茶東西

營業中

休息中

炮台山小有名氣茶餐廳，大部分時候需要排隊，不過返枱速度都算快。閒日大約9點黎到，等5分鐘就可以入座。純白明亮嘅裝修似cafe，食物質素亦算高質，難怪長期需要排隊🙈侍應態度同普通茶記無異，唔好抱咁大期望～今日黎試佢嘅早餐，平均每份都係大約三四十蚊，價格唔高😙茄豬通粉 跟餐 炒蛋同芝腿牛角包 $38 + $3凍華田番茄湯好好飲，味道偏甜，而且十分足料。豬肉就好似打邊爐豬肉片，都幾重豬味。炒蛋夠滑，係多油咗少少，牛角包比較普通。華田好飲但感覺落咗好多糖水😂😂😂薑牛通 同上跟餐 $38 + $3凍檸茶薑牛湯底相當出色，似豬膶麵嘅湯底，味道唔會過咸。因為係牛肉關係，所以冇腥味，唔錯👍🏻

好味指數😋😋😋回頭指數 ⭐️⭐️⭐️開心指數🤗🤗🤗去北角做D 嘢，唔係好知有咩食，響對面馬路見到呢一間白色嘅店，叫茶東西，以為係cafe 類或者食台灣嘢，點知一睇個menu，係似茶餐廳類😂 見唔係太貴就入去。🍴自家製吉列豚肉扒北海道咖哩滑蛋蓋飯（$65）飯一放上檯，嘩！勁大塊吉列豚肉扒呀🤩大過我塊面呀！豚肉扒都幾厚身，外面炸到好香脆，不過入面就冇咩味，食到有少少雪味，雖然啖啖肉，但每一啖都要有咖哩汁蓋過雪味同補回調味先可以。北海道咖哩好香，好好味，好彩夠多汁，滑蛋ok，唔算特別滑亦唔嚡，驚喜位係咖哩汁入面仲有唔少薄切豚肉片。講真，$65 算係咁，雪豚肉扒就一定㗎啦，但係佢份量非常足（直頭係大！），咖哩汁又好好味，女子組應該食唔晒，男子組都應該可以滿足到！如果佢可以去到雪味同埋輕輕醃吓豚肉扒就 good la！🍴即磨咖啡（+$2）正常。店內牆上有D 好得意嘅英文漫畫掛畫，店嘅外觀同環境都有少少心思。我走嘅時候見到有排隊人龍，雖然唔係勁好食，有人龍可能係味道正常，唔貴又夠大份呱～☆follow my IG @tracyloveliving ☆

今日去左港島做野，行過見到依間餐廳幾光猛，所以就冇諗咁多，試一試佢嘅質素如何。由於我去嘅時間係早餐時間，排左10分鐘左右先至有位，我叫左牛扒炒蛋多士餐，成件事都冇咩問題，唯獨是個汁好杰好鹹，杰到好似放左好耐放到凍晒咁，加上離奇地咁鹹，令到塊牛扒冇辦法食得晒，另外嘅炒蛋同多士就正正常常。野食方面就係尚可嘅，以普通茶記嚟講係好正常。但間餐廳個氣氛就奇奇怪怪咁，絕大部分嘅侍應都比較晦氣，落單落得好急，你諗多一秒都已經好唔耐煩，我都明白我唔係去五星級酒店食野，加上又未去到澳牛咁癲，但用餐體驗確實一般。

朋友一直推介呢間茶餐廳，今日終於去食到！餐廳名字幾特別叫茶東西，店舖環境光猛，尚算乾淨！下午茶有多款選擇，唔想食太多嘅話可以叫三文治或者多士等輕食，今日我哋比較肚餓，所以叫咗兩碟意粉🤪🤪🍝卡邦尼意粉要煮得好食嘅卡邦尼唔容易，而去得茶餐廳食卡邦尼意粉，一般都唔會預太大期望😅但呢間嘅卡邦尼意粉確實有驚喜！卡邦尼汁濃郁，夠杰身，包住每一條意粉，好正！雖然用上了煙肉片，但煎得頗為香口，而且意粉硬度適中，性價比高！🍝拿破崙雞肉意粉前排因一套日劇而大熱的拿破崙雞肉意粉！大大碟好抵食！拿破崙汁算正常發揮，雞肉煮得啱啱好，唔會過熟，好味道! 😌😌😌而且有三色椒和蘆筍作配料，有益健康！

