茶東西

營業中

休息中

同朋友做完GYM, 飢餓感爆燈, 路經附近呢間「茶東西」, 看看門外menu, 食物都幾岩心水, 就入去試試。餐廳環境光鮮, 整潔乾淨, 食物款式多, order後上檯速度快, 岩哂港人急促嘅節奏。order主食 可 +$28升級套餐配精選前菜 + 精選餐湯 + 熱飲 前菜: 胡麻醬菠菜 - 菠菜葉配上胡麻醬, 清新美味。.餐湯: 南瓜忌廉湯 – 入口順滑, 南瓜味香甜突出【美國板腱牛肉火山烏冬】HK$126自選指定湯底: 東京黑蒜豬骨湯石鍋熱辣辣餘溫滾住上檯, 生牛肉浸於湯底中漸漸滾熟, 建議上檯時立即夾起, 免得令牛肉過熟失去嫩滑口感; 烏冬QQ彈牙, 盡吸了湯汁, 黑蒜豬骨湯蒜香味濃, 食到一半, 湯汁被烏冬吸光了, 貼心店員上前協助加湯。+$28 追加選配: 美式炸薯條+$9 熱飲轉熱情果多多梳打        熱情果果味突出, 唔會過甜。【自家制吉列豚肉扒北海道咖喱滑蛋蓋飯】HK$105自選配: 辣咖喱吉列豚肉扒有如手掌般大, 外脆, 肉質彈牙, 配上份量十足的滑蛋蓋飯, 加上美味刺激微辣咖喱醬汁, 滋味無窮。追加選配: 蒜香酸種包(3pcs)蒜香酸種包新鮮熱辣又鬆脆, 蒜味

今日趁lunch返黎試下！聽講佢哋嘅黑蒜雞扒撈公仔麵配嫩滑炒蛋係招牌，一試就知！個黑蒜醬油夾埋啲炒蛋真係絕配，麵底用公仔麵夠彈牙！真係抵食過隔離個間😋揀多個安格斯牛肉漢堡配北海道咖喱汁蛋蓋飯，個牛肉漢堡大大舊咁，配埋咖喱汁同蛋蓋飯，份量十足！食到勁飽！😍最抵係佢哋啲飲品全部都係$3蚊㗎喎！今次飲咗凍檸檬茶同凍阿華田，可以選少甜少冰，仲有杯熱即磨咖啡加多奶，平過連鎖茶記成半咁多！煲仔飯形式去整意粉都幾好

今日放工要到炮台山見Agent.見完後, 再約朋友到附近搵食見到間好光猛, 舒服餐廳.心中超開心第一件事食沙律因為可以減少食慾之餘.可以清下腸胃蝦球藜麥鮮果沙律大大隻海蝦沙律菜真心好多.加上沙律汁比沙律醬更清爽.有南瓜湯同酸種麵包南瓜湯不錯.厚身. 不是稀身.有誠意開始食熱野, 要食飽d先來個泡菜黑毛豚肉鍋配珍珠米及蘭王雞蛋天氣又轉泠加上肚餓一個熱鍋加隻蘭王雞蛋美味有腩片黑毛豚肉色澤新鮮配菜不少.又鮮冬菇, 秀珍菇,芋絲及泡菜等如果泡菜多些更好味.因為我愛吃泡菜朋友最愛吃雞翼佢最愛香口食物.不會太乾. 而且夠入味,外脆內嫩, 超惹味.所以大家一齊要杯熱情果多多梳打真心讚下杯熱情果多多梳打夠味, 不會太甜雖然吃不太多水準真心不錯.價錢公道

“安格斯牛肉漢堡北海道咖喱滑蛋蓋飯”($98)“香蒜欖油白酒蜆肉意粉”($88)“鹿兒島國產豚肉餃子”($58)“蒜香酸種包”(+$27)“香橙鮮果紅茶/香水檸檬可樂”($38)炮台山有間小清新嘅茶記茶東西餐廳最近更新咗menu晚市提供咖喱滑蛋飯,鍋燒飯,石鍋烏冬等可以單點亦可以升級套餐首先點咗安格斯牛肉漢堡咖喱滑蛋飯🐂咖喱仲可以揀甜/酸/苦/辣好有新意我就點咁甜味,感覺日式啲😆滑蛋十分嫩滑☺️漢堡扒大大塊😋另一份點咗香蒜欖油白酒蜆肉意粉🍝食落蒜味夠哂香,仲有點微辣好惹味蜆肉份量都好多,正😛點選主食可以加配3片蒜香酸種包酸種包外脆內煙韌,蒜香十足幾高質小食揀咗鹿兒島國產豚肉餃子🥟一份有6隻,煎到外層帶點金黃香脆入面嘅豬肉餡又幾juicy🐷飲品點咗檸樂🍋,香橙鮮果紅茶🍊好耐冇見過咁多檸檬片嘅檸樂好足料🤣

