荳子 (朗豪坊)

營業中

休息中

荳子 (朗豪坊)，位於旺角亞皆老街8號朗豪坊4樓7號舖。 餐廳環境舒適，清新風格。晚餐有限時90分鐘用餐時間 ～ 100日殼飼澳洲牛肉眼配忌廉薯蓉， 羽衣甘藍蕎麥沙律， 龍蝦海鮮濃湯， 香蕉朱古力奶昔$422、 蟹膏甲羅燒 黃金蟹肉意大利粉， 焦糖蕃薯條， 龍蝦海鮮濃湯， 檸檬蜂蜜$222、 車厘茄馬蘇里拉芝士薄餅，龍蝦海鮮濃湯，黑糖薑母茶$146。 📍龍蝦海鮮濃湯$44 ～ 湯料有蝦、帶子和蜆肉， 飲到有蝦味。 📍羽衣甘藍蕎麥沙律$30 ～ 羽衣甘藍太乾身， 整碟沙律味道好淡。📍焦糖蕃薯條$30 ～ 蕃薯條帶有焦糖味，香脆可口。 📍100日殼飼澳洲牛肉眼配忌廉薯蓉$318 ～ 肉眼扒五成熟，肉嫩多汁， 但價錢偏貴。 📍蟹膏甲羅燒黃金蟹肉意大利粉$148 ～ 有濃厚的蟹膏味， 配上意粉幾惹味。 📍車厘茄馬蘇里拉芝士薄餅$102 ～ 薄餅餅底唔夠熱， 味道一般。 📍香蕉朱古力奶昔$30 ～ 飲到有淡淡的香蕉味，但沒有朱古力味， 完全唔好飲。 📍檸檬蜂蜜 ～ 檸檬蜂蜜跟套餐，不用加錢。 📍黑糖薑母茶 ～ 味道一般。 整體食物質素可以，但當晚有位女侍應送上餐牌，叫我們選蛋糕作甜品，再跟我們說

呢間餐廳有好多分店，我都去過好幾間，而呢一間係我第二次嚟。上次我覺得啲嘢唔係好好食，今次又唔同咗喎！🔸椰香羅勒炸黃油雞 （半隻切件）好少嗌炸嘢，但係呢個真係要試吓。黃油雞炸得香脆可口，仲有少少油分。肉質嫩滑。🔸手撕豬仔骨漢堡我喺第二間店食過好多次，最初覺得好好食，後期越做越差，啲手撕豬仔肉口感冰凍，而且有羶味，而佢入邊有紫洋蔥，食完個口好大味。今次要求唔要紫洋蔥，廚師換成白洋蔥，真係勁好食呀！麵包微脆有牛油香，太陽蛋煎到蛋汁流出，手撕豬仔肉冇死甜，與白洋蔥混埋，味道自然。同老公一人半個都覺得唔夠喉。薯條唔脆口，似過咗氣。😫熱檸檬蜂蜜係苦，入唔到口。👍🏻特別稱讚帶位個位店員，肯幫手又有少少幽默，身型較大隻，個名係H字頭，前排朗豪坊有‘Harry’ Potter喎😂。

見之前都好多人都有介紹，見有時間同經開唔需要排隊去試下😎。整體黎就都坐得舒服同埋服務態度都好好，整體黎講不過不失~食吓嘢傾吓計。環境裝修都幾靚。※千島醬蟹棒蟹子帆立貝薄餅 $118即叫即整唔係整定，所以拉絲效果好明顯~整體配菜都好多~不過個人覺得Pizza個底就一般，特別係批皮食到去批皮就太多無醬汁,食落去就顯得好乾咁（可能個人口味，一般都中意食爆醬🤣🤣）※卡邦尼煙肉意大利闊條麵 $108卡邦尼闊條麵整體都唔乾身！平均每一條麵都會有醬汁~蘑菇、煙肉都好香，唔會比卡邦尼醬汁蓋過原本既味道。※凍檸檬蜂蜜女士之選，養顏美容同促進排毒啊！檸檬酸再加上蜂蜜甜飲落去都無負擔同壓力~※粒粒青提子梳打 $38杯上面有3粒提子超級甜同大粒！杯底再加埋搗碎左既提子同梳打同梳打水~飲落唔係濃縮提子汁，所以都好推薦！🤪👍👍

朋友OT 要自己食住先，唯有求其搵食。見無人排隊，就走去等位，當時完全無其他人。等等下，後面開始有人排，後來侍應出來，我話只有一位，跟住她直接skip 左我，安排後面嘅人入座，見咁情況，我行前去侍應度，她好醒目自動話無一人位…….第一次去朗豪坊唔知無bar 枱，下次如果單丁，會記得唔好排beans 😐

