茶記冰室 (已結業)

朋友推薦到葵涌茶記冰室食飯， 佢話呢度有別於一般既茶餐廳， 難得黎到葵涌當然要試一試。茶記冰室裝修光猛新淨，卡位闊落，坐得十分舒服。仲用左細個成日見嘅黑白色格仔地板，同埋天花板懷舊燈膽射燈， 幾有舊日香港情懷。 呢度除咗一般茶餐廳食物， 仲有好多特色嘅小炒， 阿姐好熱情咁推薦咗幾款畀我。隨餐附送嘅例湯幾有驚喜， 入口好清甜而且好足料， 好有家的感覺。😋😍冰鎮咕嚕肉 ($88)咕嚕肉外皮冰爽脆口， 裏面的梅頭肉温熱而且有咬口。 外冷內熱，又外脆內軟， 感覺幾新奇 😋😍。 咕嚕汁味道酸酸甜甜，十分開胃。 另外仲有配有冰鎮菠蘿同埋提子解膩， 感覺幾清新。招牌黃金蝦 ($98)黃金蝦外殼炸得香脆， 充滿著香濃嘅鹹蛋黃香味，蝦肉爽口彈牙，忍唔住一次過連殼食曬。😋魚香茄子煲 ($58)茄子炆得恰好，口感潤滑，充滿蒜蓉和泡椒香味。 除咗有香辣既肉丁， 仲食到好多惹味嘅鹹魚粒粒， 配飯食真正一流~😋茶記冰室坐位舒適， 餐牌選擇多，阿姐招呼好有人情味，好有香港嘅舊日情懷。 難怪朋友話呢度冇一般茶餐廳咁來去匆匆而感覺， 好適合坐喺度慢慢歎番碗靚例湯。😋

寒冷天氣，最適合約埋一班朋友去食熱辣辣嘅羊腩煲。坐言起行，立即就上網搵吓九龍區邊間餐廳有得食羊腩煲，發現好多人推薦呢一間傳統冰室-茶記冰室。於是立即約埋一班羊肉愛好者一齊去慕名試食呢間岀名的羊腩煲。餐廳裝修光鮮，未入門口，已見到大大的招牌推薦羊腩煲，只看圖片足已令人食指大動。於是我們就迫不及待地進入餐廳，一進門口已看見差不多每一枱都叫了招牌羊腩煲，我們就知道沒有揀錯餐廳！服務員態度好又有效率， 好快就幫我地安排到座位。一坐下， 我們二話不說就叫了招牌的雙東羊腩煲，因我們只有三人，所以只係叫左小的羊腩煲，價格絕對係街坊價，唔怪得差唔多每一張枱都必點。在我們閑談之時， 熱辣辣嘅羊腩煲要悄悄地送上枱。估唔到細羊腩煲都十分足料，羊肉有十多二十件，而且全是優質的黑草羊肉，入口鮮味，再配上特製的腐乳醬，羊肉的鮮味立即提升，好正呀！羊腩煲入邊嘅配料亦都好多，例如枝竹、馬蹄、冬菇等⋯⋯餐廳亦都好貼心咁附上西生菜，放埋落羊肉煲一齊食，吸盡煲內的精華，美味無窮。估唔到係葵涌區有一間隱世小菜館，價錢實惠又足料，下次一定會再來朝聖我至愛的羊腩煲。

