荳子 (新城市中央廣場)

營業中

休息中

多謝beans😉令我食咗餐好開心嘅生日飯朋友同我慶祝今個月生日🎂我哋揀咗去食beans 🤩我好鐘意呢度果木質感裝修，果feel 好warm 我哋叫左all day breakfast ，黑松露意大利飯，薯條同甜品。 當月生日免費送一件cake （對一對身份證就得）😉我揀左Tiramisu ，可以寫生日字句。係呢度要讚下D staff 🤩好sweet ，送咗張生日卡仲有隻手繪公仔，又會問你果枱邊位生日🎉幫手點好蠟燭同你講生日快樂。儀式感滿分🤩Tiramisu 好濃香咖啡味👍🏻苦澀味好正，鐘意食冇咁甜嘅cake /鐘意飲咖啡嘅 一定要叫呢款。All day breakfast : 好豐富，主食可以揀bagel /waffle 。揸面包果隻cream 🤤又似乳酪又似cream cheese ，好好味👍🏻黑松露意大利飯：夠creamy👍🏻燴飯入面有好多菇菌類👍🏻黑松露味夠香。 食物好好味😋職員又sweet 又有禮貌❤️今餐飯我地食得好開心🥰

Beans必食手撕豬仔骨漢堡！手撕豬充滿香濃甜甜燒烤醬汁，配菜有焦糖洋蔥，太陽蛋，沙律，和薯條，漢堡包亦可以免費轉車輪牛角漢堡包，套餐已包含指定飲品。雖然不是第一次食，每次水準都保持住，份量十足，但價格亦增加了不少，越來越進取。-🔘 手撕豬仔骨漢堡 Shredded BBQ Pork Rib Burger | hkd$144-🍽️ 食物 | Food: 4.2/5🌅 環境 | Environment: 4/5💆🏻‍♂️ 服務 | Service: 4/5💰 價錢 | Price: 3.8/5📝 總結 | CP Value: 4/5-A foodie documentation of dining experience in restaurants based in Hong Kong 🇭🇰.

食過好幾次都仲好難費解點解呢間餐廳長期都咁多人排隊🫨唔好誤解我 我自己食過好幾次覺得餐廳質素係好 亦好食 只不過好好奇點解可以咩時段都長期有人係門口排緊隊 唔通真係香港人心態~ 黑松露軟殼蟹意粉🍝意粉好乾身 唔會一pat pat 黑松露有錦上添花嘅感覺 好襯 軟殼蟹炸到好脆身 好易入口燒豬仔骨 有得揀半份定全份 好入味 切開一條條用手食好爽 啖啖肉 唔會好鞋好乾另外蛋糕亦非常出色 總括係好食 只不過次次經過都勁多人排緊隊 又有90分鐘時間限制🚫

星期六去咗Home Square 間beans，四點幾鐘唔係人多。點咗個「愛爾蘭蟶子•檸檬羅勒汁意粉」但來到完完全全係芝士忌廉白汁意粉，完全冇檸檬味，又唔見羅勒。同個高級啲嘅職員講，佢入廚房了解。好耐先出返來，佢解釋，個汁係有忌廉成份，仲話嗰啲葉就係羅勒！佢如果唔係咁死撐，當啲客係白痴，我都冇咁火🤬🤬🤬，嗰啲係parsley 唔係羅勒！亂Q咁噏啲嘢來昆個客。其實佢如果話搞錯咗，我係會算數嘅，佢咁來昆我，真係火都嚟！居然連beans 都變得勁hea 勁求其，啲聖子似係白烚或者蒸，再放上去個意粉度，即係個意粉其實係咩汁都得！除此之外仲點咗西班牙海鮮焗飯，啲所謂海鮮全部都over cook 又乾又縮水又冇味．．叫佢cancel 咗個蟶子意粉，本來想叫過第二樣，但見佢兩樣嘢都整得咁求其咁Hea，仲要昆我，好氣頂，兩個人就咁食完個海鮮飯就埋單，結果本身跟個蟶子意粉嘅黑糖薑茶收咗我原價$30！好心痛，曾經好好嘅beans 都變成咁hea咁求其😭😭😭百幾蚊碟飯，俾啲咁嘅質素，想點？

Weekend High Tea-荳子 The Beans星期六見到門口已經有條人龍，等左10分鐘先有位🥲一入去店員介紹門口唔同味道嘅消毒液，可以試噴架，試左呢款無花果味，好香🤪想食light d, 叫左Eggs Royale，焦糖番薯條，蘑菇湯，tiramisu，Eggs Royale 牛角包既表層，配上流心蛋同三文魚，味道唔錯😊係份量比較少🥲番薯條好香脆，表面有層焦糖香味😗 蘑菇湯好濃郁，夠哂足料🙂 tiramisu正常無咩特別😅

由於要等候攞passport，見有個半鐘，就去左附近搵野食。第一次黎呢到咋～進入前，會比你選擇香薰味既消毒噴霧，消毒雙手，好特別。我地一行3人，叫左烟三文魚 egg benedict，甲羅燒意粉同芝士黑松露意大利飯。試左佢個蘑菇湯，好足料呀3樣野，最好味都係egg Benedict（難怪見好多人order) ，飯同意粉都好飽肚。特別係意粉，好似有蛋黃一齊整，食少少已經好足夠。食完主菜，梗係想食甜品啦～朱古力奶係小朋友既，唔計算呢個朱古力mossy ，唔甜好濃朱古力味，唔錯呢個係好有驚喜，因為好靚呀。幾粒爆粟，有個小小既心太軟，唔甜，好正，中間係nuts 同士多啤梨乾，好特別，好開胃，主角係焦糖燉蛋，焦糖好脆，蛋好滑，超好味。整體食物唔錯，唔算貴。但服務真的有待改善。

