英王麵包店 (已結業)

下午到朋友新家house-warming, 正在發愁買甚麼甜點作為小禮物, 走進地鐵站前突然看到原本為時裝店的位置已經變了A-1~ 收銀處前有一個小凍櫃, 作為新出品的紫薯芝士泡芙吸引了我的目光, 原本想買半打, 問了店員只就只有2個, 所以選了一盒4個的mixed cream puff + 2個紫薯芝士puff。晚飯後把兩盒東東拿出來跟大家分享, 原來大家都跟我一樣不知道A-1有賣puff~~~本來不太喜歡cream的我品嚐了紫薯芝士, 中間的芝士好香濃, 紫薯也很rich~ 不錯不錯~~~

今日同屋企人一齊去JUSCO..走戈陣順手買左2袋麻糬波波球..超正.岩岩新鮮出爐..20@2(5)芝士味麻糬波波球;D-熱辣辣.最岩冬天食..-一陣芝士香味飄過黎-咬落去出面脆脆地..入面軟淋淋.超好食chocolate味麻糬波波球;D-熱辣辣.最岩冬天食..-表面有Dchocolate粒粒.-有陣淡淡既chocolate味-咬落去出面脆脆地..入面軟淋淋.超好食我最中意食呢2隻味好在係岩岩出爐熱辣辣.如果吾係隔左一陣/放左好耐先食表面淋淋淋超難食決定左以後黎都要買呢2隻之前都係到買過迷你牛角酥新鮮出爐既.都係超好食..因為甘.我食埋牛角酥冇迷你牛角酥咁好食如果想買迷你牛角酥.就吾好night去(1800before).因為我次次去都冇得買但係戈個MOMENT就成日都有新鮮出爐既麻糬波波球A-1迷你既食物超好食

爭d唔記得個蛋糕，呢次係一年最後一日食蛋糕。呀爺生日嘛，呢個芒果蛋糕睇落好靚，唔知好唔好食呢？芒果蛋糕面頭好多芒果，芒果唔算太酸。幾好食，個蛋糕都算幾多生果，全部都好新鮮。而個蛋糕好軟熟，好有蛋味。而忌廉又唔算太多，唔會搞到個蛋糕咁甜。一百三十蚊都唔錯啦。下次都去呢間買蛋糕，不過下次要雪糕蛋糕。

食麻糬波波, 樂富A1最抵, 因$20兩袋, 一袋有五個 (五個要同味)樂富區都好多大人同學生哥鍾意食麻糬, 所以好容易找到人夾份買下午四五點有時還見有麻糬出爐, 暖笠笠的 芝士麻糬波波 要睇麻糬是否新鮮, 還要研究它的收水程度 ---- 若大大件脹卜卜, 就確保新鮮; 若又皺又扁又縮水, 即已焗起了一段頗長時間了 芝士麻糬算大件抵食, 外層實淨內層煙韌 芝士味只是淡淡的, 不夠濃 試過不好彩買左d帶有燶味的, 所以買時都要看一看個底會否焗得過黑

又去樂富行街。通常都會先買麵包。買了冬甩、蘋果忌廉bun同peach Danish。donut可能新鮮炸起，所以食落好新鮮，砂糖粒粒分明，尚未溶掉。danish 都好得，好多custard cream 喺中間。反而個蘋果忌廉bun就差d。個包size 都幾大，不過d餡就少得可憐。比M記個apple pie 仲要少。醬少蘋果粒仲少。所以整體蘋果味不夠。幸好個包都幾軟熟，唔會實得得。

紅豆麻糬星星 $3 個, $13 五個 樂富比黃大仙A1平, 因麻糬波波/ 星星 會做 $20 兩袋 (每袋一種味), 即 $20有 十個, 而且樂富的波波的size大舊d(一個人食唔到兩袋, 就睇下附近有無人一齊夾單) 星星係新產品, 比波波細件, 味道唔錯, 咸咸甜甜的, 亦帶有麻糬香, 裏面糯米煙韌, 食左一粒後就食唔停口 唯一美中不足是"紅豆", 得少少紅豆皮及碎, 而且無紅豆味

原本諗住去jusco買puzzle，點知呢間無puzzle 賣囉！白行一趟。於是轉戰超市。之前食過a-1 嘅danish 好正，今次都買番兩個先。一個係apple danish，另一個 apricot danish。一番到屋企就即刻食。apple danish ($11)有好多蘋果片喺上面，蘋果煮得剛好，不會太淋。danish 牛油味濃，鬆脆可口。只嫌肉桂味不夠濃，加多少少肉桂粉會更好。apricot danish ($9)apricot 很甜，唔會酸，好味。danish 質地如上，一樣咁鬆脆可口。中間的custard好滑，夠多，又唔會太甜！要彈的就是服務！收銀員不停傾偈，連入包、收錢都無停過口！太過份了吧！仲要佢入個dansih 之後，成個袋都黐lup lup。個袋咁大，dansih 咁細，都會入成咁???!!!!!!!!!!!!唔該好好管理一下班收銀員啦！

