨企理👍🏻值得一試，支持下小店 👍🏻

餐廳環境幾好，坐落位置闊落舒服，而且好乾淨整潔，嗌個牛腩咖喱飯，加咗杯椰青水，牛腩煮得好軟腍而且比較入味，咖喱醬汁香濃，味道係微辣的，係可以接受的程度，個飯軟熟好食，加埋一齊味道一流，椰青水就普普通通好正常。

今日行上太平山後，行落山揾嘢食，見到附近有這間食店，就試下。食完後覺得食物質素有一定水準，服務都可以。我叫了咖哩牛腩，牛腩算淋，我太太食鹽焗雞，有味，整體算合格以上，而且價錢合理。可以一試的食店

最近晚上經常取消飯局、我都會去佢地度衣肚、黃花魚、咖哩類、午餐肉蛋炒飯、凍O茶、心機例湯推介👍有時帶支酒來、開瓶費算合理、消磨一兩小時是幾好撰擇人手較小、冇計、全部都是成本、要有輕鬆心態、食物製作須時

住附近。晤想煮飯就會落去。基本上所有野都試過曬。個人最鐘意咖哩tiger prawns 。豬扒都不錯。另外黑椒炒肉絲意粉及蛋餐肉炒飯都好味。仲有一味梅子雞塊都係我推介之選。另外我係凍檸茶精。呢間嘅凍OT絕對達到我嘅要求唯一下午茶時段非炸野嘅選擇可以改善一下。佢價錢唔算平但係冇味精晚餐又有老火湯送。以健康之選來講我覺得值。重要晤使自己煮，洗。另外見好多單身人士去食飯。舒舒服服又唔嘈。冇飯開嘅半山居民可以落去一試

落大雨關係 近近地係屋企附近搵間小店 叫左個lunch set hkd7x (香草蝦炒意粉 熱檸茶）Overall個意粉味道偏淡 麵底係天使麵 有媽咪屋企住既感覺 食得出無落好多調味料 主要得香草同蒜味而d蝦就似from supermarket買到既一兜兜已剝殼既蝦肉 用簡單既鹽同香草(或黑椒)調味 煎香 然後加埋天使麵炒Btw值得一提係店內既氣氛 以橙色白色為主要色調 燈光柔和 一直播放耳熟能詳既Mandopop 透過窗口同落地玻璃清楚睇到雨滴 感覺十分relax