茶飯號 (梨木樹商場)

營業中

休息中

南投炭燒烏龍茶鴨血豆腐撈米粉仲有一碗係炸豬扒唔記得咗咩粉見圖😓叫左2份外賣，其中鴨血撈米粉，咸到要過水食，過左三四啖水，碗水濁到咁就知有幾咸，蘿蔔直頭咸到苦根本食唔落即吐出來。滷水百葉豆腐又係超咸☠️兩杯熱烏龍茶，一飲甜到好似飲緊泰奶🤯係咪我大鄉里，南投烏龍茶係飲甜架，哭了😭總之無咩睇唔開就唔好幫襯😫好伏，啲野又貴又唔食得，廚房師傅要炒魷魚🦑希望呢間鋪快啲執笠，唔好再留喺度遺禍人間🙏🏻

離曬譜！兩個女店員整奶茶個陣掛住玩手機，仲要陰陰嘴笑，拖慢嚟做，浪費顧客時間之後其中一個打完乞痴唔洗手繼續整野食嚇到我即刻掉咗張單走人，唔敢要你杯奶茶唔會再幫襯

最鍾意食呢間嘢嘅甜品，每次嗌親都會加椰果，但係有幾次漏咗，要我提醒。有一次岩好見到無加椰果，之後加返。但係第二次我想double check，所以問左個店員，店員嘅態度好似好不耐煩咁。之後都唔敢再提，點知今次買特等叫左加椰果，都係無加，拜託店員做嘢可唔可以細心啲。再者，我嗌嗰隻甜品預設係大珍珠但係店員每次都比小珍珠我，請問呢個係咪貨不對辦呢？對呢間店非常失望…………………………………………………….

街坊小店 每次叫外賣尤其繁忙時間 永遠話唔送 今日仲衰 12.左右打電話去 接左但係完全唔出聲 只係聽得出餐廳背景聲，從來未試過一間餐廳可以咁差。之前叫飲品又話無 點知去攞外賣嘅時候見到第二個客就係攞緊嗰樣item走。仲有一樣係落錯單但係話個客唔講清楚。 強烈建議老闆換過d員工，橫掂佢地嘅態度都係唔想做，尤其係男仔，每次態度都非常惡劣。一間街坊小店嘅員工態度可以做到咁惡劣都真係第一間，而且食物質素時好時壞，希望管理層或者老闆知悉可以著手改善。

方便外賣雞扒肉燥飯雞扒通常是經過煎烤或炸的方式烹調，使得外表呈現微焦的外皮，內部保持著嫩滑的質地。雞扒肉燥飯的口感應該有一定的咬勁，同時保持著彈牙的口感。烹調雞扒時，外皮可能會被裹上一層麵粉或淀粉，這使得雞扒的外皮能夠形成一層香脆的外殼。這種香脆的外皮賦予了雞扒肉燥飯一種口感上的層次感，同時保護了雞肉的嫩滑質感。雞扒肉燥飯的肉燥通常是用豬肉、醬料和香料炒製而成，使其具有豐富的口感和多汁的質地。肉燥的滋味與米飯相互融合，使整個菜餚更加美味。排骨肉燥飯的豬排骨通常經過燉煮或炸製的方式烹調，使得肉質變得嫩滑。排骨肉燥的口感應該有一定的軟嫩度，能夠輕易地咬開排骨並享受到豬肉的鮮嫩口感。在烹調過程中，排骨的外皮可能會被裹上一層麵粉或淀粉，這使得排骨的外皮能夠形成一層香脆的外殼。這種香脆的外皮賦予了排骨肉燥飯一種口感上的層次感，同時保護了肉質的嫩滑質感。排骨肉燥的肉燥通常是由豬肉、醬料和香料炒製而成，使其具有濃郁的口感和豐富的味道。肉燥的滋味與米飯相互融合，使整個菜餚更加美味。

本身嗌咗兩杯嘢飲，一杯水果茶，一杯珍珠奶茶（照計台式餐廳呢兩杯嘢點都唔會有咩大鑊嘢）結果一杯水果茶酸到難以入口(利申：小弟都幾食得酸），另外一杯珍珠奶茶好似冇奶咁款，成杯都係茶味（經理係咪冇同水巴講過比例？）總之就兩杯都好唔掂，諗住打過去同佢講聲啦，結果條友好似一問三不知咁，問佢嘢又Hea覆，又話經理無返以前一路都有幫襯開，一開始開舖嘅時候啲食物同嘢飲嘅味道都唔錯，而家真係越嚟越差，好心做街坊生意就俾啲心機啦😅😅😅

叫外賣比漏咗一杯茶，打過去話會跟進返結果冇咗件事，雖然杯茶唔貴，但係跟進件事原來就係冇咗件事？等咗成日都冇消息，其實梨木樹店都唔係好忙，一杯茶搞咩要跟進咁耐？定係其實都係hea覆咗我就算？

今日買咗個髒髒朱古力珍珠奶茶，（唔係講笑)啲奶蓋連一啖都飲唔到🙄，剩係得面頭嗰少少🤏，打開個蓋飲都淨係奶到一啖仔，啲珍珠唔知放左幾耐裏面係硬嘅，完全煙煙韌韌果種口感❗️

