影片
特色
浪漫情調
營業時間
今日營業
12:00 - 15:00
17:30 - 22:00
星期一至日
12:00 - 15:00
17:30 - 22:00
*截單時間: 14:45 (午市); 23:00 (晚市)
以上資料只供參考, 請與餐廳確認詳情
有關獎賞計劃
食家推介
-
蟹餅
-
Ribeye
-
Crab cake
-
龍蝦湯
-
cheesecake+12
相關文章
Came for dinner after happy hour on a Friday night. It was my first time to Ruth’s steak house and I was looking forward to it. There were 3 of us left over from drinking and we were starving.For the starters we ordered the crab cakes and jumbo scallops. The crab cakes were delicious with lots of crab meat and were not watery. The jumbo scallops were juicy and tender. Both were served on sizzling hot plates. For the mains we decided to go for good quality meat and ordered the 40oz USDA Tomahawk Bone in Ribeye steak. The meat was cooked to medium as we requested and had a deep beef flavour and the meat was tender and juicy. It was definitely worth paying extra for better quality meat! It was the star of the night and one of the best meat experiences I’ve ever had. To accompany the steak we ordered sides of mashed potatoes, broccoli au gratin and pan roasted wild mushrooms. The mash potatoes deserve a special mention for being creamy and smooth. The service was great and the restaurant seating was spacious.
繼續閱讀
隔左幾個月先得閒寫食評🤣情人節去左呢間開左好耐嘅扒房，裝修上係經典美式扒房，有種回到8/90年代嘅氣氛，啱哂約會😏。1. 餐包普普通通，得牛油比你，牛油冇特別調味🤔。不過都好貼心，有用餐巾包住😗。2. 蟹餅係我食過咁多間扒房最好食，佢個蟹味非常濃郁，夠熱夠脆，裏面嘅蟹肉非常細嫩，份量我覺得比其他扒房更加大，非常推介！😛👍🏻👍🏻👍🏻3. 我哋點咗Rib-eye（5成）同sirloin （3成）😼。兩者牛味非常濃郁，平時食開rib eye都會覺得比較細嫩，但呢次sirloin 反而嫩滑過rib eye🤔，雖然有可能關熟度事，但我覺得明顯肉質優勝過rib eye，而且油脂上居然都更肥美，因此我會推介食sirloin♥️。調味上兩者黑椒同鹽嘅比例適中，記得問侍應拎mustard~ 食到後面可以解一解膩總結：性價比偏高，唔會玩花俏野，適合想品嚐牛扒原味嘅人😋
繼續閱讀
**溫馨提示 要用英文落order有D朋友會話 好驚 用英文落單 所以唔去有時我覺得 全外藉人士餐廳 俾到種 去左外國既感覺今次慶祝性質 預先Book 左台依間野好多甜品 每款都好精緻 好好食比較推介佢地既焗品 好出色 熱辣辣 好新鮮佢地預先準備既cake with name. 都好靚 好岩去做慶祝 /生日 活動 ：）
繼續閱讀
位處尖沙咀中心既一樓 紅磡港鐵站行過去都好方便🚶幾出名既美國牛排餐廳品牌 屋企既壽星揀左黎呢度食👍🏻裝潢高級雅致 空間感夠 乾淨舒服👌🏻待應服務細心 壽星好滿意🤩今次黎同家人慶生 都會食豪少少以下係特別覺得好食：Crab Cake🦀🦀🦀香脆鮮味 超好食Porterhouse非常軟嫩多汁 肉味濃郁🥩Ribeye油脂感更強 好香口 都夠肉汁😌方便指數: 4/5 環境指數: 4.5/5回頭指數: 4/5地址: 尖沙咀麼地道66號尖沙咀中心1樓108-110號舖
繼續閱讀
