茶啡檔

營業中

休息中

今次要介紹嘅餐廳，係位於聯和墟既一間經濟實惠嘅街坊食堂❤️。平時晚飯時間都坐無虛席，今次介紹嘅下午茶餐，選擇多，幾十蚊一個，好適合一班學生仔，同老友記👍🏻👍🏻⭐️白菌火腿意粉小朋友必食嘅經典，菇同火腿都多，白汁濃郁掛麵，意粉軟硬適中。上枱時熱辣辣😬，好吸引。👍🏻👍🏻⭐️豬扒脆豬包另一款細路都愛食嘅經典下午茶，豬扒都炸得幾脆，仲有條肥邊，脆口惹味。包就可以再軟熟啲，再加埋沙律醬就完美☺️。

餐廳晚市好旺場 平日夜晚未夠7點 就已經好難搵位見到好多都係熟客 收工唔想煮飯 已將餐廳變成飯堂 非常溫馨既一間餐廳!同樣地想偷懶既我地 ORDER 左2份住家小菜套餐！套餐會送例湯, 中湯/羅宋湯2款都多料又好飲, 前者吾會覺得落左味精 好清甜滋潤， 後者酸甜好開胃!!⭐豉汁涼瓜王立倉王立倉好新鮮!肉質嫩滑，肉厚同好鮮甜! 大大條好抵食! 加入豆豉、薑葱蒜、涼瓜 惹味之餘又帶出埋魚既鮮味 好正!⭐豬潤啫啫雞煲雞件滑 豬潤新鮮爽厚 熱辣辣煲仔上好香好惹味!整體來講 餐廳水準高 食材新鮮而且味道好岩我地，一邊食一邊都見到出左好多份外賣 支持小店!

已經食過好多次 t-cafe 早餐，今次專登影啲相分享😋。牛扒勁大件！煎到剛剛好，咬到又唔會太熟，調味唔錯，濃郁牛味。配菜多選擇，腸仔都有兩款選，我今日配紐倫堡腸。牛油多士唔求其，烘過所以香脆。太陽蛋都煎得好靚。農家米粉係勁好食，今日轉通粉底，可以索埋啲湯😆。非常足料嘅農家，冬菇🍄‍🟫、大粒蝦米🦐、木耳絲、炸菜，全部份量都多，好香，口感又豐富，仲比較健康。😀😀熱奶茶☕都好飲，奶滑茶香，有回甘。

Lunch 同晚飯都食過T cafe下午茶餐牌都幾抵，四十幾有交易今日喺公司早少少出嚟食終於比我趕得切食tea menu喇！！本身四十幾我都冇乜期望點知有驚喜，怪不得聯和墟谷個個推啦塊扒真係有誠意喎，唔頹好過大x樂嗰啲冇肉味淋曬嘅頹扒差得遠講真，豬扒幾厚切，煎得好香意粉都唔差，港式粗身粉粉，略淋唔係瑩光汁，真係有茄蓉㗎！正常人去茶記應該唔會叫牛扒但谷友推介過，我又試吓真係好好食噃！認真！當然唔係頂級幾舊水嗰隻牛但佢煎得靚，加上係有牛味四十幾仲有埋擺盤，乎復何求！我諗下午茶嚟講冇乜邊間抵得過呢度抵我lunch成日幫襯🤭餐飲，ok la夠凍夠涼入心條紙飲管仲幾得意添😄

我今日去粉嶺探好友，順道去位於粉嶺聯和墟聯安街47-49號寶昌大樓地舖的茶啡檔（T Cafe) 食早餐，環境舒適，坐得舒服。我點左個 1002 原件香煎豬扒 $42，配太陽蛋、紐倫堡腸、牛角包 $8（跟餐），餐飲係椰汁紅豆冰 $10（跟餐）；好友點左個 1004 吉列脆炸魚柳 $42，配牛油粟米、忌廉炒蛋、奶油脆豬$8（跟餐），餐飲係凍西洋菜蜜（跟餐）。豬扒煎得香脆有汁，肉質鮮嫩好味；魚柳炸得嫩滑好食，配料豐富好味；2杯餐飲都好好飲。

T CAFE環境舒適，地理位置好近聯和墟巴士總站🙈因為開始接近下午食飯時間，所以人流會比早餐更加多🙈咁我哋就嗌咗兩個餐1）煙三文魚 ALL DAY $55咁就有煙三文魚、沙律菜、牛油栗米、白菌菇紐倫布腸 扒蕃茄、太陽蛋、大大件既牛角包🥐我最鍾意嘅就係煙三文魚同埋腸🥹黎到就食到停唔到口！份量真係都幾多🤣價錢又便宜好值得一試特別係個牛角包！表面好酥香！入面好軟熟重點係趁熱食🥐😍2）白煎雞扒，紐倫堡腸，忌廉炒蛋，奶油脆豬雞扒好入味，切開入邊嫩口🥹忌廉炒蛋好滑😍重點係個奶油脆豬！牛油加煉奶絕配！如果包外皮好脆！ 另外就叫咗兩杯嘢飲一杯咖啡一杯奶茶甜到適中！奶茶茶底都唔錯地點：粉嶺聯和墟聯安街47-49號寶昌大樓地舖

