荔園﹒流金歲月 (已結業)

路過周圍搵吓嘢食😋見佢又唔多人🤨就入去試一試啦⋯⋯😎環境舒適服務也不錯👍簡簡單單靜靜地一個人坐喺度食下野都OK一個點心加一碗粉麵加埋一丶又有凍飲丶又有茶飲！$50就搞掂⋯⋯非常合理化！而且仲可以食到而是回憶的炸雲吞再配合埋荔園的裝修設計的確唔錯⋯⋯

我哋一行5個女士黎呢度食，因為覺得D2好方便，一出荔枝角地鐵站D出口就到，D2好多食肆，揀左一陣，被呢度佈置懷舊吸引，呢度模仿以前荔園嘅佈置，想懷舊一下。今日嚟嘅時候係晚市，人客唔多，只坐滿一半呢間餐廳既枱。睇餐牌點心既樣子十分精緻可愛，原本想食餐牌內嘅點心，點知侍應話晚市只有指定嘅幾款點心。 所以我哋點了幾款小菜。野菇炒伊面，茄子炒豬頸肉、鹹魚豬肉餅、茄子炆班塊。款小菜都幾重味，不過偏鹹，我地個個食完都即刻覺得口渴，叫了飲品。

晚上D2 Place係搵食熱門地方，今晚去荔園食中餐。晚市都有得食蝦餃小菜大約4人份量，西蘭花蝦球，都幾新鮮。海鮮豆腐煲，材料豐富。蒸雞，比較油膩，好在雞肉嫩滑。瑤柱蛋白炒飯，普普通通啦。肉絲炒麵，個肉汁另上，幾特別！食物質素唔錯，裝修以懷舊為主，小時候去荔園玩嘅回憶返晒嚟，係一個家庭聚會嘅好選擇

平時黎流金歲月食lunch,,都是點餐，原來星期六點點心、小菜，第一次食，比想像好味，春卷同蝦餃啲蝦足料、最好食係芋頭餅，煎得好香脆，炒飯同蝦仁炒蛋就一般，下次會再嚟食。

爸爸係我細個時候成日帶我去荔園玩,知道係荔枝角開左間以荔園主題嘅餐廳，當然要帶父母黎回憶下！裝修好特別，兒時回憶即刻番哂黎😍😍😍呢度食中菜為主，今日叫左不少點心傻豬豬🐷鹹水角，金黃香脆可口！燒賣大大粒，蝦肉爽口彈牙！各款點心都唔錯，係除咗蝦餃皮唔夠乾身，易爛，有改善空間！蛋散大大碟，一共有四條，炸得鬆脆，好抵食！瑤柱蛋白炒飯，$78 好大碟，每粒米炒得粒粒分明，又夠乾身，味道不錯！總括黎講： 呢間餐廳不單裝修好得，令大人細路都一樣咁鍾意，食滿$200仲有個金幣送俾你，可以免費夾公仔一次😍😍😍

喺D2place買完戲飛，仲有一個鐘時間去左荔園食晚飯 可能下午食左肯德基 唔算太肚餓純粹叫左 「樂園拼盤 」$128 同男朋友share 食 而佢屋企人就散叫小菜拼盤有四款點心 每款兩件🐷豬仔包係流沙奶黃包 真係有流心效果 造型超級可愛，影完一輪相先食😆其次係 千層糕 &黑魚子燒賣 &鮮露筍蝦餃心型千層糕 第一次見～ 店舖環境幾多打卡位，埋單時仲送左2個荔園硬幣可以用來喺門口玩遊戲 ！

流金歲月嘅午餐食得多，今次係第一次嚟食晚餐，價錢比午餐貴，員工推薦食花膠雞湯，都總算冇介紹錯，半隻雞，算足料，老公都鍾意食。炸蝦球將好、但蝦球既料質素就好麻麻，但整體感覺比想像中好

好耐無去荔枝角，亞妹話D2 Place有好多嘢食😋、好多嘢行，帶角咗嗰區，所以去吓睇下。的確商場帶角咗嗰度，假日都多咗人去這個商業區！原來商場都有唔少食肆，其中一間令我和老公都好有回憶嘅食肆🥰，就係「荔園•流金歲月」，淨係聽個名就已經好有回憶啦！去到一入門口就見到一隻破舊的迴旋木馬🐴，應該真係以前荔園的「遺跡」，有啲座位係過山車🎢的座位，又有叮叮船的設計比客人打卡，好有兒時回憶！我哋去係食下午茶，只係叫咗兩碗麵🍜及兩個點心，份量的確係細啲，不過下午茶☕️，算係咁啦，味道也不錯，都叫做一個有特色嘅餐廳啦！

