英華茶餐廳

營業中

休息中

從舊英華到而家應該有廿幾年，好間唔中（一年一兩次咁上下）都會嚟食下，原來食左咁多年都冇寫過食評！午餐蒜蓉雞扒飯/羅宋湯舊式豉油西餐既味道/食左N年個人感覺良好，羅宋湯偏甜少少都幾有質感/夠晒飽肚，英華係聯和墟似d舊區既懷舊茶餐廳味道，d卡位比較迫，枱同枱之間亦都冇乜鬆動，不過每次去食都有份親切感！唔知係咪都係d老師傳做番，真係覺得味道冇乜變過，西式快餐比中式好食d！😂而家真係冇左抵食夾大件……下次嗌番正價睇下係咪件扒會大件番少少先。

新一波疫情又開始，減少出城，多留在小區用餐。下午茶時段，餐廳內人客不少，幸一人也可安排卡位入座。數年前曾為此餐廳寫過食評，點了同一食物:拿破崙意粉食材普通，有火腿、洋蔥，青椒，菇，配料份量不少，生熟度也掌握得不錯，配上茄汁燴炒，有鑊氣熱騰騰上枱，意粉在茶餐廳來說，軟硬度算適中，沒有過份發漲，茄汁酸甜度剛好，是個人偏愛的味道，數年後，味道依舊不錯。餐飲點了奶茶少奶做到了我的少奶要求，不失茶香、絲滑，味道合格。埋單好像$39，下午茶算是合理價錢。

下午茶時段 1445時餐廳滿座 冇諗過佢滿座不過 食客都快食快走所以唔駛等好耐 都好快有位佢哋主打都係街坊 同埋le頭打工仔生意。黑椒雞扒腸仔飯 $47包中湯連熱飲 凍飲只需加$2可以要求多飯 唔使加錢正常茶記水準自選2餸湯麵套餐 $35都係冇咩特別 正常嘢通粉好大兜 食唔曬熱阿華田 正常水準唔會太稀 但唔係濃味如果鍾意飲較濃 聯和墟街市熟食中心有一間叫做 奇x美食坊試過佢嘅華田 茶記來講算落粉落得重手凍檸檬茶茶底不錯 混合埋檸檬有澀澀地嘅味道下午茶 性價比一般因為聯和墟 太多選擇啦

難得去食早餐，同事介紹呢間，話都好食。叫左個自選早餐，鮮牛肉好似抵食配意粉。個牛油餐包，都叫做用心既整熱番，牛油都溶掉既，但個質感唔好食。 好小覺得包唔好食，但佢真係痳痳地。個炒蛋完全唔得，好油 ，似炒好晒一份份咁夾落去，紅腸煎到勁油。鮮牛肉唔太新鮮，食落口感好粉，應該後期加工好多既肉。意粉就叫做唔錯，份量都係飽肚既。杯奶茶就不過不失， 雖然$31食個早餐，無得要求咩，但都期望可以用番心小小，期待佢會改善下啦。

每次去呢間餐廳食野都會令人好失望。就係佢既出前一丁。佢所講既出前一丁都只不過係普通公仔面再加麻油，真係比多3蚊去買包麻油黎食。個湯底一食就係擺到明沖開左淡左好多既味，勁淡。然後講下啲面，佢既口感同面既粗幼根本唔係出前一丁。重點係，我地同佢投訴既時侯，佢地話：「可能係冇落麻油」。但重點唔係有冇麻油，而係，佢根本就唔著重個餅底。呢d既呃呃騙騙完全反映出呢間餐廳既經營手法同態度，根本唔係本住良心經營。

平時茶餐廳嘅早餐，唔係普通餐包就係牛油多士，但呢間位於粉嶺聯和墟嘅英華茶餐廳可以加錢轉有醬多士！超級吸引！呢間餐廳算多人幫襯，所以繁忙時間會有啲迫同嘈。🔹歐陸早餐 - 蒜香煎雞扒配炒蛋、茄汁豆 $33 轉醬占多 +$3早餐款式都多選擇，雞扒不過不失，炒蛋如果多少少蛋汁會較佳，整體係OK嘅！重點係件醬占多😍！要大力讚一讚！多士都算脆底，而醬料係好足料！有圖有真相，你見到師父係一大pat狠狠搽落去！多士控嘅我覺得食到咁足料覺得好開心！加3蚊覺得好抵食🤤！📍英華茶餐廳粉嶺聯和墟聯昌街36號．．環境分數：7/10食物分數：7/10Encore分數：7/10

工作中最開心係試未食過嘅餐廳，今日在呢間門口搵到位泊車，普通茶餐廳格局！桌椅都幾迫，要加櫈先可以坐埋一齊！早餐選擇都幾多，有啲特別啲嘅款式咖哩牛腩米線（$31）好多咖哩汁，撈勻變咖哩湯底，咖哩味幾香，但撈湯食就淡咗！如果係撈米線就好正！牛腩粒幾多，半肥瘦淋身唔嚡，不過纖維粗啲！生菜爽脆！米線以為好淋，點知幾彈牙！好味熱檸茶：茶餐廳水準，茶底濃唔澀！同事食：熱咖啡：凍檸茶：熱檸水：熱可力：雞扒米線：回鍋肉通粉五香肉丁麵：奶油牛角酥：餐包：香腸煎蛋：香腸午餐肉：奄列：店員爽手勤快，仲會留意街外有無抄牌！所以好放心食！茶餐廳咖哩早餐