We had lunch with empty stomach at BEANS on this rainy day. However, the experience did not catch up on the price.1. The black truffle spaghetti with Soft-shell crab - the crab was way too salty and it was somehow bitter. the spaghetti was with weird taste (please don’t ever mention it is worth $132 + 10% service charge)2. The risotto with beef cheek bourguignon - the beef cheek was tender yet tasteless while the risotto was salty AGAIN.3. the Americano - i ordered with no milk and no sugar with

好耐以前已經幫襯開，見證住Beans由一開始好食又抵食，到而家越加越貴，貴都算，竟然仲食唔飽人今日見有新menu就試吓，$92嘅芝士三文治加湯，要人手機落單但電子menu上面冇圖睇，心諗$92嘅all day breakfast應該食得飽，點知見到實物勁失望，塊包薄過嘉頓方包，仲要兩啖就食完，同埋碗湯係金寶罐頭湯味，全部食材都勁cheap，咁都唔整大份啲，真係勁冇良心難怪而家咁多人寧願返大陸食嘢，香港嘅餐廳真心不思進取，當客係傻仔

昨天3月28號下午約兩點半到Beans不用排除就可坐下進餐。侍應服務亦有禮貌和體貼。我點了抹茶黑糖麻糬流心吐司。枺茶雪糕和黑炭吐司內的枺茶流心醬依然好濃味，我很喜歡👍🏻。不過一個人食這個甜品總會有一些罪惡感。所以加$30多點一個前菜羽衣甘藍藜麥沙律，沙律菜好新鮮爽脆，藜麥又多可補充身體所需維他命和纖維素，配上甜甜微酸的意大利陳醋，真係好開胃，食完沙律再食抹茶黑糖麻糬流心吐司，最後飲埋一杯榛子莫加mocha，感覺超滿足幸福😊

今日再去食下午茶，平日不多客人，所以不用排就可以入去餐廳坐下來用餐。我點了我至愛的抹茶黑糖麻糬流心吐司，枺茶雪糕和吐司內的抹茶流心醬汁好濃，喜歡飲日式枺茶的人不能錯過。真心這個甜品依然做得好好味😋不過只食甜品總會有一點罪惡感。所以我另外加點了羽衣甘藍藜麥沙律做前菜，沙律蔬菜好新鮮爽脆，又有足夠藜麥補充體所需的維生素，還有甜酸味道剛剛好的意大利陳醋令人胃口大開,。待應收務亦週都，值得再去encore！

外賣牛面脥意大利飯。已不是第一次吃到大大件肥肉，本想著多給一次機會吧，怎知飯面只有2塊肉，但其中一塊是9成肥肉。用尺量一下，見肥肉長5cm。它是該塊肉的9成體積啊，說實在，2塊肉也太細小了吧。唉～

買外賣極失望！味道已不是特別好，而且份量奇少，百幾$200成個外賣，比目魚明明名稱忌廉薯蓉，只得個周打魚濃汁；職員話個蓉溶曬一層都冇個汁，真係好神怪，職員態度極惡劣，以後堂食一切一律抵制，極差销售，大家👀圖分析吧，咁既野成二百文，我去廟街食大餐冇咁谷氣

Beans真係間間分店都keep得住水準，掂👍🏻👍🏻第一次食應該係荃灣已搬遷的分店，差唔多佢各區嘅分店都已經食暈晒😆由主食到甜品到飲品，好似暫時冇中過伏🤣雖然唔係食晒全部Menu嘅嘢，但應該有食超過50%

星期六晚諗起好耐冇去沙田間Beans, 即管試吓勇闖…當然最終係要排隊😅其實6點幾去到，如果唔介意坐中間嘅對著「大魚缸」位，係可以直入嘅，但係當然唔想啦！帶位嘅同事好有禮貌地不停同我哋講唔好意思，呢方面係近年少見嘅！我哋3個人，先點咗一個蕃茄紫蘇藍青口，好多時食青口都係用白酒煮，今次用蕃茄汁煮就惹味啲😋！主菜揀咗兩樣，其中order咗一份豬仔骨，保持到一貫水準👍🏻！ 另一款係俾佢幅相吸引咗嘅，order咗墨魚蟹膏意大利飯，其實係墨魚定係八爪魚呢？真係唔識分🤪，上檯時嚇一嚇，真係相與實物相符，原條墨魚上碟…第一樣令我擔心嘅係，會唔會好韌，咬唔開呢？但又唔需要擔心，煮到恰到好處👍🏻，而本身個蟹膏飯又好入味😋最值得讚嘅係，佢哋依家有個promotion, 只要當月生日，響佢度食飯，出示證明就會送蛋糕一件，咁同檯友人係一月生日，所以當然唔執輸🙈而佢俾我嘅驚喜係，臨尾送一張員工簽晒名同有手畫嘅公仔嘅生日卡俾我朋友，對我嚟講，唔係一啲公式化嘅做法，好值得表揚👍🏻

以前呢間餐廳成日都要等位，星期六晚上黎到唔洗等lu~龍蝦湯係用一個壺倒落個碗度，好特別🤣龍蝦湯味道濃郁，好飲👍👍黑松露軟殼蟹意粉$132，軟殼蟹脆卜卜，黑松露醬汁夠多，好creamy 🤤🤤紅酒牛舌芯$172，牛舌芯好淋，不過覺得個醬汁就普通d。甲羅燒黃金蟹肉意大利$148，蟹膏唔算好濃味，但個意粉煮得好好食，又係醬汁出色👍👍後面個紫薯tart同朋友都一致覺得最好食，紫薯味突出，平時唔太愛紫薯既我都覺超正🤩前面既栗子蛋糕就比較普通。