茶木‧台式休閒餐廳 (德福廣場1期)

營業中

休息中

今日MegaBox返工，到咗食lunch嘅時候真係頭都大埋，唔知食咩好。諗來諗去，都係去茶木穩陣啦，冇得輸。入到去，見到佢出咗個新嘅三文魚茶漬飯，睇落都幾吸引。我呢個人鍾意試新嘢，就膽粗粗叫咗嚟試吓。點知一食落去，真係一般般咋喎。比起平時嘅日本茶漬飯，個湯唔夠濃味，冇咗嗰種香濃嘅感覺。個三文魚都一般般，唔係話難食，但係都冇乜特別。反而朋友叫嗰個手工麵就正喎！佢俾我試咗啖，個麵夠彈牙，真係食到我有啲後悔。下次嚟一定跟佢叫手工麵，佢真係食麵正啲。總結吓呢餐嘅體驗，都唔算太差啦。雖然新嘢唔係咁hit，但都算試過。下次返嚟都係食返啲老字號嘅嘢。不過都要讚吓茶木夠膽出新嘢，希望佢繼續研發，等我哋有更多選擇啦！

啱啱開始有啲秋意🥰就即刻想打返邊爐🙌🏻今晚同朋友一齊食茶木見到已經有三款邊爐可以揀啦😍😍最鍾意食嘅牛肉嘅我梗係揀返蕃茄鍋再拼肥牛啦!! 都幾有驚喜，因為佢個蕃茄湯底非常濃我再配埋滷肉飯食晒啲滷肉之後仲可以用返茄湯個湯底嚟撈飯食打邊爐個份量足夠我一個人食但如果大食啲嘅就可能就唔夠啦因為佢每樣嘅配料都唔算好多，肥牛都係得四片到!! 但整體真係唔錯，價錢亦都唔算好貴湯底裏面有米粉絲依個值得加分😍😍成個賣相都好靚!! 如果下次再嚟食晚餐我都會再叫呢個餐😀😀好味!! 套餐仲包埋嘢飲嘅加埋一total $110 🩷🩷

星期六都有 tea set 又幾好喎梗係入去嘆個下午茶先點了兩份下午茶餐儍媽。珍珠奶茶冰淇淋可頌窩夫 + 凍黑糖冬瓜茶 HK$52唔知點解要整咁耐 …儍爸食哂我果份可頌窩夫至整好好彩都幾好食香脆可頌窩夫配奶茶雪糕、吉士醬、黑糖珍珠、新鮮雜莓味道好豐富儍爸。醬汁沙朗刈包 拼 福州魚丸紫菜湯 + 凍檸檬茶 HK$62** 以上分享是以我的口味、體質和情況作出分享及感受，一試 / 合用與否請自行決定

今日同同事慶祝生日 去左德福既茶木食Birthday Lunch我最鐘意食佢既三文魚茶漬飯 呢個茶漬飯真係超好味 三文魚厚身 煎得甘香 有鰹魚片 炒米櫻花蝦乾 成個餐感覺無咁油膩 我好鐘意叫呢個餐另外叫左微辣豬軟骨手拌麵 呢隻麵質彈牙好食 味道適中 仲有半粒糖心蛋 唔錯之前佢地既午餐set有墨魚鮮蝦藜麥飯同手作麵係包野飲 見衣家set lunch無左 只有散叫 覺得性價比唔高 所以無叫 但其實呢2個都好好食最後 我地叫左個士多啤梨磚做生日甜品 但我覺得無之前咁好食 個飽唔太脆 反而之前食既可頌窩夫仲好食

如題，哩位紅色頭髮 短頭髮 女店員，我想請問你咩事呢？？ 我同你素不相識，也不是係臨近收工時間入店左你收工，點左兩個鍋，上菜果時黑口黑面反白眼禁滯，將啲嘢推黎又推去，點火又凈系點一個，嗌你“唔該靚女另一個未點火呀”又扮聽唔到，食物質素正常，唔明點解卑錢仲卑埋服務費入黎受你氣。屋企有事心情不佳可以請假，唔好將脾氣發係食客度。見到你哋間鋪頭黎黎去去七八個職員，如果人手不足導致你好攰，唔該反映卑你哋啲高層，而唔系發洩係個食客度。

