英記火鍋海鮮酒家 (已結業)

除了很小的時候我在北角住過幾年外, 兒時真的幾乎不過去香港島男友卻是在香港島住了差不多二十年, 某天經過這裡, 說他以前有去過英記就趁他考完試慶祝一下吧進去的時候, 看得出來是一家蠻有歷史的火鍋店, 桌椅都是舊舊的, 但當然, 都乾淨的啦餐前小吃有醃蘿蔔跟花生湯底想清淡一點, 捨棄麻辣鍋跟鴛鴦鍋, 點了牛坑腩蘿蔔湯底湯頭有蠻濃的牛的味道, 坑腩肉鬆化美味, 很不錯這裡的混醬要$10一位, 但他們的醬油味道不好, 很死鹹來這裡一!定!要!吃!牛!肉! 我很少吃到這麼新鮮的牛肉牛頸炙肉味很夠, 但就少了一點油香滑牛的調味很讚! 而且煮吃來真的是很嫩, 而且肉味是吃得到的鮮, 好好吃喔另一樣一定要吃的就是他們的自製丸類. 他們的丸類都是以鮮肉打出來的每一顆都能吃到其鮮味, 而且非常彈牙! 平常我不愛吃鯪魚肉的, 也覺得好吃牛白玉即是牛胸腹油, 不需要煮太久, 幾秒就可以吃的了質感爽身, 也有油香, 我知道佐敦的新明記跟尖沙咀的東來順有這一味, 也是好吃的一個火鍋料其他的配料有一般般啦, 來這裡真的不要錯過牛肉, 丸類跟牛白玉前前後後吃了四大碟牛肉, 所以最後呢...吃了$1000, 本來我是

是年多前的冬至了，本人食評的堆積程度，簡直是有點兒誇張了，不過本人就是那麼懶，反正又沒有人吹交稿，這樣寫食評真寫意，所以有時候興趣就是興趣，正如喜歡唱歌也不用參加歌唱比賽，反正現在會欣賞的人都不多。話題真的是拉遠了，都是去談吃過癮一點，一行六人在凍冰冰的日子去吃火鍋，真的是窩心，還要選了吃早在Wish List中待了良久的英記，聽說此店的用料非常新鮮，而且肉丸類的火鍋料更是新鮮打製，真的是教人期待。此店雖然是在老區上環的老店，在一所較為舊的大廈之內，但至少環境光鮮魚缸內的海鮮活潑的在游，更有酒櫃讓人喝酒，而且六人坐到近乎八人的枱，至少坐得不迫狹，環境方面其實一點也不差。老式火鍋店就是老式，除了裝修之外，騙不到人的，就是送來的酸蘿蔔及涼菜，用白醋浸醃過的白蘿蔔、青瓜及甘筍爽脆可口，入口酸酸開胃而不死酸；另外的花生就普通得來夠脆口而又有鹹香，實在不錯。先來點火鍋湯底，家人不太能吃辣，但惹味而少辣沙嗲湯，也是一個不錯的選擇，而另外的湯底，就選了清熱的香茜皮蛋湯底，而它們也沒有令我們失望，沙嗲湯底的湯頭濃郁挺稠，味道香辣而帶花生香味，味道帶點複雜，真的很不錯。另外的香茜皮蛋湯底湯頭就是夠清甜，

年廿七放工，本來想去酒樓打邊爐，但好多酒樓嗰日唔做火煱，因為好多人BOOK枱食團年飯，無辦法，唯有轉去第2度食，醒起西營盤有間英記火鍋，聽講係老字號，決家去試下。入到去先知唔係任食，係逐碟野叫，見隔離枱都幾大碟，我地得2個人，總共只係叫左8樣野, 都已經食到好飽。美國肥牛 - 薄片，好味牛孖根 - 好大舊, 食落好"漏"下雞脾菇 - 冇乜特別米線 - 好滑唐蒿 - 菜一碟, 冇乜特別皇帝菜 - 第1次食, 有D似西洋菜牛白肉 - 又係第1次食, 好爽口, 不錯過橋九菜卷 - 問侍應呢樣係乜黎，佢話係炸既, 好好味架, 要半碟試下啦！我問咁點計數, 佢話收一半錢，我話OK，試下，的確係幾好食, 不過有D油 ($55一碟, 我地點半碟, 有4件, 明明話半價, 但收左$30)

平時lunch, office附近都無乜選擇, 所以通常都係英記, 夠快靚正!!! 佢d點心整得幾好, 唔太多選擇, 但夠懷舊, 特別係佢d馬拉糕, 真係無乜邊間有個比!!! 同埋個午市點心套餐夠抵食, 有點心, 又有靚湯加粉麵飯!!!不過平時lunch time都見幾多人打邊爐, 一直都覺得幾搞笑, 想試, 但個一個鐘放飯, 唔夠盡興!!!

