茂一茂 (已結業)

下午茶時間，好想食涼粉，就入左呢間中式甜品鋪。芒果涼粉 $28 麻辣魚蛋6粒 $12 滷水茶葉蛋 $7 先食咸再食甜，感覺隻茶葉蛋有d細粒， 而d滷水味滲唔入蛋黃，香味都唔夠。麻辣魚蛋就正正常常啦 ，唔算特別彈，好似平時四海魚蛋甘。(有時有啲鋪頭，個魚真係有魚味，而且好彈牙) $12有少少貴，得6粒，不過鬼叫我想食咩😂芒果涼粉都幾足料嘅，有幾舊芒果，而且果肉鮮甜多汁，芒果汁好甜，溝埋涼粉食岩岩好。夏日炎炎食個涼粉就最降溫啦！

喺到荃灣開左一排嘅南豐紗廠 the mills, 自翻新開放後，比人既感覺同埋對象都比較偏向文青系既年青人，但原來除左充滿文化氣息既手工小店，呢到都有間係比較地道同平民既糖水鋪。今次機緣巧合地，喺附近開完會，已經差不多晚上十時。經過mills既壁畫小巷，見到竟然有間咁夜未關門既糖水店，加上天氣開始涼涼地，突然心血來潮去歎番碗熱辣辣既糖水。入到去，樓面唔算十分大，但由於算新，環境十分整潔，亦不見很多個人流。今次想食番碗較清潤，所以叫左碗桑寄生蓮子蛋茶，食落濃度和甜味都適中，唯隻蛋煮得有點過時，令食落既時候不耐鬆軟。整體黎講，喺咁文青既舒服環境下慢慢咁歎碗糖水算係幾寫意，但價錢方便相較同區其他糖水鋪就有點貴。

突然想食甜水，搵搵下先知有間甜水舖係南豐紗廠。幾多傳統中式糖水！價錢合理。叫左合桃露同腐竹薏米白果。合桃露幾有合桃香味，腐竹薏米甜度適中，d腐竹已經煲溶曬，都幾滑，但係薏米同白果好少，所以相對唔太抵食。

荃灣又有新地標，坐落於白田霸街的活化工廈 - 南豐紗廠。這裡有很多特色的商舖，手工藝手錶、醬油、特色餐廳等。行得攰攰地又唔算好餓，於是到了茂一茂食糖水，叫了：桑寄生蓮子蛋 - 有甘味，蓮子又足，仲有一粒QQ的雞蛋，質素一流桂花薑汁芝麻湯圓 - 圓圓的湯圓，浸於金黃的薑汁湯中，表面鋪上一層桂花，好有詩意。味道方面：薑汁微辣，湯水甜度適中，加上陣陣桂花香味，芝麻湯圓內的芝麻一點都不甜，好足芝麻味下次經過一定要再光顧。

「茂一茂」是南豐紗廠內的甜蜜品店，主賣傳統中式糖水。店內陳設清簡，在營造傳統懷舊感覺的同時，裝飾亦加入了現代藝術原素，貫徹紗廠活化的概念。坐下後不消一會，各款糖水已緊接送上。「腐竹蛋薏米白果」甜度適中，腐竹基本上已溶於糖水之中，豆香不俗，亦夠滋潤。「桂花薑湯芝麻湯圓」同樣有不俗的風味。薑溫微辣性溫，適合秋冬天氣。在薑湯中引入桂花，更令薑湯多了一重花香，食感更怡人。芝麻湯圓向來屬小編所好，尤其喜愛搶香的流心芝麻餡。今時今日甜品店越開越多，但售賣傳統中式糖水的小店數目則沒有顯著增加。中式糖水不追求花巧，只講求穩實的功夫。「茂一茂」的糖水基本上能滿足這方面的要求。泊車情報：時租 $25/小時；週末消費滿 $300 / $500 分別可享免費泊車 1/2 小時。

