茶井奶蓋專門

營業中

休息中

依度奶蓋係至愛，全港最好飲！職員服務又好，態度親切！10月份買三杯，第三杯仲半價添！今日買咗：芝士烏龍（每次必飲）檸檬黃金桂，夠清新！荔枝蜂蜜蘆薈，夠香甜！誠意推介！

第一次飲 揀啲招牌應該唔會伏嘅！茶井芝士黑烏龍（+珍珠）芝士好厚！好正🥰🥰而且味道都濃郁好味😋好邪惡🤪 叫得奶蓋專門店好彩個質素都頂得住🤣黑烏龍茶都好飲😍好香好濃茶味但又唔會有苦澀味🤓同平時啲烏龍茶有啲唔同 呢個黑烏龍茶都好特別幾好飲🥳個人喜好就咁成杯飲好啲 既飲到濃厚滑溜嘅奶蓋又有清新嘅茶味中和下 冇咁膩🤗個味道比溝埋一齊飲好好多😝😝而個珍珠就真係不了🤨🤨都算煙韌不過夾埋啲茶就有啲好怪嘅甜味😢😢可能個人口味唔同🥲男友就覺得可接受 整體來講係值得再飲嘅 有機會都會試下其他口味😇不過個位置唔係特別就腳🦶有機會路過再幫襯🤣

第一次打食評係因為呢間 「茶井奶蓋專門」嘅飲品好特別！有日去荔枝角工業區做野，收工去搭小巴個陣見到「茶井奶蓋專門」就諗住買杯黎試下。企係舖頭出面3秒左右個收銀職員就好有禮貌咁俾個 menu 我睇，低讚！飲過咁多間台式飲品第一次見嘅服務門面裝修得唔錯，咁就叫杯芝士皇芒黎試下啦。等左3分鐘左右就有得飲 ，算係幾快有。個收錢職員仲教我應該點飲呢杯芒果皇芒先會飲到奶蓋加芒果，一入口個味道不得了 ！奶蓋個味道同芒果個甜度好配合，好鮮甜！見到其間都keep住有人黎買，我諗其他飲品都可以一戰。下次再黎附近番工一定要試其他飲品。

價錢好合理，而且茶味重，少甜係真係少甜（要加分😂😂）。個人覺得比天x茗茶果D 大型連鎖店水準來得高。當日只係經過隨心買一杯過下口癮，之後搵下有其他無分店，原來無... 希望之後第2區都可以見到佢。而朋友就買咗杯唔知咩芝士奶蓋，見佢杯野飲咗半個鐘，果層奶蓋仲係到，覺得用料似乎唔錯（當然我無影佢杯野），因為太稀應該好快會同啲茶mix together，同時亦代表果層精華好肥。不過飲依啲野，仲講咩健康呀，飲啦！😂

其實從未寫過openrice，但今次真係太嬲，令我忍唔住要寫低呢次經歷。之前我一直都好鍾意去茶井買野飲，幾乎每日都飲一杯，佢地出嘅集印卡我都一直有儲印仔，有時無帶印仔卡要左張新嘅，店員都同我講話可以新舊兩張合起來用。個日我如常去到鋪頭買野飲，出示兩張印仔卡，點知女店員淨係攞起一張，粗聲粗氣咁話你未儲夠，我實在知道香港做服務業都辛苦，於是好有耐性咁同佢解釋我想兩張合起來用，但佢一路好似聽唔明一樣，不停同我講我其中一張卡未儲夠，最後我終於解釋到佢明想兩張合起來用，佢又非常大聲、無禮貌地話：你咁搵著數我真係唔知得唔得！你咁樣架咩...我呢下真係火都黎，但都忍住左，只係話想問清楚佢地嘅印仔卡到底新舊可唔可以一齊用，因為公司同事知我鍾意，幫我儲起左好幾張。後來，入面一位同事出黎，佢睇到其中一張卡過左期，而呢樣野係同我講左接近20分鐘嘅女店員從未發現，從未提過的，不過ok我接受，同行嘅人亦已經唔耐煩，所以我地就離開算。但其實我只係想知道新舊合起來用唔用到，你話有一張過期，我完全無問題，亦唔在意今次用唔到個優惠，但我唔明個印仔卡你地比，話可以合起來用係你地，我如何搵你地著數，就為左一杯奶茶？我已經掉

長沙灣有很多茶飲店，這間剛好靠近朋友家，飲品選擇都頗多元化，價錢也合理。芝士四季春 $29芝士奶蓋部分不是特別濃郁，拿到家喝的時候還未攪拌已經開始融化，加在茶的時候有點太稀的感覺，而且茶底未算清香，只能說是基本質素的飲品。芝士龍果 $35對比起奶蓋茶，奶蓋水果相對好很多，火龍果很足料，加上有一點點冰沙的感覺，能夠撐住奶蓋，微微的咸香與清新的火龍果很搭，奶蓋少一點也沒有問題呢。