因聽朋友介紹, 所以嚟試吓, 我哋兩個叫咗好多嘢食,黑柏葉 - 幾好象拔蚌仔 - 普通, 冇咩特別, 不試也罷四寶丸 - 必試美國筒蠔 - 太細隻, 唔夠肥美鱔片 - 太薄, 唔夠口感牛肉頸脊 - 不太新鮮 桂花蚌 - 唔抵食因份量太少, $88碟脆骨腩 - 抵食, 喜歡食魚的必試西洋菜 - 正白菜仔 - ok火鍋湯底 - 沙爹湯底唔錯

天氣凍左就想去打邊爐~打邊爐當然食我愛既海鮮同肥牛.我地9:00之後去有特價.我地2個人叫左好多野~ 有大花甲, 迷你象拔蚌, 美國oyster, 鮑魚仔, 墨魚滑, 牛脛脊 等等雖然全部都係特價, 但係所有食物都好新鮮~花甲 - 好大隻~迷你象拔蚌 - 好新鮮美國oyster - 又大隻又香鮑魚仔 - 仲識動墨魚滑 - 好彈牙牛脛脊 - 一般啦, 不過只係$48就照收貨~Service都好好, 不停有人加水, 上菜都好快~打邊爐首選~ 仲有代客泊車!

因為同屋企人慶祝生日，又好幾年好食，　所以再黎呢度囉．．點知啲小菜既水準同以前食根本兩回事．．我們叫咗個$1380既套餐．包括:１）碗仔翅:　算ok２）　上湯大蝦伊麵： 唔好食，啲麵好”林”好咸，啲汁好似茄汁既上湯　（以前喺呢度食龍蝦伊麵好好食架．．真係超好味，依家呢碟嘢同以前果碟真係差好遠好遠．．）３）　西蘭花珊瑚蚌帶子：　啲帶子好似擺咗好耐咁，好黃．．　啲西蘭花都好黃４）　草菇扖白菜：　碟菜好老，好苦５）　清蒸海斑：　最好食既一味餸６）　沙薑雞：　成碟雪雞，　好老好鞋．．．我們每人夾咗一嚿成碟好食，差！！！７）　炸曼頭／蒸曼頭各６個：　無難度既嘢．．ok8) 炒飯： 可接受送糖水都唔知點解依家仲有咁多名人去, 究竟係佢們唔識食定係老闆留返啲靚嘢比佢們, 我們呢啲比啲最差既嘢我們食, 咁唔去都算, 無下次喇!

當日天氣涼涼地，記得蔡灡介紹過，入去人煙鼎盛，待應說還有最後一張枱。生菜西洋菜$30，筒蠔$98，鱔片$78，本地肥牛$78，魚嘴併魚腩$45，響銅鈴$38(即炸腐皮卷，好香口)。看門口報紙介紹，日本豬鬆肉$78，一般，無特別; 而介紹牛白肉$78，白色，是牛胸前軟骨，爽口，鮮甜，最特別。樣樣都好新鮮，加上爐火夠猛，湯好大滾，可能包住鮮味;我們食唔停，一路食一路讚，比起之前食過的火煱，此處暫時是我的NO.1!

周末前夕放工後去了西區打波，想去鄰近球場的英記火鍋打邊爐，因為英記颇旺場，便在球場上OR網頁查訂枱電話，預先訂枱以免向隅。 不過於預訂時間到達，還要多等一會才能入座，侍應安排了一張近進口中枱，旁邊三張大枱都坐了些内地遊客，環境比較嘈雜一些，不利大家傾談吹水。 這裹是用氣喉將石油氣輸送到枱面上的爐頭，相較卡式爐和電磁爐的火力較猛及穩定。安頓好行裝及球拍後，先開爐叫了栗米红蘿蔔湯底，再慢幔細選鍋料，最後記得柯打了美國肥牛肉、鴕鳥肉、黑毛肚、四寳丸、四寳蔬、四寳餃、四寶菇、墨魚滑、脆鯇片及唐嵩菜等等未能一一盡錄，之後再要了一揸矛根竹蔗水及啤酒。 雖然今天没有要較高價的海鮮或進口和牛肉，但在英記就算一般的鍋料都好新鮮及有質素，而且選擇夠多，食物絕不會令人失望。不過一分錢一分貨，英記的價錢不算相宜，今日這麽多款食物的質素都令人滿意，五個人共花了七百多塊埋單，其實比一般任食火鍋貴不了多少，與稻香火鍋一般的消費百七元相比，更感英記較抵食及食物質素好，只是環境稍不及酒樓及太嘈雜。結論: 西區優質火鍋之選，各位食友但試無妨。

日日坐車經過都冇機會試下...今次夜晚就黎試下啦...去到一出電梯就見到個飾櫃放左好多電單車的物品..吸引左我睇左陣...入到去見到係舊式茶樓...因為係夜深既關係...得返幾枱客...埸面有d冷清...我同朋友點左野食之後...先至發覺火鍋爐好特別...馬上影底左...望下周圍見到牆上有個架放左幾個舊火鍋爐...又係一個歷史...英記野食係一碟碟叫...價錢都ok...湯底重有好多選擇...幾好...叫左....雪花肥牛..白鱔片...牛柏葉...魚皮餃...墨魚滑..等等...雪花肥牛..白鱔片兩個都幾好味...魚皮餃..都ok..(平時覺得果層皮好難食)墨魚滑一般啦...比不上火井...但係湯底幾鍾意...有機會會再試...

