茶。家廚房 (已結業)

很少在香港可以有這樣的空間感，雖然地方也不是特別寬闊，不過裡面的安靜是給人一個逃離鋼筋都市的感覺，跟一班懂得珍惜安靜的朋友來是一樂事。可惜這家要結業了，會繼續在上環那家慢活。

呢間係一直想試但又一直無機會試,今日終於可以趕在關店前一試！* pineapple bun ---- 熱辣辣既菠蘿包夾住炒蛋,肉鬆, 同蕃茄粒, 好吸引！ 甜甜既菠蘿包皮焗到脆口, 同咸咸既配料又出乎意料地夾！食落令人滿足！* quiche ---- 唯一不足係唔夠熱，如果可以焗耐d就perfect! 而家食落只係比room temp 熱少少🙈 不過味道係唔錯！個crust 有牛油味！不過食得多會滯！* 摩洛哥薄荷茶---- 薄荷葉味道清新！飲落令人舒服！正！* 印度香料奶茶---- 無試所以不評論* Greentea cheesecake ---- 好滑唔太甜！綠茶味香濃唔會滯！

就係因為西環既茶家就黎會關門大吉所以趁佢未接時就梗係去試多次啦。話說之前已經食過一次架啦，就係因為佢個白朱古力scone好好味先會想去食多次。但去到竟然冇得食因為佢個menu係會不定時更新架⋯⋯不過其實佢其他口味既scone都好好味，佢做得好既地方係個scone好鬆化唔似出面其他地方做到硬邦邦。而今日既menu 有三款口味－無花果，薑同菠蘿我當然三款都試哂啦。我個人比較喜歡無花果，果肉多比較有口感。而薑同菠蘿味道比較淡，都唔係咁食得出其味道。之於綠茶cheesecake 算中規中矩，軟軟地唔大甜，芝士味適中。coconut班蘭戚風蛋糕做得幾好，因為好多其他地方既蛋糕只做到隻顏色而冇其味道而茶家既蛋糕會食到淡淡班蘭味👍🏻而野飲方面我地叫左玫瑰奶茶，泰式冰奶茶，原味奶茶，紅茶配柚子茶同洛神花薄荷茶。柚子茶偏甜，玫瑰奶茶無咩玫瑰味，洛神花薄荷茶太漱口水。但真心值得推介係泰式冰奶茶同原味奶茶，奶味比較重，是我杯茶😋但如果過左6月後想食就要去上環店啦，希望到時都會食到我想食既白朱古力scone啦

是日食飽Lunch, 行下西環. 跟住就黎呢度Tea Time. 其實黎呢度都有兩個原因.第一個係之前去太平山街的茶.家時, 佢剛好休息. 我念念不忘佢的Green Tea Cheesecake.第二個係知道茶.家廚房做埋呢個月就要關店.. 所以點都要黎探下佢.一到步, 望到門口有個牌叫人排隊等候安排, 但企左係度感覺自己同朋友係透明.大熱天時外面好熱, 只好越企越入. 終於見到有人走有位就直接入座, 所以基本上由係門口至座底個刻係無人接待過.幸好坐落無耐有店員路過. 叫佢幫忙執枱同清潔, 佢都好快手就清埋完. 唔飲奶茶咖啡只飲茶的我. 望到佢有幾款茶. 心大心細之下. 選左有機的Nantou Country Forest Black Tea 南投縣森林紅茶 $63佢地的餐具超有心思. 簡單得黎又精緻. 路過收銀對面見有茶具賣時, 都心思思想買返隻用下. 講返個茶先. 一黎到就聞到好香的紅茶味. 但係一飲落口. 完全係兩碼子的事.聞就香, 飲落口居然比較淡. 但飲到底時可能浸的時間比輕耐, 居然變苦. 雖然有得添熱水.最後都放棄. 因為怕飲得太多, 夜晚唔駛訓.朋友的凍洛神花茶Iced

早幾日去左呢度食lunch, 入到去係一位外籍侍應 serve 我，佢好親切又滿面笑容，order 時亦好有禮貌，所以食物未黎已經有好心情點解我特別提呢一點呢？因為以前放假黎過，我記得有一位香港籍女侍應留中長髮到膊頭，矮矮地咀唇粗粗嘅，佢就真係冇乜禮貌，舉手叫佢，明明望到我又扮睇唔到加黑面，因為見到張單有野漏左所以請佢幫我跟進，我好有禮貌問佢，佢冇歉意之餘仲串番我仲要最後佢都冇跟進到..唉....佢個態度同呢間cafe 走緊嘅路線好格格不入...相反當日有另一位帶眼鏡短短地頭髮嘅女侍應就好有禮貌，雖然佢應該中文唔係好好但亦好有耐性講解，當我舉手order 時，雖然佢忙緊，亦微笑示意知道請我等等，而唔係另一位咁扮睇唔到，可以睇到兩種唔同人嘅服務質素係幾大分別😌在於我黎講食物質素重要，但服務態度同樣重要因為食野有時都係心靈慰藉，唔expect 你好殷勤，但至少有番基本禮貌，而職員態度亦係反映間餐廳質素。講番食物先，當日點左avocado toast with poached egg，幾好味道，少少扣分就係蛋熟左D , 未夠流心，但整體唔錯，奶茶好飲，重點係好夠熱呢樣要讚除左以上冇禮貌侍應外

