花月庭 (已結業)

得知準備要結業 一早book定嚟食..呢度自助餐性價比真係好高 平得來超級多嘢食 我哋瘋狂食咗好多生蠔、龍蝦、蟹腳 全部刺身都好新鮮 西冷同埋羊架都好好食 甜品種類亦都好多🥹I will miss you!

這餐應該是第六次食花月庭，水準保持得不錯。首先驚喜的是四位用餐可以送一樽佛跳牆，入邊有雞髀花膠海參鮑魚，個湯飲落去相當濃味👍🏻第二個驚喜位是想不到生蠔相當飽滿鮮甜，冇人排隊的時候可以每人拎四隻，當晚我都拎咗三轉🤭芝士龍蝦應該比疫情前細隻咗，我覺得味道一般，可能係廚師喺芝士面隨便噴兩下火槍，連芝士都未變色，底下龍蝦肉還是冷冰冰的，反而老公話好味，拎咗兩三隻🤔甜品選擇唔係好多，但味道都唔錯。刺身只吃了三文魚，起初看顏色不是很色澤飽滿，吃起來卻相當彈牙鮮甜👍🏻遺憾是沒有帶子刺身，不過這個價錢有生蠔龍蝦食還能要求什麼呢😆整晚侍應服務周到，勤收餐碟👍🏻

父親生日，帶埋老婆仔女同佢一齊出去慶生，柬左花月庭餐廳食自助餐。價錢相比起其他酒店便宜，值係野食一d都唔失禮，生蠔大隻新鮮兼好味，仲有火燒芝士龍蝦，非常多肉，而且味道都好出色，4個人送一鐘佛跳牆，好足料，味道都恰到好處。食左佢地個印度咖哩薄餅，咖啡味唔錯，但個薄餅唔係太脆，可能放得太奈，甜品方便，佢地個限定疏乎厘都非常好食，可惜佢係限定，派完就無，再食佢地個燉奶，我食左5個，味道可想而知。綜合嚟講非常出色，下次會再食

今日我地去位於旺角東鐵站傍, 酒店接通新世紀廣場,嘅旺角帝京酒店花月庭食自助午餐,原價收費每位$388再加一, 我地係KLOOK買$630/2位已包加一, 由12:00食到4:00, 足足有4個鐘頭時間慢慢食.介紹下有乜食先.冷盤: 青口都幾鮮, 有啲肉唔細隻, 唔錯凍蝦都好新鮮, 肉質爽甜, 係細隻左啲蜆仔冇沙但比較瘦, 鮮味一般墨魚仔幾爽口, 係淡味左啲, 都OK沙律菜有四款, 可以隨自己喜好去選擇,仲有紅腰豆、粟米配四款沙律醬食跟著到即開美國生蠔,  生蠔都好新鮮, 海水味唔重, 都鮮甜, 係有小小蠔殼碎壽司卷物有三款, 同三款日式小食, 刺身有三文魚、立魚、鯖魚同魷魚,個海蜇小食咸左啲, 兩份卷物都一般, 飯比較乾,三文魚唔錯, 新鮮厚切冇根, 但件魚生唔凍,好似放係室溫咁,油脂都多, 食得多會膩, 食幾片就夠.南瓜沙律,野菌沙律,長通粉沙律,蓮藕沙律,紅菜頭沙律,口水雞三款唔同嘅芝士,另外有溫泉蛋,豆腐小食,鴨胸OK! 咸菜豬肚湯, 港式羅宋湯, 豬腳薑, 有冷烏冬同冷麵個羅宋湯真係幾港式, 同餐廳嗰啲差唔多,多菜唔見肉, 豬腳薑, 豬腳好淋, 薑比較老多渣, 蛋唔入味印度薄