因為一時興起想打邊爐,冇book到枱就黎左呢度,六點半上到去,已經話冇book枱就要最少等半個鐘,諗住半個鐘都ok,就等下啦!最後係等左成粒鐘先有得食.....叫左個澳門豬骨煲,一黎到即刻試下個湯,點知稀到阿媽都唔認得......(有骨氣個豬骨煲好好多),不過就幾多料既,勁多豬骨,又有雞腳、蘿蔔、粟米~四個人例牌叫左十碟野倒,d野食都冇乜特別,值得一提既係d牛,幾好食,尤其是有個牛頸脊.總括黎講,佢d野係偏淡味,連個豉油都淡過人.....岩d健康人仕同老人家食既~

來過這裡幾次，這晚同一個朋友來二人火鍋，發現個鍋不同了，服務員說不斷改進吖嘛。後來我們發現水滾得好快，鍋裡的湯不能歇止地洶湧翻騰，食物也熟得特別快，使我吃得也特別趕。原來個火也改猛了，還是個鍋改良了？我們要了以下的食物：三文魚刺身 - 比起日本壽司店，這裡的當然不及新鮮啦；不過肉厚。四川麻辣湯底　－　不算很辣，最初有點兒失望，認為麻辣太小，不夠辣，後來發覺其實已經辣得剛剛好，否則會吃不下，不過味道不夠濃。本地吊蠔　－　大小適中，頗新鮮，一不小心把它遺留在水深火熱的鍋裡太久後，變得細小很多，還好未算變成蠔仔。魚雲　－　朋友摯愛。都好多肉。韭菜餃配水餃　－　水餃的蝦肉夠，幾爽。本地肥牛　－　不夠肥，牛肉不夠嫩，但未算奀。山根　－　本人火鍋摯愛。生力啤酒兩枝　－　我不太喜歡又凍又熱地吃飯，但想不到其他可以配火鍋的酒。清酒是不錯的，不過之後會好燥熱。為了配合湯滾的速度，我趕住食而飲得慢，所以竟然飲剩了。

今朝o係犯左好多個大錯o既情況下同bb同mami 細佬黎呢度食飯~bb好好咁明明好嬲唔想同我講野都對我屋企人好好, 仲唔黑面~~我地今日食左魷魚鬚~ 牛柏葉, 咖哩魷魚, 牛肚, 炸兩, 春卷~~全部都okay啦~~ 全部大中小點都係11蚊咋~o係同區酒樓算最多野食可以揀~ 其實想叫埋個炸雞翼, 可惜太貴丫> < 22蚊呀~佢d野食叫完再黎都算幾慢, 等到d茶凍晒先有野食黎, 好彩mami心情靚...今餐食咩其實都冇胃口, 因為知bb唔開心, 好辛苦好累好熱, 仲要我攪想佢咁~ 食龍肉都冇味..> <o係度同bb講"對唔住我以後唔敢啦!!!!!!!!!!"

周末前夕跟波友打波後，一行八人到波友推介在球揚附近有名的英記火鍋，門外的大水缸放滿各式海鮮，看來都很新鲜。入內發覺客人頗多，先到的波友巳在較入的位置找到一張大枱，環境方面枱舆枱之間距離較短，比較廹了一些，一坐下還未開爐在寒天之下都感到已感到一陣悶熱，通風系统實在有點不足。看見菜牌上連日本和牛和各式海鲜都有供應，可見這兒雖然環境一般，但都有供應較高價的窩料。我們要了一個蕃茄薯仔湯底及一個沙爹窩底；涮料方面我倨叫了以下多款:1. 手切本地肥牛2. 美國雪花肥牛3. 手切羊肉片4. 鮮螺片5. 四寶丸6. 象拔蚌片及肝7. 鯇魚腩及魚滑8 鲜墨魚9. 魚皮餃10.雲吞11.猪肉片11.多款蔬菜等等店内有酱料架給客人根據個人口味來混醬，各適其式，這裹的食物真的是質優味美，肉片全都帶有濃烈的天然肉鲜味，肉丸都是自家新鲜打製的，雖然質素很高，但價錢绝對不平宜，每人要俾二百多元落樓，都有點兒肉痛，但間中食一次也無妨。評級: 可以一試，質素有保証。

上星期五去咗英記打邊爐，環境好街坊，通風系統唔太好，坐低食咗一陣就覺得焗，夏天真係唔好去添呀，焗病都似。8個人點咗3款牛肉，1款羊肉(我唔食牛、羊，唔知唔道好唔好)；日本黑鬃豬，味道普通，同喺citysuper買的沒有兩樣，價錢都差唔多；鱔片幾好味又夠新鮮；四寶丸好新鮮，夠彈牙；蝦滑一樣好鮮味；反而螺片、象拔蚌、墨魚等海鮮就麻麻地，雲吞等餃類都較普通。