在南豐紗廠的甜品店，有特色的中式糖水，坐得舒適。還有燒餅，黑松露野菇多士，魚丸燒賣和墨魚丸配特別配方辣汁，是不錯的下午茶選擇。店長很友善，是一間值得支持的小店。多一個在荃灣吃糖水的選擇。

早2日我返工last day.諗住請同事食少少嘢就喺網上外賣平台見到茂一茂。見到佢芒果pancake只係$11一件，已經覺得好抵，而家呢個年代出面閒閒地已經20幾蚊件。於是我就order咗25件，點知隔咗陣店員打嚟同我講佢哋只係得13件pancake🥺當下都有啲失望，但店員好好，問我會唔會考慮要佢哋鋪頭其他嘢食，俾我感覺佢好有誠意。最後我揀咗要芒果布甸，點知佢哋都得返8件😂就話送啲魚蛋燒賣俾我。其實佢哋咁樣補俾我，已經over咗我本身幫襯佢嘅錢，我問佢點樣俾返啲差額佢，佢話唔使，話係因為係佢哋鋪頭唔夠貨，唔係我責任。話雖如此，但而家好多鋪頭就算係咁都會要個客自己suffer返嘅，所以都覺得幾難得。到啲嘢食到嘅時候，我仲見到張紙仔。原來係佢哋鋪頭芒果布甸只係得返5件😂😂所以最後用多咗2份楊枝甘露補俾我。佢喺紙仔仲話唔好意思，希望我鍾意等等。真係覺得好有心❤️講咗咁耐，終於講到啲食物質素。當時我唔知原來呢間係地茂館嘅分支。又見佢咁平，所以都唔expect好食。但係食落啲pancake真係唔差，完全對得住價錢有餘，皮唔會太厚，芒果亦唔會過酸同時唔係浸過糖水嘅味。楊枝甘露佢用咗杯裝俾我，開頭我當

去開荃灣吃晚飯，正想點甜品之際卻看到社交媒體報導茂一茂於7月1日至7日晚上7點半至10點半全部糖水做買一送一大優惠，為期7日。時間與地點配合，便決定轉場！分店裝潢加入藝術元素，帶有文青氣息。糖水款式相對較少，沒有我愛吃的星洲靚喳喳，十分失望！於是點了鮮磨杏仁茶，上桌後覺得好像缺少什麼，才發現忘了點蓮子！便跟店員說想加蓮子，店員說可以，會另外給我一份蓮子。杏仁蓮子百合 ($35)杏仁茶囗感滑溜，但味道較甜。蓮子份量多，可是質地較硬，不夠軟腍，沒有入口即化的口感。

九龍城老字號甜品店「地茂館」，早前就於荃灣南豐紗廠開設分支「茂一茂」。（*新開張優惠1/7 - 7/7 糖水買一送一）茂一茂地方簡整潔光亮，裝潢保有本地甜品店的傳統風格，而且更加入藝術元素，可以邊歎甜品邊睇展覽！店內糖水選擇與九龍城有點不同，可惜的是沒有了我最愛吃的喳咋。壁畫上師傅手搓湯圓，加入薑片及片糖，甚具特色。桑寄生蓮子蛋茶 + 芝麻湯丸 - $35桑寄生味道清甜且有點甘香，而且加入了很多的蓮子(全沒有苦澀味)，但雞蛋味道較淡(應該是沒有足夠的時間浸泡），另加入了芝麻湯丸，食落更有層次，更滋潤。

南豐紗廠都開左一段日子，又喺附近返工，食過嘅都係茂一茂隔離間大光燈多，係近日見到佢係夜晚7:30後做買一送一，又咁啱加班到咁上下時間，就拖埋我女人黎食糖水sweet 下，店舖設計係舊式冰室風格座位有啲窄，不過鋪頭唔大，香港地寸金尺土算係咁，餐牌選擇唔算多，但貴精不貴多，專注好出品仲好，咁先贏到口碑嘛！價錢其實唔算貴同外邊其他糖水舖差唔多，但比其他糖水舖好嘅係可能地段同時間關係冇咁多人的逼😬我就簡簡單單叫咗個傳統嘅香滑芝麻糊，店員服務唔差都主動，上菜速度幾分鐘都有，講返芝麻糊先，份量係一個飯碗咁大，都剛好載滿童叟無欺，質地濃稠度合格唔水汪汪，無一舊舊，反而味道我幾喜歡，清甜唔苦，杰身滑口，係略嫌黑芝麻味唔夠重，但以$27價錢我覺得都算係咁。

