茶泰 (新都會廣場)

營業中

休息中

星期日下午去食唔算多人，唔洗等位，就咁睇都乾淨企理😁下午茶幾抵食，份量都可以！炒飯炒得幾香，飲品凍咖啡都ok!椰奶味好重！ 職員有禮貌！下次我會再去！試下其他菜！

一班媽媽由小朋友一年級開始認識，現在都唔知過咗幾多年，終於唔使揍，可以自由，於是約埋一齊行街, shopping + 食埋 dinner。呢間餐廳朋友之前食過，話唔錯，所以一致通過 ✅。 我哋有訂枱，所以唔使等，但都見到好多人排 (7pm)。 入座後，自行 scan QR code 落單，7 個人叫咗 10 個餸、5 杯飲品 + 2 個甜品，唔錯 👍🏻👍🏻👍🏻👍🏻👍🏻👍🏻 另外值得一讚，侍應們好好，有禮貌，收嘢快 👍🏻👍🏻👍🏻👍🏻炸豬皮 - 唔錯，好脆 👍🏻👍🏻豬頸肉 冬陰公湯 - ok 👍🏻 雞 + 雞油飯 👍🏻👍🏻👍🏻👍🏻生菜包 - 好辣 叻唦 😋😋😋😋😋牛、豬、雞串燒 - 正 👍🏻😋👍🏻👍🏻👍🏻豬骨 - 招牌菜，但最好人多食 😋😋😋😋蒜蓉炒通菜 芒果糯米飯 😋😋😋😋😋😋😋香蕉班㦸 😋😋😋😋😋😋

上星期堂食食過一次，覺得都OK,無食評中講到咁差！屋企人今晚再去食，順便外賣一個芒果糯米飯！當我打開個外賣盒見到個芒果賣相已經失望， 點知食左3件芒果之後，以為仲有件大芒果食，點知…..係粒「果核」黎🙄🙄🙄🙄茶泰…你認真咩？粒果核真係用黎裝飾吓咋？$58唔係貴，但都唔好咁誇張呀，人地隔離葵廣鋪頭仔都份量賣相味到都好過你😫😫

星期六午市入嚟幫襯，餐廳都算闊落，叫咗兩個lunch set，金邊粉同青咖喱雞，加咗蒜香雞翼三隻，所有嘢食啲味好怪，當佢泰式嘢食都仲係覺得唔好食，特別係個金邊粉，大家慎重考慮。

食物味到都ok,金邊粉都算正常發揮/泰式肉碎飯整到變左台灣既肉燥飯咁..太多汁偏咸，冇左泰式既香味同辣味。另外..等上菜真係要好有耐性同埋要留意！ 基本上每左枱都會漏單，唔理你兩個人去食或者一班人食都係會咁，大家睇路呀

買左個下午茶餐，牛丸湯河+ 凍檸檬茶，$46，職員話依家做緊9 折，估唔到covid 後仲有折。個湯粉普普通通，如果湯底味道重啲就好啦。杯檸檬茶個檸檬唔係片上，係整碎左，所以唔使自己督 

此店不歡迎一人入座，我的不愉快經驗是：有兩人枱先給你後面的兩位；有四人枱，你接受搭枱但你後面嗰兩位女士唔想搭，咁就麻煩你再讓一讓等多陣啦！但目測店內並沒有一人枱，咁單人匹馬嚟嘆下午茶就真係唔好意思啦⋯⋯鬼叫你一個人消費咩，咁就唔該伱遷就再遷就，下午2:45其實非繁忙時間，咁都唔識得協調，應該要再培訓一下😅

此餐廳以優惠價巧立名目，漏咗半張單冇送到。職員態度非常惡劣，堅持不補發。自問對食物質素、好低要求，但焗飯完全唔似焗飯，冇焗飯香，求其一間快餐店都好食過佢。今次真係貼錢買難受! 中伏！

開頭見到門面光猛吸引左眼球見仲有個位置係小corner位係賣泰國零食座位裡面亦算企理，係QR code下單的因為未決定到食咩就睇下op大家有咩介紹睇到我一額汗坐低左先知原來係伏地泰式酸辣鳳爪$42客觀講，好少見到泰式鳳爪係落重蒜蓉通常都係酸酸辣辣咁不過我係好蒜蓉嘅，所以還可以只不過有啲怪外型唔錯 心諗大家係咪誤會左呢？雖然啲蝦球唔係「梅」嘅但就完全無冬陰功味淨係好咸🥲🥲泰式明爐烤魚$138條魚係完全無味㗎連咸味都無埋🤣 好似清水烚熟咗條魚咁叫左杯芒椰西米冰應該落太多糖水 好甜 同埋無乜西米囉