好耐無去花月庭食自助餐了﹗原來餐廳換了個新形象，感覺舒適明亮。除了裝潢上的改變，連食物種類質素也全面升級了啊﹗  多款冰鎮海鮮，除了鱈場蟹腳外，這次特別加入在自助餐上少有的潮式凍蟹、凍瀨尿蝦、凍東風螺，另外還有熟海蝦、藍青口及蜆等，海鮮控不要錯過啦﹗  即開美國生蠔，肥美又creamy。燒生蠔也鮮味十足，香蒜薑蔥燒生蠔，蠔身鋪滿炸香的黃金蒜蓉及蔥粒後，以高溫燒熟，蠔肉吸收了蒜香，特別惹味；另有煙肉芝士焗蠔及青醬芝士焗蠔，芝味十足。當然，也有極吸引的火炙黑松露忌廉汁波士頓龍蝦，新鮮龍蝦肉爽口彈牙，鮮甜美味，鋪滿特調的黑松露忌廉汁，香氣撲鼻。 於推廣期內每滿 4位收費客人惠顧自助晚餐，即送迷你佛跳牆乙客，用料十足，一次過有齊智利鮑魚、中東海參、優質花膠、厚身花菇及瑤柱，用金華火腿熬製5-6小時，燜煮得鮮味軟滑，超級滋味養顏﹗烤肉區有燒紐西蘭大骨扒、 酥皮菠菜焗挪威三文魚、燒羊架及香腸。 和風美食方面，把香田日式料理餐廳的和式料理都帶進來了，火炙紐西蘭深水小龍蝦壽司、柚子胡椒松葉蟹肉脆餅、鮟鱇魚乾醬泡芙、日式醬油溏心蛋、香蔥吞拿魚軍艦、冷烏冬、蕎麥麵等等......廚師更會即席烹煮湯拉麵，亦

繽FUN仲夏成班好友聚首一堂，難得齊人見面，一於到花月庭嘆返個自助晚餐，有齊一系列醒胃美食、潮洲滷水美食、即煮拉麵以及各式各樣意式海鮮、即開生蠔、巨型梳乎厘等等，食得飽飽棒住個肚走，又可以傾足一晚，開心聚會!!餐廳經裝修後變得更明亮光猛，座位闊落舒適，空間感足。特別一讚食物區劃分得夠清晰，排列整齊有序～飲品區提供無限暢飲，推介凍柑桔綠茶及檸檬薄荷水，清爽又解暑！亦有自助咖啡機～是夜自助晚餐以繽FUN夏日美食巡禮自助晚餐為主題，必食各款意式海鮮，特別推介即開生蠔、火炙龍蝦、瀨尿蝦及鱈場蟹腳！沙律區有多款新鮮沙律菜，可隨喜好配上香甜車厘茄、健康乾果等，之後再淋上自選沙律醬汁～冷盤有意大利沙樂美腸、煙三文魚、煙鴨胸等，當然唔少得我最愛既芝士拼盤，有齊四款選擇！發達芝士藜麥西瓜沙律及日式溫泉蛋同樣吸引！我更一口氣食了2隻滑溜溫泉蛋～即開生蠔Keep住都有人龍，海水味及鮮味都好出色，大大隻，夠哂肥美creamy，可以任取真係岩哂一眾生蠔迷！日式美食有刺身、壽司、串燒、天婦羅、日式小食、冷烏冬、蕎麥麵等，最愛鮮美爽脆馬刀貝及魚油豐盈三文魚；香蔥吞拿魚軍艦濃郁甘香；柚子胡椒松葉蟹肉脆餅，啖啖鮮甜蟹肉