近排基本上冇一日係唔食包的, 今日經過A1, 見到咁多好味的麵包又受不住誘惑了, 買了一些回家和媽媽及妹妹分享~蝦子包($11/3個) : 好香蝦子味, 喜歡它鹹鹹的, 回家烘一烘先食就更加香口!芝士麻糬波波($13/5個) : 外皮脆, 裡面則煙煙韌韌有咬口, 但不黏牙, 芝士味適中, 亦不會像麵包廊般油淋淋和縮水縮得勁~ 要比較我會覺得: A1>山崎>麵包廊

A-1係正吉之島門口, 去Jusco時間中都會入黎巡下咦, 一直都無留意到原來A-1係唔落漂白劑, 防腐劑等人造添加物今次試下冧酒提子吐司冧酒提子吐司 $14 標榜"自家製天然酵母", "質感豐富" ---- 一咬落口第一感覺係硬, 麵包皮好硬, 麵包不鬆軟, 即使即買即食都好似隔夜麵包 成份 -- 小麥粉, 提子, 糖, 人造牛油, 鹽, 麥芽精, 天然酵母, 酵母 ---- 的確係天然d, 沒有古靈精怪的添加劑 提子大粒又有汁, 唔會太乾, 不過感受不到有冧酒, 少少失望, 這樣跟普通提子包有何分別?雖然不太好食 (因唔夠鬆軟), 不過當想起以前烹飪老師常掛在口邊的一句話: "利口不利身", 就覺得健康重要d, 唔好食咁多化學野落肚這款麵包13號買, 最佳食用係15號前, 不過最好即日食, 因隔了一日又會更乾更硬

又有同事生日啦~今次訂左雪糕雪糕~曲奇味~外型係馬騮仔~明明係冬天~但居然快溶過之前~可能佢冇用咁多乾冰曲奇味.....入面嗰d唔似曲奇~似朱古力蛋糕多d~但由於係雪糕~唔會太甜~唔會太飽~比平時的蛋糕~係會冇咁易食唔晒~~係一個唔錯的選擇~但請不要選曲奇味....上次食過朱古力味好得多~

平時都有食開A-1 Bakery,都覺得佢地既包幾好食~今次入去見到個豬扒包好吸引,就試下啦~但今次呢個豬扒包($12),味道一般,得半塊豬扒都唔緊要~好乾身,個包又無咩醬......賣相就幾好睇!! 咁既質素要$12,的確唔係好抵~如要食豬扒包,寧願食KFC好過~但佢其他包都ok的~

相比我另一個cova的tiramisu蛋糕這個較為輕怡，冇咁肥膩，怕食cheese同cream那幾位都覺cova那個tiramisu 較heavy~我食慣dessert的人當然會欣然受落，其餘幾位冇我食甜品食得咁狼死的人固然鍾意a1這款cake。不嬲都鍾意食藍苺cheese cake，恕我這個呃飯食的傻人嘗試評這款蛋糕。這款蛋糕不肥膩的關鍵除了在於蛋糕中間那層係主要以典型的baked cheese cake為主，既然係焗自然少了cream cheese的飽膩感，亦因為藍苺餡不像坊間一般的藍苺cheese cake有理冇理都鋪層由blueberry 果jam開成的藍苺醬汁起碼又少左份甜耶耶。但真材實料的原材料藍苺難得沒欺場，粒粒都「實的的」圓碌碌很juicy，不像一般超巿的藍苺買時要碰運氣，不然有些會愜或稔bat bat~今次藍苺味道甜甜酸酸，開胃之餘食埋個餅都唔漏！幸運的是個餅令我最開心又係中間冇鋪層jelly餅層或玻璃果jam餅面，個餅底焗完都係輕輕簿掃一層像蜜糖乾到透明的玻璃面，極其量像女人化妝最後上散粉同highlight，個cake這樣我固然接受到。餅的最下層就是由牛油曲奇造成

因為我怕甜,所以平時真係唔食朱古力架!媽咪禁岩買左件黑朱古力旦糕返泥,話唔會好甜,叫我試下我一試,係喎,好滑啊!!又真係唔算好甜喎!!好味,值得推介!!而另一件我唔食椰絲同cream,所以無試到,不過媽咪就話幾唔錯,都唔會太甜

六月三日(二)今日雖然突然落雨，但返新工之後都未見過老婆，所以都堅持要出街，選擇左樂富，因為室內商場，唔驚落雨～　吃過晚飯後行左陣想食甜品就係A1買左件蛋糕黎食，因為有Coupon 要買夠$20先可以用，所以揀多左個麵包做早餐 ～黑森林蛋糕($18)面層有碎朱古力，食落朱古力味比朱古力千層更香濃，配合cream同酸甜既車厘子肉，令蛋糕味道更加豐富同無咁膩～　好味～墨西哥奶包($8)面層外觀似鮮奶球，但食落係兩回事，面層唔係甜而係鹹～　饀方面食落有D似雞尾包饀，但無咁多椰絲感覺，正合我意～　饀料非常足，成個包唔會食唔到饀味道～　唔錯～買滿$20可以用兩張吉之鳥Coupon慳番$5，一件蛋糕同一個麵包都只係$21就可以買到咁高質素既蛋糕同麵包，真係抵～味道4.5

我平時放學會經過...差唔多日日都食...最中意就係原味同埋朱古力味麻糬波波球...真係好好味...另外法包都唔錯...仲有d puff...真係好好味不過有時我都會覺得有少少唔抵...因為細細個麻糬波波球都要3蚊左右...大家得閒試下啦