花斑茶社 (黃埔天地)

營業中

休息中

花斑茶社嘅岩鹽黑糖厚珍珠鮮奶真係一個不可錯過嘅飲品! 首先，飲品嘅外觀就已經吸引到我，層次分明，黑糖同鮮奶嘅色彩對比好靚。而黑糖嘅香甜配上岩鹽嘅微鹹，味道平衡得幾好，令人一啖接一啖停唔到口。珍珠方面，質地煙韌，咬落去有彈性，絕對唔會過硬，或者溶晒，配合鮮奶更加提升咗整體順滑嘅口感。而且，鮮奶香滑，合併咗黑糖同岩鹽之後，味道更加豐富，絕對係夏日消暑嘅最佳選擇。價錢就都係咁上下。整體而言，花斑茶社嘅岩鹽黑糖厚珍珠鮮奶個人會比五星，無論係味道定口感，都令人滿足，建議大家試下!

平時去花班茶舍都係嗌佢地既奶茶配小芋圓🥤但今日黎到熱辣辣就特別想飲啲refreshing啲既茶，所以今日就一反常態試下佢地既冰茶🍵發覺原來都好值得推介，完全可以係夏天夠我一命🤣。🐒葡萄柚冰茶(綠茶)💰$28👉🏻寒天+$5🐒青葡萄烏龍💰$28今次嗌左2款茶，2款都係水果茶黎，因為青葡萄烏龍入面係有果肉，所以我就無再另外加配料，而葡萄柚冰茶就有得揀綠茶或者四季春，因為唔想咁單調所以我就揀左加寒天，好彩都好match，有口感之外好似仲無珍珠咁有罪惡感添🤭如果怕甜既人青葡萄烏龍可以嗌微甜，因為青葡萄本身就會有甜味，估唔到入面既果肉都有幾多🍇夏天推出呢款新產品果然吸引之前我仲試過呢間既芋圓甜品，都真係幾足料🥰特別係芋圓方面都幾大粒，所以中意食甜品既又多一個選擇🙆🏻‍♀️

之前未有時間去銅鑼灣🐨生日應援茶飲店…… 估唔到成個應援轉移咗嚟黃埔，變相小編就到時間過嚟打卡兼支持下 🤗🍹 冬瓜茶 (凍) 😋😋😋😋甜度係固定，小編只係揀咗少冰 🧊 冬瓜茶的確係甜，有少少冬瓜味，唔會封喉，都👌🏻～ 幾啱夏天飲～下午茶 💵 約港幣$30/人💁🏻‍♀️ 依間分店位於「黃埔船」下層超市Cashier附近～ 如果唔熟路，可能要兜一兜～ 住喺附近嘅hellosss千祈唔好錯過，記得去睇睇，有好大牆Postman Ian嘅牆紙呀！仲有啱飲就幫襯返杯啦～ 🤓🙆🏻‍♀️ 最後，喜歡嘅話，歡迎follow @foodirectory.hk！

花斑茶社一直係我幾鍾意嘅茶飲之一，今日喺Aeon買完餸行過，見到出左新產品，就一人買左一杯飲🧋新產品有春果好茶系列，包括完熟蘋果冰茶，可以揀四季春/紅茶茶底，亦可以揀無糖；而另一款係清爽青葡萄烏龍，兩款都好啱夏天飲，夠晒清新解渴~我揀咗無糖完熟蘋果冰茶嘅四季春茶底，無糖都好夠味，每啖都食到粒粒果肉，好juicy清甜🍎另一杯要咗經典嘅無糖珍珠奶茶，奶同茶嘅比例剛剛好，飲到茶底嘅濃郁，奶嘅幼滑，去埋煙韌嘅珍珠，口感冇得輸🤤