喺炮台山地鐵站行3分鐘左右就嚟到茶東西。餐廳環境簡約，富現代感。唐陽魷魚鬚：魷魚鬚係粗身嘅。炸醬皮薄。易咬開。呢個係小食，但係都份量十足。仲跟咗啲沙律菜，可以解下油膩感。日式胡麻醬軟殼蟹沙律：軟殼蟹好大隻，咬開好多膏。沙律菜份量都好多，仲有哈密瓜同埋火龍果喺入邊。白酒煮青口拌蒜香酸種包：酸種麵包口感煙靭。用煙肉洋蔥同埋白酒一齊煮青口，好惹味。蘭王蛋伴壽喜燒汁牛肉鍋燒飯：渣渣聲咁鐵板上枱，好吸引。蘭王蛋撈埋喺牛肉飯度，有畫龍點睛嘅效果。話梅柚子蜜糖梳打：本身喉嚨有啲唔舒服，飲咗呢個之後覺得好舒服檸檬鮮果紅茶：入面有火龍果肉，橙肉同埋蘋果肉。加埋喺檸檬茶入邊，好解膩

第一次寫食評係因為比個呀姐搞到著左人靠衣裝第一印象好緊要野食幾好～服務態度差都吾會再去隔離半島冰室，咁多年都日日排隊服務態度都好好吾係半島無位都吾會過黎食野食還好叫左個早餐蕃茄黑毛豬通粉通粉吾算好入味，黑毛豬算不錯奶茶吾苦澀，但未去到好飲可惜d 呀姐好難頂！！希望老細會見到改善一下

好喜歡吃港式茶餐廳的下午茶餐，所以某個週末在港島區行山後，趁這人氣茶餐廳沒有人在門口排隊，即刻入內吃個邪惡的下午茶餐🤗🍳澳式松露雞蛋沙律熱狗 $45連飲品雞蛋沙律散發着松露的香氣，看似簡單，但配上大大個熱狗包非常美味。跟餐可選擇胡麻醬沙律或薯條；飲品方面我選擇了熱奶茶，奶滑茶香，令人滿足😌🥜粒粒花生醬脆豬 $32連飲品脆豬可以選擇甜奶、果占、牛油、咖央或花生醬。豬仔包看得非常香脆，而且鋪滿花生醬，頗為飽肚🤣🍅味噌蕃茄湯通粉 跟餐+$15蕃茄湯非常濃郁，酸酸甜甜非常開胃，而且有許多薯仔、甘筍，通粉的軟熟程度亦剛剛好😋

在附近工作，見這小店座位舒適，食物看似不錯。點了漢堡牛肉咖喱蛋包飯，餐飲檸檬茶。咖喱的味道可以，應該是日本即食咖喱，當中有薄薄的豬肉片，蛋煎得嫩滑，白飲軟身，米的品質合格，漢堡牛肉應該是自家製，味道雖不致於好到令人讚賞，但都算唔錯。

堂食，本來叫全日早餐，等左半個鐘。開始話整緊，後來直接叫我換餐，因為做外賣太多，堂食根本輪不上。換了一個餐之後發現後來的客人同一個餐來的更快，所謂的“加快”其實是“加慢”。這是吃了這麼多次最差的一次，沒有能力就不要做外賣，建議大家肚餓的時候不要來，飽一點再來，不然餓到手震震。

餐廳明明有位，都唔俾人坐卡位，員工態度仲要勁惡劣，話嗰度四個坐架wor,明明有夾板隔住，即係比兩個人坐啦。咁點解唔俾人坐？就算唔俾坐啊，態度都好唔好咁惡劣啊，講聲唔好意思啊，想安排四人坐，都好啲啊。另外仲有水吧果面係有位坐都唔俾我哋坐，唔明佢點解可以咁安排？啲嘢食都OK好食，雖然賣相一般。同埋冷氣唔係好夠。之前成日去食，員工態度都好好，而家唔知點解員工態度差咗好多。好多。冇下次。入去食野。仲要俾你哋d員工串。。。

食完啲嘢，嘢飲都未飲完，個姐姐已經行過黎想收走，我哋話仲未飲完㗎，佢先放低話「我哋有客喺出面等緊呀，你哋好走啦」咩事？？？嘢飲都唔俾人飲？你哪怕用好啲嘅語氣講都好呀，話如果我哋食完嘅話，我哋出面仲有人等緊，我哋都會唔好意思即刻唔飲走啦。我哋兩個都盡快飲完走，去埋單同個收銀講「你哋連嘢飲都唔俾人飲完就趕人走嘅？」點知佢答我「喺咁㗎，我哋要翻台」咁你哋全部做外賣同阿埋堂食唔好提供嘢飲好冇？咁咪唔喺驚翻唔到台！真喺食黎受氣