極度不推薦這間餐廳。食物質素時好時壞 都不在話下 還有我每次叫外賣的時候 叫10次外賣起碼有八次話唔夠人手 唔夠人手請人好嗎 定係你哋啲員工唔想送外賣 咁不如直接話唔送外賣 以後都唔會再食。垃圾餐廳

$53 便當加 $15 飲品一打開個飯，首先比佢個份量嚇親，咁少既！？利申平時唔大食，食完後都覺得唔太飽。另外，味道方面應該係岩淡口味人士，不過就唔多岩我了。我相信$53 飯會有更好選擇。之前食過蒜泥白肉味道都係麻麻，應該無下次飲品揀左 “招牌四季珍波椰” 不過不失，無咩特別。

夜mama落咗8號風球有啲口痕想食個宵夜於是就係A PP度睇吓有咩食我發現咁樣真係唔係咁好因為而家嗌外賣實在太方便搞到自己都肥咗好多就係因為方便同埋喪食.返嚟先我同我老公每人帶咗一樣嘢再加一個小食拼盤我哋嗌左1. 奶蓋烏龍茶2. 仙草珍珠芋圓3. 小食拼盤total滿100 有10%save 15蚊.啲嘢食好快嚟到首先分享吓我個奶蓋烏龍茶奶蓋味道都OK但係唔夠結身所以痴唔到係個飲管度打得個奶蓋唔夠挺而烏龍茶方面我極度希望佢可以俾我哋自己選擇例如少冰半冰，又例如無糖味糖半糖好少有得手搖嘢飲而冇得揀我就覺得太甜啦.而令一杯珍珠仙草芋圓份量超級足但係嚟到之後啲湯已經索哂我老公好似扒緊一碗飯咁實的的你哋可以睇吓張圖我相信份量係好夠但如果有得分開湯汁另上更坐佳.而拼盤方面包括有1. 台灣腸一條2. 鹽酥雞 主打3. 貢丸 x 24. 炸花枝丸 x2份量都對得起個價錢.so far is ok希望可以接受妁上意見有更佳既選擇

“寶島鳳梨綠茶”($36)搵嘢飲搵到去梨木樹🤣梨木樹商場有間美棋bb開嘅台式食品店😆飯麵便當,台式飲品,甜品都有提供餐廳主打外賣,亦都有少量堂食位置😙叫咗呢杯水果茶系列嘅寶島鳳梨綠茶🍍材料當然有鳳梨,仲有青檸飲落個綠茶底苦咗啲🙊(已經係叫正常甜度)杯入面雖然有唔少鳳梨,但食落偏酸唔夠清甜😂雖然杯茶味道偏酸,但天氣咁熱飲吓都爽嘅😂或者叫其他嘢飲會比較好啦😂

屋村商場竟然有台式鋪頭，仲有好多台式飲品😍😍😍餐飯都有好多選擇😍😍香酥炸雞扒拼肉燥飯便當$48-雞扒皮炸到都好香又脆😋肉質嫩滑😋肉燥唔會鹹甜甜地好好食😋配菜都好好食來一客招牌牛肉麵$55-呢碗面超難食🤮湯底出事🤢牛肉一般，唔建議係到叫面食🤮跟餐招牌水果茶$19-唔好太酸，好大陣百香果既味，好好飲海鹽芝士奶蓋茉莉綠茶$13-個海鹽芝士好正😍😍飲落去少少鹹鹹地加埋茉莉綠茶，真係超好飲2個人只需要$135，仲要飲埋杯出面賣緊$30幾蚊既台式飲品，直頭係超值！

疫情期間，叫個外賣叫左個麻香手撕雞飯同蒜泥白肉飯另外再加個髒髒朱古力珍奶同抹茶珍珠鮮奶～一開始頗期待個飯，點知個手撕雞飯係我誤會左個字面意思原來麻香係椒麻果隻麻，吾係麻醬果隻麻啲雞真係名乎其實，超麻，但係完全冇其他味懷疑吾記得落調味料抹茶鮮奶反而超甜～可能落重手左～彈完要讚，蒜泥白肉係好食既，啲味同譚仔蒜泥白肉一樣味髒髒奶茶就不過不失～睇到係岩岩開既小店，希望可以努力改善下啦！！！！！！！！！吾好俾疫情打垮～

住開梨木樹既邨民就知，梨木樹商場真係美食沙漠，無乜食物選擇，亦都無咩啱後生仔女食。仲有我一直都好想梨木樹商場可以開一間台式飲品店，終於呢個願望達成了！仲要係賣埋台式野食。雖然呢度都有幾個堂食位，但主要係做外賣。食物包裝都有啲心思係用紙盒，有台灣既味道。值得讚！食物方面不過不失啦，唔算好好食，但係係梨木樹商場黎講，已經算唔錯。今次叫咗兩個乾拌麵，味道不錯，肉燥麵最推薦，肉燥份量都幾多。不過整體份量係真係比較少，可能男仔食會唔夠飽。食物價錢都唔算平，不過叫主食再叫野飲可以半價，真係抵飲。野飲如果單買就少貴啦。仲有，唔建議大家買奶蓋，我飲過兩次，啲奶蓋係太過流質，我未拎返屋企就已經同啲茶融為一體，有啲失望。希望餐廳可以改善啦。