花斑茶社 (黃埔天地) (紅磡)📍紅磡黃埔天地第5及6期AEON Style地庫B10號舖☀️放假多數都會去黃埔Aeon 入貨，👍🏻勝在咩都買到又多新嘢睇！ 🌸周邊仲有好多🍦雪糕，🎂蛋糕，🧁甜品，仲有茶飲店🫖，基本上要乜有乜好齊全！🕶️天氣熱辣辣，行到去就第一時間買杯茶飲💦，今次去咗花斑茶社，本身係綠茶控🍵，每逢見到綠茶都會係首選。發現原來佢地個🍵🫘宇治抹茶紅豆鮮奶都做得幾好👍🏻 抹茶濃郁得嚟同紅豆混埋好襯，呢杯係值得推介💓🍑另外我地都仲叫咗杯奶蓋白桃烏龍，奶蓋係自選項目另外加上去嘅，而奶蓋本身係做得幾濃厚👍🏻，不過建議配合其他飲品可能會好啲😅，因為白桃烏龍嘅香味可能會被蓋過🍑

天氣轉熱，又有藉口飲廢水🫢 呢間喺正黃埔AEON Style入面，主打多款台式飲品，有黑糖、鮮奶、茶飲、奶茶、水果同益力多系列，亦可以加點配料增添口感，價錢合理，可以一試。鍾意奶香可以揀鮮奶系列，邪惡之選有明治4.3特濃鮮奶，減肥嘅可以轉脫脂鮮奶。焙茶鮮奶嘅焙茶香幾突出，芋頭鮮奶飲落更綿密。兩款都係固定冰，而店員建議點微糖，果然無介紹錯。另外強烈建議加埋芝士奶蓋同小芋圓。軟滑嘅奶蓋甜中帶鹹， 令到整體層次感更豐富，好肥好好食。小芋圓煙煙韌韌，帶口感，甜度適中，好似食緊糖水咁，唔覺唔覺都清曬～

之前飲過尖沙咀分店，果陣覺得一般，今次去開黃埔決定再試多次😂今次都係揀左烏龍奶茶($25)嗌左走冰少糖，烏龍味唔太出，奶味都比較淡，感覺似飲水多啲🥹買完先見到有芋泥烏龍奶茶，唯有下次再試下😂🫡如果同我一樣鍾意烏龍同奶味平衡既，建議都係手作功夫茶或者天仁茗茶會好啲😂

今日約左朋友係黃埔花園食晚餐，不過我早收工，早左到，就決定去aeon超市行行，睇吓有冇嘢買，行到最後，見到有間飲品店都幾吸引，我又剛好想飲珍珠奶茶喎，就問咗朋友想飲乜嘢，然後買咗一人一杯。我自己要左黑糖珍珠抹茶鮮奶，店員提醒下要左微糖同脫脂奶，感覺比較健康。珍珠口感好好，好q彈，抹茶味亦都好夠濃，但係有少少甘香，配埋黑糖就剛剛好！我特別鍾意佢個包裝，除咗佢哋個logo有兩隻豹之外，杯面同杯蓋都整得好有質感。我幫朋友要左杯完熟蘋果冰茶，特地要左四季春茶底，要埋微糖少冰，朋友話好清新，感覺好新鮮，唔係啲化學甜味，加埋四季春個茶底好香濃，所以飲落好有層次感。呢度整嘢飲嘅速度都算好快，加埋店員都好有禮貌，推介！

同朋友一齊送咗小朋友番學，冇事做想2個媽媽去飲杯嘢，傾吓偈！走去花斑茶社 一人買咗一杯嘢飲坐係food court嘆吓，解解渴🫶🏻見到有新出飲品，忍唔住叫咗：〰️ 清爽青葡萄烏龍茶🍇｜$28揀烏龍茶係因為佢飲上嚟口感甘潤不苦澀，加埋爽甜青葡萄，倍感解渴😚〰️ 完熟蘋果冰茶🍎｜$28朋友揀咗配四季春，有淡淡花香味、甘甜且易入喉，所以飲起嚟同時擁有烏龍茶韻味+綠茶嘅香氣，非常獨特！當然配埋蘋果肉粒，口感更顯豐富！舒舒服服咁坐咗個幾鐘，互相交流湊小朋友心德，又可以暢所欲言一番，過咗個輕鬆嘅下午！

啱啱行過見到花斑茶社新出品-奶蓋黑糖珍珠麥精豆奶😌鍾意飲維他奶麥精嘅一定唔可以錯過。佢個味道好香好夾。細細個飲麥精嘅味道出返晒。黑糖珍珠又唔會好甜。再加上奶蓋，味道啱啱好。