講到粉嶺好食嘅街坊餐廳🍴，我哋就諗到係呢一間！舖頭喺正聯和墟🚌，住附近嘅朋友仔落嚟都好方便。而且重點係呢個價錢超親民💰，而且其實質素真心抵讚😍，舖頭嘅菜式都幾有心機。.🐔咕嚕雞飯($50)煮得有心機嘅午市套餐💕！醬汁味道啱啱好，酸甜適中。配埋口感夠軟身嘅雞肉🫦，唔會太韌或者有筋，比起平時咕嚕肉嘅口感同味道更加好😋。以呢個價錢食到質素唔錯嘅午餐，真心推介😆！而且呢度連凍檸蜜都係唔使加錢🍋。.🐟煙三文魚All Day ($65)份量夠晒多！真係食到超飽、超滿足🥰。沙律菜夠新鮮，食物口爽脆，配埋份量夠多嘅胡麻醬好香口🥗，仲可以配埋牛油粟米食🌽。炒白菌菇🍄‍🟫、紐倫布腸🌭、煙三文魚片🍣味道全部都咁香，最啱就係放落牛角包裏面🥐，一啖食晒牛角包嘅牛油香，同埋配料嘅鹹香味，超滿足👅。最後梗係要食埋清爽嘅蕃茄扒🍅，同埋流心太陽蛋啦🍳。

小妹甚少涉足粉嶺，今次好友介紹區內經營多年的餐廳，菜式包羅萬有，真的令我喜出望外🤩。印度咖喱牛腩飯配印度煎餅 $68以為係普通咖喱，估唔到非常正宗，還附送煎餅，難怪是招牌菜🤩。煎餅香脆可口，牛腩份量多且炆得軟腍，非常入味👍🏻最正係咖喱汁😍，香濃得來帶點辛辣，係令人回味的爽辣，送飯點餅一流🤩‼️西式晚餐 $178前菜: 田園沙律+蒜蓉多士沙律非常有誠意，包含數款新鮮沙律菜，還搭配不少香脆煙肉片及麵包粒，爽口好食😋。最驚喜的是蒜蓉包，大塊香脆。主菜: 美國Prime 西冷牛扒配薯菜 $178牛扒微微燶邊，煎得恰到好處。厚身，食落啖啖肉。肉質鮮嫩且多肉汁😍，絕對高質👍🏻搭配的薯角即叫即炸，非常脆口❤️，好食到停不了手。晚餐內容如此豐富，CP值好高，難怪受到街坊熱捧。阿華田恐龍賣相好吸引，喺阿華田面頭灑滿滿滿的美祿粉😍。味道香濃，飲起上嚟層次非常多，很有特色，阿華田及美祿的粉絲不要錯過。華田紅豆冰呢個組合真係第一次試，估唔到華田同紅豆冰又幾夾。超級足料，淨係紅豆都佔咗半杯😂，我最鍾意多豆，覺得值回票價。菜式十分多元化，見到鄰座客人叫中式小菜，賣相吸引。整體價錢經濟實惠，質素頗高，路過這區的朋友，記

收工最中意既就係嘆個靚早餐🍳而係聯和墟附近除左有唔少傳統冰室之外，都多左好多新式茶仔🥐岩哂唔同選擇既人呀。🐒鮮豬潤湯通粉💰$43👉🏻忌廉炒滑蛋+$8👉🏻熱即磨咖啡已經好少係茶餐廳見到有豬潤，原來係限量供應嫁，聽到我嗌完之後就叫停，覺得又一小幸運☺️個通粉入面有唔少薑絲，另外仲有啲菜，食落一啲都唔dry而特別既係佢地可以再extra add on奶油豬，蒜蓉豬或者炒蛋，我呢個蛋蛋愛好者緊係要加個滑蛋啦🐣保無後悔，可惜太飽，再嗌埋個脆豬相信會食唔哂，一於下次再去過🥐

適逢佛誕，我地週末參學前黎到聯和墟先吃brunch，呢間cafe有all day breakfast，港式茶餐廳碟頭飯，焗意粉，印度咖哩，小炒，仼君選擇。最特別係餐飲款式好多，有普通同特調嘅茶記飲品，我地要咗阿華田恐龍同紅豆冰。紅豆冰有三款揀，椰汁、朱古力、阿華田。啲紅豆好綿，正！煙三文魚all day好食，係配炒蘑菇同牛油粟米（唔是茄汁焗豆），真係難得！值得嘉許！蛋可以太陽蛋或者熟煎蛋，沙律可以揀黑醋汁或者芝麻醬，佐有煙肉碎、麵包粒、車厘茄。煙三文魚同腸腸都好食，一碟有紐倫堡腸；一碟有司華力腸。烤蕃茄多汁又煎得靚。牛角包大大隻熱上，表面酥香，入面軟熟，可以用嚟蘸個蛋黃～