今日下午去左個朋友屋企玩，玩完就落街食晚飯，佢就帶左我去呢間「茶記冰室」，話係佢既飯堂😂😂好啦，我心諗食茶餐廳最好，就係入到去總有一樣野啱食😆😆！睇咗一輪餐牌，呢度有冰室既食物，又有茶餐廳既碟頭飯，亦有大牌檔既小菜，多到我都唔知點揀好，朋友就話我第一黎一定要試下呢度既名物，冰鎮咕嚕肉！👍🏻我想像唔到係咩味，好啦就姑且一試😝😝！跟餐送左碗例湯同埋熱飲😍😍朋友就點左個西檸大蝦球！一齊分享黎食🤤🤤例湯率先送到，熱騰騰份量十足啊！👍🏻👍🏻冰鎮咕嚕肉黎到，果然有驚喜😍❤‼係脆卜卜架！入面粒肉好大粒，我係人生第一次食到咕嚕肉入面真係大大粒肉😂😂大家都應該心裡有數，香港地叫咕嚕肉通常都係食麵粉，入面得細細粒肥肉。今次呢個真係真材實料啊！朋友個西檸大蝦球都係粒粒大蝦🍤貨真價實🤤🤤！西檸好開胃，跟餐仲有碗白飯，非常飽的一餐。留意到呢度裝潢都好特別，地板牆身都有設計過，而店員都好有人情味，街坊餐廳得黎又帶有特色！價錢亦相宜，唔怪得朋友話係佢既飯堂啦😝😝！

人愈大好似愈愛家鄉地道菜咁，然而今次黎到富有香港特色嘅茶記冰室食個飯。冰鎮咕嚕肉（$88）估唔到係地道得黎又有創新風格嘅一道菜。一上枱係淨係見到冰，感覺似甜品多過餸🤣而估唔到係冰鎮過嘅咕嚕肉外層會更加脆口，食落更有層次，推翻左本身幻想凍冰冰會食落好怪嘅情況。不過要注意嘅係要趁啲冰未溶前就食曬，否則會整濕咕嚕肉嘅外層，變到好林🤭另外仲有菠蘿、提子同蕃茄仔等水果，好fresh燒薯牛粒（$88）全餐最滿意嘅一道菜，合曬合尺，牛粒juicy又無根，薯粒燒完好香又惹味黃金大蝦球（$98）真係炸到金黃色，有咸蛋黃味，好入味，送飯一流不得不説以上套餐全部包例湯（17:30後開始送）今次係無花果湯，有家的味道仲跟飯係懷舊嘅公雞碗最後仲叫左杯凍檸茶（+$2）作完美句號

去到石蔭探朋友，朋友知我鍾意香港地道野，就介紹左我黎呢間幾抵食既茶記冰室。餐廳裝潢地道，價錢合理。我地兩個大胃王就叫左個三個set，分別係黃金大蝦球($95)，燒薯牛粒($88)同埋一個蒜蓉粉絲開邊蝦($108)，set dinner就包一飯一湯，個日既湯係無花果瘦肉湯。當中我最鍾意既就係黃金大蝦球，彈牙鮮蝦配上咸蛋黃真係好正，有咸蛋黃得黎層皮重係脆卜卜，配飯或當小食，再加支啤酒真係一流。另外，燒薯牛粒亦考心思，牛粒幾有牛味而且唔會咬唔爛，薯仔就炸過配以蜜糖，十分飽肚。蒜蓉粉絲開邊蝦就做到家常風味，蝦係用新鮮生蝦，肉質唔會係霉，係十分有咬口，底下的粉絲吸收晒D豉油真係送飯一流。個日重叫多左兩個野飲，套餐熱飲加兩蚊，涷飲加三蚊。野飲係涷好立克，落既粉同埋奶個份量唔錯，十分有味同埋滑口。三百幾蚊黎講，值得再來。

今次黎到葵涌，因為要探個好耐冇見嘅朋友關係搭到黎石蔭一齊食間佢介紹嘅茶記，仲話係佢嘅飯堂喎，一於試試間餐廳有咩吸引之處！入到去就俾佢嘅裝修吸引左喇！牆邊掛住左好多帶有現代感嘅舊式餐牌，配埋啲舊式嘅枱枱櫈櫈，唔講咁多食左野先！我同朋友兩個人太肚餓所以叫左三碟餸，每人都會跟一大碗白飯同湯，夠哂飽！個湯好清甜，有驚喜，唔似一般茶餐廳咁重味精。我地叫左燒薯牛粒，食物一到我同友人都雙眼發亮！薯仔粒食得出加過啲糖黎燒黎吊味，牛粒出奇地稔而且好入味，真係食到停唔到口！另外叫左茶記必食嘅椒鹽豆腐，佢嘅椒鹽蒜粒都好多，我諗3-4個人食都食唔哂，好彩我地2個係大胃王！最後就係蓮藕餅，外表睇落已好吸引因爲2邊都煎到燶燶地，一食落口十分有驚喜原來入面勁juicy，佢係蓮藕打入啲肉度整成餅煎，食落好似漢堡扒但因為溝左蓮藕又冇咁滯但又會有豬肉既鹹香，呢碟絕對值得推薦，而且有8大塊每塊都有成隻手掌咁大，好抵食！！望到隔離枱食緊羊腩煲，真係好有舊時茶記嘅風味，有機會再黎到的話我想試埋佢呀！最念念不忘一定係佢個蓮藕餅😋

