英發茶冰廳

營業中

休息中

我睇到News發現呢間我間唔中會為咗想食新鮮出爐麵包而去的茶餐廳年尾就結業！太突然啦，咁我以後點算呀？ 得返一個禮拜左右，所以有機會率即刻走咗去 食咗佢新鮮出爐嘅菠蘿包 雖然唔係真係熱辣辣捧出嚟，不過仍然keep到外脆內軟。大到我都唔知應該用手食定係用叉食。 用叉又驚切落去碎晒。 我真係諗唔到觀塘仲有邊度有傳統新鮮出爐麵包啦。有冇人可以話俾我知啊。可惜可惜。

而家已經體驗老左嘅時候我會點樣過生活朝朝落去嘆杯奶茶食個包😓今日本身要去銅鑼灣打波🎱因為有順風車，喺裕民坊pick up , 咪早啲行落去嘆個早餐囉。之前嘅錯誤經驗話俾我知今次去一定要等佢熱辣辣新鮮出爐麵包出我先會叫，結果等阿等等到差唔多夠鐘要走人，有一盤熱辣辣嘅餐包出爐，即刻叫啦梗係 「之前就係冇等佢新鮮熱辣出爐，佢喺門口嗌熱辣辣就以為真係熱，點知俾人呃咗🫢」我成塊面咁大嘅包，今次真係熱辣辣個底微脆 好好味。誰不知等多幾分鐘就有熱辣辣嘅菠蘿包😭又係早知⋯⋯⋯麵包$7.5 奶茶$20 食客個個都上咗年紀，真係食佢嘅情懷

觀塘懷舊冰室出爐蛋撻-英發茶冰廳呢類型嘅懷舊冰室好少見，好多都變哂連鎖式，冇晒地道風味🙂今次嚟到觀塘呢間冰室，本身諗住嚟食早餐，食食下，聽到店員叫賣，見到佢嘅新鮮出爐蛋撻好吸引，即時叫咗一個🤣係曲奇皮㗎，外面好脆，而入面既蛋漿都好滑，仲係熱辣辣㗎☺️最後每台都叫1個，好快一盤賣晒😂其實佢仲有好多懷舊蛋糕㗎、卷蛋、蒸蛋糕，大家可以嚟支持吓小店👍🏻

我個人都真係幾矛盾，明明之前發表咗偉倫話佢個包麻麻哋，轉個頭今日又去幫襯，不過今日係堂食，同埋飲佢個奶茶！茶冰廳嘅奶茶一定有啲水準嘅😀今次突然間想食奶醬多 ，先發現原來呢間茶冰廳同我之前話嗰間好貴嘅屋材茶餐廳其實都差唔多價錢！根本就係而家啲嘢貴咗好多😞一件奶醬多加杯奶茶都$35 ，諗返起平時返工附近啲茶餐廳$20咋😬🤣入去坐真係享受佢個懷舊味道，其實應該食佢熱辣辣出爐嘅麵包或者蛋撻，我見有幾台客都係叫咗佢個菠蘿包有啲食咗唔夠喉再食蛋撻添，又係好多老街坊日日嚟，唔知我遲啲會唔會都係咁呢？☹️

又係情懷系列，而家想搵個熱辣辣出爐嘅菠蘿包雞尾包都真係好難，一係就連鎖快餐店。而家孤孤單單一支公都係成個佬咁走去啲茶餐廳打躉，再唔係又好似而家咁，去買個熱辣辣嘅包返屋企下午茶。聽起都心酸。雖然個姐姐喺門口大嗌熱辣辣嘅雞尾包菠蘿包但係邊得嚟熱啊！已經加價到七個半一個雞尾包，係幾大個下㗎！不過⋯唔知係唔係因為我攞返屋企幾個鐘頭先食，雖然都專登走去煎下佢，但係始終都唔及新鮮出爐咁好食，同埋我都係偏向鍾意啲正常size囉。

