芽籠

營業中

休息中

呢間係位於銅鑼灣灣仔交界，建議搭到銅鑼灣站出，穿過鵝頸橋街市多5分鐘就到😋呢間性價比幾高😽套餐包野飲（凍飲加$3），最平$48就有交易🤝🏻食物質素都幾高，推薦附近街坊/返工放lunch嘅你去試試佢～(⁎⁍̴̛ᴗ⁍̴̛⁎)𝟙蟹粉蟹件喇沙摻摻 $78摻摻係油麵mix米粉，配料包括有魚蛋、豆卜、蟹腳、魚片、流心蛋同螄蚶非常欣賞佢嘅喇沙湯底，好濃椰香味😋飲落非常creamy，辣度適中🌶️蟹件上面亦有滿滿蟹膏，蟹肉非常鮮甜！米粉索哂湯汁，愈食愈濃味～😋𝟚娘惹茶燻鴨（油香飯）$60 - 套餐份量非常多，鴨胸肉分為兩層，一層半肥瘦🤏🏻食落好香鴨味，非常嫩滑多汁～另一層係就只有肉嘅部份，每件鴨肉厚身，份量一啲都唔吝嗇😼醬汁酸酸甜甜，配埋一齊食非常開胃，解咗陣油膩感😋油飯亦唔會太過油膩，散發出陣陣香味，配茶亦有青瓜、蕃茄仔及半隻流心蛋🍳𝟛鹹蛋黃單骨雞翼 $38非常推薦呢款！🌟單骨雞翼有6件，炸到脆卜卜，每件都包住滿滿嘅鹹蛋黃醬( ´▽｀)食落鹹蛋黃味非常濃郁！

🥚 鹹蛋黃單骨雞翼香脆可口，淡淡鹹蛋味，送飯一流。🦀 蟹肉蟹膏酥盒滿滿的蟹肉，一口一個，外脆內軟👍🏻🐓 咖喱烤雞串配白飯雞串嘅香茅味很足夠，食落香口又夠味！咖喱唔算太辣配飯一流！🐷 娘惹蔥油辣菜圃醬排骨飯蔥油夠香辣菜脯夠辣，送飯一流！排骨有咬口，味道十足！有埋半隻蛋！☕️ 熱香茅紅茶茶夠滑，香茅味可以再重啲。🧋 手工拉茶侍應好細心咁問所需甜度，就算揀無糖，奶同茶都平均，味道很好👍🏻🥤 凍桔仔話梅水桔仔話梅味都很足夠，非常解渴！

環境舒適且溫馨。餐廳的裝潢以簡約輕奢柔和的燈光營造出放鬆的用餐氛圍。空間不算太大，但整體感覺十分舒適。在價格方面，$200內可以品嚐到多種美味的星馬菜，真的超級划算！芽籠喇沙摻摻，湯頭濃郁而椰香四溢，配上彈牙的麵條和新鮮的海鮮、魚丸，非常豐富😍 參巴雞肉串燒，嫩滑多汁的雞肉串燒搭配參巴醬有獨特的香辣味道海南雞清雞湯米粉，一道清爽的米粉湯，但味道不會太淡。以海南雞作餸，搭配著細緻的米粉，份量比想像中多😋櫻花蝦青木瓜沙律，清爽的青木瓜和鮮嫩的櫻花蝦配上酸甜的沙律醬，帶來一種輕爽的口感，十分開胃。凍手工拉茶有驚喜，味道濃郁香濃，口感滑順😍😍 跟餐加配，而且也不貴

心心念念咖吔多士 又捉媽媽陪我食今次喺銅鑼灣開餐 收工趕到下午茶下午茶價錢 但份量同正餐一樣咁🔹️咖吔多士略嫌咖央醬唔夠多 不過都食到咖央味烘到脆卜卜 😉🔹️魚丸魚條喇沙摻摻椰香味幾重 食落唔會太辣 有 4 5粒魚丸 好多魚條仲有半隻溏心蛋摻摻煮得幾腍 唔使𡁻好耐 😆🔹️海南雞配雞油香飯 紫菜魚丸湯海南雞有脾有翼 唔算肥 肉質嫩滑配三款醬 🔹️桔仔水媽媽必點item 唔會太甜啱晒佢🔹️美祿恐龍超多美祿波波 要趁佢未浸到腍晒食晒佢 🤗美祿味夠濃 唔錯

