花斑茶社 (淘大商場1期)

營業中

休息中

係九龍灣淘大我都會飲【花斑茶社】因為良心小店💛佢最出名嘅係黑糖珍珠厚鮮奶/宇治紅豆抹茶鮮奶等等🥤呢排趁夏天🌞都推出咗新嘅果茶/花茶，就係完熟蘋果冰茶&荔枝玫瑰烏龍！🔸完熟蘋果冰茶（四季春/紅茶） $28我揀咗四季春茶底，味道有少少似烏龍嘅香味，香而不澀，而且唔會太甜，冰茶入邊仲有粒粒嘅蘋果肉，係爽口又好鮮甜，將飲品昇華咗！🔸宇治紅豆抹茶鮮奶 $36飲返杯小店推介嘅宇治紅豆抹茶鮮奶，抺茶味道好濃郁，而且唔會有濃到澀的問題，鮮奶係香滑的🤤加上有🫘紅豆粒粒淋嘅，又有少少野咬下食下，而且甜味恰到好處！鍾意飲抹茶嘅你🍵，你一定要試呢一杯👍🏻另外店舖最近有姜濤應援，貼滿晒姜濤嘅poster，可以去打卡📸以表支持🤣

趁住呢日可以休息唔駛湊小朋友就同老公响附近揾飯食見到前面呢間茶飲店突然覺得想拎住杯茶飲chill 住行而家店內除了做緊姜濤誕應援最近推出以下兩款新口味水果冰茶兩款味道都好清新和透心涼夏天消暑確實一流完熟蘋果冰茶除了可以選擇甜度和冰量之外仲有得選四季春或紅茶其中一款茶底淡淡的四季春配上豐富的蘋果果肉非常清甜容易入口荔枝玫瑰烏龍烏龍茶的味道甘甜加上粒粒荔枝果肉和淡淡玫瑰清香味道層次相當分明飲落又唔會太甜

花斑係良心店💛就係人都知，最近仲有姜濤應援成間店貼滿poster，勁多fans嚟打卡支持🤘🏻行完山熱到溶🥵點咗2杯新品試一試整體上2杯都好清爽，用嚟解暑真係一流.📍完熟蘋果冰茶（$28）點咗少甜少冰，飲落啱啱好唔會過甜有粒粒蘋果肉🍎增加咬口茶底可以揀四季春/紅茶我哋揀咗四季春，清爽得嚟香甜好飲 .📍荔枝玫瑰烏龍($29）呢杯有漸層效果，甜度低過蘋果個款底部有荔枝果肉，但唔多覺有玫瑰味🌹整體上茶底嘅甘味較突出.📍花豹芋圓-黄金底（醇香烏龍奶茶)($40）芋圓碗都幾好食，入面夠晒足料有芋圓、珍珠、紅豆、仙草、真係可以話結集煙靭、爽口同嫩滑於一身加上奶茶底唔會好甜🧋，好食❣️

🐨作為一個(唔太專業嘅)hellosss😆，冇理由見到有鍾意嘅歌曲《再見 寧靜海》嘅應援茶飲小店post，而又經過開都唔幫襯㗎嘛！😚🧋 桂花烏龍(熱)依兩日春困同濕氣好嚴重下 🥱，唔可以再飲有奶嘅飲品，所以揀咗桂花烏龍。依款本身含糖，所以叫咗微糖，唔想太甜。🌼 烏龍茶加咗桂花碎，清香啲飲落冇咁滯，亦唔驚茶味太濃！😉下午茶 💵 約港幣$30/人💁🏻‍♀️ 雖然熱飲唔係好大杯，不過勝在下晝飲就啱啱好！當然大家都可以叫返佢哋嘅招牌飲品㗎！😎🙆🏻‍♀️ 最後，喜歡嘅話，歡迎follow @foodirectory.hk！

新開幾個月，咁就諗住試下，叫咗杯烏龍奶茶+仙草。出餐服務環境都ok ge。不過最大問題係用涼粉扮仙草，仲有咩好講初初飲仲以為佢漏加仙草，點知搣開塊紙睇成大舊涼粉係底。欺騙顧客之餘，成舊野叫人點飲呢？慶幸我攞返屋企可以用匙羹食，但如果係街叫人點搞呢？不過舊涼粉都唔算差嘅，有粉草味，食落都爽口。但唔該一係轉餐牌，一係唔好再用涼粉，同埋唔該涼粉唔好一大舊，飲筒係飲唔到。講返杯茶，杯茶無咩烏龍味，不過奶味都有嘅