我呢個過氣黑洞爛船都有三分釘！所以食自助餐對我嚟講其實仲係好吸引，知道呢間酒店嘅自助餐做緊特價食足四粒鐘都係五百零蚊一位，即刻約埋朋友訂枱去開餐勁㗎啦。今次喺帝京酒店官網買自助餐券只係用咗$1050/兩位就可以喺平日花月庭食到四個鐘頭全程嘅繽FUN夏日美食巡禮自助晚餐，呢個價錢已經包埋加一真係抵到冇朋友㗎。呢個自助餐除咗有任食之外仲有任飲！有凍又熱大人細路都有啱嘅飲品，好似有凍檸檬薄荷水、凍檸檬茶、凍柑桔綠茶、自助的咖啡機同埋熱飲機咁。冰凍海鮮今次有好多款揀好似青口、大蝦、蜆、瀨尿蝦、潮式凍蟹、鱈場蟹腳同埋我最like嘅東風螺。有老婆大人喺度我梗係可以食殘廢餐啦哈哈！由佢剝俾我食嘅賴尿蝦特別鮮甜，呢啲本地嘅賴尿蝦我覺得好食過外國貨好多囉，呢個東風螺唔係白烚咁簡單㗎！師傅將佢浸過味所以食落去除咗鮮甜仲有朕香味添。海鮮仲有男人恩物即開美國生蠔任食嘻嘻！生蠔夠晒新鮮肥美食落仲好鬼滑溜呢，我呢晚係咁咦食咗半打咋，除咗生蠔仲有焗蠔今晚有三樣唔同嘅味道揀，我就最鍾意食完呵氣如蘭嘅香蒜薑蔥燒生蠔，夠晒惹味啱我呢啲鍾意重口味嘅人。想食得健康嘅有大量嘅沙律菜俾你揀，仲有啲乾果、車厘茄、青瓜同埋法邊豆呀咁

車媽媽有不少朋友仔在7月生日吃生日飯當然是少不了的事！人多的時候最好便是到酒店嘆自助餐來慶生，皆因每一位朋友也可以吃到自己喜歡的美食嘛，這一趟揀選了Buffet Line超長出品又穩定的花月庭 La Scala來跟好友慶生，相信壽星仔這夜必定會吃得很開心，一段時間沒來原來自助餐區已重新裝飾過！看上去比從前光猛又明亮了食物，連食物看上去也變得更加吸睛，我最喜歡自助餐有無限暢飲供應！可以任嘆冷、熱飲品花月庭便是其中一間，這夜凍飲有合我口味沒甜的檸檬薄荷水，喜歡甜飲的朋友則有凍檸檬茶及凍柑桔綠茶可以選擇，至於熱飲方面有自助的咖啡機和熱飲機，供應多款咖啡和甜美熱騰騰飲品，這趟主題名為*繽FUN夏日美食巡禮*自助晚餐雲集中西日港式經典美饌，先走到冰鎮海鮮區八一八！看見今天冰鎮海鮮陣容超級豐富，當中包括有青口、海蝦、鮮蜆、瀨尿蝦、潮式凍蟹、鱈場蟹腳及本土味濃的東風螺。冰鎮海鮮旁邊放了數款新鮮的沙律菜，然後還有乾果、車厘茄、青瓜、法邊豆及漬物等，更放置了各式的醬汁喜歡怎樣口味的沙律碟可以自己話事。然後走到凍肉區這兒有多款凍肉可供選擇！包括有煙鴨胸、凍肉拼盤、意大利沙樂美腸、煙三文魚及高柏火腿，連接著

花月庭由2023年7月1日至10月2日呈獻全新的「繽FUN夏日美食巡禮」，淡木色tone非常有夏日感，而火車軌則呼喚酒店大堂期間限定的夢幻號列車，也令用餐氣氛添了不少動力，這次更融入多款香田的招牌美食，實行與客人一起迎接繽紛夏日。多款日式料理包括關東煮、日式叉燒拉麵、新鮮刺身、壽司、爐端燒、鰻魚酥物、日式醬油溏心蛋、利昆布湯豆腐鍋、唐揚炸雞伴五色他他醬…等等。除了日式美食外，更有多款港式美食、凍海鮮、青口、大蜆、雪場蟹腳、美國蠔、潮式凍蟹、凍瀨尿蝦、蒜香紙包骨、茄汁乾煎蝦碌、避風塘炒蟹、鬼馬油炸鬼、懷舊錦滷雲吞、懷舊炸油糍、足料碗仔翅、沙田雞粥、潮式滷味、印度食品⋯等等。多款港式經典甜點，於週一至四供應的巨型梳乎厘、週五至日的火焰雪山，鬼馬蛋糕系列的「燒鵝髀飯」(熱情果牛奶朱古力香蕉慕絲蛋糕)、蓮蓉西米焗布甸、龍鬚糖、港式拿破崙、港式酥皮蛋撻、凍鴛鴦布甸、意式櫻桃泡芙…等等；還有意大利純素芝士蛋糕、純素櫻花水信玄餅、無添加糖有機豆乳忌廉蛋糕和草莓杏仁布甸、無麩質抹茶燕麥糠布甸及香橙燉蛋等，甜品控又點抵擋呢！人多好辦事，試了幾大碟十多廿款甜點，大家都吃得很滿意！這個巨型「焗芝士梳乎厘」自

