荷蘭冰室 (新屯門商場)

營業中

休息中

通常都係嚟呢度食，非常一般嘅早餐完全冇驚喜但係通常唔使等位一般嘅沙嗲牛肉火腿通粉通五香肉丁雪菜肉絲都有齊，但係唔算特別出色塊多士似係嘉頓條裝麵包，比較細塊，但勝在有得加煉奶

叫咗個蔥油瑞士汁雞翼撈公仔麵，本身嚟咗個有湯係底嘅麵(之前食過幾次肯定係冇湯）我當你唔小心整錯咗，好聲好氣同你講完，你敷衍咁應咗話換過碗，結果求其倒咗啲水就算十幾分鐘之後俾返個發脹咗嘅麵我，係肉眼可見佢成pat嘢咁同埋又淋返啲蔥油上面，扮係重新整過，成Pat又油又發脹咗嘅公仔麵一嚟冇道歉，二嚟又冇誠意，其實公仔麵成本都唔高，你大可以換過個麵，keep番啲雞翼真心連公仔麵都煮唔好就執咗佢啦冇下次🙏🙏

第一次去新屯市揀左呢間荷蘭冰室食lunch星期日人流多，需要等位叫左2個午餐乾炒豬扒公仔麵 $52份量好多，豬扒都有成4塊但味道偏鹹，好勁豉油味豬扒有醃過，再加豉油，好鹹蒜蓉汁牛扒飯 $52牛扒軟腍。好易切，無咩筋位，有2塊Ok幾好食勁多飯，細食嘅朋友可以叫少飯凍飲+$3大大碗，不鏽鋼杯裝住，好耐冷整體一般，座位較逼，排隊輪候情況好混亂，普通茶餐廳質素，不過不失，侍應不停收碟趕客，如非必要唔會再有下次。

我好少比劣評，除非真係超級爆唔好食不過呢間餐廳真係超級唔好食我俾個兩次機會佢一次晚餐一次午餐兩次都極度失望 佢完全唔符合餐廳嘅水準你哋睇係睇唔出，但識落真係覺得淡而無味，甚至係難食 都無謂多講，總之唔好去🥺☹️

由裝修果陣好大期望 每日倒數幾時開張終於等到開果一日 一家人去左食晚飯都尚算ok 但個意粉我記得係唔好食不過整體都正常既到下次再去食早餐個沙爹牛肉麵都係超級普通唔叫難食但又唔係好食無乜茶餐廳水準 不過都擺到落口既之後都繼續有幫襯同阿爸兩個落去食Dinner好記得個滑蛋雞扒飯明明圖係日式做法但黎到得啲蛋漿 又水又稀我仲問個經理定部長佢話係咁 蛋都要咁樣縮水法真係食過最差既日式滑蛋飯仲衰過以前啲學生餐之後都有一段時間無去食但由於樓下真係無乜選擇又去食多次今次見到晚餐係唔記得咩意粉又係出事 難食到我要用茄汁撈黎食🤮😵‍💫總結：真係唔知個老闆有無試過廚師手勢先請佢定個老闆真係無乜要求一間冰室味道連普通水平都未到即係我連放入口都唔想服務：新開張就澳牛服務係而家唔知係咪換左班人好啲所以已經對依間餐廳無期望只係希望下一間白武士出現救一救新屯中既居民 🥱仲有果塊鏡咁污糟都無人去抹就唔好整塊鏡啦抹都無人願意抹 點解我仲會去幫襯既原因係因為新屯中真係無野好食而家只可以去百分百同川崎但川崎又無乜大選擇而且啲份量又係好少

路過見到新開餐廳，見入面都多人，諗住應該唔會太差掛環境係可以既嘅，座位夠大夠闊落，坐得舒服既芝士焗肉醬意粉 $50芝士肉醬味道可以接受，但醬汁略微太水，而且意粉煮得過淋跟餐送了西湯--蘿宋湯感覺只用了茄膏開水，再加入洋蔥，變成餐湯咁梅菜扣肉飯 $50醬汁偏淡，梅菜扣肉正常發揮，白飯份量大碗，夠飽肚，只可以話係醫飽肚，唔會係享受美食跟餐送了中湯--花生眉豆蓮藕湯味道正常可接受，但少不了加入味精調味，正常茶餐廳做法

呢間餐廳初頭開張時都還可以，而家係越做越差👎🏻👎🏻👎🏻👎🏻👎🏻👎🏻每次入親去，啲坐椅都係汚汚糟糟咁，算！唯有自己揾tissue抹下😪。。。到近期，食過幾次🍚都係又硬又乾，一間餐廳連煮煲飯嘅水準都冇，每一次叫飯都同自己講，今日唔會又係咁硬嘞啩，點之又係失望😢，唯有下次唔食飯。。。到尋晚，叫咗個餐肉煎蛋螺絲粉，一上檯，真係嚇一跳😰‼️係未見過咁肉酸嘅煎蛋，嗰一刻同自己講，以後唔會再幫襯。

