花見•幸福 (已結業)

呢度啲嘢幾多食！我哋2個人叫咗幾樣嘢，大部分自己煮，幾好玩，個waitress會主動過黎幫手，幾helpful! 👍🏻 想食好啲，叫咗A5和牛，入口即溶，good!又叫埋美國Angus牛肉薄燒，入面有蒜片同葱，好香，食完仲想再食！😝呢個炒麵奄列好似有啲難度，所以叫佢哋煮，啲麵俾蛋包住咗，跟住蛋上面加咗啲醬汁好野味，又加埋Mayonnaise，正！賣相唔錯，啲麵好入味！整體: 幾好食，服務唔錯，可以自己煮幾特別！😊

食物九成喺雪櫃拎出嚟，無味道，唯一好啲係交嚟嘅食物如腸仔…炸雞翼也零味道果度好嘢!所有嘢都等好耐…不換碟不加茶，叫炒飯都要等成半個鐘，等咁耐仲唔比人cancel。食物，服務都劣等，請都唔會再嚟

之前朋友大力推介呢間DIY鐵板燒同大阪燒餐廳，佢話又好食又好玩，服務又體貼. 今次我的幾個朋友聚會，咁就試吓呢間係唔係真係咁正先！訂咗枱，所以唔使等！環境幾寛敞，感覺都幾舒服. 👍🏻不過我朋友個位係風口位，啲冷氣吹住好凍! 喺佢想出聲之前，個經理原來已經察覺到仲主動出聲話會較細啲個冷氣，值得一讚！佢哋新出咗個好抵食嘅優惠，6折價錢就可以食到2人份量嘅海鮮盛合，而家只係$298，又有鮑魚，又有北海道帆立貝大大隻，大海虎蝦等等，梗係叫咗啦！樣樣都好新鮮，啲待應又好有耐性咁每樣嘢教我哋點煮，仲喺適當時候出手協助我哋煮添，嘢食好好味! 😋 (重點係我自己親手煮都咁好味，啲Friend又大讚我，真係有啲飄飄然添! 😝) DIY都幾過癮，可以一嘗大廚嘅感覺！仲可以半價追加大阪燒同梳乎厘班戟，慳抵食！叫咗個”花見幸福御好燒”，我個朋友煮，無難度，好容易就煮得好靚同好味道！😋😋😋仲叫咗啲小食，推介花見清酒雞翼(好入味）、味淋魚乾(用黎送啤酒🍻一流）、Wasabi雞翼! 我哋唔小心跌咗一隻雞翼落地下，職員見到，佢居然話補番俾我哋，最後仲補夠兩隻雞翼添！😍最後仲玩埋梳乎厘Pancake添，第一次自己做梳

難得周未約齊一班好姊妹出來聚會一定要去試新嘢，分別搜尋尖沙咀幾間餐廳，其中睇到厚福街 H8有間自製鐵板燒，最正係餐廳名叫 “花見．幸福" ，嘩！真係聽名都想去潮聖一下～我地提早Book位，6:30pm來到說安排了入座，入到去感覺不錯好舒服 ，每個座位上都有一個鐵板燒，侍應又有禮貌會問我地想自己燒，還是想師傅燒？我地就一定選擇自己煮一行4人叫2 sets 2人海鮮盛合、豚肉御好燒、海鮮炒麵、梳梳乎厘、叫4杯飲品(梳打、汽水）首先第一樣來到是海鮮盛合，雖然枱上有食譜、計時器、調味料教你煮方法，但侍應都很細心會講解每個步驟一次想起我上次去門口有一個大公仔的某日本鐵板燒餐侍應沒有禮貌，只是叫你自己睇食譜服務態度好差相比好好多，真係值得一讚海鮮盛合～好新鮮御好燒～·燒出來唔算多粉，肉同菜分量剛剛好炒麵～預期好味不會太油、加御好燒醬炒好香好好食總括來說不錯，下次再想食鐵板燒一定會想起 "花見。幸福" 先，地點又方便，座位又舒服、食完離開身上又唔太大油煙味、朋友聚會又得玩又得食值得一試