今日去左葵涌搵朋友，佢就話要帶我試間超正茶餐廳。去到睇餐牌，見到餐廳價錢都幾親民，大約$60就可以叫到個一餸跟飯湯同飲品既晚餐。我地叫左招牌菜咕嚕肉同埋薯仔牛柳粒，另外仲叫左個西蘭花炒帶子。上菜速度好快，唔洗等好耐就已經有得食。今次係我第一次食冰鎮咕嚕肉，覺得好新奇，有好多冰鋪響面頭，令到咕嚕肉既外皮能夠好鬆脆，口感好好，而肉都好惹味。薯仔牛柳粒既牛好軟熟，唔會難咬，非常好。菜方面都唔差架！西蘭花色水好靚，食落又甜又新鮮，好餸飯！另外加左$7升級特飲咸檸七。佢係一枝七喜比我地自己溝，好正啊好抵飲！餐廳另外有推廣，9點後入座有九折。總結我地2個人食左3個餐(即係3個湯+飯)加2杯特飲，都係$250以內，非常抵食，價廉物美！

朋友介紹呢間冰室啲嘢唔錯同價錢合理，所以咪同朋友黎試，通常冰室俾人個感覺會有少少污糟同懷舊，但入到去環境幾乾淨，同埋有一幅牆貼滿左一啲懷舊嘅港式冰室食物好似絲襪奶茶丶西多士呀嗰啲， 都幾特別。餐牌都冇咩特別同平時茶餐廳小菜差唔多，最特別就係冰鎮咕嚕肉，所以叫咗呢樣餸嚟食，同埋自己最鍾意食嘅黑椒牛柳粒，個侍應好Nice，跟住飲咗佢個例湯用料好足，同平時媽咪煲嘅湯差唔多，冇落味精，個湯好清甜，飲完唔會覺得口乾，等左6-7分鐘啲餸嚟晒，即時試咗個冰鎮咕嚕肉，外脆內軟，外面嗰層冷，但係一咬開，嗰陣熱氣又沖番出嚟，個口感好刺激，可以試吓，同埋茶餐廳通常咕嚕肉配菠蘿，但係呢間冰室用提子，小蕃茄搭配，感覺好清新，呢個咕嚕肉味道較甜，如果鍾意食甜嘅朋友。燒薯牛粒值得一讚，牛枊粒好鬆軟，牛唔會so ，啲黑椒汁啲汁入晒牛粒入面，咬開會有啲汁，連續食幾粒都唔會覺得口乾，個薯仔，同啲黑椒汁一齊炒，都冇整林個外皮，食落去外皮都好脆，成餐飯埋單都係180幾蚊，兩個飯丶餸丶嘢飲丶例湯，本來諗住同朋友去食甜品，但係估唔到兩個餸都咁大，所以都食唔落。