今日本身有啲唔舒服 想食個快飯去睇醫生休息諗住食過荃灣分店應該冇伏入到去俾咗個靠玻璃窗同埋天幕嘅位一坐低已經熱到有啲唔舒服 同行嘅人就見到入面有位好聲好氣問可唔可以換位 個黑衫戴眼鏡男人 疑似主管即刻衝出去排緊隊嘅人「有冇兩位？」跟住帶兩個客人坐入邊嘅位🙄🙄🙄🙄同行嘅人呆咗咁問「我地黎先架喎 想換個位咋喎」個主管即刻話係十幾人面前鬧交好大聲咁話「你坐低咗啦喎！個位俾咗你架喎！」朋友仲想同佢理論 因為我冇精神同佢嘈就拉住佢叫佢算數 渣渣林食完就走其實唔換位唔係問題 係你態度真係好差！我個位係走廊位 呢個人每次行過都好唔奮氣咁啤我地幾眼😓 真係有啲驚佢係我啲野食加料講嘢食 個飯落多左水痴埋一舊唔講咖哩雞飯得3舊雞 兩舊茄瓜 兩舊薯仔其他全部係蔥🤭 咖哩冇咖哩味未食過咁難食嘅青咖哩飯衛生都係差 一路食一路有嘢飛下飛下唔該真係檢討下自己啲態度同嘢食質素點解比人鬧到咁 以後唔會幫襯

1. 主食非常差首先，黃咖喱軟殼蟹個麵包硬過頭盔，成分野乾爭爭，D軟殼蟹好似擺咗成個禮拜咁款，成pat嘢咁根本食唔落口…香茅豬扒飯啲蔥仲多過啲飯，最離譜係啲飯超lum pat pat，毫無食慾。菠蘿炒飯D菠蘿又硬又細粒，炒出嚟完全冇香味2. 嘢飲極度難飲，尤其是杯西瓜汁好似香精溝水咁，冇飲過咁難飲嘅嘢飲…芒椰西米汁基本上成杯都係冰，飲咗一半已經頂唔信。3.服務態度差好似得罪D姐姐咁，送餐將啲嘢食好大力放落枱度-建議唔好嘥錢受罪又受氣👌🏻

千祈唔好去呢間餐廳，俾錢買難受，職員安排混亂，搞到我被人打尖，被逼坐1張連餸都放唔落嘅細檯是日同屋企人共5人食晚餐，我係預先用電話book咗位，當日準時嚟到，同職員講到咗貴姓book咗幾位。當日亦都有好多walk in排隊等咗好耐嘅客人，本來職員見到有張檯已經準備食完，拿拿聲執檯話安排緊我入座，但其中一個現場排隊嘅男人A即刻大聲講話佢等咗好耐佢要坐先，然後職員就即刻俾左張6人檯佢，好唔公平，咁請問電話book位有咩意義？大聲被人兇下就可以打尖？唔止結果搞到我要再等耐D, 同埋重點係佢俾咗4人檯我（我有5個人，男人A得4個人就坐左張闊落嘅6人檯）張檯係逼到d餸都放唔落，全家要連碗同碟都放唔到，用餐體驗好差，我唔理解，點解我book咗位，但個職員被A男人兇一兇，就即刻俾位佢，呢個餐廳安排非常有問題，不如你唔好開放電話booking啦，全walk in 算如果想用餐體驗愉快的話，千祈唔好去呢間！！！

從未食過一餐飯因為服務差要留評價同朋友食飯，食物質素中規中矩，好食與否見仁見智。一碗粉漏單，有職員跟進，再過10分鐘，再之後加單的飲品都已經到，再詢問船粉有未，男職員先再確認客人是否特別要求剔除某種食材，當下見廚房即刻製作，係咪我哋張單心知肚明，最後嚟咗兩碗一樣，哈！戲肉嚟啦，一位眼鏡馬尾攣頭髮女職員:-唔出聲移開我未飲完嘅飲品再收兩隻碟-轉頭乒鈴乓啷收走得返幾支餐具杯-隔咗幾分鐘勁大力擺返一個fill滿落枱其實已經撞到我朋友手過咗陣無啦啦企定定喺我哋張枱旁邊，兼且手搭着個餐具杯，實在忍唔住問佢:你做乜嘢呀？係咪趕時間？個女職員支唔以對。恤衫眼鏡男經理？埋枱問咩事，該女職員答擺傢俬，個客話行嚟行去。最後一個唔好意思我都無聽到。講真星期六繁忙時間忙碌大家都明白，一係你就入座時候講限坐時間，或者你真係想替換/收拾 可以出句聲，我絕對會配合你。仲好意思講話個客話你行嚟行去，我想講你係不斷喺張枱同客之間"熠熠揚揚"！如果你喺工作時間企定定唔做嘢，我都戥你餐廳經理唔抵。唔評論餐廳屬於咩類型路線級數，但個別服務態度有待改善。唔會有下一次再嚟。

其實平時好少出街食早餐，但因為有嘢做今日去咗葵芳搵吓有咩食見到呢間餐廳嘅早餐都算性價比$40左右一個早餐，叫咗個雞扒通粉，配炒蛋多士，再配熱咖啡，而且份量十足，炒蛋份量好大，對比平時啲快餐店完全Double size

今日和女兒去了新都會廣場，位於五樓的戶外歷奇公園玩耍，打算離開的時候，等電梯中，看到這間餐廳的下午茶餐牌，37蚊有交易，而且見到呢個，想食好耐的船麵！！！$43超多炸豬皮同芫茜！！湯底超級香濃！！仲好食過喺泰國嗰度食！而且只係40幾蚊包嘢飲！！！另外都叫咗咖哩雞飯$66，同埋芝士餡餅$37，不過就普通，冇乜特別我哋入嚟嘅時候可能落緊場，所以冇乜服務員雖然係咁，我都一定會再嚟過，因為呢個船麵真係太好食極度推介