區內$40內一個午餐仲有飯有湯有嘢飲真係難得，英華仲要超高效率。主菜款式都唔少，湯款都有中有西。落咗就即刻上湯，主菜都係兩分鐘就得，係趕食晏嘅好飯堂。叫咗份滑蛋牛肉飯，飯嘅份量大，牛肉都有十幾舊，四十蚊一個餐真係已經交足功課。

20170407(星期五)--有次行經英華，看見店內食客點了炒意大利粉，碟頭很大，賣相吸引，當時心想有機會要到此光顧。是日下午二時，店內坐了八成客人，餐廳兩旁的卡位坐滿了客人，我一個人坐了在中間的四人桌子。店內裝修一般，不算新簇不算太老舊。侍應主動點餐，點了5號餐，拿破崙炒意粉+凍檸茶 : 意粉上桌熱騰騰的，相片不是濛，而是看得見的熱度--冒煙，熱食有熱度，已取得我的合格分數，碟子用上中碟子，分量是下午茶份量，算是比午餐少，一人吃剛好。酸酸甜甜，材料就是普通不過的火腿、青椒和洋蔥等等，味道不錯。凍檸茶，大大小小的檸檬共有五片，夠晒誠意，但味道又不算很好，說了少甜還是有點過甜。埋單:$33，份量少了，所以價錢又不算太便宜，天花有點低，加上客人談話聲浪大，有點嘈吵，茶餐廳來說，整體不過不失。後來回想我路過時看見的炒意粉是用豉油皇炒的，下次可能會再來吃，我還沒吃到的炒意粉。

以前喺聯和墟入面周圍行睇下有咩食，次次經過英華都冇乜興趣，因為燈光又暗裝修又舊。 但係自從佢裝修左之後我終於決定去試下呢間好似開左起碼十年既餐廳，估佢唔到d野真係幾好，又抵食仲有好多選擇，d老火湯又正。我自己就好鍾意佢既早餐，可以有好多唔同既配搭。 雞排煎完塊皮脆卜卜又唔會太油！

11-4-2009由於之前0係群記食得太多辣椒油 , 舌頭痕口又渴, 見附近有間幾冰室 look 的茶記, 又入0黎飲杯0野兼食第二餐 lunch 填填肚, 還掂坐低時已有 $20 下午茶餐供應. 熱奶茶色水奶多過乜, 可幸飲落幾滑, 奶味只大過茶味少少, 算不錯吧.凍奶茶賣相有點「雲石」feel, 朋友飲一啖後反應係「嘩, 勁奶...」, 真係 @_@"腿蛋治 (唉, 唔記得烘底 tim) 餡料熱辣辣, 蛋炒得香, 加埋「金妹」味火腿, 都幾好食.朋友又食西多士... 炸得金黃色, 乾身無油, 蛋香一般, 不過落點杰撻撻的糖膠食, 都幾好食0丫. 入面無門口咁舊式, 幾乾淨光猛, 加上阿姐幾 nice, 幾舒服的一個地方.放低 $20, 搵唔返祥華邨0個間冰室, 不過呢間代替品坐0下感覺都唔錯, 可以一試.

呢間茶餐廳咪睇佢門面有少少"up dup",其實野食好好味,講真我地都係食野,食裝修都唔飽架啦~係咪??記住叫佢d炒粉麵,真係好正好夠鑊氣,小油又得~掂!!!

去完鹿頸出粉嶺食四眼仔再到英華食下午茶. 十八元有生炸雞肶及薯條,奶茶好飲,茶及奶味剛剛好.簡直超值!

喱間茶餐廳係我同事帶我食。睇落好懷舊，但食唔錯。我近排我都食3、4次，次次都係晚飯，喱度有個小菜套餐，$30包一個、一個中湯& 一碗白飯。我試過小菜有：支竹斑腩- 斑腩好入味，但斑腩始終有少少雪味。魚香茄子- 有好多鹹魚，所以鹹少少。生炒骨- 推介，汁唔會太大醋味。薑雞翼- 勁多薑，正！芙蓉蛋- 幾好！有好多料！碗白飯& 中湯好大碗(係用湯碗)，碟份量都好夠，而且水準都好穏定。另外，想飲，可以半價加飲品。

這間茶餐廳是我最喜愛的茶餐廳, 食品水準一流, 招呼亦十分周到, 價錢合理. 特別推薦是鮮牛旦三文治, 十分足料, 十分美味, 非常好吃, 每次光顧必定order一份. 另外, 那兒的快餐及常餐及扒餐非常抵吃, 我特別鍾情招牌雞扒飯(即雞扒加荷包旦)配豉油汁, 簡直是一絕. 其他扒如豬扒及牛扒也不錯