荷蘭冰室 (美林商場)

營業中

休息中

本身對茶記都冇乜要求, 態度一般就間間咁上下, 唔難食就得, 點知呢間極品竟然連蒸肉餅呢d 咁穩陣嘅野都可以好難食, 啲肉無肉味, 睇落白色嘅! 如果唔點豉油真係零味道, 肉質仲柴過樹皮, 連一齊去食嘅裝修師父都食唔落去。男人老狗我要求唔高,平時都係食下大家樂, 講真唔難食就ok, 但呢間嘢連最基本都做唔到! 一間茶餐廳如果連最基本嘅快餐都做唔好, 就唔好阻住舖位, 搞到街坊冇啖好食,真係好差勁 。我已經俾足機會佢,再去食都一樣難食。

【沙田區】【荷蘭冰室】去沙田美林邨嗰邊做義工，我住沙田但其實都好少去嗰頭，所以都趁呢個機會諗住探索吓嗰邊啲嘢食。去到先知原來都真係冇咩好食，都係啲大集團嘅餐廳為主，所以就揀咗呢間都明知佢有分店但感覺冇咁大集團嘅茶記嚟食。入得茶記好容易就叫咗常餐，我叫咗個 $54 嘅，主食「沙嗲牛肉麵」味道普普通通，啲牛肉都係比較嬌小玲瓏嘅。隻「嫩滑炒蛋」都係正常炒蛋一隻，冇特別。反而「日式奶油多士」真係幾求其吓，冇乜烘過咁，缺乏誠意。而杯「香滑奶茶」就做到正常茶記水準，係好飲嘅。埋單 $54，叫做喺做義工嘅過程裡面正正常常咁解決一餐啦。然而，個義工活動其實係兩日嘅，我第二日都係去呢間茶記，唔使煩，今次就叫個「焗白汁海鮮意粉」嚟食吓啦。點知嘢飲都上埋先話冇，嬲得滯轉 $105 嘅皇牌鐵板「美式大雜扒」，有牛扒、豬扒、雞扒同法蘭克福腸再跟薯菜，係薯角，整體味道都可以嘅。餐湯我要咗中湯，同件多士一樣都係一般啦。連嘢飲「熱杏仁霜」埋單 $105，冇下次。。。（地址：沙田大圍美林商場1樓97號舖）#1amfoodie #foodie #hkfoodie #thatfoodiething #hkfood #foo

行過以前翠x餐廳舖位，原來已改名荷蘭冰室，試下食個下午茶星洲炒米，落單唔使五分鐘，伙記攞碟㗎哩粉撈米出嚟，睇見都唔想食，勉強食咗幾啖試下，連咖喱粉味都冇。惟有走人去另處，永不會再幫襯此店。

今日入左依間食下午茶，下午茶餐都便宜，點左黑松露炒蛋多士，份量唔算大份，味道都ok,上菜都好快。另外紅豆冰淡味左d,本身入去志在飲紅豆冰，但唔夠甜，奶味都唔夠。環境係舒服既，枱都闊落。

今日同屋企人諗住試下，入到去自已嘟曬針卡，諗住等下佢哋安排撘邊張枱（當時每張枱都有一至兩個客，但仲撘到枱嘅，唔算繁忙）等咗一陣都冇人理。我見到有一份餐要兩個侍應一齊出係到傾偈（心諗使唔使，已經有餐車），叫咗聲 ：唔該3位！但係全間餐廳 連收錢個staff一句：等等/好啊收到。都冇講，眼尾都唔望一眼知道茶餐廳係咁架啦！但係唔會3個成人客人，咁大個入到嚟都唔招呼掛。最後冇食到，以後都唔會再食。認真希望，以前個間態度都唔係好，都未至於唔理客人，要等位定點都要通知一下客人吧

以前很少光顧翠x堂食晚飯，一來菜牌冇新意，二來食物和味道一般，三來價格不是特別便宜，看著它生意一落千丈，但它仍堅持到第五波疫情放緩之後，此前一直為附近居民提供價錢便宜的抗疫晚飯外賣，算是良心商家！這個時勢，接手翠X的飲食集團落本錢重新装修，樓面人手比從前還要多，我估計於飲食業很有誠意吧？！所以，開業不久我便試試蕃茄湯通早餐，價格、食材、味道近符跟以前的翠X一模一樣，我還以為換湯不換藥，便沒有再去！大約一個月後我又去該商場，因那裡食市選擇實在很有限，便再去試試荷蘭晚市。今次我細心看一下荷蘭餐牌，發現餐牌的選擇比以前豐富，比以前多了泰式美食，那次我點了海南雞飯：飯餸足料還配上特製醬汁、啖啖肉，肉質可以，不過雞味淡了一點，要靠醬汁，抵食！以為它新開業所以食物較好，本來沒想著寫食評便沒拍照。再去，吃了酸菜黑魚泡飯，該賣相和味道，非常驚喜！十分推薦！顧住食也沒拍照之後再去，吃過泰式豬手飯和今次的冬蔭海蝦湯河。值得一贊是海蝦的腸挑光淨了，食得很開心！幾次光顧堂食晚市都聽到：黑魚泡飯、海南雞飯和豬手飯很快售罄！l不知是否照顧到屋邨老人較多，提供的食物味道偏淡，但誠意可嘉。

幫襯過兩次，環境係OK嘅，坐得舒服，但廚師整嘅食物就認真麻麻，得個樣，星洲炒米一食落去伏，好淡，以為食緊湯米，米粉浸過龍，無口感！另一次叫咗個豬扒焗意粉，一切開，哇，件豬扒仲係生嘅！即刻反映比店員知，最後返嚟問我，話想焗番熟比我定係重新整過個比我😅，最後梗係轉第個餐啦⋯⋯如果啲食物質素都繼續係咁，呢間應該都好快玩完，啲客食多幾次應該唔會番轉頭

今日叫外賣，叫咗80元招牌鮮茄豬扒意粉但係冇蕃茄，何來鮮茄？何來招牌？80元咖喱牛脷意粉嘅係咖喱水，50元泰式沙嗲串燒冇沙嗲，紅豆冰係冇味，收得唔係平，質素卻極差😡不會再幫襯。