茶。家一直是我在HKU一帶咖啡店(嚴格來說，是茶店，因為它不賣咖啡)中其中一家心水之選。去過茶。家好幾次，喜歡它環境舒適優閑，食物質素不俗，價錢又適中。最近再次光顧，環境及服務是依舊的好但食物水準就有點下降。我叫了一個brunch set，主菜選了雜菌抺茶細扁麵配水波鵪鶉蛋，飲品是焦烤檸檬茶。麵的調味不多，這很合理，因為重點是扁麵自身的抺茶味，可是我吃不出來...反倒是是醃蘿蔔酸酸的，增添這麵清新的感覺，這點是不錯的。戳破鵪鶉蛋讓蛋汁流出來，給麵添一份蛋香也是不錯的只是用的是鵪鶉蛋，蛋汁不太夠。另外，麵的份量過小了...這焦烤檸檬茶的味道其實不錯，有茶香味，又不像盒裝檸檬茶般死甜。另外，以前均一價約$130一個bruch set, 包茶+主菜+scone。現在brunch set包茶/湯+主菜，加$10配scone。我當天吃的brunch set要價$152，加幅不少，有點貴呢。

海鹽鴛鴦 $55 友人每日都要chur 杯咖啡，才發現這裡沒有賣咖啡，因為這裡是茶家～幸好還有這杯鴛鴦喚醒佢嘅靈魂。真係好普通的鴛鴦，冇奶泡，甜度適中。Chai 芝士蛋糕 $50好結實嘅cream cheese。欠缺左我幻想中chai latte嘅肉桂同薑味，只有chai 茶味，怪怪地。Fig Scone +$10超好食！跟茶叫只需加十蚊！微溫的鬆餅外脆內軟有牛油香，仲食到兩小粒無花果！祈門玫瑰奶茶 $62靚，又好飲，啖啖玫塊味。焦糖檸檬戚風蛋糕 $50面頭caramelised 左檸檬其實係精粹。chiffon 蛋糕本身只有微甜味，落點檸檬汁味道清新哂。Matcha Linguine with Mushroom $128偏油，麵質煙韌，冇抹茶味，少少咸味。小菇菇炒得幾香。Apple Blossom Verbena $52坐極都唔願走，再叫多兩壺茶，我叫蘋果馬鞭草茶，好濃馬鞭草味，唔係人人接受到嘅味。食物飲品有特色，但價格偏貴。

因為同朋友去西環呢頭行山, 搵左呢間食lunch, 因為見食物幾健康, 又靚靚咁。黎到睇睇menu, 原來brunch只有食物無飲品, 而飲品是頗貴的, 比一般咖啡連鎖店還貴, 還好有清水任飲, 但杯子細隻左少少, 要勞煩店員斟得較密。酪梨班尼迪克蛋吐司$108吐司烤得香脆, 水波蛋做得有水準, 荷蘭醬都做得好對味, 牛油果新鮮軟熟。雜菌抹茶細扁麵配水婆鵪鶉蛋$128當中最失望的一個BRUNCH,份量細小,雜菌料得好少,麵條是有抹茶味,但無醬汁餸料又少,感覺好悶。洛神花酥烤起司雙重奏三明治$98三明治包烤得鬆軟又香, 芝士半溶, 配上火腿和洛神花醬, 簡單得來味道不錯。莎樂美腸羅勒鐵鍋PIZZA $108鐵鍋上,保持熱度,PIZZA好鬆軟新鮮,料子不多,質感取勝。泡菜豆腐泰式香膠蛋派$82好特別,有創意的蛋派, 酥皮盒子藏著軟滑豆腐、泡菜、蛋等, 甚有韓風味, 泰式卻不覺。抹茶芝士蛋糕 約$65味道好濃, 口感好綿密細緻, 又滑, 一個人食應該太膩。總括來說, 餐廳環境幾靚, 好文青FEEL, 食物雖味道幾好, 但份量偏細, 莫講話男仔, 相信女仔都食唔飽, 可能食兩個BRUNCH先飽

又係西環人出動搵食嘅時候喇，我同西環街坊M都覺得西環唔係好多好好HEA嘅地方，(比較多嘅係平價茶餐廳小店)畢竟西環都依然係老人區所以我地都明白嘅~~ 不過呢排見到西環嘅食店實在係百花齊放，越嚟越多特色店，茶。家廚房算係西環區Café元祖了吧~一入到去，店面唔算大，但人已經有好多了，最尾我地都搵到位置飲杯野閒聊一下。又係我最愛嘅木設計café~ 茶。家，顧名思義主打手工煮茶，茶款有多款選擇，花茶香草茶泡茶。除咗茶當然仲有其他選擇啦~ 由於我本身實在不太好茶，所以，我嗌咗杯玫瑰奶茶$58，。食物方面，有啲小蛋糕，又有brunch畀大家選擇，以café嚟講，都算比較多野可以試~玫瑰奶茶玫瑰味其實唔算好濃，但奶茶好滑，整體賣相好靚~~ 我會再嚟試下佢個brunch  雖然唔算好出色，但都係志在食環境了~ 