💁♀️💁♂️ 01/04/2024(Mon), Dinner🍽之前嘅食評寫咗土瓜灣哥登堡餐廳嘅港式豉油西餐，呢一晚嚟到為食妙妙嘅生日🎂，我哋就食返餐正宗嘅老牌美式扒房 - Ruth’s Chris去慶祝生日🎉。今晚我哋預先訂咗尖東分店入座，到達時候報上訂座的姓名，侍應好快就帶領我哋穿過餐廳酒吧嘅部份，再經過一條走廊，去到用餐區窗邊嘅一張4人卡座。餐廳裝飾以木為主，木🪵地板、牆身，配合卡座嘅深啡色厚厚的坐墊同背板，坐落都好舒服。枱同枱之間有足夠嘅空間，即使附近都有客人入座，但唔會令你覺得迫狹同焗促，每枱食客都有足夠嘅空間感。入座後我哋先點咗Sparkling Water，之後侍應會送上一籃外脆內煙韌嘅麵包🥖，配合軟滑嘅牛油🧈，餐點未送到之前可以開一開胃口。服務方面大致上都滿意，但稍欠細心，例如可以溫馨提示一下我哋額外點嘅甜品同套餐嘅一樣，等我哋可以考慮轉第二款；又或者可以提一提我哋餐廳係會送一件bread pudding俾我哋，等我哋考慮再叫唔叫甜品。招待我哋嘅侍應Adrian全程都笑容滿面，上甜品時仲用相機幫我哋影相，再印返俾我哋。而今晚我地order咗：🔆 SIZZLIN' CRAB CAKES （$300）睇個名都知，呢份蟹餅🦀上枱時係滋滋聲嘅，因為餐廳係將蟹餅放上500°F嘅碟上枱，高溫加上碟上面嘅牛油🧈令到蟹餅保持住高溫嘅狀態同時發出滋滋聲。一份蟹餅有兩件，煮得金黃香口，內裏蟹肉份量十足，再加上少少青紅椒碎同香草🌿，入口蟹肉鮮味十足😋。再唧少少檸檬汁🍋提鮮解膩，我哋4人分吃呢兩件蟹餅剛好。值得一提餐廳細心先將檸檬🍋用網袋包好先送上，咁唧檸檬🍋嘅時候就唔會彈到周圍都係又可以隔開檸檬核。🔆 CARPACCIO呢個係套餐可選嘅前菜之一，生牛肉片伴巴馬臣芝士🧀、黑椒同埋凱撒沙律醬。牛肉嘅嫩滑，加上鹹香嘅芝士🧀同沙律醬，放上多士上面一齊入口，感覺新鮮開胃。🔆 LOBSTER BISQUE我哋喺點餐時已經同侍應表明我哋會share兩碗湯，所以上枱時已經幫我哋分咗4碗上。每碗龍蝦🦞湯都係深橙黃色，內裏有少少龍蝦🦞肉，湯質濃稠，入口滿滿嘅龍蝦🦞味道，因為加咗白蘭地嘅關係，所以隱約感受到白蘭地嘅香氣。🔆 U.S. PRIME RIBEYE （12oz.） （$900）輪到主菜嘅牛扒🥩啦，套餐入面有三款牛扒，於是我哋每款都要一份嚟分吃。同樣地牛扒都係用上500°F嘅碟上枱，所以每塊扒上枱時都係熱焫焫、滋滋聲咁。每塊扒🥩我哋都係選擇medium，不過我哋建議大家可以選生少少🤏，因為塊扒煮好之後，喺隻500°F嘅碟上面係會繼再熟少少。肉眼扒🥩烤得外表焦香，烤爐的坑紋都清晰地烤在肉眼扒上。切開之後肉帶粉紅色，是因為碟子的關係所以偏熟了一點，可幸肉汁仍豐富，油脂分佈得唔錯，入口肉質嫩滑帶脂香。🔆 U.S. PRIME NEW YORK （12oz.） （$880）另一塊扒係New York Strip 🥩，肉質比較firm一點，油脂無肉眼扒咁豐富，肉味濃一點。同樣都烤得外表香脆，但內裏肉汁就差啲啲，甚至食起嚟有點偏乾嘅感覺，所以最終我哋都食唔晒呢塊扒，而侍應亦好好咁用食物盒裝起俾我哋帶走。🔆 USDA FILET 6oz. WITH HERBED TRUFFLE CRUST （$750）呢塊牛柳係厚切嘅，大約有2吋左右嘅厚度，外面再加一層香草松露嘅脆皮，食落多一重口感。三塊牛扒🥩入面呢塊係最腍嘅一塊，油脂比例亦無咁多，但就勝在腍身易咬，而且多咗一點香草松露嘅脆口感同香氣。🔆 Side Dishes: PAN-ROASTED WILD MUSHROOMS, CREAMED SPINACH, MASHED POTATOES套餐有3款side dishes可選，於是我哋又嚟每款都要。炒野菌香氣十足，入口有濃濃嘅菇菌味，不錯；忌廉菠菜煮得夠腍，菠菜加上忌廉嘅味道入口夠滑有奶香；薯蓉都打得幼滑，入口creamy，略嫌唔夠牛油香氣。🔆 MINI CHEESECAKE套餐嘅甜品cheesecake已經好有水準，果然一如侍應所介紹係餐廳嘅名物。cheesecake入口幼滑，味道濃郁，餅底方面有牛油香又鬆化，的確係一件高質嘅cheesecake。🔆 CHOCOLATE CHUNK BREAD PUDDING因為我哋嚟慶祝生日嘅關係，餐廳送嘅一小件bread pudding，碟邊仲寫上Happy Birthday。呢件麵包布甸入口微暖，口感帶點煙韌，又有朱古力🍫同果仁嘅香氣。🔆 CHEESECAKE （$160）原先以為餐廳無再送甜品，所以食完主菜之後，我哋就喺佢架好吸引嘅甜品餐車度揀甜品作慶生之用🎂。侍應會逐款甜品向你介紹，等你清楚每款有咩特色再選擇，因為我哋無為意原來套餐已經有cheesecake，否則我哋會選另外一款甜品。不過話說回來，呢個正式甜品份量嘅cheesecake比套餐嘅一細件優勝之處係佢連個邊都係有鬆化嘅餅底，食起嚟更香口好食。最後我哋好努力都只係食到呢個cheesecake三分之一左右，剩餘嘅只好帶回家再享用。🔆 Chardonnay （$175/glass)入口微甜清爽，雖則牛扒🥩本應係配紅酒，但呢個係為食妙妙嘅個人偏好。🔆🔆🔆🔆🔆🔆🔆🔆🔆🔆🔆🔆🔆❤🙆♂️(A先生)整體食評：8/🔟❤🙆♀️(為食妙妙)整體食評：8.5/🔟👉🏻 略嫌塊New York Strip有點失色，整體食物質素比起我哋去年慶生🎉嘅餐廳稍有不及，但坐得比較舒服同闊落A先生車友指數 🚗🛣️ 交通容易指數：🚗🚗🚗🚗(4/5)🅿️ 泊車容易指數：🚗🚗🚗🚗(4/5) 👉🏻 餐廳附近嘅帝國中心🅿️可供泊車，但可惜食物消費無泊車優惠，時租要$36都幾貴👉🏻 港鐵尖沙咀/尖東站過嚟都係10分鐘左右，巴士、小巴嘅選擇就比起彌敦道少🔆🔆🔆🔆🔆🔆🔆🔆🔆🔆🔆🔆🔆
繼續閱讀