標榜地道新加坡風味「笌籠」下午茶好抵食，晚餐價錢亦十分大眾化，所以我哋等到6:00 後點晚飯，冬天要食飽啲保暖。娘惹茶燻鴨套餐$60基本上吃不到有茶燻香，但當烤鴨胸來說味道是不錯的，鴨胸入口彈牙肉嫩，冇鴨酥味；配上油飯，飯質感挺乾爽，口感適中，帶陣陣香茅味，飯好吃！比menu 出賣左，我面前的娘惹蔥油辣菜圃醬排骨套餐$58大概打了8 折，首先飯吾熱，白飯偏硬加上大量香蔥十分好送飯，菜圃超辣很惹味。醬排骨好稔但味道就一般，同普通炆排骨味道差唔多。拉茶茶味中融，口感幾滑，不錯。

超抵食新加坡菜✨下午茶2:00開始仲有野飲，呢個星期食咗幾次星馬菜都仲未厭🤣♥ 無骨豬手撈油麵 $62呢個就係無骨豬手，仲要係入口即溶，味道出色，同啲醬汁撈埋油麵一齊食，都完全冇油膩感。仲食得出淡淡既骨膠原🐷肉質又夠淋♥ 魚丸魚條喇沙摻摻 $48 （下午茶）食喇沙揀摻摻有齊米粉加麵線兩溝麵底先正！配料仲有豆卜、魚蛋、魚片同雞蛋🥚夠豐富，喇沙湯底梛香味較濃帶小小辣，質地又順滑正呀，每一啖d麵都入哂味👍🏻♥ 咖吔多士配温泉蛋 $30 （下午茶）一定係一人all in 一份！ 咖吔多士兩邊都烘得香脆一定係即整，夾住一塊好厚嘅牛油(超邪惡🙈），再加埋咖吔醬甜甜哋真係好好食😋！熱手工拉茶熱香茅紅茶

餐廳：芽籠地點：灣仔道菜式：新加坡菜餐牌：下午茶餐由兩點做到六點，8款選擇，有主食有輕食揀，包飲品三選一，無加一。海南雞配雞油香飯及紫菜魚丸湯 $58海南雞雞件大概有12件左右，有脾有胸有單骨雞翼，質素唔錯，皮滑肉嫰，頗有雞味。配有三色醬，分別有甜豉油，薑蓉同酸辣醬，自己調味。伴有青瓜幾件可解膩。雞油香飯熱辣辣大大碗。紫菜魚丸湯入面有一粒魚蛋同紫菜加蔥花。個湯味道唔錯。魚丸魚條喇沙摻摻 $50魚丸魚條喇沙摻摻熱辣辣上枱，個喇沙湯又香又滑，梛汁又夠，辣度剛好，基本上唔算辣。麵底係黃色粗麵加幼身米粉，前者有咬口後者幼滑吸汁，加埋係好正嘅口感。配料有彈牙炸魚蛋幾條幼條同炸魚蛋三粒。豆卜4件好吸汁。糖心蛋半隻。仲有爽口芽菜，青瓜絲同脆脆加添口感。海南雞絲湯米粉 $45海南雞絲湯米粉較為清淡，但係其實個湯好有雞味唔會太淡。中間有唔少走皮海南雞絲，都好嫩口，糖心蛋半隻同兩件豆卜，仲有芽菜，青瓜絲，脆脆同蔥花。咖哩烤雞肉串配米飯 $48烤雞肉串3串，燒得少少脆皮，好香口，配黃咖哩汁更惹味，我覺得唔辣。伴有半粒車厘茄，青瓜幾塊，花生米同脆口魚仔，加添口感。伴有一大塊香脆蝦片。白飯份量係正餐份量。餐飲包