呀女生日，諗住同佢食個新奇、好玩嘅飯，點知好唔開心!首先去到安排坐位而經差!我地5個大人，佢居然俾張四人枱第五人要坐走廊位，而當晚係星期二得3枱客，有好多位置可以安排，點解要我地咁樣坐呢？要我地作出投訴侍應生至俾個較寬敞位置!☹到自己動手整食物時，因第一次黎呢種餐廳，唔知道御好燒嘅製作方法，侍應生居然無俾醬汁和木魚我地令到第一個御好燒無喱味道😫做第二個時另一個侍應生攞黎至知。去到最尾梗要食佢本店講嘅自己動手做梳乎厘啦！點知😠等得耐唔講，制作時已經覺得好奇怪，俾個好似厠紙筒嘅長筒紙，棟高佢然後叫呀女放D梳乎厘漿落去鐵板燒，問題係筒身高蛋漿小，蛋漿大部份黐住喺張紙度，係鐵板嘅好少，攪好耐至推到落鐵板(ー_ー)!!都算諗住好食就算啦！點知侍應生話ok啦，可以放生果和其他裝飾，然後我地 筆嚟食，簡直想吐返出黎，裏面仲係水咁樣😫根本個蛋漿發唔起好無😠已經食到一肚氣，埋單佢仲要收我切餅費!我俾蛋糕侍應生時點解無講要收費，埋單至黎收錢，如果佢有話我知要收切餅費$50，我一定唔會係嗰度食蛋糕啦！

星期日晚尖沙嘴食飯，見到有soufflé pancake 就入咗呢間餐廳。環境ok 雖然每枱一個鐡板但唔會好油煙，可能因為唔多人。燒魚乾有點太dry。餐廳特別之處係好多野食都要自己燒，我們ordered 海鮮，蝦比扇貝好味。炒菜有椰菜、菇、紅蘿蔔、金菇、芽菜。大板燒都好味。最後當然食soufflé pancake. 無出名甜品店好味，但都成功做到同味道都好，有成功感。餐廳有個menu 教每個餸每個step點煮又有timer provided ，staff 都好helpful 。見隔離枱有小朋友自己diy 用pancake 畫畫，好欣賞餐廳有呢個diy甜品。

同事最鐘意試新開，見到厚福街H8開左新日本餐廳，即刻去試下~主攻自製鐵板燒嘅餐廳，叫左Lunch set，定食提供前菜、飯同湯，可以揀自己燒定係師傅燒，同事就想自己玩~同事叫左美國特級牛小排，鮮嫩多汁的肉質，薄薄的，但稍嫌份量太少，不太滿足我叫左洋葱豚肉生薑燒，份量十足，附上的醬油有甜甜的味和薑味，十分開胃，送飯一流~同事覺得唔夠喉，叫左個花見牛舌，薄薄一片，不會太油膩下次可以試下晚市的自己整御好燒、梳乎厘班戟

🍽diy大阪燒-香港越黎越多大阪燒店道頓掘後千房都香港開店不過依2間太難book 想即興食要walk in等位🤦🏻‍♀️尖沙咀依間開左有一段時間 但人氣不太…即日就book到啦-今次係第二次黎食~裝修其實不錯的, 企理乾淨枱底有籃俾你放野幾細心野食價錢正常我地叫左一個魷魚御好燒$78同一個豚肉御好燒$78黎到要自己撈再煎 侍應會講解~其實個燒唔算多粉, 有好多菜只是略嫌魷魚/豚肉太少, 食既時候感覺無食到lol炒麵$83幾好食 喜歡濃味既可以加御好燒醬😝芝士年糕$28👎🏻油淋淋唔脆覺得成口油之後仲有野飲同埋厚鬆餅鬆餅係依家大熱既梳乎厘pancake~-到我地食完先黎第二枱客…星期五晚咁既情況感覺有點不樂觀吧我地分析過點解依度無人食…最低消費加一前每人$150其實真係貴呀 我地3個人叫埋野飲先食到如果情侶黎又唔想食太多就要格硬叫同埋雖然侍應好helpful好熱情但都有少少煩😅感覺成日被留意住 黎到都係想自己整除非唔想提前book位想即興食應該都唔會再去啦…