一向喜歡荳子平日兩點半後的茶餐menu，大部分餐都是六十元以下，連飲品。隔壁foodcourt的快餐也比這個貴。每次我都是吃無骨雞翼薯條加凍檸蜜。坐下下了單，五分鐘左右餐就到了。份量非常足夠，蜜糖雞翼很惹味，應該是先煎了，再焗，雞翼肉不算肥美，但作為小食，是可以的。薯條是非油炸，很大條，是有點鹹，但可接受。配上少許生菜。作為下午茶，很不錯。唯一無解的是，怎麼QR code下單也要加一@@偶爾經過旺角就上去坐坐，以朗豪坊來說是不錯的選擇！

星期六晚同朋友去。。。好神奇嘅經歷。。。去到門口無人帶位，行入去問⋯⋯有位哥哥仔好似好驚訝我地自己行左入去咁，唱山歌咁叫我哋等陣。。。好，等等等等。。。晾左我地十分鐘都無人行出嚟問下你幾位，舖頭好似有結界咁。。。唔敢入去食。。。衛生唔知環境好似唔錯，但卻之不恭了唔怪之得個個都話服務一般。。。客氣左喇。。。

用餐時間90分鐘,沒有消費飲品的話,水都唔加,整體食物是偏乾(利申有點飲品,但食物太乾身,想飲水緩衝下)90分鐘內叫左4次服務員加水都沒有回應(4名不同的服務員)如果需自助都可講聲?每次都回應等等幫你?結果到埋單我一杯水都沒有加到結帳時亦冇禮貌回應, 其實依加香港餐飲業收加一係有咩服務?QR CODE點餐,免費提供的水亦不願意提供直情貼錢買難受我理解服務業辛苦忙碌,但希望至少要有正確態度面對客人。

Lunch time經過，唔洗等位已經可以入去，叫左個【軟殼蟹黑松露意粉】加$30要個【羽甘藍沙律】。意粉味道好唔錯其實唔大食既話，女士已經好夠飽，驚沙律食唔落，要求店員俾個外賣盒，都無計落10% service charge。今次第二次黎幫襯，服務態度依然Very good。

同個friend補返個生日飯，大家都唔係大食既人，所以選擇輕食既Beans，網上book位要求坐Sofa位，私隱度比較高，雖然接近food court，但都唔會覺得嘈。叫左個豪華All day breakfast, 煙三文魚班尼蛋，牛肝菌湯，羽甘藍沙律，拿破崙蛋糕，另外兩杯跟餐既飲品。基本上食物質素仍然keep到，朋友都好滿意，自己一個月內都黎左3次，代表我既認同。

旺角荳子位處朗豪坊四樓,近food court靠左的角落,位置有點隱蔽. 當日我們約三點去到,餐廳客人不多,顯得比較清靜.焦糖香蕉熱烘窩夫全日早餐~切成半邊香蕉表面塗上焦糖燒得好甜脆. 炒蛋上碟形狀好靚,但比較薄和淡色,味道亦一般. 煙肉煎得好香但味道偏咸. 比高包要塗上糖漿和忌廉才好吃.意式香草烤五花腩卷 .紅菜頭汁沙律~豬腩肉不是脆皮最爲可惜,肉質夠鬆化,燒得油脂好香好入味. 沙律色澤深紅好靚,紅菜頭蓉軟軟棉棉,味道清甜好新鮮,吃後令人胃口大開.在此之前都光顧過葵芳分店,覺得兩間荳子的食物上枱賣相都好精美,味道也不錯,可選擇的種類又多元化,我很有興趣再來時試下他們的牛扒和豬手等,且看質素又如何…😉

星期五約左個friend食Tea, 係對方推薦下，第一次食Beans~ 【抹茶黑糖麻糬流心吐司】抹茶特品未必樣樣都好食，但呢款甜品出奇地夾，唯一缺點係麻糬太少。【焦糖單骨雞翼配薯條】一個字“正“。🍹🍸包2杯飲品，個friend要求加水都無say no.✨️✨️質素同價錢成正比，仲可以慢慢坐（平日人流少），慢慢食，侍應都有禮貌，環境簡潔乾淨，整體平，靚，正～Tea Time時段絕對值得一試。

