茶檔

營業中

休息中

一步入呢間茶檔，空氣中已經飄嚟陣陣嘅牛油香同炸物嘅誘惑。第一招牌點心，絕對係餐蛋菠蘿包🍍，吃落嘅感覺真係得意極啦！菠蘿包外皮酥脆、牛油香撲鼻，裏頭嘅午餐肉厚實多肉，炒蛋又滑又香，食一啖就覺得真係夠晒滋味！嚟到主菜，生脾飯配蒜蓉汁確實驚喜到我，覺得啱晒我啲口味！雞皮嘅香脆跟住啖啖肉汁嘅流出，再加上蒜香味重嘅蒜蓉汁，夠晒味，真係太正喇👌。但呢，芝士豬扒煎蛋撈丁就略為遜色啲，豬扒稍硬，不過芝士汁真係非常滑溜咁澎湃，同煎蛋撈公仔麵個完美配合仲可以彌補返啲。結束呢餐美食旅程，茶檔一個細細嘅驚喜變成滿足嘅一餐！無論係食味上定係服務態度，都令人有再嚟嘅衝動👍。喺繁忙嘅香港街頭，發現咁嘅食府，的確係件開心事！

🍜 茶檔 🔥夠曬鑊氣既茶記 - 茶檔港式裝修 幾有香港味道雖座位較窄 但勝在夏天都夠冷氣唔會熱到say Hi Hi 蔥油瑞士汁雞髀飯見到已經流晒口水啦雞髀醃到好入味 雞肉又幾Juicy個飯都幾大碗配埋個蔥油同瑞士汁真係好好食如果再多啲汁同蔥油就好啦另外叫左個茶走都幾好飲奶同茶味夠香又唔會澀口Btw 價錢唔算好平記憶中好似$60但勝在質素有保證同夠大份呢啲叫一分錢 一分貨啦一定夠飽(о´∀`о)所以本闊啲都幾鍾意食呢間

呢一間我淨係食過一次，叫咗個乾炒牛河，講真火候好足夠，味道都好好食嘅，但係我真係食唔到啲咁油膩嘅嘢（真係超油，每一條河粉都係油到令立立）食完冇幾耐，腸胃都真係頂唔順。如果平時食得比較清淡嘅朋友都唔建議去食，一時三刻腸胃唔會接受到

精選早餐 ～ 出前一丁餐一丁麵餐可自選兩餸，選擇咗豬扒同紅布腸。煎豬扒做得唔錯，外表煎香微焦，要挑剔的話兩片紅布腸稍為薄了點點、如果可以厚番啲啲同煎脆邊就更加分！丁麵同落單哥哥要求食爽、麵上枱後入口要求嘅生熟度合格、足見樓面同師傅配合度足，無論落單、煮麵、傳菜等都又加分！簡簡單單港式丁麵早餐賣$39 蚊街坊價錢同質素係香港地今日嘅物價係合理。港式奶茶合格茶記小店食嘅係師傅心機同人情味，在連鎖快餐店係你搵唔到嘅原素，支持小店！

每次嚟到香港仔，都好想幫襯快樂茶檔，不過由於佢收得早，所以一直都只係望門興嘆。尋日六點鐘嚟到，終於有機會光顧。由於時間尚早，唔太肚餓，於是揀咗個懷舊常餐。厚多士牛油幾多，亦烘得夠熱夠脆，好香口；火腿蛋奄列份量唔多，炒蛋亦略嫌太老，幸好味道正常。重點係個沙爹牛肉麵，一上枱見到沙爹汁嘅顏色就知道係我鍾意嘅味道。試一啖，果然帶甜味，雖然花生味欠奉，但醬汁嘅濃度足夠，牛肉份量亦非常多，整體唔錯，而可以揀福麵就更加 very good 啦❤️。

呢個爆蒜豬扒飯好難食 有陣苦味 同中環果間分店比 呢間差好遠 呢個豬扒煮得極為難入口 份量少 炒得又唔香 仲有陣苦味 d白飯都好食過佢 之前去過中環果間食 味道同呢間完全唔同 仲話係招牌餐

黎咗南區番工後，成日睇下呢邊有咩好西。因為選擇真係唔多。嚟咗好一段日子先發現呢度有間咁高質嘅茶記！Menu選擇極多 中西日都有 仲要價錢平 極吸引！（仲不少邪惡的東西🤤)🧀新記豬頸肉煎蛋芝士汁撈麵 $57🍜我係真係去過新記食芝士撈麵的。但就唔係好清楚點解呢度會用埋新記個牌頭🤣🤣嘩一見到碟野 邪惡到呢….🤣係全！碟！都係芝士汁啊！然後大大隻煎蛋🍳喺正中間🟠望見都幸福！公仔麵嘅口感好正 少少彈牙 唔淋。另外，隱藏喺芝士汁下面嘅就正正係豬頸肉，有超多片，每片都爽口彈牙，淡淡肉😍😍最驚喜嘅地方係，咁豐富嘅材料，成碟食哂唔會覺得好漏好膩，是剛剛好！