一行6人試左幾款燒肉、大阪燒、小食同飲品🥢美國安格斯雪花牛排 (120g) $138：雪花分佈得唔算均勻，但比例算適中，燒完好香油脂味，牛味唔算非常濃🥢美國安格斯牛肉薄燒 (配蒜片+日本蔥) $128：包住蒜同蔥嚟燒係有層次左，不過配料有少少蓋過左牛味🥢串燒盛合 (5串) $89：有金菇牛肉卷，冬菇，日本黑豚肉腸，雞肉串，雞軟骨串；d野都幾細份，味道乜冇特別🥢芝士御好燒 $82：第一次食加左芝士嘅大阪燒，估唔到個鹹香味同大版燒又幾夾，反而無咁膩👍🥢花見幸福御好燒 $108：配料好多，有帆立貝、魷魚、蝦仁、豚肉等等，仲有d類似脆米嘅野，令到個口感好豐富，味道都唔錯🥢义燒味增拉麵 $73：湯底偏鹹，义燒切到好薄，拉麵唔彈牙🥢炒野菜$48 🥢枝豆 $28🥢菠蘿沙冰 $43：本身想叫芒果沙冰但佢話無貨所以先叫菠蘿，但一D菠蘿味都冇，反而係有陣好假嘅老翻芒果汁味😓同伴嘅梳打水同白桃汁都又係勁假總括而言，大阪燒最值得叫，因為好玩得嚟又好食，燒完可以自己加醬汁、木魚碎同紫菜粉；其他食物味道中規中距，野飲就超級伏🤫服務算唔錯，d侍應會好細心咁教你每樣野點燒，又會俾埋計時器你等你跟足指示去燒

朋友見到呢間餐廳星期一至四有優惠，所以膽粗粗走去試下。我同朋友book左星期四，去到個陣發覺餐廳唔算多人，我地未齊人就可入座。叫左兩個御好燒同五串串燒，侍應細心教導點樣燒，再加上有個detailed guide，同埋我地用餐廳提供既計時器計時，話咁快就有得食。值得一提既係串燒好好食，加埋醬汁，正。侍應服務好好，間唔中就睇下我地點，又教我地點整。不過御好燒既醬汁比較稀，同埋個紫菜太碎，但高興既係可以任添木魚碎，因為我同朋友好鍾意食。不過我地大意唔記得埋單時show discount。下次有機會會再去試其他食物，例如pancake 公仔。

放工落大雨同朋友仔飯聚， 膽粗粗就去試下整日本鐵板燒。book咗位唔洗等位( 唔知係你咩人識定太細唔想客人等位) ,一齊叫咗兩個一人前set黎煮，仲要有張卡牌食譜教你點整，正所謂鐵板燒除咗火喉緊要，最重要係d料新鮮同sauce調得好， 所以好好味。到壓軸既御好燒同梳夫里，有店員去從旁協助完全無難度。同朋友又有得玩，又有得食，又有得影相呃like, 值得一試既。

難得朋友聚會，我地就揀左勁有詩意既花見·幸福一齊食晚餐真係望到餐廳名都覺得幸福厄我地提早book位，來到吾使等位，就安排左我地入座。每個座位都有一個鐵板燒，侍應會問我地自己煮定廚房煮，如果自己煮，就開爐俾我地。相反俾廚房煮，就要等45分鐘左右。來到緊係要自己煮拉，夠特色嘛🤩餐牌散叫有分御好燒，沙律/湯，一品料理，鐵板燒，鐵板串燒幾類，另外都有二人套餐。我地揀左散叫，上菜時侍應會教我地點煮，每張枱都有計時器同調味料。我地叫左有:美國安格斯雪花牛排，入口即溶，而且超juicy, 好香牛味，係超超超好味！可惜份量太小，只嘗得一小口🤤美國安格斯牛肉薄燒，入面配有蒜片同日本葱，入口好香蒜味，有吾同層次既口感，值得一食！枝豆，同一般餐廳冇乜分別。串燒盛合，有五串，包括: 金菇肥牛，冬菇，日本黑豚肉腸，雞肉串同雞軟骨串。我地吾記得掃啲汁上去，搞到冇乜味🤣🤣🤣原本應該好好味的。叉燒味噌拉麵，都好大碗，勁多粟米，分到六個人，每人都食到小小。但稍嫌湯太咸同拉麵太硬。花見幸福御好燒，入面有帆立貝，蝦仁，魷魚同豚肉。呢個都超好味！要好有技巧同要計足時間，跟足步驟去做，一吾係成餅野會好易散開。最後變成甘樣，配上

