花月庭 (已結業)

早排妹妹問我同媽媽去吾去帝京食LUNCH BUFFET，我成日聽人講呢間好好食，但我從未食過，咁佢地BOOK到位就試下.....入去到，好多人，D枱擺得好密，張枱又細，放多一碟都覺得迫.....坐得吾係咁自在...我先食個沙律，再排隊攞蠔，呢度都好多嘢食同飲品選擇，凍盤有蝦、蟹腳、翡翠螺、蜆，刺身有鯖魚、三文魚、吞拿魚、魷魚...因為有好多款嘢食，我都吾係太記得，我攞咗意粉、少少瓜菜、魚、义燒，味道OK，凍盤我食左蟹腳、蠔、魚生，是OK的，不過都係每樣食一轉，最後食左碗泰式船麵，仙草芋圓同雪糕，整體食物OK一般般......但又冇人地講得咁好，吾知係而家轉左型差了還是什麼喇....可能太多人，有點侷促同擠迫，如有下次要好好再品嚐....

不經常吃自助餐，選了大家評分不錯的這店。這裡很多食客是身材是 XXXL 。証明質量有保証了。似乎人很多。道路顯擠迫。服務水平也不錯。食物約4／5分水平。午餐價格算不貴吧。喜歡他的甜品 與 蒸雞 咖哩雞 與 印度脆片。海鮮不多但我不喜海鮮。飲品隨意添，咖啡味質量不錯。（這app 取圖太慢。沒法上圖了）

第一次去花月庭感覺上好迫好似個街市咁啲嘢食要同人爭，布飛黎講次次去到長腳蟹區域啲蟹都差唔多冇晒，鋪貨不足，飲品類太差想食個生蠔都要排幾個字仲要得兩隻，時間都過埋。。。。。。。。。。。。。。。。。。。。。。。。。。。。。。

諗好點用消費券未呢？  我一早已經諗好去食自助餐啦﹗  趁著花月庭La Scala聯乘《比得兔2：走佬日記》推出尋兔樂園自助晚餐，趣緻又可愛，自助餐控當然要來大吃大喝一餐啦﹗      比得兔主題甜品區得實在太吸眼球啦，大人小朋友都忍不住要相機食先﹗ 同時，餐廳更主打多款矜貴美食，勁滿足呀﹗  首要推介的，是鐵板蒜香牛油波士頓龍蝦。經過鐵板區，正看到廚師在彈性十足的波士頓龍蝦肉上鋪滿蒜蓉和芝士，再在鐵板上以牛油煎香，香氣撲鼻，我已經在吞口水中﹗趁芝士半溶時，與充滿鮮味的龍蝦一同吃下，好味程度升級 正好旁邊是取翡翠蠔皇鮑魚的，凡惠顧星期一至四全時段自助晚餐，每位客人可額外獲贈乙客， 一口鮑魚，肉質肥美，口感煙韌，配上大廚烹煮的秘製蠔皇醬汁，鮮味濃郁。 香軟鴨肝，入口即溶。行過少少，就是爐端燒的一區，有火炙香蔥澳洲M5和牛，脂肪分佈平均，肉味濃郁又juicy，那香氣實在讓人欲罷不能﹗ 蒲燒鰻魚串燒、鹽蔥雞肉串、鹽燒鯖魚、秋葵天婦羅等等，絕不能錯過呀﹗冰鎮海鮮有麵包蟹、爽彈鮮甜的凍波士頓龍蝦、熟海蝦、翡翠螺、青口、蜆等等，海鮮迷如我非常興奮，一次過可以吃盡多款海鮮，還有，Creamy又肉厚的

喺旺角平平地可以由2：45坐到5：00都只係每人$228，抵呀～喺開飯app訂枱有折$228，朋友55歲再減20蚊，仲要唔洗加一，食物都好多種類，同乾淨。下午茶黎講有生蠔真係幾好，美國"疴屎卡"…🤪有2個師傅即開，排隊每次每人拎2隻，幾乾淨衛生，只有因為都要排幾分鐘，所以我只排2次4隻😭甜品都好多款，中式西式都有勁多，可以自己拎嘅，但雪糕就有員工幫你“筆”嘅m字頭品牌，飲品都好多款，橙汁coffee都一定有，另外有啲綠色柚子蜜都有啲驚喜(係好飲嘅)，都有員工會幫手嘅，好乾淨，唔會搞到周圍汁凍食有虾同青口都可以，中式蒸魚都食咗2舊，好滑無"send未"😋，仲嗌咗碗車仔米食，每款比1粒你可以試到幾款。另外比較細心係，收碟好快，每枱用具都有用保鮮紙包住，入面有乾紙巾同濕紙巾，手袋同外套都有保護套幫你包住。當日2點半已經開始排隊，同都起碼超過5、60人，但安排都幾快，2：50都差不多入晒場 👍PS成晚都無肚痾，正明好乾淨，唔會將價就貨