店內一般港式cha chan tang 格局，有8張長枱，每張可坐4人，裝修已殘有點零亂。早餐menu簡單而全面，有all day breakfast, 英式早餐，價錢唔貴✨沙嗲牛麵奶茶先到，夠熱，用Completa gold 唔係B&W 淡奶，冲得唔錯，有茶味有奶味👍沙嗲牛麵，牛肉新鮮無soda粉味，麵來時偏硬，湯底濃厚very hot，食食吓麵質由偏硬變適中，唔錯👍跟餐煎蛋和午餐肉，just fit，不過火，不油浰。一份早餐$33, 算抵食又幾好味👍

🧀 新記豬頸肉煎蛋芝士汁撈麵 $57💯 評分：🌕🌕🌕🌕🌑 (4/5)💬 豬頸肉有好多片，口感都幾彈牙又夠多汁，隻煎蛋嘅熟度亦恰到好處。芝士汁鋪滿晒成隻碟，味道十分濃郁，但係又唔會太過油膩，撈公仔麵食落一流。🤤🐣 瑞士雞翼煎蛋乾撈麵 $45💯 評分：🌕🌕🌕🌕🌑 (4/5)💬 隻隻瑞士雞翼都好入味，食落既鮮嫩又多汁，個煎蛋亦整得相當香脆。至於啲就醬汁辣中帶甜，撈公仔麵十分開胃。😋💙

香港仔真心💛店寥寥可數, 今次就試吓特色茶記🥰見到餐牌就心大心細了!!! 下午茶都十分吸引🤩是次午餐時段, 所以叫咗兩份正餐😋💬 懷舊雜扒飯(咖哩汁) $56本身都唔太食的辣 🙉 不過依款咖喱非常惹味 略帶少辣十分開胃👍👍👍, 什扒 顧名思義有好多肉 : 豬扒 雞扒 火腿同腸仔, 一次過滿足食肉獸嘅願望😜😜💬 蕃茄薯仔湯麵餐 配 豬頸肉 煎蛋 $52😆茄湯控又出動🥰有媽媽煲既蕃茄湯感覺, 唔會酸略帶甜😍滿滿蕃茄味 ,湯料有足料蕃茄 薯仔同洋蔥, 有得飲有得食我叫咗公仔麵 撈埋太陽蛋既蛋黃汁十分之正🥰 豬頸肉好爽口~而且好入味 💗 不過份量就多返啲會更好🙈兩樣都好好食🤪🤪咖喱汁有驚喜! 下次可以食埋下午茶 呵呵!

之前都成日食上環果間茶檔，原來香港仔都有💛佢既滑蛋叉燒飯真係好正最鐘意佢既甜豉油一啲都唔孤寒，但撈埋飯又唔會多到變湯叉燒一般，蛋好正都算滑👍🏻飯既份量一定夠飽同上環一樣好窄坐得算迫座位好少比上環少，上環果間有埋上層我都係比較鍾意上環果間既味道，其實食落味道差唔多，可能情意結關係😛

行完香港仔水塘，極速落返市中心搵食，補充返d能量🤣去到一條巷仔發現呢間鋪頭細細，但門口好多人等位既茶檔，於是我地又去湊熱鬧等埋一份，2點來到其實都係等左幾分鐘。入到去未有下午茶（2半先有）於是就食返個經典茶餐叫左鮮牛通+火腿奄列+牛油多士鮮牛通d牛肉幾淋，可惜有d筋杯奶茶幾滑幾好飲*鮮牛可以轉其他肉，而面底亦都可以轉

黃店🌟🌟🌟地方好細但款式多。奶茶好好飲，有茶味，奶剛好，飲曬。厚多士好足料，有花生同”戒央”mix 一齊個全日早餐就無太大特別，番茄🍅新鮮，煙肉唔會太硬，腸仔入味，薯餠無麥記咁油，牛角包🥐鬆軟的。可以試。

同朋友仔行完香港仔水塘，佢帶我去香港仔舊大街食下午茶， 佢話呢間既豬扒包好好食，一定要試。.✨菠蘿豬扒包.菠蘿包係熱辣辣，豬扒煎得香脆，醃得好入味，配上清新爽口既蕃茄同生菜一齊食，感覺好fresh 又無咁大罪惡感。.🏠 快樂茶檔🛤️ 香港仔香港仔舊大街120號兆群大廈地下7號舖-----

早陣子, 疫情肆虐, 都不敢到食店進食, 只會買外賣回家。就讓我發現了屋苑附近有一間有鑊氣有水準的茶檔, 雖然食物選擇不是很多, 但我覺得每次都有水準, 沒有令我失望過。順帶連我的家人也很喜歡, 都變成常常光顧。這個周末, 我買了茶檔外賣, 豬頸肉炒出前一丁, 家人點了常餐(五香肉丁通粉+多士+奄列)。豬頸肉炒出前一丁: 很香口, 雖然都有一點油膩, 但炒出前一丁不能缺少油!! 芽菜, 香蔥, 芝麻,洋蔥都不缺少, 很好吃!常餐(五香肉丁通粉+多士+奄列): 都是正常水準值得一提是這裡的凍檸檬茶很不錯~ 茶味剛好