終於捱到星期五，成班同事決定收工一齊食好西!!💪🏻💪🏻好同事search咗幾間尖沙咀嘅餐廳俾我哋揀，當大家一見到‘花見·幸福’呢個名時，就二話不說，全部人都揀咗呢間~🤣🤣之後，睇一睇先發覺原來呢間餐廳係食御好燒嘅，好似都幾特別，一於試一試~由於早2日已經book咗位，去到除咗喺樓下等lift等咗一陣之外，上到餐廳就即刻可以入座喇~餐廳裝修都唔錯，好日式，而且好新淨~一開始就叫咗個枝豆食下先~無咩特別，正正常常咁啦~然後再叫咗幾款牛肉、串燒、芝士御好燒&花見御好燒~原來除咗可以自己燒之外，可以叫廚房燒埋先拎出嚟上菜都得，不過侍應話要等45min，我哋都係自己燒擺啦~🙈🙈2款牛都唔錯，好香牛味！特別推介‘安格斯雪花牛’，好濃牛肉味，唔錯~👍🏻👍🏻串燒方面就普普通通啦~叉燒拉麵賣相都唔錯，都幾好味，但個人就覺得偏鹹咗少少🙈到主角‘御好燒’喇~~~可以自己燒都幾好玩。雖然唔係我落手整，但見住同事反嗰下都幾好玩~🤣🤣味道方面就不過不失啦，不過好在可以自己調味~ 好似我呢d紫菜怪就可以狂落紫菜粉喇~😆😆最後當然唔少得飲品啦~我就叫咗杯白桃梳打汽水，都唔錯，白桃味可以再重d~不過同事叫咗個菠蘿沙冰就

由於我很喜歡日本菜x 鐵板燒，於是朋友選了這間位於尖沙咀厚福街新開張既花見.幸福食晚餐！一入到去，就感覺到是豪華餐廳feel, 地方很清潔乾淨，環境很舒服！我們點了安格斯牛肉薄燒，有四件，包住蒜片、日本蔥，色澤好鮮紅，入口即溶，非常好吃！當然不少得要點招牌菜，「花見幸福御好燒」，有帆立貝、蝦仁、魷魚及豚肉，有5片豚肉，用料都算好充足！而我點的白桃活乳酸梳打，無乜白桃味，只有好淡乳酸味，好普通既一杯梳打飲料，有點失望！總括來說，依間餐廳每檯有一張鐵板，可以自己燒，有得食，有得玩，又幾特別！

難得星期五，收工唔駛趕返屋企訓覺，當然係相約朋友出去食下野、傾下計。上網見到新開左間日本餐廳，名叫「花見.幸福」，淨係名字已吸引左我地去試下。其實未去之前都知道價錢唔平，但去到見到套餐真係幾貴下，所以都係選擇散叫。叫左串燒盛合、美國安格斯雪花牛排及芝士御好燒。因為店員話如果廚司煮要預45分鐘一道菜，加上既然一場黎到，就自己煮下、玩下。牛排一上檯，120g有2大片，好色澤好靚，好吸睛，食落入口即溶，超正！串燒盛盒包括金菇牛肉卷、冬菇、日本黑豚肉腸、雞肉串及雞軟骨串，份量有點少，亦不是特別好食，感覺有點不值！而御好燒用料係好足，但食落無乜芝士味，與想像中有點出入！總括而言，想可以邊食邊玩，都可以一試！