茶木‧台式休閒餐廳 (創紀之城五期(apm))

營業中

休息中

下午茶同朋友兩個家庭一齊去食tea 幾年無食過茶木 估唔到佢哋嘅甜品都仲keep到個水準首先，我嗌咗紅燒牛肉麵，好大碗，湯底味都幾濃麵條嘅質地都唔會太腍或者太硬，但舊牛肉真係大到一個點，其實係咪可以切返細舊少少？😂但係都叫腍嘅！另外叫左個曲奇巧克力蜜糖磚塊，最上層係曲奇碎、問呢拿雪糕、有吉士醬、士多啤梨下面就係靈魂-蜜糖烤厚吐司，佢出邊好脆，入邊切好咗一嚿嚿嘅麵包，都仲係脆卜卜 脆卜卜嘅麵包點少少吉士醬再加雪糕同一啖士多啤梨又甜又鹹又凍咁，口感好正！仲有個黑糖珍珠佩waffle 食咗上面個甜品之後，再食下便呢個waffle 就即刻失色咗少少！黑糖珍珠比較甜，個waffle無個麵包咁脆，淋咗反而冇咁好食，而且佢唔係熱嘅

已經食過好多次，最近佢好似調整咗餐牌加多咗少少嘢食選擇，多咗茶漬飯同埋西式啲嘅選擇。// 茶香三文魚湯漬飯超大條，煎得好靚、脆面肉嫩嘅三文魚！加埋飯素、櫻花蝦、脆米同柴魚片，完全一啖入邊嘅口感同味道都十分豐富。茶漬飯嘅神奇之處就係你每一啖食嘅時候，嗰壺茶好似變咗高湯咁，味道十分濃縮精華嘅感覺，但當你淨係嘗啖茶，卻又發現佢真係茶而且不過真心平時去啲日式餐廳，入面茶漬飯嘅選擇通常都係較平嗰個，呢度卻係偏貴嘅選擇。抵食而言還好。想特別推介佢杯豆漿，超級綿滑，面頭是有泡的，另外旁邊仲俾咗一塊好鬆化嘅餅乾，點杯豆漿食好// 香煎鱸魚香菜手作麵鱸魚又係煎得十分出色，皮脆肉嫩。茶木嘅麵條都係十分彈牙，之前食佢啲台式拌麵都係同一樣嘅面底，完全保持水準！另外佢嘅香菜醬汁加啲支豆同菇，喺出邊比較較少有，幾好味、幾唔錯同健康嘅選擇。唯一食到尾嘅時候會好油，應該落得太多牛油同cream了，建議淨係用叉食，撇走啲汁，因為本身麵條已經掛到啲香草醬汁，夠味。再用匙羹潷啲汁的話會漏啲。

上菜時問侍應拎張紙巾，應咗句「哦紙巾呀」就行開咗，到食完飯張紙巾都冇出現過。呢個情況喺呢間分店已經唔係第一次，上一次諗住係侍應太忙唔記得咗，今次第二次都係咁，好明顯係餐廳指示唔畀佢哋派紙巾畀客，明明兩三個月前食過都肯畀紙巾。其實一張紙巾好小事，但你收加一，坐低水又冇杯，紙巾問出聲都冇，仲係QR code落單，然後自己行出收銀埋單，服務嚟講仲差過茶記，茶記起碼有杯滾水又冇加一，真係唔知佢個加一服務費除咗上菜仲服務咗啲咩。以前茶木擺盤食物都幾精緻，即使比一般台式餐廳貴啲都會去食，但近期愈嚟愈求其，午餐啲飯碗好明顯本身唔係用嚟裝魯肉飯，比較似湯碗。

喺觀塘嘅APM上邊，落雨嘅時候完全唔使出到去，就可以喺個shopping Mall度解決。同埋味道都幾好嘅😉🌹🥰成個lunch set都幾唔錯，好適合打工人🥰炸雞脆而不膩，一入口肉質飽滿，再伴上台式滷肉飯，超級大滿足😍😍😍仲有同事嗌咗香腸，個人覺得香腸腸就冇炸雞飯好食😂😂😂一直都幾鍾意茶木嘅滷肉飯好地道同埋好食，同埋份量比嘅都算幾OK👍飲品唔使再特別加錢所以都算幾抵下🤣🤣🤣