呢一日探完病，落咗小巴就走咗嚟附近呢間古色古香，望落有幾十年歷史嘅茶記，餐牌選擇唔多，碟頭嘅就只有飯同意粉，其他乜都無，泡麵就只有一款沙嗲牛肉麵，啲飯同意粉款式唔太啱我，於是叫個常餐，有沙嗲牛肉麵、火腿煎蛋跟牛油餐包，熱飲我揀咗熱奶茶，共銀$38。茶記慣性先嚟，話明望落有幾十年歷史嘅茶記，設備當然都唔會與時並進啦！砂糖係其中之一，呢間嘢仲用緊散裝砂糖，而唔係獨立包裝，搞到我有啲唔知個份量添。茶杯夠厚身，茶質亦夠滑，唔錯。另一樣古色古香係會用個杯裝紅茶畀你洗餐具，呢樣亦係依家茶記好少有。接住嚟嘅係火腿煎蛋配牛油餐包，半片火腿加隻凍嘅流心煎蛋，兩樣都叫正常，最唔正常係個餐包，外型唔係舊式茶記用嘅十字餐包，明顯係自家特色餐包，唔講得係硬，但非常實心，非常飽肚，牛油少到幾乎見唔到，餐包味道同牛油味道非常淡，即使我夾埋半片火腿都幾乎食唔到有鹹味，真係好健康。但「經典」嘢又點可以畀佢停，當然要繼續啦！要講嘅係姍姍來遲嘅沙嗲牛肉麵，賣相已經完全唔吸引，完全睇唔到佢有沙嗲味，食落口當然亦無沙嗲味，只食到有薑絲，而當我一啖咬落片牛肉度時，哇！精彩！牛肉居然係凍冰冰嘅！令我精神為之一「震」！想我唔記得都幾

❤️‍🔥必必必試 🏆 世一菠蘿包 隱世觀塘街市茶記😍 脆到好似核桃酥咁癲 🤩 花生醬卷同樣出色 🥜🐭 米奇老豬Vol. 360🐷呢間老豬經過過無數次嘅茶記坦白講 真係正眼都無望過🫣好彩老豬爸爸係菠蘿包狂熱份子（佢入親麵包舖/茶記都一定會買返個😂）比佢發掘到呢間低調名店 🤭所以決定同大家開心些牙！.🐖🐖 《花生醬卷》🐖🐖🛑 8.2/10 🛑 💰$7💰係中式肉桂捲嘅變奏版 🤭室溫食會偏韌用微波爐翻熱之後就會更濕潤軟身d但仍然保留有嚼勁 🦷 老豬更愛 🧡每捲都塗左薄薄一層花生醬雖然唔算超濃🥜香但無skippy牌子果隻咁甜帶有輕微鹹香 質地幼滑而唔章口如果有埋花生粒粒就更好啦 🤪.🐖🐖 《菠蘿包》🐖🐖 🛑 8.9/10 🛑 💰$7💰呢個係重量級選手 唔係得個皮嘅空氣包而且比起一般菠蘿包大好多！小鳥胃甚至可能食唔曬一個 😂但黑洞胃嘅老豬可以食兩個做早餐 🤫包身輕微回彈 食落鬆軟綿密🤤包體有老豬最愛嘅港式麵包果種淡淡嘅麵粉甜味 😍重點來啦❣️菠蘿皮 🥰無論係即日/隔日/室溫/翻熱/新鮮出爐食落都係脆㗎 👂🏻➡️ 新鮮出爐：脆而酥 油香而不膩➡️ 翻熱：脆（偏軟）➡️ 室溫：脆（偏硬） 口感似核桃酥絕對係老豬

今日叫左個特餐，有火腿煎蛋，咁就叫餐廳比太陽蛋，但係。。。真係即時非常後悔。。。個太陽蛋整到咁既樣都竟然夠膽擺上枱比個客食仲要夾埋蛋殼去增加個煎蛋既風味我食茶記咁耐以黎都係第一次見咁樣既質素。。。牛肉通粉個沙嗲牛肉味道一般，無乜沙嗲味而個茨好杰，但重點係個通粉煮到太過火，非常接近煮到爛既程度成個餐只係得果杯熱好立克既味道係最正常服務叫一般茶記睇落只係舊，睇唔出衛生問題但經歷過呢種特餐，真正無下次啦呢間冰室