今日難得同家姐夾到時間，就帶埋母親大人一齊食個buffet先。 花月庭其實試過好多次了，今次再來，總算無失望,一如既往選擇仍然好多，而且甜品仍然好吸引，大家仍然食得開心。海鮮當然吾多，但有生𧐢（喜出望外）有蝦、青口、刺身、壽司，下午茶來講算Ok la😊,而且熟食同甜品超多選擇，絕對滿足。值得推介。

都成年冇食過呢間既自助餐 之前成日都會黎食 從來都冇失望過 之前食既全時段自助晚餐價錢都唔平 但個價錢同返食物既質素比 絕對係值得 今次難得見到社交平台有優惠 食全時段自助晚餐只係每人四百幾 仲可以仼飲紅酒同白酒 另外每位仲送翡翠蠔皇鮑魚一隻 見到咁抵又咁耐冇食 梗係要帶屋企人去試下啦 我地係平日星期四夜晚六點準時去到餐廳 當時餐廳都未full晒 仲有好多位淨 但去到八點既時候就開始full左 都幾多人食 首先 一去到我地先食下啲海鮮先 海鮮既款式其實都有好多款 有蟹腳 海蝦 蜆 兩款青口 仲有生蠔 海鮮全部食落都好新鮮 特別係蟹腳 食落好鮮甜 啲肉都幾實肉 我地都覺得係咁多款海鮮入面最好味 之後就係海蝦 又係好新鮮好好味 其他海鮮我就冇試 但屋企人就話麻麻地 食落冇味 不過餐廳都會不停refill啲海鮮 唔會話冇晒 唯一要排隊拎既海鮮就係生蠔 不過都好快 幾分鐘就拎到 每次每人限拎兩隻 但就好細隻 同埋食落又係冇味 海鮮仲有熱食既即整既芝士龍蝦 呢個又係勁多人排隊 排既時間仲要比較幫 我地就對龍蝦冇乜興趣 不過都拎左隻黎試下 咬落去好硬身 好難先咬得到 呢個可以唔洗晒時間排隊拎 另外

兩點半去到 有過百人排隊 場面太誇張 估唔到平日已經咁爆場 入到去已經三點 大家都排隊攞嘢食 我用十分鐘時間 好快攞完一輪 首先試咗生蠔 生蠔細隻 海水味有少少 沖走左好多味 但味道還可以 應該食左1打半左右 刺身質素差左少少 希望有改善 後期已冇咩人排海蝦驚奇地好味 彈牙鮮甜又有蝦膏 正 翻兜左幾轉 海南雞都好味 唔記得咗影相熟食冇咩食試到 因為要留肚食泰式粉面🤣🤣本人食左3碗 每碗份量唔多 有冬陰功湯豬骨湯 我就覺得豬骨湯好食過冬陰功湯 食完呢幾款嘢已經差不多夠鐘 冇時間試甜品生果 🤪🤪 好彩食咗Movenpick雪糕🍦👍🏻👍🏻 另外飲品有五款 凍檸茶凍朱古力凍奶茶橙汁柚子蜜 吾錯 下次可以再去食

和朋友食下午自助餐，帶著一般期望，反而有驚喜。即開生蠔新鮮美味，開蠔員工非常好禮貌，每次比客食物都講多謝👍甜品亦都很出色，有很多款式，見到都心花怒放，食過不停口

因為首100名有折扣優惠，所以成人只需$269+10%，十分抵食。自助餐午餐在12:00開始，在11:55已有二十人排隊進入。準時12:00開始，一開始生壕部份已有一條長長人龍，目測有30人以上，我估計我不會在30mins內排到食物。所以先選熟食，特別咖哩味道不錯，另外海南雞飯味道可口，雞肉柔嫩幼滑，令我們一試再試。而甜品，我推介荳腐花，豆味充足。其他食物就普通。不過，價格太抵，除了人多及冷盤普通，也是值得去。

為慶祝生日加父親節，今日同媽媽、老公及奶奶佢哋黎食晚上自助餐，我同老公有免費套票，所以只是俾3個人價錢，加上信用卡優惠就更抵食這間一直口卑唔錯，環境又寬頻又乾淨又舒適，幾滿意的感覺前菜：有沙律、海鮮、壽司、芝士、火腿等，因為懷孕所以我無得食，但佢哋話幾新鮮，特別是長腳蟹及蝦，螺就有沙；我食咗啲特式壽司，推薦鰻魚的，細細件好食另外有即點即開生蠔，但又因為懷孕，加上佢哋唔食生嘢，所以無試；不過好多人排長龍熱食：串燒、天婦羅、焗燒龍蝦、鵝肝、船麵、即切牛扒、羊架、燒肉、豬手等、魚、咖哩羊及薄餅等等，味道唔錯，唔會好咸我們是全時段的，所以有這個鮑魚送，都幾諗又有菜，醬汁不錯甜品：有格餅、多款蛋糕、豆腐花、軟糖、M字雪糕、小雪櫃可自取甜品，推薦：芝麻糕整體來講，都唔錯好滿足又開心服務唔錯，效率都好高