今日我地黎到位於葵涌嘅茶記冰室，一品貼地冰室滋味😛由於已經係夜晚，所以餐廳內並唔係特別多客。坐低後夥計熱情招呼，將餐牌遞到我哋手中，我哋睇咗一陣，嗌咗店內招牌羊腩煲同冰鎮咕嚕肉羊腩煲一上台，即刻聞到一陣濃郁香味😍令人食指大動，將每一塊羊腩送入口中，令我諗起一句「送羊入虎口」😂😂羊肉肥瘦均勻👍🏻搭配埋醬汁同各種配料，口感豐富又有層次，更加唔會太鹹。而羊肉成個感覺比較軟，肉質鮮嫩容易入口。羊腩煲用咗多種配料例如八角等辟除羶味，都係用心之處🤪然後係冰鎮咕嚕肉咕嚕肉保留咗原本酸甜開胃嘅口味被冰塊包圍住令其口感更脆👍🏻令原本就美味嘅咕嚕肉口感更上一層，多咗酥脆感覺，令人覺得充滿新鮮感，忍唔住一試再試爽口嘅咕嚕肉搭配白飯簡直一流而喺呢餐飯入面，同自己愛嘅人可以食到性價比如此高嘅食物，實乃人生一大樂事也

今日咁岩同朋友經過，見門面幾靚就諗住入去試下，我哋一坐低嘅時候店員已經即刻俾咗兩碗湯我哋，個湯係真係真材實料入邊有煲得好淋嘅雞腳同埋金華火腿，睇得出係真係靚老火湯，我哋嗌咗個豉汁蒸白鱔，個白鱔蒸得好滑，喺出面好難搵到啲餐廳係做到呢個水準，白鱔下面仲有個豆卜吸晒啲鱔既味道之後我哋再嗌左個萬箭穿心係原條嘅椒鹽炸九肚魚，佢啲魚肉十分之嫩滑，啲骨都可以食得，面頭既炸蒜蓉香脆可口，份量都好多，之後我哋仲叫咗個芝麻雞，炸得十分酥脆，面頭啲芝麻好香， 啲雞肉肉質十分嫩滑，整體上食物份量都好多好夠食，咁嘅價錢十分之合理， 除此之外店員嘅態度都值得一讚，會不斷睇住我哋需要啲咩，見到我哋冇碗會主動攞俾我哋，同埋會提供水，態度好好，值得一試， 下次會繼續幫襯

因為聽聞茶記冰室嘅冰鎮咕嚕肉好出名😆，而今日我同朋友又咁啱得閒，所以就同咗朋友去葵涌既茶記冰室食個飯👭。餐廳店員嘅服務態度好好，我地坐低唔夠五分鐘，就即刻幫我哋落單，以星期日人流咁高黎講，店員既服務態度值得一讚👍。我同朋友都係因為呢度嘅冰鎮咕嚕肉慕名而來🤤，所以我哋當然有叫冰鎮咕嚕肉嚟試。個冰鎮咕嚕肉雖然配上左好多冰塊，但冰塊嘅味道都冇覆蓋咗咕嚕肉嘅味道，仲keep到咕嚕肉既酸甜味😋。而且啲咕嚕肉食落仲好脆口，所以我同朋友都好鍾意食😎。而且我哋仲叫咗菜心炒牛肉同埋燒薯牛粒黎食。呢間餐廳嘅牛肉無論煮法係點，牛肉食落既口感都好嫩滑😝，一啲都唔韌，而且啲薯仔食落非常爽口，配埋個牛柳粒黎食，食落口感簡直一流😍!晚市餐廳仲送咗個足料老火湯畀我哋，個湯飲落既感覺真係feel到一啲味精都冇😊，我同朋友都覺得個老火湯超好飲😜!呢度嘅冰鎮咕嚕肉唔單止好有特色，而且仲好好食，中意食咕嚕肉嘅人一定要嚟試下😉。

#燒薯牛粒（$茶記冰室 88）上網見到好多人推薦於是決定試下，發現果然冇推薦錯。薯粒連皮炸到香脆，然後加左少少糖、豉油和少量香蒜片作調味和🐂🐂牛肉粒一起炒，薯粒的味道口感多元幾特別。而牛粒都絕對唔執輸架👅肉汁豐富而且煮得非常入味，牛肉粒內裏嫩滑。值得一提的是呢個係小菜套餐會包埋餐湯和白飯🤣🤣👍🏻.#（小）雙冬羊腩煲 $178見天氣轉涼，食羊腩煲暖身就啱晒啦🤣因為同爸爸兩個人食所以就叫左細的羊腩煲。點知佢嘅份量絕對唔細成煲都是滿滿的羊腩，裏面仲有腐竹冬菇同其他配料，而且會送一碟生菜，份量超級多🤣味道亦不錯。另外如果會叫小菜的話，羊腩煲建議兩三個人分黎食。.🏠茶記冰室 (葵涌)葵涌石蔭路60號金石樓地下2號舖