以往有燉湯自行取用，現在加咗價，今天要四人先才送一大盅燉湯，我今次只得兩個人去，所以沒有送燉湯，大家一樣畀咁多錢，點解要四人以上先有，太不公平。還有，今天有火焰龍蝦， 咁我就排隊攞兩份，跟住工作人員同我講話多人排隊，而且寫明一人只可取一份，我就望一望，呀係喎，咁我又再排隊攞，其實佢話好多人只不過得兩個人在我後面，佢都要我再排 ，服務可否靈活一點呢？！如果是限量，我同意要再排隊，但係長時間供應就不應要顧客兩個人喺後面都要再排。 😡😡😡😡😡

原來有成兩年沒來帝京的花月庭食Buffet，難得齊人，又柴娃娃去高興下。濶別兩年，環境有些少唔同左，加了淡木色既設計帶出日本風，係簡約禪味的和風氣質，小小改變已令成件事唔同晒。嘢食方面，生蠔依然是港人至愛的項目，自當也是這裡的賣相。另外的凍海鮮除左蟹腳、凍蝦等以外，今期更加插了凍瀨尿蝦，與及潮式凍蟹，在炎炎夏日吃到這些，是爽的。講開海鮮，就繼續講落去。熱食既如避風塘炒蟹、茄汁煎蝦碌，以至焗龍蝦，同埋焗蠔，均是值得品嚐的款式。潮式鹵水，好少係自助餐會見到，唔使係街頭熱辣辣打冷，安坐酒店吃的鹵水鴨片、腩肉和百葉結都好入味。每四人惠顧，就會送迷你佛跳牆。有齊鮑魚、海參、花膠、花菇及瑤柱等，夠晒足料，喝得舒服，在自助餐食到佛跳牆，無話可說啦~既然將餐廳環境都走和風路線，自然會保留唔少日本食物，壽司刺身不在話下，麵檔中還有叉燒湯拉麵，仲有關東煮等，不過在這個天氣，我最想吃的都是凍麵。帝京既鬼馬蛋糕相信唔使我多介紹，總之係見到會嘩嘩聲既出品。眼前既呢碗『燒鵝髀飯』，查實係熱情果牛奶朱古力香蕉慕絲蛋糕，最頂癮係佢燒鵝皮與肉中間的肥脂都模仿埋出嚟，細節位做到足，唔到你唔服。各式蛋糕、其他的甜品如西米布

約咗第一時段排隊都很順利，大約5分鐘內已經安排入座。環境有少少迫，但係服務態度搭救尚算滿意。張枱唔算太大，自己放一隻碟就啱啱好。食物種類算多勁多甜品和糖果小朋友最喜歡。另外排生蠔時間，五至10分鐘算OK。整體都滿意，有機會會再幫襯。

今日黎到帝京酒店花月庭食自助餐，經openrice訂位後午市每人$315，以自助餐黎講算係十分經濟實惠。野食方面，刺身有三文魚、鯖魚、立魚及魷魚，都算新鮮的。凍海鮮食左青口、墨魚仔及凍海蝦，質素一般。熱薰方面較好既有韓式炸雞、豬肋骨、鯖魚、魚柳、焗薯仔、紅酒燴牛肉、豬頸肉；麻麻地既有日式豬柳、燒美國肉眼、金門火腿。另外有d冇食到既有肉醬意粉、咖哩雞及滷水燒味都幾搶手，可能都唔錯。甜品方面我見都有好多選擇，自己推薦藍莓芝士蛋糕。整體黎講我覺得$315黎講係值回價錢。