莆田 (已結業)

聽說 <莆田> 是新加坡一間非常出名又具人氣的餐廳，以供應福建菜為主；現時，在香港已有好幾間分店，可見短短不足兩年時間，其實力有目共睹！由於，她住在屯門市廣場這一帶，由她帶路最適合不過嘞！ 跟另一位靚女屯門街坊首次到訪，加上這是米芝蓮推介餐廳， 大家也充滿新鮮感及期待！ 我們約好了晚上 7:00，當時不用等位，直接安排入座！  店員主動又殷勤，給首次到訪的我們一個良好印象！裝潢優雅舒適，餐桌椅以木色為主，配上簡約設計的燈飾，格調柔和！炸紫菜花生炸紫菜鬆脆可口，花生則香脆，兩者都是令人難以抗拒的香口小食！2 人原味套餐蝦苗拌頭水紫菜頭水紫菜是指每年首批收割的紫菜，零舍嫩身！ 入口微酸帶甜，最緊要食落無沙，配上清甜的蝦苗，爽口開胃！莆田扁肉湯湯底清澈帶少少醋的酸香很醒胃！ 一口一粒的扁肉，非常精緻，皮薄煙韌！包住鮮香的豬肉及蔥粒，口感好似一粒魚皮餃！ 內外兼備，就算每粒的骰扁肉也滿載豬肉，卻不覺膩滯！ 酥炸芋頭外層沾滿了香脆甜美的焦糖，入口酥脆甜度適中！ 內裏的芋頭粉糯軟綿，滲出香濃芋頭香味，細細粒食落甜而不膩！令人食上癮呢！ 美中不足就是容易飽肚！原味燜豆腐有點似廣東菜的

今晚同A仲有C出去食飯，A話聽朋友講屯門莆田唔錯，咁就一于去莆田睇下點啦，餐廳都算大，環境都幾好，服務態度好和善，令人有種親切感，我地今日嚟得早，唔算多人，就拿拿聲開始點菜，唔系人多就有排等。一品海蠣煎，呢個應該系廈門特色菜，應該系沿海果邊常有的小菜，做得幾色香味俱全，都幾大碟，煎得好香，雞蛋加香蔥煎得好香脆，海蠣肉新鮮肥美，食落好香口，我比較中鐘意。鹵麵應該系呢間餐廳嘅招牌菜之一吧，入餐廳嗰時見到幾張臺都點左，用料都幾足，有肉有海鮮配麵煮，一睇就已經知道湯底靚，麵都比較靚，咬落有頸道，有D手打麵嘅感覺。扁肉湯，聽個名覺得好特別，擺上臺嗰時我仲以為系魚皮角，肉整得好嫩滑，但又好結實所以好似肉丸咁，爽口彈牙，啖啖肉，咁多肉個湯都好清甜。莆田都算多菜式可以揀，樣樣出品都幾好，燜豆腐，酥炸芋頭同埋紫菜伴蝦苗都幾好食，燜豆腐做得好香，豆腐豆味好重，三個菜選材都新鮮，所以都好好食。

上菜的擺盤很有特色，以木架一格一格放食物，每款食物分量不多，但是頗精緻。興化炒米粉很好味，米粉很幼身，有冬菇，腩肉，海鮮等材料，炒得很乾身爽口。爆漿肉絲湯麵，麵太稔，肉絲味道亦一般。番薯包同糯米丸我特別喜歡，番薯包有彈性番薯味也很香，糯米丸我覺得好似雷沙湯圓，黑芝麻餡很香。記得試吓個辣醬，酸酸辣辣很開胃。