應該都有2-3年冇再食茶木，以前想食都係因為有蚵嗲肉碎泡飯先去食，時隔多年，去左九龍灣德福廣場個間食，職員態度差就算了，入去個陣明明有好多空位，見每枱都係4人坐位枱坐左2個人，偏偏安排我地係原本有2個人坐緊既4人枱（仲要係拍埋個隻），甘都算啦，照食啦，後來發現仲要冇蚵嗲肉碎泡飯（灰爆）。之後就叫左單人餐；1.紅蔥地瓜燉牛頰肉 2.炸雞排肉燥飯，整體水準冇退步，另有個窩夫，都好好食。後來見入親既客都係安排4人枱2人坐，最尾我哋終於知道點解要甘對我哋（職員見我哋好恰？！），因為我哋隔離個2人食完係度講保險🙄🙄

今日屋企人嚟咗搵我食晏，就去咗茶木度食。叫咗個小食拼盤，有鹽酥雞 花枝丸同台式香腸。呢個拼盤都幾抵食，因為三樣嘢都係我哋鍾意嘅。不過佢個台式香腸就同平時嗰啲好似有啲唔同，但係加埋蒜都好好食今次我就叫咗個紅燒半筋半肉麻辣拌麵個人嚟講幾鍾意食拌麵，佢今次個麻辣都真係有啲辣嘅佢唔係味道上嗰種辣，而係氣味上嗰種辣另外仲嗌咗一個餐，不過唔記得咗叫咩名佢啲嘢食其實都OK嘅，但係我覺得個用餐體驗就唔係太好因為有個經理(?)嘅人不斷好大聲同另一位員工講是非，而且係成餐飯由頭到尾一個鐘都keep住講。我覺得呢啲嘢，或者對於某啲員工不滿，可以私底下講，唔需要喺工作時間上不斷討論呢件事

今日行街 見餓我就搵地方食個下午茶， 經過茶木見佢 都幾抵食 就揀咗食茶木， 九龍灣呢間茶木新裝修 環境舒適 ，座位都幾舒服， 我揀咗個三杯牛肉麵手作麵 拼福魚丸紫菜湯， 送埋嘢飲都係54蚊 幾抵食， 不過 牛肉比較鹹， 要配埋紫菜湯食就啱啱好， 另外紫菜 有少少沙😅， 你飲我叫咗 紅豆薏米水， 杯嘢飲我幾鍾意 唔會太甜❤️

香港d物價係真越黎越高啦，下午茶餐都基本要50蚊以上，茶木下午茶吹水坐得比較舒服，紅燒牛肉麵、紅葱醬燒豬軟骨面，跟餐一杯野飲，基本都要70起啦，面食一般，但係總體下午茶選址既話呢度都唔錯，但係d野食就比較一般，分量比較少，可能要叫多一個小食或者其他可能好d。

地址：茶木‧台式休閒餐廳 (德福廣場1期) (九龍灣)九龍灣偉業街33號德福廣場1期1樓G53D號舖美味指數：8.5/10環境指數：7.5/10抵食指數：8.5/10台式滷水拼盤配地瓜米粉：有牛腱，雞翼，乾豆腐，糖心蛋，豬腩肉，樣樣滷水都好入味，而且份量多。地瓜米粉好幼身，口感特別。麻辣豬耳：味道比較辣，不食得辣建議不要點。鹽酥雞：正常水準，不過不失，可能炸得偏硬身。草莓香草蜜糖歐軟磚塊：有驚喜，首先個雪糕同個麵包磚好夾，加埋d cream 同蜜糖同草莓醬一齊食，很出色，少食甜品既我都讚不絕口。

我諗茶木對於大家嚟講都唔陌生，應該每個香港人都試過呢個台式美食我自己就特別鍾意食佢嘅台式肉燥雞扒飯肉燥好好味，調味啱啱好鹽酥雞勁脆，勁多汁另另外台式麻辣半斤半玉手宮拌麵牛筋真係好好味，手工拌麵嘅汁都唔錯，而且都比得幾多牛我所以嗰日都食得好開心咁今次就諗住試埋佢個泡芙食哇，點知原來咁好味喎，冰淇淋係奶茶味又唔會太甜又有台式嘅奶茶香，而且成個泡芙都好脆口咁另外嗌咗杯抹茶拿鐵叫咗少甜茶味好香賣相都不錯跟餐飲都幾抵，所以我都會下次經過會再買嚟食