衫汆到附近整車，行左好耐都係揾到間滷水店，點知朋友一黎就可以響云云的街市當中，揾到呢間舊式冰室。一望餐牌就叫佢既下午茶西多士。餐廳唔做晚市，1900收工。我加左杯茶走，點知後尾再望下塊餐牌睇下有咩食既時候，竟然俾我見到鮮奶，紅豆冰都只需要加$5咋，係加$5咋。即係我呢個下午茶如果要紅豆冰都只係$40有找，係就係貴左小小，響舊區黎講。但係西多士配紅豆冰喎雖然我都叫左茶走🥺正如舊式餐廳，門口有菠蘿包，雞尾包賣。椰撻！朋友叫左常餐，沙爹牛肉丁，有火腿蛋，方包。$41 （因為轉左一丁）

今日係尋找老店的味道,呢種門口賣麵包蛋糕蛋撻既傳統茶餐廳買少見少一早就想寫多幾多間,今次比我遇到就入去食個餐順便影下相連店員都要叫我影靚D~聽聞最近佢仲好出名多左好多後生仔去食公仔麵,沙爹牛肉麵呀,你懂的不過我今日就唔係過黎試沙爹牛肉麵既,反而係為左佢隻蛋撻同常餐既味道過黎聽聞佢每日都會定時出爐,蛋撻金黃既蛋漿非常吸引,曲奇皮既蛋撻好好食,蛋漿香甜每一隻都係精品,門外仲有好多款麵包,下次一定試埋其他款式!常餐就係火腿炒蛋奄列,火腿切絲炒蛋,自家出品既餐包,香甜鬆軟切開奄列見到中間仍有蛋汁未煎至全熟夠嫩滑叉燒湯意粉,湯係普通雞湯,叉燒份量都算比得足,意粉吸左雞湯味道唔錯最正都係蛋撻同炒蛋英發茶冰廳觀塘輔仁街16號地下評分7/10平均消費$40

最近面書非常之活躍一個群組叫做沙嗲牛肉關注組，長沙灣嗰間咁出名當然唔使我講啦。但係原來每一區都有啲出名嘅沙嗲牛肉店，觀塘區嘅代表竟然就係呢間咁懷舊80年代嘅茶餐廳。咁我就搵㗎膽粗粗去試吓。門口擺晒蛋撻菠蘿包，我諗佢廚房應該有自己焗爐焗麵包。晏晝四點去唔算多，適逢星期三跑馬日，店員同食客一齊刨馬經，樂也融融。我就叫咗佢個特餐，因為有沙嗲牛肉麵(此行嘅主要目的)下午茶想飲汽水，見到跟餐汽水唔使加錢咁就叫做汽水，點知杯汽水一啲氣都冇，好似糖水咁。忍唔住同夥計講話杯汽水冇乜氣，跟住個店員竟然同我講「係呀！跟餐嘅汽水係冇汽架」然後施施然走咗。算啦，我今次又唔係黎淨係飲佢杯汽水，不過提醒大家千祈唔好叫跟餐嘅汽水。佢嘅餐包同埋火腿蛋都係普通茶餐廳級數，比唔上澳牛。到真正食佢個牛肉麵，沙嗲尚算食到有沙嗲味不過冇花生味。麵質應該係一般即食麵。牛肉比一般嘅沙嗲牛肉切得厚，有咬口，但係又唔韌。可惜成碗面得3塊有D少。可能午餐時候食佢個沙嗲牛肉飯可能仲多的牛肉。結論：$36唔算貴，如果係想集郵或者食懷舊風味試過一次就夠，冇翻食嘅衝動，同埋千祈唔好叫汽水。

要搵一間有麵包師傅會將新鮮麵包🥯由舖頭後面托出去舖頭賣嘅茶餐廳真係超級難，我住嘅社區-觀塘就搵到一間，各式各樣嘅面包大過塊面，新鮮熱辣拎出嚟真係好難會唔好食囉，不過個人唔主張啲size太過分，當然依舊有佢嘅捧場客。其實要飲奶茶我本身已經有心水大排檔，除非冇開門，先會刻意去搵一啲舊式冰室，貪佢嗰份情懷。我已經好耐冇食嗰啲茶餐早餐常餐㗎啦，要抵梗係食餐啦，沙嗲牛面+奶茶咖啡+火腿旦$3x ，散叫貴好多，平時多數都係三文治多士麵包，今次我去就揀左蛋牛治烘底加奶茶，都係$3x ，嘢食都OK只係薄薄嘅旦牛有啲唏噓，唔似得大排檔咁有鑊氣。環境方面，可能始終係老區，氛圍都有d唔同，我嘅突然出現好似有少少格格不入，其他全部都係老街坊，一坐低已經知道食咩!