茶井·芝士奶蓋四季春 (大杯 $33) 👉無糖之下茶較苦 建議選擇加糖芝士奶蓋好飲 味道唔會化學 唔算太濃厚嘅奶蓋（royal tea比較厚身) 飲晒唔會膩 但係茶葉普通正常 苦得黎唔會回甘 亦唔太清新 約莫車仔茶包質素味道:💓💓💓💓/5價錢:👌👌👌👌/5

果日去開長沙灣搵野食, 係無意中既轉角位見到有間茶飲店(個人覺得位置比較穩閉的)🙈再望一望個舖頭名👀 好似好勁咁「奶蓋專門」, 所以決定試一試😋第一次飲當然要試佢地既招牌飲品, 茶+奶蓋🙌🥤ᴅʀɪɴᴋ· 芝士黑烏龍 $35﹟個芝士奶蓋好厚身🤩厚得黎又夠滑身, 飲完唔會覺得好膩👍個人覺得個鹽味可以再多少少🤔個鳥龍茶底好濃烈, 濃得黎又唔會苦澀, 同埋唔會比奶蓋蓋過咗茶味🙌仲可以根據自己口味簡甜度🥰而我就簡左半糖, 岩我口味的☺️

同事榮休，公司請吃午飯及特式飲品。  首次嚐到香濃的芝士奶蓋宇治抹茶。芝士味特別濃香幼滑 (有點像吃文華酒店芝士蛋糕的感覺) 。。。好味！  跟宇治抹茶配合得天衣無縫，不甜不膩。 飲完之後口腔仍保留著濃濃的芝士香味，值得一讚！

📍茶井奶蓋專門 (長沙灣)📍長沙灣元洲街498號青華閣地下F2號舖附近中午食完飯好想飲杯台式飲品，行過見到呢間有芝士奶蓋，睇落平平無都奇，抱著奇待心態試下啦。眼見menu推介《芝士奶蓋烏龍茶》，甘就點左外賣番去公司飲。杯身設計都跟一般一樣都係貼身扭蓋，第一口飲左芝士奶蓋，棉棉的，奶蓋不會稀身，飲落係好有質感，芝士味濃濃的。茶底也相當出色，茶味香濃，飲落吾會覺得係苦澀味，而且好香，吾會太甜。老實說，這間長沙灣龍井，絕對係稱得上係長沙灣喜茶，就甘睇係平平無奇，原來卧虎藏龍。

同朋友係附近食完飯見到呢間有芝士奶蓋甘就試試 lunch時間都多人排隊好采吾洗等好內就有試左《芝士奶蓋烏龍茶》伶外賣反公司飲真係幾好飲 點知甘多人排隊芝士奶蓋堅係正覺得比喜茶好飲特別一提 佢杯蓋有得開 比你飲芝士奶蓋仲有個位比你插支飲管呢個設計好貼心 加分

「茶井」開在荔枝角工業區的某個角落，咁啱行開個頭搵嘢食先會發現到它的存在。呢日天氣有點凍，但無理由見到它就在你眼前，卻放過試它的機會。.以前一直飲開珍珠奶茶，最近口味都轉晒，呢日就點左2個唔同口味的茶，四季春同烏龍茶配芝士奶蓋。哇，梗係第一時間飲啦，第一啖已經滿口滑溜的奶蓋芝士，不停飲，幾啖之後先會飲到茶。哇，好涼快，茶同奶蓋芝士味道都幾夾下，短短5分鐘就飲晒：P.p.s 記得加大，細杯真係望落都覺得有點不滿足。同埋有得儲印花，有效期為60日。儲埋幾張，可以換幾杯，好滿足。

今日聖誕節，悶悶地想飲杯珍珠奶茶，所以就去左尼間試下啦杯野$33 少冰，佔唔到d珍珠幾彈牙，問左店員重話係自己研發既，同出面飲既果然唔同wow我飲過附近幾間既珍珠奶茶，都無咁好飲個女店員又笑容滿面，下次去睇戲一定再幫襯聽講佢既黑烏龍奶蓋係招牌，唔知有無珍珠奶茶咁驚喜呢

口痕想搵野飲 見到呢間即管試下 點知...伏左🤨芝士紅柚 $36話晒奶蓋專家梗係試下 奶蓋夠厚芝士味出 但紅柚沙冰出曬事🥶將啲紅柚衣加埋落沙冰...好苦🤢 冇沙冰口感仲要食到韌既紅柚衣 0分😠青檸黃金桂 $29青檸同檸檬各2片 叫左微糖 就普通一杯桂花茶加4塊檸檬🍋

經過就見到這間奶蓋外賣專門店，裝修很時尚呢~服務員的態度很好，十分有禮貌這次點了季節限定的「芝士皇芒」$36，大概等了5分鐘就有了~超快的~芒果沙冰十分甜，很有鮮芒果味，不像是外面加味精的那種呢!配合咸甜合適中的芝士真的好正呢~