女人味~女人味~女人的身份這樣美~~~不再兒戲！！！今日三八，估唔到今年嘅自己都要從少女邁向少婦啦，所以婦女節，點都要應下節，出街食餐好嘅嚟慶祝自己晉升為新一代少婦 之前都係俾人叫姐姐，宜家越嚟越多小朋友叫自己untie啦，好唔爽囖！！嚟莆田最鐘意嘅野除咗系食方面之外，仲有佢啲茶具吖！！個人覺得好靚，好符合我呢種復古style，而且咁靚嘅茶杯沖出嚟嘅茶感覺都特別香，特別好飲嘎！！ 鹵麺，其實莆田嘅鹵麵可以用一大盤嚟形容，我一個人絕對食唔曬吖！！不過食慣雲吞麵嘅麺，試下呢種鹵麺都唔錯嘎，佢本身無乜湯底，都系啲汁嚟嘅，而且麺嘅韌度啱啱好，好軟熟！！燜豆腐，啲豆腐燜得好爛，入面仲撈埋啲肉碎，雖然佢嘅賣相睇落去麻麻，不過味道都ok嘅，食得多會好飽 聽講呢度客人嚟親都會點呢三樣，炸芋頭、扁肉湯同埋燜豆腐！今次三樣都試齊啦，味道的確唔錯，雖然都系啲家常菜，無乜特別，同屋企人一齊嚟食都系好warm嘎！！ 作為lady食嘅第一餐！

屯門市廣場新餐廳莆田，中式之中用了tiffany blue做logo，很討喜。媽媽愛中菜，一於試一下。才下午六點，已見人龍，甚具覊氣。有見商場牆身廣告，有十道菜是必食，我們選了當中五道。扁肉湯，扁肉有點似bb豬肉餃子，沒什麼味道。而湯則有頗濃的醋味，酸酸的，老實說，可能自己沒預料到，所以我覺得怪怪的。前菜有醋浸紫菜蝦仔。這個很開胃，雖然一樣是"醋"底，但比湯容易接受多了。豆腐窩用了粗豆腐，口感多渣，內有少許蝦米，粉絲，好像有點肉或是魷魚碎的，非常清淡，沒油亦沒調味，有點點洗滌心靈農家菜的感覺。糖衣炸芋頭粒。炸漿做得薄，芋頭是粉粉的，而糖衣幾好味，是一款幾特別的菜式。最後這個燉麵…麵好稔，湯，或是汁，如芡一樣杰身，好清淡的。有連殼的蜆肉，蝦，五花腩肉碎等等。黏糊的麵條加上杰身的湯芡，真心不是我杯茶。其實整頓飯我一直都很有農家菜的感覺，將所有材料的頭頭尾尾拼湊在一起的。而味道偏向清淡，算是見識過福建菜了。家鄉的味道就是這樣，我不是這個家鄉，沒太大共嗚也很正常吧。餐廳有不少擁躉，以致有點人手不足，不過勝在坐位不算太擠迫，帶BB車入內都可以。

明明餐餐都食得好開心，想將自己最真實嘅feeling share俾大家，但係就偏偏寫咗幾篇都唔過，真係好sad。都唔知仲有唔勇氣寫落去....呢幾日做嘢都覺得好唔順，好似做乜野都系做多錯多，而且仲超級黑仔添~~ 好似各種唔開心各種唔lucky嘅野全部累積曬喺呢幾日happen，搞到我成個人都down曬，啲friend個個都安慰我，叫我唔好霖咁多，無謂為咗啲三唔識七嘅人而發嬲羅！！佢地都講得啱嘅，所以今日一定要嚟食翻飽~莆田算喺我比較鐘意嘅一間自己一個人安靜咁食野嘅餐廳，特別鐘意佢入面嘅環境，過咗飯點之後少人嘅時候真係唔錯。當然多人嘅時候都系好嘈嘎！燜豆腐，每次食呢個菜嘅時候，都覺得佢啲豆腐真係燜得好似蒸水蛋咁，豆腐好滑好嫩，差唔多有入口即溶嘅感覺！!豆腐拿嚟撈飯好味吖！ 以前覺得芋頭通常都系拿嚟做配菜，好少當主食咁樣整。不過呢度嘅芋頭系用炸嘎，口感外脆內嫩，而且有非常濃郁、非常香嘅芋頭香味，芋頭入面好粉，不過我就最鐘意食佢出面果層，好酥脆，又唔會炸得太過時，啱啱好，唔會窿。 食完芋頭覺得有啲口乾，梗喺要嚟翻一盅扁肉湯，雖然個湯ok好飲，不過我自己就覺得都系有啲偏expensi

