茶一蕃 (已結業)

下午三點。友人想買野飲。滿心歡喜叫外賣app黎試飲點知迎來人生第一個差食評。🤬黑糖巨霸珍珠鮮奶。珍珠同食膠無分別。完全係奶同糖水味。芝士奶蓋烏龍。成杯望落去勁多雜質。完全無烏龍茶味。入囗勁化學味。叫左7杯。成$30幾一杯。但每人飲左一啖。已經無人想飲。掉哂🤦🏻‍♀️點解可以差成咁。勁失望。完全不知所謂。周圍都係台式飲品店。呢間真係最差。最最最難飲。不知所謂。唔值用錢買。伏。伏。伏。😵😵😵永無下次🤬

正宗台灣小食 #蝦扯蛋🦐‼️佐敦廟街入口除咗有台式飲品之外仲有 蝦扯蛋😻意思係 蝦同蛋 扯埋一齊🤣香脆嘅鵪鶉蛋同鮮蝦整成一粒小丸子加上沙律醬 香脆又甜甜地 口感幾特別四月正式推出 小編試過都幾好食🤤.#黑糖巨霸鮮奶 $30一拎上手 黑糖底係熱既👍🏻黑糖味算濃 要讚嘅係啲珍珠‼️每粒珍珠都有好濃既黑糖味珍珠口感好煙韌😳 我比較鍾意有咬口嘅珍珠甜度冇動物堂咁甜 只係外觀冇咁靚.#芝士奶蓋綠茶 $30好大杯 成700ml 飲完一定要搵個廁所芝士奶蓋既口感好厚 用台灣嘅奶🥛厚厚嘅奶蓋 飲到底仲有🥳略嫌茶底比較淡 一定要撈勻奶蓋甜甜地先正.🥳另外買兩杯第二杯半價.拎住茶一蕃收據仲到附近嘅共用空間免費用一個鐘👯‍♀️ 去坐下溫下書叉下電都唔錯

話說最近喺廟街呢度開咗間新嘅台式飲品店，店面幾大！👀 而且佢啲特飲聽聞係每個月都唔同，夠晒特色新意。⁣⁣🧠⁣⁣黑糖巨霸鮮奶（$30）【好飲度：8/10】⁣⁣一摸上手，個底超熱，證明啲珍珠真係好新鮮。🥰 而且個珍珠真係超級重黑糖味，每粒都超有黑糖嘅味道！😋 最正嘅係個珍珠係超級煙靱，可以咬好耐，但又唔會好似未煮熟咁。😎 所以個珍珠真係非常出色。😶 可惜我就覺得奶個黑糖味反而有啲唔夠。 最特別嘅係，呢度係會shake啲奶泡出嚟喺上面畫花紋，有啲似咖啡。⁣⁣😯⁣⁣金迷。桂花烏龍茶（$28）【好飲度：6/10】⁣⁣第一啖飲，發現佢個茶底真係好香。😌 而且佢個味道一啲都唔假，好有真正烏龍嗰種濃香。🤩 可惜嘅係，桂花落得太多，反而遮住咗個咁靚嘅茶底，有啲喧賓奪主。🙁 佢仲加咗啲唔同顏色嘅爆珠，食落更加有口感之外，亦都睇落更加靚。⁣⁣😍

Obviously I was lured here by church food lol!It brings me memories of my nursery school at All Souls Nursery in UK.I remember chopping up carrots for vegetable soup and then queuing up for it.Anyway, it turns out this is a tea joint with a corner at the back where you can drink it.Ordered the green tea which was quite thick and syrupy, it was stronger than Jasmine and the aroma was seriously like PRITT stick!

平時不太常飲珍珠奶茶，但呢間新開的小店，我最近幫襯左2次，好鍾意佢地嘅咖啡 jelly , 配襯紅茶及烏龍茶底，茶味很好，口感又不錯，而且店員很有禮貌，又會推介下飲品。聽說遲D 仲會推出花茶系列，一定會再去試下。

是日約咗個朋友諗住去廟街食煲仔飯順便行吓街見到聞名已久嘅媽咪雞蛋仔當然要試一試點知佢排滿咗長長嘅人龍睇嚟都等一排先有等食啦落咗單之後百無聊賴唔知做乜就發現旁邊有間奶茶店係度派試飲我當然二話不說就衝去試試當日派嘅係奶茶試飲完唔太甜茶味夠濃又夠香又見橫掂都有排等咁就搵杯嘢飲吓啦但係呢……………一入去睇menu…睇咗好耐張menu真係令人有啲摸不頭腦睇咗好耐都唔知邊個item打item而且價錢都略貴正諗同朋友轉身走嘅時候老闆娘好親切地落足牙力咁介紹佢地嘅產品結果係佢極力嘅推薦下我叫咗黑糖巨霸鮮奶 $35台式奶茶加珍珠 $35黑糖巨霸比較有驚喜店員會最終會係你灑糖噴火都幾有趣好小見奶茶店會咁做飲落有小小似熱維他奶嘅感覺而且每粒珍珠都入晒黑糖味整體成杯都幾有誠意去整奶茶呢…奶茶呢…其實都唔錯茶咪香濃我覺得可以同天仁比吓（天仁粉）珍珠亦比其他鋪q彈整體嚟講都不俗會再返嚟幫襯

其實唸住試新野，但估唔到比天仁茗茶正天仁我嫌棄佢太淡🙊好少幫襯但哩杯超濃茶味，係難得我唔使轉奶精，用鮮奶都覺得好味嘅鋪👍🏼門口有試飲，所有直接買試果隻不過都幾貴，唔係大杯，但都要35蚊隔離雞蛋仔都係好濃茶味，但28（唔知有無記錯，我都覺貴嘅啦）🤣我唔會再去後面街間老虎堂，又係鮮奶的錯廟街口哩兩間可以間中encore如果有得平d就好啦🤔點解新仔定價仲貴過隔離鋪唸唔透，希望涯到啦，奶茶舖競爭激烈

我friend話佢師兄開咗間新台式飲品店，想去支持下，我就本住不妨一試嘅心態跟住去😁裝修簡單光猛，舖入面仲有少量企位，唔錯！見佢主打黑糖巨霸鮮奶，當然要一試！黑糖同奶味都幾香，飲落感覺順喉，不錯👍🏻我friend就叫咗台式奶茶，有三款唔同茶底可以揀，揀咗阿薩姆奶茶。佢話係好正統嘅阿薩姆茶味佢自己好鍾意😊我哋好搞笑，去到俾錢嘅時候先知原來第二杯有半價！即刻覺得超抵😂原來店內餐牌旁邊貼左張A4告示，細字寫住新張期內第二杯半價優惠，我哋完全睇唔到哈哈哈行開呢頭嘅朋友不妨一試👍🏻門口有醒目易拉架，位置都好容易搵到