較早前試過早餐，今次食晚餐；入座時見鄰桌的石鍋吸睛，所以與飯腳都點了火山石鍋，一鍋安格斯牛，一鍋燒雞扒。在合理的時間上菜，真的鍋如其名「火山」一般，熱辣辣的蒸氣，充滿電影感，同時啟動了味蕾，忍不住要啓動，但事實上鳥冬都都是熱辣滾燙，辣嘴的；所以建議大家最好眼睛先食。在緩速的節奏下，把整碗火山放進肚裏，整體感受是：1）欣賞餐廳把烤雞另外用碟上，免影響雞扒口感。雞扒醬汁及雞扒味道可以，安格斯牛肉，有肉味，算有誠意。2）湯底味道不太出，可能是湯底太熱，所以只顧把烏冬入口，未能細嚐湯底味道。3）烏冬; 起初是QQ的，但食到最後，湯汁已被火山蒸發，所收鳥冬會黐住窩身，比較難食。整體而言，能在茶記體驗有視覺，味覺的一餐，算是驚喜，但因為湯太熱，末能及時進食，過了時間，湯蒸發之時；烏冬變得淋又黐底。這點則需要考慮考慮如何把控。

這家茶餐廳以簡約 現代的設計風格為特色營造出舒適而溫馨的氛圍室內裝潢雅致讓人感到放鬆和愉悅桌椅舒適空間寬敞提供了舒適的用餐體驗🔴美式芝士肉醬熱狗配粗薯條+熱阿華田$45將經典的美式熱狗與濃郁的芝士肉醬結合味道豐富而美味熱狗麵包有烘過🥖🥖🥖做到外脆內軟熱狗腸肉質嫩滑多汁🌭🌭🌭搭配上濃郁的芝士肉醬🧀🧀🧀口感相當驚艷👍👍👍粗薯條炸至金黃色的外皮酥脆🍟🍟🍟內部柔軟每一 口都能帶來美味的口感和豐富的香氣

～Lunch Time 11:30去食～常餐 - 雙重芝士忌廉豬柳撈讚岐烏冬配 炒蛋 和 提子丹麥酥 $62- 炒蛋🍳蛋漿略嫌太薄易散，冇咩蛋味，但滑既，樣都唔錯👌🏻- 提子丹麥酥烤得岩岩好，酥脆少甜，幾好食😋- 烏冬正常發揮，彈牙- 豬柳好高質😍😍😍！軟熟唔老、咬落唔會一絲絲、keep到彈牙、肥瘦均勻、煎得岩岩好（豬要煮得好食我覺得係難既！🤭）而且都幾大塊！可以蓋曬個烏冬咁濟🤤- 唯一唔太like既係芝士🧀食落味道係單一一種片裝芝士味，份量係多既，但都偏膩，邪惡得濟，食到最後係唔想浪費先食埋佢🫣同行朋友叫咗：自家製吉列豚肉扒北海道咖喱滑蛋蓋飯$70望落唔錯，好大塊扒🤤！佢話都幾好食👍🏻夰亾到食唔曬！下次小編再食可能塊會叫翻蓋飯🤤🤤🤤PS小編發現大約1245門口開始排隊，想食既記得預早少少啦！

價格敏感形消費者請進！今期繼續照顧大家嘅荷包，介紹一家平民也能放心食用嘅茶餐廳～呢間茶餐廳除咗港式常餐之外，仲會有日式元素嘅嘢食，餐牌亦會不時更新，每次去食都好似開盲盒咁！（雖然我只食過兩次⠈꒳⠁） ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡ ⟡ 唐揚炸雞滑蛋咖喱飯 ($68) 賣相非常吸引！如果我唔講，齋睇相應該冇人估到係茶餐廳產物 ˶ˆ꒳ˆ˵ 炸雞炸到脆卜卜，唔會有種預前炸好嘅感覺，份量都相當唔錯，不過碟比較窄，大胃朋友應該要嗌多少少嘢食先夠飽 ⟡ 唐揚炸雞咖喱烏冬 ($68) 呢個同上面差唔多，不過係烏冬，幾彈牙！份量對我嚟講幾飽，幾鍾意呢度嘅咖喱！ 我嗌嘅呢個係常餐，會配炒蛋＋麵包，今期係丹麥提子酥，超好食！提子酥暖笠笠，牛油味好香，仲有酥皮碎碎會跌落嚟，好似即焗即上咁，好評！ ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡ 第一次嚟食嘅時候感覺一般，但今次再食好似更啱我口味，有驚喜！同埋牆上嘅掛畫幾得意，大家食飯嘅時候記得要打下卡！(๑ᵔ⤙ᵔ๑)