花月庭喺我哋個家族捧場咗好多年今星期再有discount一行9人分3張枱都無損雅興去食久違嘅buffet 但好可惜幾多食物都令人失望魚生無味牛扒、羊架超硬只有甜品稍好雪糕原廠出無咩出事但老公話雪巴都係唔掂加上埋單無扣返deposit我哋返到屋企check單先睇到雖然會退返錢（中間都有d波折話打返比我又要我隔2日再追問）但一來食物大不如前二來服務都幾大意從未試過食buffet無食飽就走睇嚟哩次會係最後一次幫襯😢

今次食係芒果做主題，以為會有好多芒果🥭甜品，但望過晒，都係得4-5種，有點失望，芒果布甸味道都算有香濃芒果味，3.6牛乳布甸都好食，士多啤梨蛋糕🍰冇土多啤梨味生蠔🦪係比較瘦😂而且每次只可以攞2粒，所以要排多幾轉。今次係美國🇺🇸生蠔🦪，都算新鮮，即開即沖，所以排隊都要花5分鐘左右先攞到一次沙律🥗自己配，菜種類得4種：西生菜，紅椰菜，豆苗，生菜🥬，反而沙律汁多選擇，有黑醋，千島，沙律，芝麻醬等等，仲可以加芝士粉，面包粒，粟米🌽，紅豆等，我自己就加埋煙三文魚，蛋絲，醃青瓜，醃牛旁水果得3個選擇：菠蘿（吾係好甜，不算新鮮），西瓜🍉，哈密瓜刺生得四款：三文魚，希靈魚，魷魚，仲有一種忘記係咩魚，我冇試，吾知新吾新鮮雪糕有movenpick 4種味道甜品種類繁多，但冇左我喜歡食的土多啤梨酥有車仔面，有粥檔，雞及叉燒檔，但我都冇食有仙草，豆腐花，我mix左2隻一齊食，都吾錯海鮮：蝦（爽脆），青口（冇食）飲品少種類：只有朱古力，奶茶，桃茶（好甜），紅茶（冇糖），水（檸檬都冇片）（吾見有橙汁攞，但見有人飲，吾知係吾係要加錢）味道來講：整體都算好味用左openrice 優惠，都好抵食

今日同家姐細妹去咗花月庭食午餐buffet,本來細妹話請我哋去半島，點知full到十月先有位，而家唔同疫情好似好咗所以好多人都放鬆出去消費，到到都人山人海，咁我提議呢間，價錢唔貴又有蠔食，家姐同妹妹最愛，而我就唔喜歡，但呢間食物款式好多，時間就2個半鐘，唔同一般酒店有3個半鐘，因為呢個都分好多時段，12點又喺full哂，只有2：30到5：00，只好呢個時間而且還要坐得好遠，可能人真係太多，昨日都打嚟確實資料，呢個時間食完晚餐就唔洗食，平時食12點晚餐都唔洗食呢個時間就更加，食物真係多到都試唔哂，今次都無食魚生，甜品就更加無試，蠔家姐同阿妹都係食咗2只，實咗太多人，每次只攞2只又大排長龍，車仔麵又排，海南雞又排，雖然太多人但家姐好開心話下次可以再嚟食，我就覺得到到都要排就唔太好，太耐無試過咁，太多人又補唔切啲食物，啲人都可能嚟慣，我們早到十分鐘已經排得好長，入到去見好多人已經攞嘢食，到4點好多食物都無或者唔refill, 所以想再食都未必有，飲品款式都多但都只係飲咗杯咖啡，家姐同阿妹就飲綠茶，食完行一陣就回家，太耐無出去，度度都好多人買咗需要的嘢就各自回家，老公今日要返工，啲囡又唔洗返嚟

一家四口去咗旺角帝京酒店花月庭食自助午餐，連加一$2711位。 服務環境方面，服務好正常，食完收碟都好快，平日都好多人食呢間自助餐就有d驚訝，如果唔book應該冇得食。食物種類方面，基本沙律菜、茶一定有，海鮮會有墨魚仔、蝦、藍青口等，仲有即開生蠔，本人係唔食生野，身邊同伴話生蠔都ok,呢個價位有生蠔算唔錯。刺身同壽司都有幾款，味道正常。熱食方面，會有基本粉麵、粥。但熱盤款食真係好普通，有d失望。例如：咖哩雞、魚香茄子、腩肉炒西芹、蒜蓉蒸魚柳、忌廉意粉、椒鹽三文魚、所以食自助餐尼講吸引唔到我拎好多，好快就唔想拎。而且佢又冇pizza,點心得珍珠雞，好似真係款式小左d。甜品方面，呢到甜品有好多選擇，而今次自助餐係用芒果做主題，所以都有好多芒果甜品，我都拎左差唔多全部同朋友仔share食，個人覺得味道都正常，但未到好有驚喜，咁多樣甜品我覺得芒果伯爵茶拿破崙最好食。除左蛋糕外，呢到都有movenpick雪糕任食。所以我今次食自助餐食得最多係甜品😂😂😂整體尼講，$271連加一呢個價位同食物質素正常。如果想簡簡單單又唔想太貴食自助餐，呢到都係一個值得選擇地方。