唔知大家有無印象，以前有一排好興吐司盒，原來beans嘅tea set都有類似嘅野！Tea set仲會包一杯$42或以下嘅飲品，所以下午時間想食啲野、飲杯咖啡嚟呢到都唔錯～另外仲發現餐牌仲有啲專訪同介紹，呢排Beans同十字牌牛奶合作都有講下本地農場同鮮奶，幾特別！👍🏻•🥢 抹茶黑糖麻糬流心吐司 $74 （包一杯$42飲品）呢個抹茶吐司盒嘅吐司係黑色，可能係竹炭？上面放咗一球抹茶雪糕，鋪咗莓果同綿花糖！加埋焦糖醬會比較甜，但好彩入面嘅抹茶流心嘅抹茶味偏甘，兩者又中和返～本身以為吐司盒中間係麻糬餡，但原來係得一舊黑糖麻糬喺雪糕下面，太少啦🥲📸 伯爵茶3D Latte 有3款熱嘅latte都可以同店員講想要3D Latte，即係喺咖啡上面加立體嘅奶泡，但當日嘅🐶🐶圖案就有少少崩壞🙈 同圖片有啲出入喎😂

今晚又係週圍搵野食時間 🍽今次嚟咗一間新開嘅但其實已經有好多間分店嘅餐廳， 我係其他分店食，都對佢哋餐飲非常滿意， 尤其係佢哋啲自家甜品，造型靚有心思，味道當然好味 😋 今次嚟咗呢個分店喺朗豪坊4樓 food court 側邊餐廳位置， 其實好容易被忽略，亦好容易令人覺得佢係food court裏面啲其中一分子， 所以餐廳好細心地， 喺靠近food court嘅位置， 用咗一個包廂設計嘅概念， 令你用餐舒適， 不會被food court的嘈吵聲騷擾， 也不會被人眼望望 😝 今次的食物都好滿意 ，食得開心同滿足，最重要係服務員態度好貼心，有笑容🤗(今餐係我自己真金白銀去食的一餐，食完覺得真係好先分享架!)

餐廳：荳子 (旺角)地址：旺角亞皆老街8號朗豪坊4樓7號舖2013年開辦嘅本地咖啡店——荳子，由荃灣巷仔細舖位擴展至港九新界，半年前更喺朗豪坊開設分店🈺，店內設計以簡約清新嘅地中海⾵格為概念，環境寬敞舒適，就算開喺food court隔離都唔會有嘈吵侷促嘅感覺💆🏻‍♂️，餐廳主打西式輕食、甜品同咖啡，仲會不定期聯成集團旗下嘅姊妹店或者其他品牌推出各款限定美食🍴為咗實踐「取諸社會，用諸社會」嘅理念，佢哋用唔同渠道，將客人嘅消費轉化為小費捐贈俾多間社福機構🤲🏽，呢排仲有同十字牌鮮奶、人字協會同本地紋身師合作，希望帶動本地行業同文化嘅發展🇭🇰，真係好值得大家過嚟支持一吓💪凡叫午市套餐或餐牌上嘅主食都可以加配前菜、湯品、小食或者甜品😎，牛肝菌湯 (+$40)配上一片片嘅牛肝菌香氣四溢，濃而唔膩🍄；龍蝦海鮮濃湯($44)將鹹香嘅精華融入湯底，突出甘甜嘅鮮味🌊；羽衣甘藍藜麥沙律 (+$30)加咗清甜嘅青蘋果同番茄，配以酸甜油醋汁開胃一流🥗 ✝️班尼迪蛋•大啡菇•車輪牛角酥漢堡 $78餐廳首度聯乘副線推出新產品🆕，將新鮮焗製、酥脆嘅法式車輪牛角酥同英式班尼迪嘅流心蛋，配上飽滿多汁嘅大啡菇層次感十足🍄，以

今日去食荳子咖啡廳的班尼迪蛋，我最愛吃這個菜。不過相比起做到半溏心半流心效果班尼迪蛋的Bricklane，質素比荳子的容易進食，不像荳子的流心蛋黃一蹉立即破，蛋黃流來整個碟都髒兮兮的，食相也不優雅！不過除了這個問題之外，質素還是不錯的～男朋友叫了豪華全日早餐，他分了些炒蘑菇和番茄比我試。煎番茄甜甜酸酸，很開胃。蘑菇也有嚼勁～最後，我也試了兩個像Donut的圈圈，點忌廉食，質地好鬆軟，有咬口，是一個小驚喜！！蜜糖檸檬🍋還是免費的～～♡我們要求左大靠背沙發位，舒服d同私隱度高d，店員也會為我們安排的。餐廳名字：荳子 (朗豪坊)地址：旺角亞皆老街8號朗豪坊4樓7號舖