今天想吃喇沙 係灣仔有行程 就搵咗2間 點知其中一間星期日唔開門 就去咗次選嘅呢一間新加坡菜餐廳💁🏻‍♀️芽籠 位於灣仔站同銅鑼灣站之間 免+1服務費 人均$87 滿意🤩我哋1點幾去到食lunch walk in不用排隊 但下午茶兩點開始就開始有人龍lu · ┈┈┈┈┈┈ · ꕥ · ┈┈┈┈┈┈ · ✿ 蟹粉蟹件喇沙摻摻 $78：油麵煮得腍咗啲 配料好豐富 有魚片 魚蛋 豆卜 芽菜糖心蛋 半隻蟹 螄蚶 ✿ 海南雞配雞油香飯 紫菜魚丸湯 $68：正常水準 個湯就好味精了 ✿ 鮮椰青 $28：好多椰子肉🥥 呢個價錢係香港嘅餐廳可以飲到一個新鮮椰青 好抵

今次去到灣仔試下新加坡菜，餐廳裝修光亮精緻，有卡位，去到時滿座，但人流流動很快，好快便有位，餐廳員工都好勤力，笑面迎人， 適合各類型人士黎食嘢海南雞清雞湯米粉海南雞好嫩滑，有雞味，唔太肥，還有半隻流心蛋，豆泡，配合馬拉芽菜，蒜片，青瓜絲，成個湯米粉都好清新，唔會肥膩喇沙鍋煲大魚頭喇沙打魚頭，係一整個大三文魚頭，煎香了有三文魚香味，多肉，配合喇沙醬一齊食好嘢味凍桔仔話梅水 & 熱白咖啡桔仔話梅水好多桔仔，一整粒話梅和青檸，甜酸度適中，好開胃白咖啡香濃，滑，我喜歡飲走甜，更容易品嚐到咖啡嘅香味

灣仔道這間新加坡餐館真是好抵食，價錢不貴之餘還全日免加一。食物選擇亦多，地道新加坡風味。🏅芽籠喇沙摻摻（$68）好大碗，餸和摻摻都多，夠料。大蝦仁、魚片、魚丸、豆卜和螄蚶都新鮮好食，其中螄蚶非常鮮甜，意猶未盡。即時查看餐牌，原來有散叫，下次一個人食一碟先得。🏅巴東牛肉乾拌油麵+手工拉茶（$58）巴東牛肉非常惹味和軟腍，充滿香料味道，是下飯和拌麵恩物。附送的紫菜魚丸湯都好飲。🏅怡保芽菜（$36）芽菜肥嘟嘟，拌參巴醬後又香又爽脆。🏅蟹粉蟹肉酥盒+白咖啡（$42）酥盒幾酥脆，蟹味則較淡，下午茶餐配飲品，少少地，作為解饞小食都不錯。

呢間星加坡菜實在太抵食！全日套餐已經$50有找仲要包嘢飲。兩點過後過嚟 仲有下午茶餐 更多選擇！ 🐥海南雞清湯米粉 $48（全日供應送嘢飲）雞件滑滑 雞油香 識食一定連皮食！ 清雞湯清得嚟 但濃濃鮮雞味。唔鍾意食飯嘅我 但好想食海南雞表示對呢個非常滿意😋 🐥蔥油餅配咖哩汁 $38咖哩汁比較厚身 蔥油餅足足有8小塊之多 如果可以再鬆化啲就更加好啦😊 ☕ 熱桔仔話梅水（跟餐）唔會淡某某 沖得啱啱好 my all time favorite ~ 值得一提嘅係 有位年輕女店員服務特別好 以禮待人 午市咁忙碌都仲可以保持服務 值得讚賞👍👍

今日有人好想食喇沙，我印象中呢間喇沙唔錯，就黎呢度啦～芽籠喇沙摻摻，話明摻摻當然有米粉又有油麵，口感冇咁單調👍🏻喇沙湯底幾濃，仲好足料，有魚片、蝦、螄蚶、豆卜、蛋等等等等見佢新推出左套餐好抵😳叫左個魚三寶檳城蝦麵，連飲品$52，仲要晚市都有😱魚三寶檳城蝦麵，有魚丸、魚條、魚皮，魚丸幾彈牙，魚條都係魚片啲friend😂，魚皮夠脆。湯底唔會太鹹，啱晒近期喉嚨唔舒服嘅我👍🏻喉嚨唔舒服，揀左個桔仔話梅水，甜甜鹹鹹，幾潤喉 手工拉茶，茶幾香，唔錯為食叫多個蟹粉蟹肉酥盒，足料👍🏻