我一向很喜歡吃舊冰室的茶餐可以坐下舊式的卡位今次去了官塘的英發茶冰廳我喜歡它的是檀島咖啡和新鮮出爐的麵包此餐廳最正就是菠蘿包，也可以叫外賣的佢嘅沙爹牛肉麵只是一般可能個沙爹醬不會太濃吧而公仔麵很幼的好特別才36元1個大早餐，是全日供應的有麵包和餐飲算很便宜了咖啡真的很好香濃好重咖啡香，而唔係只有甜飲完令人很提神送麵包也很鬆軟煎的荷包蛋，特別滑又好蛋汁我食完這個豐富的早餐就可以去附近觀塘瑞和街市買餸了

想喺官塘搵間正正式式嘅茶記/冰室☕都唔容易，雖然話官塘係個🏚舊區，但而架已經開始續步🏗🧱重建，所以有得食就要珍惜啦～就喺輔仁街同瑞和街交界位就有一間唔起眼嘅冰室－英發茶冰廳☕條街除左好多人拎住一袋二袋嘅餸行黎行去之外，仲有好多人係度等小巴(皆因呢條街係小巴站😆)，相信英發都係做街坊生意嘅，而人來人往嘅輔仁街可以話係港人嘅日常生活寫照啦～英發係間傳統嘅冰廳，有飯、粉麵、多士、奄列、咖啡茶等等～當然仲有各式各樣嘅麵包啦！譬如係雞尾包、菠蘿包、雞蛋糕等～全部新鮮出爐之後放係門後或門外👇🏻👆🏻😆而佢地個菠蘿包就好似係啱啱新鮮出爐，經過聞到都幾香～👇🏻入到鋪頭，依舊係七、八十年代嘅裝修，窄身嘅卡位、手寫嘅餐牌，好似帶你時光倒流咁～👇🏻淨係睇呢個餐牌已經夠晒舊啦😹除左舊餐牌，冰廳都與時並進，整左新餐牌👆🏻👇🏻最特別嘅係，你全日任何時間都可以食佢哋嘅 早餐、午餐、特餐、三文治餐😹😹😹😹而且餐餐同價👍🏻如果想食飽肚啲，都有飯同意粉👆🏻而且送埋嘢飲！而我呢次係下午茶時間黎嘅😹，啲人已經坐滿晒卡位嘆下午茶～我就坐中間啲檯，嘆個特餐🍜😹😹😹沙嗲牛麵正正常常，肉夠淋，不過啲汁就少左啲😹而麵呢，煮得啱啱好，唔會

心水來潮好想食多年沒接觸的鮮油多，想起在觀塘街市買餸時經常經過卻一直無緣光顧的一家老舊茶記 ，一於今日入去食鮮油多！聽講黎依度都要試埋招牌沙嗲牛麵！就叫左個特餐另上一個咖央鮮油多。凍奶茶先到 我飲咁多年凍奶茶 發現依家D茶記愈做愈差 已經唔知幾耐無飲過一杯我滿意既凍奶茶，英發杯凍奶茶竟然俾到我想要既味道 滿意！再黎沙嗲牛麵 嗯，真心無咩特別 麵亦唔係特別有彈牙 仲淋左D 終於到我既目標出場啦 咖央鮮油多 完全無令我失望 超薄又香脆既多士 厚切牛油 一口咬下帶有淡淡椰香、甜甜的咖央混合牛油的咸香，加上薄脆多士夾住厚牛油的口感很滿足！我決定之後每次經過都要入黎回味 膽固醇要爆標了～～