茶木最近推出「開心SHARE賞」活動 除左有$1黑糖珍珠奶茶🧋仲有42折台式炸物盒 睇住Netflix 同情侶, 朋友, 家人 happy share就最啱🥳.📌開心SHARE盒 $88原本要$209 而家唔洗半價就食到😍一盒集齊多款台灣夜市小食 好豐富 滿足貪心嘅我 咩都有啲👅1️⃣自家製台式香腸-口感紮實有嚼勁 紅白分明 豬肉同油脂甘香味十足 口味偏甜 帶特色香料風味🥓2️⃣鹽酥甜不辣-最愛嘅台式小食 魚漿炸至金黃色 夠厚身 Q軟有咬口 撒上少許鹽提味 更鮮甜🍢3️⃣金黃鹽酥雞-雞粒非常酥脆 肉質唔會太鞋 鹽鹹味唔重 不錯🍗4️⃣話梅粉地瓜條-清甜番薯條炸得外脆內軟腍 配搭鹹甜話梅粉 好夾🍠5️⃣福州魚丸-彈牙魚蛋包裹住豬肉丸 口感好特別 有肉香得嚟 仲juicy爆汁🍡6️⃣鮮菜沙拉-沙律菜幾新鮮 但份量多啲就更好🥗7️⃣兩杯黑糖珍珠/自選同價飲品原個檸檬伯爵紅茶 茶底幾甘香 檸檬酸味都夠🍋凍齋啡唔錯 甘苦味濃醇☕️

麻辣牛頰肉手工拌麵-無肉剩湯（可參考圖片-無期望過同餐牌一樣，但係都唔洗一舊肉都無掛）水杯有抹台巾味唔怪得執左咁多間,如果係三四十蚊都話可能接受，收九十蚊咁嘅質素就接受唔到）

Weekend 去左APM行街，揀左好耐都唔知食咩好，最後見到茶木有lunch set，當時又唔洗等位，於是就入左去～我揀左個古早紅燒牛肉拌麵（有埋溏心蛋同素鴨，本來仲有鴨血但我唔要）。素鴨食落似腐皮卷味道唔錯，層皮有少少脆。碗麵d 麵質感唔錯，算彈牙，佢有少少醬撈埋都幾惹味。d 紅燒牛肉算入味，另外仲有白蘿蔔同紅蘿蔔，都煮得夠霖。飲品我揀左茉莉奶茶加胚芽，另外加左草莓飲管（食得），不過無影相。雖然我叫左微糖，但都有d 偏甜，建議大家如果唔飲得太甜可能唔好叫呢款野飲加一之後total $108，其實幾貴，但實在忍唔到口

話說上次去Popcorn嘅茶木食下午茶，當時見到新裝修諗住有台灣嘢食，點知換來惡夢，亦都俾咗個負評間餐廳。今次嚟到APM，眼見她自舊式裝修的茶木，就即管入去試試啦。當然很公平地說，他的餐牌依然有台式嘅滷肉飯香腸等等。於是我哋叫了豬軟骨滷肉飯下午茶餐加黑糖紅豆奶茶。好好食因為真是台式的下午茶已不是上次的港式下午茶（ Popcorn分店）下午茶，就是台式香腸滷肉飯加抹香奶茶，舊式的下午茶依然大有台式味道。所以如果是舊裝修的那茶木，他的餐牌依然未變，是值得推薦的。

今日嚟到觀塘APM，行咗陣商場，就覺得好肚餓🤤，於是乎搵吓有咩食。經過見到茶木做緊最新優惠，$78有類似火鍋嘅嘢‼️，於是乎想試吓。佢有三種味道：超夯風味臭臭鍋、濃香番茄豬肉鍋、秘方沙茶牛肉鍋😋😋我哋有揀咗蕃茄味同埋沙茶味，而配料都有牛肉同埋一啲常見嘅火鍋丸。講吓味道方面，蕃茄味湯底，個味道唔太出，唔係真係食到濃郁嘅蕃茄味，而牛肉同埋丸類都正正常常。算係比較平嘅貨源。而沙茶味有啲驚喜，因為佢嘅湯底都幾濃，所以每啖嘢都有食到沙茶味。😋😋總數連埋加一一個人$86，算係比較抵食嘅小鍋💯