去到舊區小區食lunch，店員熱情招待，同客人有講有笑，係連鎖店比唔到既感覺🥹💙印度咖喱牛腩飯咖喱微辣～ 牛腩肉質軟淋，仲有少少軟筋位，好食！飯旁邊配左一塊脆片，熱辣辣新鮮炸起，點埋咖喱一齊食好惹味😍😍💙焗芝士肉醬意粉芝士焗到微燶狀態，芝士同肉碎既份量都唔少，每一啖意粉都食到滿滿既料，誠意十足！💙華田紅豆冰第一次飲華田紅豆冰，又幾夾，紅豆蓉好足，差唔多有半杯，好足料😆 成杯飲曬，飽到上心口😂😂

喺聯和墟MCL睇完早場，行過見到呢間都幾多街坊幫襯，就梗係入去試吓佢啦，入邊中西合璧裝修都幾好，都幾適合食早餐同朋友傾吓偈。見到隔籬枱叫咗個all day breakfast 好似幾豐富就跟住佢叫. 煙三文魚all day Breakfast有煙肉🥓粒沙律菜、蕃茄、牛油粟米、太陽蛋、火腿、蘑菇、煙三文魚份量都唔小。望落好似唔多，但原來食食吓已經超級飽。牛角包都有驚喜，都幾大同鬆脆。鹽焗雞湯米線($44)Menu有好多唔同米線簡，第一下就俾鹽焗雞吸引咗，米線份量啱啱好，雞有67舊多肉，上面有蔥油，味道不錯，我仲加咗$8，要多咗個脆油豬，脆卜卜好食😋食完唔夠喉凍檸茶凍華田凍飲唔洗加錢

座位寬敞舒適乾淨 雅致 光猛一入去就有姨姨好親切同我打招呼問我想飲中湯定西湯是日中餐餐湯：南瓜湯兩碗熱辣辣嘅南瓜湯好快就上枱好味 係老火湯嘅味道飲完係無口渴嘅感覺飲完湯兩個小菜就到啦今日叫左枝竹牛腩煲+南乳粗齋兩個餸都大大份 夠晒2個人食每個餸都有一碗白飯（1）枝竹牛腩煲熱辣辣 好香 啲汁好濃牛腩炆得啱啱好唔會太腍都唔會太硬枝竹超級入味索晒牛腩煲嘅精華送飯一流！！（2） 南乳粗齋滿滿嘅南乳香味足料 有枝竹 菜心 椰菜花 娃娃菜 魚腐 粉絲 每一樣都好入味但唔太腍

放工近近地食個家常便飯，仲有足料老火湯飲🥣🌟西洋菜湯🌟🌟羅宋湯🌟每碗湯都有料，證明落足材料淆製🔹️西洋菜湯有雞腳同紅蘿蔔🔹️羅宋湯有雞肉、紅蘿蔔同蕃茄🌟椒鹽豬扒🌟豬扒都唔算肥，炸得夠乾身，唔算肥膩🌟木耳炒椰菜花🌟食番碟齋菜清清地🌟凍奶茶🌟🌟凍好立克🌟套餐仲配有餐飲天氣開始熱，可以飲凍野了😃，不過叫番走甜就健康啲🤭➡️餐廳裝修新淨企理📝平日黎食都幾旺場，都坐滿咁濟呀～

茶啡檔如果大家入到粉嶺推介大家食「茶啡檔」，呢間「茶啡檔」主要做街坊生意，人氣爆燈，價錢較親民，店員態度好好，餐廳門口有一級，店員都會主動幫忙，果晚我八點半去到，餐廳九點鐘關門，所有湯都無哂，好彩仲有菜心炒牛肉同沙爹金菇肥牛煲，時令小菜二人餐真係好抵食，仲包埋兩碗白飯添，性價比真係好高！時令小菜$761.菜心炒牛肉+凍即磨咖啡（跟餐加$8）（8.5/10）菜心同牛肉份量都多，菜心夠爽，牛肉炒得好軟淋唔韌，牛肉大約有十片！凍即磨咖啡：略為酸咗少少，咖啡味香濃！2.沙爹金菇肥牛煲+凍咸檸七（跟餐加$13）（9/10）呢個沙嗲金菇肥牛煲份量好足，沙嗲香濃，金菇同粉絲吸哂肥牛煲嘅精華，粉絲夠淋掛哂汁，肥牛都有大約十片，有牛味唔韌！凍咸檸七：正常味道，有三片檸檬！2人總共價錢$97個人口味總評分：8.75/10地址：粉嶺聯和墟聯安街47-49號寶昌大樓地舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#茶啡檔 #香港美食 #粉嶺美食 #粉嶺好去處 #hkig #hkboy