食物：美國安格斯牛肉火山烏冬黑松露菇菌豚骨湯 ($88)😋😋😋番茄燴牛肉忌廉奶油雞肉汁滑蛋蓋飯+安格斯牛肉漢堡扒 ($55+20)😋😋😋芝士肉醬炸薯條 ($58)😋😋現在有滿多新派茶餐廳，這家能做得出超乎茶餐廳的感覺，但也未到精緻cafe感。食物對得起價錢，住得近的話，會想常常光顧。服務：🤗🤗🤗🤗友善。環境：🖼🖼🖼🖼牆上的漫畫很有意思，看懂的話別種意義地能放鬆心情。

💁‍♀️💁‍♂️ 17/3/2023(Fri), Dinner🍽去睇欣宜演唱會之前，都要食少少野醫下個肚先🤩。由於為食妙妙同A先生都唔係好肚餓，所以就近近地揀咗為食妙妙公司附近既茶東西食完先搭車去睇演唱會。呢間餐廳定位介乎於茶餐廳同西餐廳中間，係偏向精緻少少既茶餐廳。一般茶餐廳既早餐、常餐佢有提供，但晚市又會有炸魚薯條🍟、青口或者蛋包飯食，選擇都唔少。而今晚我地order咗：🔆 南瓜🎃湯不過不失既餐湯，算不上滑，都飲到南瓜🎃味道。🔆 英式啤酒炸魚薯條🍟（$88）炸魚既魚肉厚身，本來諗住會係變成吉烈魚柳，有啲估佢唔到係店家用返個類似fish and chips既粉漿，粉漿中加有少少香草🌿碎，開頭仲以為會變咗吉列魚柳🙈🤣。炸出來偏深色咗少少，慶幸魚肉仍然嫩滑，魚味就無乜，好在並不感到雪味。熱焫焫炸起時皮脆肉嫩，食落都唔錯。粗薯條🍟份量都唔少，食吓食吓都幾飽肚。🔆 香草白酒忌廉煮藍青口伴酸種麵包（$108）忌廉汁煮得比較濃稠，青口都有點過熟，入口沒有嫩滑既感覺。麵包有蒜蓉烘過，但已經不脆，只好用來點忌廉汁來吃。🔆 話梅蜜糖紅茶（跟餐+$18）話梅味同茶味都濃，仲有原粒話梅喺杯入面，略略甜咗少少，

常常見到很多人來吃，所以，終於能來嚐嚐， 今天叫了：1）東西三文治~ 麵包裡夾有煙熏三文魚、芝士、蕃茄、火腿等，並用上一點點的黃芥末；味道真的一般般，醬汁又不夠，整個三文治根本毫無味道可言，以這個價錢若相比某集團的快餐點真的差很遠，起碼別人的調味好得多呢！此外，也點了2）羅勒蕃茄牛肉醬雞蛋飯~ 牛肉的調味猶如快餐店所做的一樣，沒有甚麼特別。 不過，飯真的有點濕，覺得水水的，真的不知道怎樣形容它，總之，不太好食。 最後點餐飲時，沒有想到檸檬菜蜜都要加錢，都是結帳時才知道的，總之不要啦！~ 希望它是這次做得不好吧！ ~

呢間茶餐廳比平時既新淨，坐位少迫，人流都幾多，呢到茶餐算抵食，今日食左黑松露咸蛋蝦意粉，食開頭一兩啖可以，但愈食有仲愈膩感覺，最後冇食哂，好在叫左熱檸水中和一下，下次都係試第二樣

無論早餐定午餐，都會有條人龍排緊隊入座，我唔怕等，最緊要好食。感覺服務就差左啲，語氣都好似茶記咁，有啲不似預期！ 但係佢個沙爹牛麵正喎！ 再加錢轉埋個奶油豬好味。會再幫襯既店~~~

今早同個女去食早餐，各自點了2個餐。由於枱面放餐位置少，當長髮女樓面送最後一碟米粉上前時，我已經預留空間畀佢擺，但佢都唔望清楚放，就直接放於枱角邊(相中藍圈)兼眼望後面。我即刻叫佢放响呢度(枱中間)吖，點知換來佢突然好大聲話我:" 得嘞，你冷靜d，你嚇親我!" 但實情係佢呢番說話太大聲兼語氣嚇親我，我之後即時向男員工投訴，佢同我講話"唔好意思，今日樓面人少，個女伙計係咁。" 坐我鄰座2公婆都話個女員工d態度好差。因為我哋趕時間，食完就走。當離開時，個男員工再次向我道歉，但我想講，"唔會再去食!!!!!!!!"