荃灣文青新地方南豐紗廠已經開業很久引入很多不同類型的文青商店及食肆茂一茂就位於入口處的地鋪他們以「原味手作」的理念，手調健康美味中式原材料榖物飲品。如果是荃灣人，傳統中式糖水通常會吃附近某一間很出名的現在多了一個選擇其實它也有一些西式糖水選擇小食的價錢其實相當合理，更可以說是便宜鮮磨蛋白杏仁茶 — $35份量非常大杯，應該有一包紙包飲品那麼多，接近400ML俯瞰整杯白雪雪，十分治癒入面有很多一片片及一塊塊的蛋白很喜歡杏仁帶一些渣另外留意到開飯的營業時間有誤南豐紗廠官網寫它的營業時間為Monday to Friday: 11:30-19:00/ Saturday to Sunday: 12:00-20:30

喺附近嘅工廠區拎完集運件，就是想走一走去南豐紗廠行一行，喺呢一個繁忙嘅星期四晚上停一停。 由於已經是晚上，還是放棄一杯好咖啡吧。 踏入需要養生的階段，不如試一杯杏仁蛋白茶。杏仁蛋白茶真材實料，杏仁鮮磨， 蛋白為杏仁茶增加啖啖口感，唯口味偏甜，如果可以略略調節，就更加完美啦！ 不過環境加分，體驗還是很不錯的！原來這幾天茂一茂開始有晚市，並進行買一送一大優惠， 先點了杏仁茶，再帶了一個綠豆沙給家人。 星期四晚上的休閒只需三十五蚊。

<<生在美食天堂，點可以唔識食>> <<I born in Paradise of Food，why not explore deeper?>>今日陰晴不定既中午來到南豐紗廠已經番新成藝術文化集中地有多間小型品牌，又有不同展覽。參觀完畢後，去到一條壁畫街。入依間茂一茂，主打中式糖水。食品選擇多，有凍有熱。正～凍紅豆紫米豆奶，味道偏清淡，紫米味道最突出，其實可能對大家黎講係一般般，不過個「正」就擋獻比個「凍」字。正～腐竹雞蛋糖水～正在足料一般～擂沙湯丸，因為花生好大粒上唔到湯丸，同太甜總結/其他裝修：懷舊座位，光鮮設計，貼牆座位寬敞服務：主動有禮，餐牌易明

上次經過南豐紗廠食唔到茂一茂，今次終於食到😆·🍡擂沙湯圓（$23）黑芝麻湯圓從來都係我最愛😍小店自己搓既湯圓，皮唔會過厚，餡料香味十足👍🏻👍🏻配埋糖不甩既花生糖碎，好味啊🤤·🥣合桃露（$29）好杰身！食完飽到唔洗食飯😂好香合桃味🤤🤤忍唔住偷左媽媽幾啖·🥚桑寄生蓮子蛋茶（$29）養生之選🥳行氣活血😏女仔岩哂！·🥛生磨蛋白杏仁茶（$35）家姐點既，佢話蛋白好少～我試左一啖，杏仁味好濃烈🤢-📍茂一茂荃灣白田壩街45號南豐紗廠地下G13鋪

地舖在圓形壁畫區對面，假期黃昏六時光顧，少人。擂沙湯丸頗稔，用牙簽拮來吃易爛，沾些旁邊的花生碎吃，更滋味。蛋白杏仁茶完全不甜，合桃露正常一點。最喜歡桑寄生蓮子蛋茶，甜美，蓮子大大粒又稔。