路過見到有花斑茶社，之前睇過網上評論都幾好，所以想買杯嚟試吓啦！因為第一次飲關係，所以唔知道應該飲乜嘢，見佢有寫住花斑推薦「宇治抹茶紅豆鮮奶」，本人都喜愛飲抹茶，亦都喺出面飲過無數咁多間嘅抹茶飲品，就想試吓呢個啦！等飲品期間，見到有杯好細杯嘅嘢飲出，仲諗緊係乜嚟之際⋯⋯原來就係我杯「宇治抹茶紅豆鮮奶」，佢個紙林份量比坊間的紙杯細杯，加上杯抹茶有紅豆，實際綠茶份量非常少，兩啖已經飲哂！ 對於第一次買嘅我嚟講都真係幾失望！飲品飲落同外面的味道大同小異，但個份量就…..

🍴大甲芋頭鮮奶 $34 (6/10)牛奶用咗明治3.6牛乳，香濃奶味，好滑，芋頭份量唔算好多，係芋泥嚟嘅，食到細粒嘅芋頭，有口感，帶微甜，芋頭味未算好香濃，正常。推薦指數: 6/10好細杯，芋泥唔多，未必再買。

九龍灣新開咗花斑茶社，新鋪開張做緊八折優惠，超級多人買！🍴烏龍鮮奶茶加寒天 $32 -> $28 (7.5/10)烏龍香濃，茶味都出，帶少少澀，鮮奶味唔出但口感好滑，寒天微甜好有口感！推薦指數: 7.5/10價錢都唔貴值得一試！

終於買到😂由佢寫係淘大開，已經期待想試，到開張啦😆日日都好多人排隊。今日終於少啲人排啦😆第一次飲花班茶社，所以試啲推介嘅飲品先後面嘅係：黑糖珍珠厚鮮奶原味，冇少甜少冰。老公話好飲呀，味道好豐富。黑糖珍珠，唔會死甜，又夠奶味👍🏻前面嘅係：四季春加芝士奶蓋原味，冇少甜少冰。好好飲呀😍味道好平均分布，芝士味香滑，四季茶夠花香。飲完好舒服😌依加新店有優惠8折，想試就好快啦🤪

👧🏻😋👅🍽✨終於等到你😭️-花斑茶社🇭🇰 九龍灣牛頭角道77號淘大商場一期地下G140號舖 🇭🇰-🌸雖然花斑好多分店, 一直就係爭間九龍灣所以我一直未飲過! 一開始個裝修維板寫住COMING IN OCTOBER🌸十一月到左OCTO改左做NOVEM😂 幾驚December都仲未開到🌸原來11月中已開始試業, 全單八折幾抵, 但餐牌冇寫黑糖系列暫時未有, 排到先講d人又要諗, 搞到條隊去得好慢🤒-🍊🍵葡萄柚冰茶 微糖少冰 原價$26💯可選綠茶/四季春茶底💯平時飲開淘大樓上果間呢款, 所以要比較下, 佢有得四季春已經贏左一半冇綠茶咁澀💯同埋佢勁多果肉柚味超重-☕️🥛焙茶鮮奶 微糖 原價$36✨焙茶冰量固定, 本身搖一搖杯葡萄柚以為佢唔記得少冰, 點知再搖一搖杯焙茶就知佢正常冰係成杯咁多😂✨冇得少冰超快幾啖就飲完, 不過係幾好味, 焙茶濃郁得黎唔澀-

今日落街見到有間舖頭超多人排隊，原來係新開嘅花斑茶社，佢剛剛開業做緊8折。我買了一杯黑糖珍珠厚鮮奶試吓，原價$32試業期間只需$26唔怪得咁多人幫襯啦。等了差不多10分鐘終於有得飲啦，一入口就感受到奶香味十足再配搭黑糖嘅香甜加埋軟硬適中嘅珍珠，簡直係完美嘅配搭