茶東西，你店舖員工好冇禮貌，在餐廳情緒激動，又講哂粗口，極度影響食客心情。根本冇禮貌，唔想幫手落單，根本不適合做服務性行業!帶眼鏡嗰兩個男人同一中年女人伙計，咁既人都請得落!!! 帶眼鏡既男伙計冇啦啦情緒爆發，帶住口罩都feel到佢既不滿同無禮，唔係茶餐廳就奉旨無禮貌!!! 多競爭你更加應該要請有禮貌既員工!Hi there, the owner of this place! If you can see the review, your staff is really rude and it's necessary for you to hire some more polite ones. It really kills customers' mood to visit again if the staff are rude and cold!Your male waiter with glasses emotionally broke down and spoke foul language loudly in the shop! That's really unacceptab

見網上有介紹， 就去試下。炮台山站出行一陣就到。 鋪頭細， 位唔多， 所以要排隊。入面裝修新淨， 白色主題。叫左3個餐茄牛通餐：叫比小了友食， 湯濃佢中意， 牛角包好鬆軟， 炒蛋滑， 小朋友食唔曬通粉芝士流心炸雞咖喱滑蛋蓋飯：原本想食全日餐但講冇牛角包， 所以叫左e 個餐（但茄牛通有跟個牛角包， 神奇）比想像中細件，有流心，食埋飯就好飽原條吉列魚柳 咖喱滑蛋蓋飯：需要時間整， 魚柳好長又脆好食， 咖喱有少少辣， 成條魚食曬都有D full， 正。

平時呢間茶餐廳係勁多人排隊，搞到我成日都去唔到食，點知最近附近開咗間新餐廳，終於唔使排隊啦！咁就同朋友去咗試呢一間茶餐廳。今次試咗呢個午餐好豐富呀！因為佢有喇沙之外、仲有㗎央多士！ ！同埋炒蛋呀！感覺係常餐嘅升級版，價錢都只係$60 ，喺呢一區都算正常㗎喇！不過略嫌個喇沙有啲辣，其他都好食！之後我加兩蚊升級左即磨咖啡，味道都唔錯啊！有機會再試啊！😌

不知怎的 覺得他們家的餐單排版 照片很吸引😂明明不餓 看了就會食慾大增🤣🤣🤣早餐 D - 薑汁濃湯生滾牛肉通粉 $38 配 嫩滑炒蛋+芝士火腿牛角包🥐炒蛋和牛角包 非常有誠意😆炒蛋非常嫩滑 濃濃蛋香 和牛油香🧈牛角包酥脆 配上鹹香芝士和甜甜的火腿一流！薑汁濃湯生滾牛肉通粉🍲真的即叫即滾！因為其他客人點沙嗲牛肉的話 很快便會上枱薑汁濃湯 這個就要稍後一會兒 非常值得！牛肉份量適中 湯底有很多磨爛了的薑蓉👅而且芫荽的份量也很充足🌿冬天的早上喝到這個湯真的！！什麼寒風也驅走了！凍檸茶 （+$3）很大杯 用上碎冰🧊 茶底也不錯 下單後才知道可以加錢點即磨咖啡🤣🤣 下次一定會試一下！！-早上繁忙時段 店員可能會有點應接不暇他們非常有系統地 安排客人入座和點餐 閒時還會跟客人聊一兩句好可愛☺️

今次係第二次幫襯。兩次都係食牛。佢啲牛肉真係整得幾好食，份量頗多，即磨咖啡又好飲，咁既價錢算抵食。可惜職員態度麻麻，某位女職員更惡言相向。所以就算間餐廳CP值幾高都好，我唔會再去食。