以前中學喺石蔭附近，果陣成日去唔同嘅餐廳食嘢。今日咁啱去附近拎野，見到開咗好多唔同嘅新餐廳，就嚟呢間試吓啦。 呢度嘅環境好靚，有唔少傳統嘅裝飾，環境又夠大，位置好好坐，比一般嘅茶記氣氛環境好好多。呢幾日咁凍梗係要食煲啦，羊腩煲定雞煲諗咗好耐，最後聞到人哋隔離枱嘅雞煲好香，咁就叫一個麻辣雞煲啦。雞煲一上枱真係超級香，我哋叫咗個中辣，辣味啱啱好，個汁撈飯食就最夾啦。之後仲叫咗條清蒸龍躉，條魚蒸嘅時間啱啱好，魚質好滑，一食就知道好新鮮。蒸魚豉油又係最啱撈飯，忍唔住食左成碗呀。去茶記梗係要飲凍檸茶啦，呢杯凍檸茶唔會太甜，茶味又夠，非常解渴呀。呢間茶記環境又好，又夠抵食，就算唔順路都可以嚟一試啊。等我下次加埋啲中學同學一齊黎再食過先。

幾個月前同呀媽食過呢間茶記冰室，一直念念不忘佢既黃金蝦，上星期的左男朋友陪我去食，而家涼涼地食小菜就最岩。小菜黎講：非常乾淨既環境。星期六晚好多人。今日既例湯係霸皇花湯，非常甜，唔係一般茶記既味精味另外，食小菜，點少得用啤酒送呢！必不可少既黃金蝦，薄薄咸蛋黃既外層，食落好香口滋味。男朋友直頭連蝦皮都得埋lol.男友去親邊都一定要食雞lol佢叫左添個芝麻脆皮雞（半隻）。芝麻雞皮非常脆同香口，d肉都滑嫩，皮連肉食口感同味道都一流，大推。炒飯，粒粒分明，大件夾抵食。總括而言，事隔半年再戰茶記，水準依然！

父女檔諗住係提早做冬所以出街食好啲，俾茶記冰室嘅盞鬼菜單吸引咗入去~~ 環境寬敞，有別於一般嘅茶餐廳格局，裝修有玩味。 叫咗細羊腩煲，同冰鎮咕嚕肉。先上嘅係是日例湯，菜乾粟米鳳爪瘦肉湯，清清甜甜喎，味道佳，好滿意呢個湯。冰鎮咕嚕肉，真心，好食到不得了！每舊都麥樂雞咁大，仲要無骨❤ 外皮超脆口，醬汁甜酸適宜，又有提子、車厘茄同菠蘿點綴，好開胃，冰鎮完之後令到油炸嘅燥熱感覺消失晒，不愧為招牌小菜！初時仲擔心啲冰溶曬會浸到咕嚕肉唔脆，所以急急腳夾走上面啲冰，食到一半先發現個容器中間有一層冰隔，隔開冰溶出嚟嘅水，方便客人慢慢食，呢個設計亦不得不讚！再黎羊腩煲，呢個都大讚！羊腩炆得好淋好入味，羊皮羊脂入口係啖啖油香而唔係羶味；湯汁好濃，用黎撈飯更生色不少，滾生菜，生菜吸收曬羊腩煲嘅精華，就咁食都好正！而且羊腩煲好足料，有好多羊腩、腩皮肉😍 又有冬菇、腐竹、馬蹄、筍，仲跟一碟生菜，成煲分量好大， 一個細煲夠晒兩個人食。兩味菜皆十分出色，爸爸都話好耐冇食過咁有水準嘅餐廳，一定要介紹朋友黎食添。