我点了一份猪软骨手工拌面。面条细而均匀，微微透明，入口有嚼劲，可以选择辣或者不辣～猪软骨酥烂，肉质鲜美，带着胶原蛋白的丰富口感。还搭配有半个溏心蛋，蛋香浓郁，蛋黄口感顺滑～饮品我选择了豆浆，微甜，顺滑～

食物方面：觀塘apm黎講，數一數二好味既餐廳，諗唔倒食咩，都可以選呢間，牛肉拌麵同個甜點骨都好好味😋😋😋仲有兩個甜品都好好食，但唔記得影相😛😛😛服務方面：正常環境方面：環境光鮮，坐得舒服，地下有籃放袋，傾計都ok👍🏼👍🏼👍🏼性價比方面：價錢合理，唔算太貴👍🏼👍🏼👍🏼如果覺得我寫既食評幫到你既話，記得follow，like，同埋share俾你身邊鍾意食好味嘢既朋友😋😆

那天晚上，陪好友到觀塘行 APM！大家沒有 Idea 食什麼，在商場兜個圈，發現有間 <茶木> ！ 對我來說，真係久違了！這間分店裝潢幾別緻！Menu 鹽酥雞排肉燥飯 $79口味無得輸，酥脆的炸漿鎖住肉汁，肉燥拌飯一流！鳳梨水果紅茶 $44一片菠蘿放在杯中，賣相更吸引！ 入口冰涼透心！香甜的糖漿中和了紅茶的甘，相對茶味不突出！熱蜂蜜柚子茶 $0 跟餐酸甜清新有致，熱飲有助解膩！自家製台式烤香腸 +$26 套餐追加小食台式烤香腸香口之餘，味道較為甜美又多汁！松露野菌奶油培根手作麵 $88培根是煙肉，松露醬惹味，手作麵看似意粉，軟硬適中富彈性，又夠均勻入味！珍珠雪糕 +$32加入珍珠的雪糕，口感更強，而且兩者都好夾得來！

逛街晚了，就在APM找間簡單吃，選這間因dinner memu 吸引😂不用等服務員便帶領到窗口位坐下，超開心🤩我們點了2份同一款香煎鱸魚芫茜手作麵配上柚子蜜和紅豆薏米水😋👉👉喜出望外是😍👍主菜上枱時，顏色十分吸睛，令人食指大動，果然目測沒錯🤤鱸魚煎到恰到好處，香滑而調味適中，手作麵沾上芫茜汁液，相當fresh而麵質硬度適中，配上青豆和藏紅花，整口吃下去相當滿足😄，份量足全吃完🥳~紅豆+薏米水👉有口感又不太甜😋~柚子蜜👉淡而無味，不飲也吧！😅

食物方面：佢個三文魚飯真係好好味，一定要試😋😆😆另外個拌麵都好香好彈牙，但個肥牛有小小油。小食鹽酥雞都幾好味。琴日天氣好凍，叫咗一壺姜茶，飲完好暖身！服務方面：正常發揮環境方面：地下有個籃可以放袋，幾細心。窗邊係透明玻璃，可以望到街景，同埋有自然光射入黎，令到環境好靚。坐得舒服，傾計都舒服。性價比方面：食物好味，$250左右兩個人唔算好貴。如果覺得我寫既食評幫到你既話，記得follow，like，同埋share俾你身邊鍾意食好味嘢既朋友😋😆

啲肉同香口膠冇分別 根本唔值88蚊 佢依間面嘅質素仲差過係出面食嘅粉面檔 依3舊香口膠 一舊吐左 2舊冇食 叫左一杯水 食完都係冇嚟 0服務 但收左5%服務費 我唔係黑粉 依次係我第一次 體驗勁差 好失望