早幾日食完馬六，轉個頭又想回味一下馬來風情，但食極同一間又冇對比無進步，所以就行過2個街口既呢間「芽籠」去睇下會唔會有更高既味覺享受由店外到店內，個人感覺芽籠係富麗堂皇得多，木製裝備更有異國風情既味道，光線柔和得黎比人一種相對舒服既感覺食物方面就比較吸引眼球，飲品選擇都唔少，因為太花多眼亂，選擇困難症，所以就直頭叫左個（芽籠蝦麵）,有個店名仲唔係招牌菜？實冇死再外加新鮮椰青一杯5分鐘上菜，第一印象就係估唔到真係椰子成個上，本身諗住係玻璃杯椰青水加2片椰肉就算有得飲仲有得食，比埋隻匙羹慢慢食椰肉，抵讚到番個麵，其實就係油麵米粉兩溝既麵底，兩重口感，湯底就好重蝦子味，有點咸但有椰青就balance番。成個麵都重口味, 腩肉片軟硬肥瘦適中，但d軟骨咬唔係好開，浪費。糖心蛋幾重醬油味夾creamy；d蝦睇落有3隻，實際舊舊得半塊加埋得1.5隻蝦，有點小氣，畢竟呢個level既蝦唔算係貴野加埋d一啖就食晒既蝦米仔，睇落大大碗但一下就食晒，佢唔係下午茶餐但份量個人認為女性向多d，唔太夠飽，加埋現場10枱客9枱都女士，可能真係預左d客唔大食既麵加飲品九十零蚊，話平唔平話貴唔貴，環境幾好但現場唔算靜，

最近系灣仔搵到間食星馬菜嘅餐廳😍有我最中意嘅蝦麵，好開心，仲有咖吔多士，好滿足啊！餐廳座位都坐得幾舒服, 下午2點開始有下午茶，好抵食，$4x 蚊已經送埋飲品～手工拉茶比港式奶茶會偏甜D, 無咁濃茶味，但我好中意啊我就單點左蝦麵，個湯底真系好惹味，充滿蝦嘅鮮香味😋仲有幾隻大蝦，麵底系滲滲，即系有2款麵而每次食親星馬菜，我都好期待食咖吔多士😋厚厚嘅牛油再加埋斑蘭醬，真系好好味啊，多士亦已經x 得黃金色，咬落好脆口！

餐廳：芽籠地點：灣仔道菜式：新加坡菜餐牌：下午茶餐由兩點做到六點，8款主食選擇，都有輕食揀，包飲品三選一，無加一。海南雞配雞油香飯及紫菜魚丸湯  $56海南雞雞件大概有12件左右，有脾有胸有單骨雞翼，凍凍地，質素唔錯，皮滑肉嫰。配有海南雞三色醬，分別有甜豉油，薑蓉同酸辣醬。伴有青瓜三件。雞油香飯熱辣辣大大碗。紫菜魚丸湯非常熱，入面有一粒魚蛋同紫菜加蔥花。個湯稍鹹，好香紫菜味。魚丸魚條喇沙摻摻 $48我同友人都想食喇沙，於是每人一碗，魚丸魚條喇沙摻摻熱辣辣上枱，個喇沙湯又香又滑，梛汁又夠，辣度剛好。麵底係黃色粗麵加幼身粉絲，前者有咬口後者幼滑吸汁，加埋係好正嘅口感。配料有炸魚蛋幾條幼條同炸魚蛋三粒，雖然炸魚蛋細細粒，不過食落都唔差，夠彈牙。豆卜4件，好吸汁。糖心蛋半隻，個心好滑。仲有爽口芽菜，青瓜絲同脆脆加添口感。咖哩烤雞肉串配米飯 $46烤雞肉串3串，都算嫩，配黃咖哩汁好惹味，我覺得唔辣，味道微微甜，好正。伴有半粒車厘茄，青瓜幾塊，花生米同脆口魚仔，更可加添口感。伴有一大塊香脆蝦片。白飯份量係正餐份量。餐飲包括手工拉茶，南洋白咖啡同香茅紅茶，冷熱都得。手工拉茶大大杯。我地叫左少甜，又香