今日去接朋友收工，帶上佢最中意既手搖先！🍽️ $36 宇治抹茶紅豆鮮奶抹茶非常濃郁甘香，揀少甜岩岩好！紅豆煲到淋淋的，好綿滑加埋鮮奶，係完美組合🍽️ $28 鳳梨冰茶🍽️ +$8 芝士奶蓋🍽️ +$5 寒天呢杯係俾我自己既，我極愛寒天，所以見到有就一定會加😏寒天唔錯，好有咬口，份量都多茶底係綠茶，同鳳梨都幾夾少甜都係偏甜，可能因為有果糖飲完會好開心🤣🤣🤣♨️ 環境/服務有打卡位乾淨企理👍有鏡仔相！！！不過唔知依家仲有冇～

位於黃埔的茶飲店。花斑茶社本來就有很多分店，雖然不至於"總有一間在左近"，但至少在我的生活社圈內老是常出現，久而久之，便成了我不停回訪的茶飲店，也是我最喜愛的本地茶飲店之一。花斑茶社最近和本地創作品牌「胡氏這一家」 合作，紙杯自然換上了可愛的包裝 ，而餐廳處處也不乏胡老太的身影，很是可愛 ♡ ⋆_____ᴛᴏᴛᴀʟ ᴏʀᴅᴇʀ______⋆° 桂花烏龍奶茶+寒天 ★ $33° 鳳梨綠茶 ★ $28  ___⋆ ⋆ ___✨ 桂花烏龍奶茶+寒天 🍹這杯已經回購多次了~其實每次我都告訴自己下次要試新口味，但最後又又又又是點了這杯桂花烏龍奶茶(笑。桂花的淡雅清香與奶茶的濃郁超級配搭，自己私心很喜歡這種口味~香甜不膩，且口感順滑。 另外加配寒天，Q彈煙韌~ 非常推介～✨ 鳳梨綠茶 🍹鳳梨味芳香突出，酸酸甜甜，清爽開胃！水果配茶本來就天作之合，果味清香，茶味餘韻回甘!而且茶底更有鳳梨碎粒，每口都吃到果粒，口感更豐富~尤其在這個濕熱的天氣喝這個更清爽喔~❤️

係黃埔行街行到熱熱地，走咗去「花斑茶社」買杯嘢飲解吓渴先！見佢新推出兩款果茶，夠晒清新🧊好有衝動飲吓，係呢個轉季日子解解渴！#荔枝玫瑰烏龍荔枝味係我心水，配埋玫瑰烏龍就好夾！陣陣嘅花果香嘅荔枝玫瑰烏龍茶，唔造作，仲可以安神又養顏。#完熟蘋果冰茶可以配四季春or紅茶，我就揀咗四季春，清香嘅茶底，仲有埋豐富蘋果肉，口感豐富！

本人於三月二十六日和朋友在店購買兩杯飲料，當前店外未有太多客人。十五分鐘後不斷有比我後的單號已經取得飲料，本人就向當時黑衫店員詢問，他只本示等等，並入水吧詢問，之後再無任何回覆，只有在按電話。五分鐘後再向另一店員詢間，佢亦只有表示等等。最後本人等了二十五分鐘才領得飲料，當時黑衫店員將飲品放在枱上並指向飲料，連最基本道謝或歉意亦無表示，只有回到收銀位置持續黑面。起初我向該店員投訴，他完全沒有理會。及後本人要求該店員道歉，他只表示已向水吧追單，已負自己責任。最後本人在店爭論，並再三要求道歉，他才不情不願地道歉。對本人希望向經理及提供其他渠道投訴，他亦沒有回答。態度之差，實在令人驚訝及難以接受。其中一杯飲品，更沖調及擺放超過15分鐘才一併和漏單的飲品一同給予。飲品內的冰早已溶掉，稀釋了原本的奶茶，味道甚是惡劣。是次的體驗，無論是飲品品質，員工態度，等候的時間，都和本人一直以來光顧，存在很大落差，以後還是不了。

熱桂花烏龍奶茶加珍珠$30見到好似好正，但份量比我想像中細；第一口就飲到茶味，不過唔算濃，珍珠咬口正常。正體不過不失，但就無乜驚喜，這個質素覺得貴咗少少，試過就算😜