聽說茶。家在西環開了家分店，而且還有熱食，聽落幾吸引，這日天朗氣清，正好過來嚐新。門外同樣是掛着一個茶壺形的木制招牌，旗幟鮮明。新店比太平山街大上好幾倍，內裡的格局與氣氛也很舒適隨意，每組座位之間均有相當的距離，店子呈長方形，而且深度足夠。最喜歡店子盡頭的那一大片窗，一絲絲陽光透過它點亮了整個空間！紫菜柚子汁細扁麵配鴻喜菇（$98）自家製的扁麵呈深綠色；煙韌有嚼勁，但就吃不到什麼紫菜味道，配料有小椰菜、三文魚籽、鴻喜菇、沙律菜和蒔蘿等，小椰菜比較硬身，鴻喜菇爽口，蒔蘿的香氣獨特；如分量可以再多些，相信更得我這大胃王的歡心。檸檬迷迭香蛋糕（$24）迷迭香烤雞、烤羊架就食得多，拿來做蛋糕卻也是別有一番風味。蛋糕的的骰骰，外剛內柔；咬落鬆軟，檸檬味超濃，加上迷迭香獨有的香氣，老婆讚不絕口。燕葡萄亁甘荀麥鬆餅（$10）～ 燕麥餅總感覺像食消化餅一樣，但加入葡萄亁和甘荀，味道立時提升不少。海鹽駌鴦（$48） ～ 錫蘭茶加上 Elephant Grounds 咖啡，茶香中帶有咖啡的甘苦之味，煉乳的濃稠配上淡奶香，原來都幾配合，値得一試。店內的裝置很別緻及美麗，還有少量貨品可供選購。推開後門原來別有

西區真的大變天。現在這裏也有其他特色小店！進入這茶家，真的很寧靜！木型傢俬很討好！直入有一張大枱，擺放跳舞蘭，簡單而奪目！ Matcha Soy Latte $60豆奶味很香，整體很match，雖然價錢有點貴，但味道很難忘。Drop Scones (banana) $10附飲品order 可以半價！味帶蕉香，另人一口接一口！很不錯的小點！當然亦有其它蛋糕可以選擇！飲品亦有花茶，咖啡等。令我喜愛的另一景觀。 外出有個小露台，可以獨自沈思，喝一口茶，整理一下思緒！

Being a frequent visitor to this shop, I have to say that they have some excellent selection of tea and cakes and I would love to recommend this place to everyone. However, unfortunately, I decided to give a low rating to this cafe due to the service I recently encountered. On this particular visit, I opted for the brunch set which typically includes a cup of tea, an item from brunch menu and a scone (which can be changed to cake upon topping up some money). So, I chose to swap the scone for a c

今日下午行完龍虎山落到西環，正想找間店飲杯飲品解渴，行經保德街見到“茶家”，正好非常合適。看到餐牌上有多款選擇，於是便隨意地點了抹茶芝士蛋榚及大吉嶺春摘茶。大吉嶺春摘茶的甘香配上抹茶芝士蛋榚的清甜，令人心曠神怡。加上剛行完山，出完身汗，去飲茶特别清爽，不但即時解渴，也使人感到暑氣全消。特別是茶沖了三次也保持到茶的芳香味，好期待下次再來試其他茶呢！

來到是剛好過了brnch時間，只能點上蛋糕。首試綠茶芝士蛋糕及班蘭戚風蛋糕。兩款味道都很好，班蘭蛋糕尤其有驚喜。蛋糕配上鮮忌廉及椰絲Topping 不甜不膩!印度香料奶茶比想像中香料來得味重，還是祈門來得溫和順口。

悠閒的星期六下午，最愛找個地方坐下來消磨時間！本想到香港大學站另一甜品店享受一下，但原來當天經已fullhouse，唯有立刻找查openrice，機緣巧合下，便到訪了這間「茶家廚房」。久聞上環店大名，原來香港大學這邊還多開了一間！這裡的Signature就是「茶」，故店名亦稱作「茶家」！點了一杯Jamu找夢，帶薑與薄荷葉味，寧神消膩！朋友則點了Honeybush Chai with Lemon，清清的蜜樹茶，甘香順喉。兩杯都各具特式，果然是茶品的高手！另外店員推介了這份Matcha Scone，像鳳梨酥的口感，抹茶味香濃，微微帶甜，配茶一起吃極為匹配！身為抹茶控的我倆，再點了一份抹茶芝士蛋糕！抹茶味不太濃，但與芝士配搭得夠balance，餅底濕度亦剛好！朱古力Loaf Cake味道一般，沒有香濃朱古力味，不過加上忌廉和鮮士多啤梨片一起吃也不錯！餐廳的裝潢以木造傢俱為主，坐位有長枱、梳化及面向街外的高枱，自行選個舒適位置坐下來，準可以寫意悠閒地嘆一個下午！