我們於12/1（五）約下午三點到達餐廳，餐廳環境優美舒服，客人不算十分多。用QR code落單，亦附上menu供客人看，非常貼心，圖文並茂。我們叫了一個下午茶及單點一個飯。❶茶香三文魚湯漬飯（$98）：三文魚好大條，肉好鮮嫰，附有脆脆米，木魚絲及蝦乾仔，茶壺🫖內的茶聞有茶味，飲落又冇乜，飯🍚好多，好食，大推👍🏻，以不用$100也可以吃飽飽❷三杯牛肉香蔥蛋餅拼福州魚丸紫菜湯（$46）：福州魚丸紫菜湯有2粒魚丸，湯有胡椒味，還挺重的，牛肉香蔥蛋餅已切開2份，內有牛肉，蛋，芝士片及青瓜片🥒，挺fresh。❸追加肉燥飯（$20）：肉燥比較少，飯🍚則較多❹追加(熱)阿寶最冧心動薑奶綠（$10）：有薑乾及玫瑰，內有寒天珍珠，透明細細的波波，挺有咬口，追加此特飲居然比其他特飲便宜🤣冬天喝就暖笠笠 茶木台灣菜式都幾精緻，侍應態度友善埋單要加一

如果想食甜品，就會揀呢間台式餐廳順便食埋個飯鹽酥雞扒肉燥飯，肉燥好似有啲酸味，唔知點形容，鹽酥雞扒，外皮好脆，都Juicy台式麻辣半筋半肉手工拌麵，牛筋真係好好味，手工拌麵嘅醬汁都唔錯草莓香草蜜糖磚塊，好鍾意佢哋嘅蜜糖磚塊，每塊都搽滿蜜糖，又好香脆，加埋啲忌廉同埋雪糕真係好好味！

唔洗出境都可以經歷一次最「台」嘅色香味俱全掃街之旅❤️茶木聯乘台灣插畫師「食菇」的創作企劃「黑眼圈小隊 夜市大步走」。「黑眼圈小隊」來到以「歡樂遊園會篇」作主題的九龍灣德福廣場店，店內外都滿佈著「黑眼圈小隊」幸福玩樂的情節，而最重要的當然是要和門外套圈圈裝置打卡，加上美食，真係一次好正嘅 #偽台灣之旅 !我每次都必叫嘅TeaWood紅燒牛肉麵 配 自家製秘製辣牛油 ，辣牛油以獨門秘方包括大紅粉、指天椒粉及甘草粉等多種香料炮製辛辣牛油調製而成，加上入湯頭，真係食過必定返尋味！厚切牛肉，配上清甜的紅蘿蔔及白蘿蔔長時間炆燉，軟腍鮮嫩，入口即融，配上自家製麵條，入口煙韌，啖啖掛滿濃郁湯汁，所以係我嘅大愛❤️圓滾滾芋泥球 ，新鮮芋頭自家製作，加以鹹蛋黃、肉鬆炸至金黃，外脆內軟，一點都不油膩，而且好可愛嘅圓鼓鼓的外型，睇見到已經超治愈😍檸檬愛玉茶，「台灣直送」新鮮青桔仔 ＋Q彈愛玉，果香加上茶香，甜酸剛好，真係好滋味。經典嘅黑糖珍珠奶茶，黑糖熬煮的煙韌珍珠，茶香奶滑。‼️「黑眼圈小隊」這麼可愛，你一定也想把牠們帶回家。茶木特設印章換領計劃，即日起至12月8日期間，凡消費滿$50即可獲贈印章一個，儲齊指定

大約5點鐘去左九龍灣德福廣場既台式餐廳茶木，餐廳地點鄰近地鐵站，十分方便呢，我地去呢個時間冇咩人排隊，唔洗點等位，因為呢個時間去既話都係食tea，所以就叫左一個士多啤梨味蜜糖磚，2個人食都唔會太飽，夜晚仲可以食到晚餐士多啤梨蜜糖磚可以選擇即刻上或者後上，我地選擇左即刻上，味道我地覺得好好味，啲蜜糖甜甜地加埋啲多士同埋士多啤梨雪糕好match,啲多士唔會話整得太濃, 食落係脆脆地咁既，呢個蜜糖磚會再encore