影片
營業時間
今日營業
07:00 - 23:00
星期一至日
07:00 - 23:00
以上資料只供參考, 請與餐廳確認詳情
相關文章
來到天水圍探朋友，誤打誤撞闖入咗呢個屋村商場入邊搵食！見到呢間茜廊餐廳價錢都幾親民，一於喺到食返個平靚正西餐！餐廳仲有埋送餐機械人添～✨鐵板西冷牛扒配薯菜西冷牛扒粉量十足！五成熟剛剛好，用鐵板上可以保持牛扒嘅溫度！牛扒色澤粉嫩，食落口柔軟多汁！配搭蒜蓉汁，味道一流～✨黑椒雜扒意粉呢個雜扒餐超抵食！有齊豬扒、雞扒、漢堡扒 同埋法蘭克福腸，簡直係食肉獸至愛！意粉彈牙，撈埋黑椒汁之後變得好惹味～✨忌廉湯忌廉湯帶有濃郁嘅奶香，仲食到粟米粒同埋蘑菇粒添～✨蒜蓉包蒜蓉包蒜香濃郁，香脆可口！最鍾意嘅食法就係點埋忌廉湯一齊食～✨凍奶茶✨熱檸水
繼續閱讀
天水圍茜廊餐廳有左好多年，間中都會同住天水圍嘅朋友黎食，貪佢地方大有大枱，食物選擇多價錢親民，是晚又同天水圍友黎食啦。點左兩份餐同兩份小食，QR CODE落單介面易用。⭐羅宋湯 & ⭐忌廉湯 & ⭐蒜蓉包跟餐有餐包同餐湯，揀左一紅一白湯，再配上烘得香口蒜蓉多士，正。⭐蒜香雞翼雞翼香脆好食，蒜香味正。⭐葡國馬介休球炸得香口，入面仲有一絲絲魚肉😋⭐三色芝士焗海鮮飯白汁加芝士係絕配😆飯炒底夠香，焗得乾身仲有飯焦，海鮮有蝦仁、魷魚、青口等，好食。⭐黑松露野菌薄餅薄餅一上枱就聞到香味，黑松露好香呀，芝士同蘑菇都下得多，加上餅底香脆，係正喎😋⭐凍朱古力 & ⭐熱檸茶餐飲軟凍飲唔使加錢㗎😆店內仲有送餐機械人，記得拎完後㩒製叫佢返回原位呀。
繼續閱讀
好耐冇食過「茜廊餐廳」啦 細個成日跟屋企人去食早餐 估唔到佢地既晚餐都咁抵食 今次試咗個豐悅二人晚餐$269 性價比高到嚇親我✨頭盤煙三文魚芒果沙律 個沙律好大碗 煙三文魚份量十足 配埋香甜芒果同新鮮沙律菜 個酸甜醬汁開胃得嚟又唔會太膩 食完已經有少少飽肚感✨餐湯我地揀左羅宋湯 好彩我果碗入面有一大舊燉到好淋既牛肉 湯底濃郁得嚟唔會太鹹 配埋熱辣辣既蒜蓉包 外脆內軟 浸落湯食簡直係絕配✨主菜♡鐵板特級肉眼扒揀左7成熟 塊扒真係好大塊又厚身 切開仲見到粉嫩既肉色 肉質夠淋又juicy 最正係鐵板上枱時仲滋滋聲 配埋雜菜同薯仔 夠晒經典♡芝士白汁煙三文魚煙斗粉估唔到係焗既 面層芝士烤到金黃色 煙三文魚同煙斗粉既份量多到好似食極都仲有咁 白汁creamy得黎又唔會太漏✨飲品 凍飲大大杯又唔洗加錢 都唔錯✨甜品今日甜品係芝士蛋糕配士多啤梨醬 芝士味濃郁 質地夠實淨 配埋酸甜既士多啤梨醬 好滿足
繼續閱讀
茜廊一直都係抵食之選❤️原來分店已經擴展到天水圍現場座位眾多，有唔少家庭客幫襯👍🏻🥣羅宋湯味道辣中帶點蔬菜甘甜，相當足料🍞蒜蓉包以烘脆的法包配上蒜蓉牛油蒜味香濃、口感鬆脆🥩鐵板特级肉眼扒撐留港消費特價$98，超值抵食上菜時鐵板熱辣辣，淋上黑椒汁，發出熟悉的咋咋聲🔥7成熟的厚切肉眼扒，內裡是啖啖嫩紅的牛肉選配薯菜，有粒粒薯角與蔬菜整體份量十足，令人飽肚滿足😋🥘芝士西式牛柳粒焗飯焗飯惹味，充滿芝士與蕃茄風味🧀伴以牛柳粒、蘑菇片等配料，足料滋味以炒飯作為飯底，食落香口、粒粒分明👍🏻🍽️法式焗田螺芝士、薯蓉、田螺三者完美融合入口有層次，是道不錯的小菜
繼續閱讀
天水圍有分店，用餐環境溫馨舒適，桌椅排得鬆動，唔會太迫光線柔和，感覺有啲café風，同朋友聚會好輕鬆😎食物方面都有好多選擇挺優惠包湯和飲品，想加小食只要小小錢便可。1. *羅宋湯*味道濃郁，有蔬菜同牛肉丁，熱辣辣夠啱開胃；*蒜茸包*烘到脆脆地，蒜香突出。 2. *煙三文魚有機菜salad* （加錢小食）新鮮度高，三文魚咸香同菜都幾爽脆。 3. 法式焗田螺（加錢小食）都算系茜廊嘅招牌之一，田螺處理得乾淨，醬汁用牛油、蒜蓉混埋焗得香口，好夾法包一齊食。入口有咬口但唔韌😛4. *香煎斧頭羊架黑松露飯*羊架煎得啱啱好，肉質嫩滑；黑松露飯香氣突出，配搭有驚喜。 5. *板燒特級西冷牛扒*夠厚身同蒜蓉汁配合得幾好，牛味十足，薯菜配埋唔會太油膩。餐廳整體質素唔錯，食材新鮮，美食幾有水準。如果想搵間靚靚環境食飯聚舊，茜廊系天水圍區都是一間價錢平和人氣高之選！
繼續閱讀
您可能會有興趣的...