上月28日星期日，原本沒有外出的想法。但網上商店前一晚發訊息通知我，訂購的商品可以到啟豐商場領取。為免浪費口罩，戴一會便丟掉，我便提議媽媽到新屯門中心逛傢俱店。碰巧爸爸晚上不在家吃飯。逛傢俱店後便與媽媽在外面吃晚餐後才回家。這間冰室是逛商場時發現。餐單上有素食選擇。我看媽媽似乎不想步出商場，因為走得又熱又累。於是，我們不到龍門居那邊吃晚餐了。野菜乾炒烏冬，$52。下單時要求走掉葱。餐單上註明加$5有例湯。我們沒有加錢，店員也送我們例湯。然而，例湯有肉，我們便不要了。這個炒烏冬味道不錯。烏冬口感保持軟滑，不會太乾。亦不算油膩。咖喱雜菜煎蛋，配飯或意麵，$57。我們選擇了意麵。同樣要求走掉洋葱。煎蛋給媽媽吃。咖喱味道是少辣。配料不少。有馬鈴薯、西椒、西蘭花、菜心等。不過咖喱汁內好像發現了一丁點肉末。其實我並不肯定。因為這菜式並不在「素食」那一欄目內。所以，下次還是不要點這個較好。另外，意麵的口感軟硬適中。沒有在茶餐廳常吃到軟腍腍的意麵。點選以上兩個菜式可加$3有熱飲品一杯。我們都點了熱檸檬茶。其實檸檬只有四片左右，切片也不厚，味道卻意外地酸！我很少下兩包糖到檸檬茶內。媽媽更下了三包！真會幫

真是沒有想到 質素可以這麼差. 兩個人 去食晚餐, 見到有位 就入咗去, 因為好耐冇食 滑蛋吉列豬扒, 見到張圖影得好靚, 就叫咗個滑蛋吉列豬扒試吓. 等咗都幾耐嘅時間, 終於上菜了. 不過真係俾佢嚇親一跳, 個豬扒就係普通 炸豬扒, 唔係吉列豬扒, 個蛋, 都唔係滑蛋, 而係蛋汁; 食咁多年滑蛋吉列豬扒 都未見過咁嘅樣. 大家可以睇吓 佢餐牌上面幅圖, 同我哋 上菜嗰幅 滑蛋吉列豬扒相片, 比較一下 真係相差好遠. 超級失望。之後 見到滑蛋吉列豬扒 應該都會諗起今次惡夢。

先唔講食物質素，簡直係冰室中的存在。睇裝修環境以為起碼at least乾淨衛生，見過將單浸係湯度，未見過成張係湯度，拎起果陣仲要痴住d 烏冬，搞完一輪再將d烏冬放翻落去。叫個雞滑蛋飯，一上黎以為上錯，成份飯比d汁浸滿曬，唔知以為我叫左湯飯，滑蛋飯冇滑蛋，係d湯汁比及條蛋花當交左貨。建議大家冇嘢食去食樓下大家樂麥當勞好過食依間，又難食又污糟，比錢搵罪受，真係去佢對面買過麵包食好過。👎🏻👎🏻👎🏻

新店開業，要試試，就在家附近新屯門商場三樓 「荷蘭冰室」餐廳環境寬敞，裝潢門面漂亮坐得舒服看看餐牌，鐵板扒、西式燴飯、咖哩、炒粉麵…選擇多多😊當然有精美小菜：黃金脆脆魚柳配鹹蛋黃醬 $70賣相不錯，金黃色，香噴噴、香脆可口，啖啖咸蛋香 😋魚柳 肉鮮嫩 嫩滑西蘭花🥦蝦球鮮魷 $80少量鮮菇噢😯西蘭花太硬了，蝦尚算彈牙，鮮魷味道一般啦如果份量再多啲就好啦😀奉送白飯、是日靚湯：粉藕 、肉 😋食飽飯，步行回家，下次再嚟 👌

一星期內幫襯兩次早餐第一次 星期五 超多人叫左餐蛋治同蛋牛治 烘底足足等左最少半個鐘一追再追先有得食第二次 星期一 諗住星期五個日多人 忙中有錯可以原諒 諗住比多次機會再試點知今次叫兩份落左一份 又等另外 兩次我都係叫凍奶茶以為第一日難飲係因為忙點知第二日再試一樣係咁難飲啲奶茶又澀又（鞋）除左呢到 未飲過奶茶係咁可能係我見識少唔識欣賞總括啲野唔難食但叫三文治好似會被人忽略咁

偶然喜歡食地道冰室, 除了食物選擇多之外, 揉合本地文化, 成為本土特色, 口味也符合大眾我們點了沙嗲牛肉包+瑞士雞翼即叫即製的, 豬仔包做包、外脆內軟的口感, 爆餡濃郁的沙嗲牛肉, 非常地道港式美食雞翼有肉地又入味, 瑞士汁色澤深厚,香濃無比焗芝士腸仔肉醬意粉份量多、即叫即焗, 番茄肉醬很開胃配半融芝士, 濃郁惹味飲品：凍檸茶雜果賓治大大杯利賓納雜果賓治, 果肉多, 清新冰爽整體不錯, 餐廳設多個卡座、環境舒適開揚服務態度親切有禮

個鋪吉左好耐，新餐廳在第五波疫情之後終於開左，咁就去試下，比起之前執左果間光猛舒適好多。不過似乎都係集團經營，又少左一間小店，而且好驚又係比佢對面鋪（有個"%"）果間個餐飲集團食埋，攪到檸檬茶連檸檬都無得篤，食又食得緊張，更加要去證實一下。好彩呢間係另一個集團，仲有真檸檬篤！不過菠蘿油就凍左林左，西多呢係有餡既（大家去發掘一下），紅豆冰仲好大杯。下午茶黎講多左個選擇都係好事，唔一定要去"%"同"廿蚊"果度了！

今日和老公試下新餐廳的下午茶。新裝修，人流不太多。比之前的餐廳多了卡位，私隱度多了。食物質素就普通，我叫豬扒包及瑞士雞翼。個包好脆，但豬扒冇乜味。隻雞翼就好咸！可能加麵或飯一起食會好啲！奶茶也一般！老公隻雞脾就辣辣地！見到有辣椒粉在上面！其它都正常。但坐得舒服。下次再試下早餐。