之前幫趁過晚市3次覺得唔錯，小菜味道好價錢亦合理，見到menu上好多款得意的點心好想試下，終於在11/3下午放假過去！我地2人點左幾款點心，其中鮮蘆筍蝦餃、包有guts （陳皮豆沙包）最令我地失望！蘆筍蝦餃唔見有蘆筍，職員話蘆筍改左放在饀裏，但饀裏綠色的只係蔥花！試包有guts係鍾意個造型，點知黎到好醜樣，老虎無左耳仔，虎紋畫得又求其，問侍應點解無左耳仔，佢答師傅人手唔夠呢排都無加耳仔！我心諗咁都得！你不如唔好整！唔計外型，食落個皮亦又韌又硬，唔知係叮出來定係點，總之好難食！其他我地叫嘅點心包括炸雲吞、牛肉球、蝦腸都好一般！點心我只係試過呢一次，我唔知以前係咪都係咁差，連主打的點心都做得咁求其，真係好失望！唔會試下一下次了！

小時候去過數次荔園，對於某些設施都有一點兒印像！ 店內環境以荔園的遊戲設施作參考，有番一定歲數的人士來到食野真係有種懷緬的感覺！ 食物以中式點心/小炒為主！ 點心樣子很精緻，而價錢方面乘正比，有少許貴！ 特別一提，佢個茶幾好飲！ 食物質素正常！ 當日是中午一點去食野，未能坐到特別的座位，只是一般的卡位！ 當日人流不算多，沒有等位的情況！ 由於沒有人龍，所以都冇限制我地幾點要還檯！ 最後職員需要我們的檯做晚餐的準備，所以我們就被轉移到坐特式的檯（過山車）！

週日，行完D2市集後，晚餐想食點心，就去左呢間餐廳。坐低之後先發覺，晚餐只有少量款式的點心供應。我揀左石榴果，因未試過。皮煙韌，饀料同粉果差唔多，都是花生 沙葛 肉碎等，其外型比其味到 吸引些。燉湯味道清淡 但可以看出湯料也不少懷舊臘味飯加入 幾細條芋頭， 就命名芋頭臘味煲仔飯。金菇牛肥牛煲啲肥牛， 沙嗲味幾香， 但可惜啲牛就「鞋颯颯」。

之前聽說過這個地方，但一直沒有機會試一試。今天因為有事路經D2，決定品品嚐一下懷舊風的雲吞麵。一坐下看到幾個菜牌頭也暈了，太多食物種類反而令我有點動搖，但是最後我堅定地叫了一碗雲吞牛丸粗麵。雲吞很有水平，蝦很有咬口。吃了一半，還是分心，叫了蝦餃和燒賣。結論，好吃，會再來。

平安夜一家四口，晚上約八點入座，叫了六樣嘢食，等左大約一個半鐘，都只係上左兩款菜，一個點心拼盤，一個牛柳粒，其他四樣菜都話唔知幾時到，仲話廚房踢晒腳，隔離檯都等唔到一味菜已走了！仲有其他檯都好似我地問左兩三次點解咁耐！其實現場入座率只得一半！我地都餓到忍唔住要結賬走人！大時大節想食得安樂些都唔得！真係激死人，仲有八點落單已經有好多菜式已沽清。最後埋單，我地點左六樣野，張單只顯示得四樣！即係有兩樣冇得食，個幾鐘都冇通知我地！暈

由落單開始計等左差唔多40分鐘，期間催促追單共2次，最後竟然同我講你點嘅餸賣晒，但係餐牌上其他好多餸都已經賣晒，真係嬲到爆！廚房唔記得咗呢啲咁嘅藉口簡直係低級錯誤，希望管理層可以好好管理及訓練廚房員工！唔好再浪費客人嘅寶貴時間！

平時經過都想去食，但遲遲都無機會，今日終於嘗試到，餐廳裝修是用懷舊荔園作主題，荔園是香港出名的樂園，也是拍拖聖地，可惜已關閉及已興建了樓宇餐廳食物一般，沒有特別，勝在可以打咭，價錢也不平宜，但未去過可以一試