今天同朋友2個人經過屯門附近見到有一間莆田，剛好佢嘅客人係lee個Moment仲唔算好多，決定入嚟試下味；閩菜味道比粵菜要稍微清淡一些，可能因為福建靠近臨海，佢哋食海鮮嘅地方都鐘意注重菜式嘅鮮味而唔係追求調味嘅喇！講返我哋點嘅菜先，我哋點咗原味鹵豆腐，莆田扁肉湯，莆田鹵麵，酥炒芋頭，蝦苗拌頭水紫菜。雖然睇落齋齋地，但係價錢都唔低咖，等我哋嚟睇下佢究竟貴係邊先，首先介紹下我哋點嘅蝦苗拌頭水紫菜，食落有d酸酸嫩滑嘅感覺，原因係佢哋會加d醋入去拌下，提高一下菜式嘅口味。再講下個豆腐啦，表面白雪雪好似就得一堆豆腐咁，其實入面有好多料咖，食得出來嚟就有冬菇喇、亁貝喇、粉絲喇等等，真係豐富到你唔信；扁肉湯同鹵面都係同豆腐差唔多，表面齋齋地，食落又有驚喜，面食好有嚼頭，湯底加咗醋比較開胃，唔怕食濟～至于芋頭炒得真係又蘇又糥，可以當甜品咁食了，口感好正，份量又足，HK就有正宗口味嘅閩菜唔使自己大老遠走去福建食一餐，真係值返個回票價喇。

「莆田」餐廳取名自中國福建省優美的沿海城市, 背山面海、土地肥沃、海產豐富的環境賦予莆田市一種得天獨厚的氣質, 盛產獨具特色的風味美食。據說「莆田」老闆是一名移居新加坡的福建人, 因想念家鄉菜, 而在新加坡創立「莆田」。「莆田」一直堅持以最新鮮、天然的食材、保留真味的烹調，為客人奉上一道道以心製造的優質菜餚，所以，「莆田」大部份食材，皆從莆田直接入口，以確保其地道風味。話說數月前嘗過「莆田」的美味, 印象很深刻, 一直念念不忘, 很想帶家人去品嚐, 而剛好屯門也有分店, 就可以相約不太「出城」的老爸來晚飯了。來到屯門巿廣場, 莆田就在元氣附近, 很好找, 星期日晚上六時半, 已有好多人等位, 還好我們已訂座, 比較快可以入座。座位乾淨整齊雅致, 較多大夥兒的座位, 畢竟中菜較適合大夥兒, 或和長輩聚餐之選。原來莆田最新得到2016年米芝蓮推介餐廳, 我們來得正好, 不經意吃到了米芝蓮推介餐廳。茶壺內的茶葉用茶葉包包著, 倒出是清清的茶, 香氣怡人, 原來是菊花茶, 令人身心放鬆。莆田有十個菜式推介, 按自己的喜好選擇囉。蝦苗拌頭水紫菜 $52「頭水紫菜」原來是指每年首次採割的紫菜, 量

上回到屯門跟家人逛街時順道安排到這裡吃個午餐坐一坐也是之前吃過覺得蠻好食，所以跟她們也來了！蝦苗伴頭水紫菜簡簡單單的涼拌紫菜加上少許醋裡面更有不少小蝦米非常開胃酥炒芋頭每次看到炒芋頭都會很想點來吃！ 外皮焦脆的酥炒芋頭內里粉糯香甜，鬆化香口！沒有不好吃的理由莆田扁肉湯扁肉吃來質感煙韌，肉味濃而且不肥膩配上微酸的湯頭不錯莆田鹵麵配料非常豐富，有蝦肉、蜆肉、香菇、豬肉、芹菜等等鹵麵口感腍滑得很湯頭非常濃郁，我個人很喜歡！

近日不知為何的出了風疹，幾天也時好時壞，只得暫時忍口，病人應吃清淡一點吧！這天和媽媽到完超市掃貨，大家也餓了，就到附近找吃的，身在屯門市中心，我只想到莆田，因為它的菜式味道清淡，簡單講題是叫做”食魚有魚味”的吧！先來的是冰鎮苦瓜，我是不吃苦瓜的，但這裡的苦瓜片得薄薄的，配著清甜的蜜糖一同吃，一點都不苦，加上擺盤似盛開中的花，色香味都有齊，是我每次來必點之選。蝦苗伴紫菜根據餐牌簡介，這裡的紫菜是用自家種植的初次熟成紫菜，口感比平常的幼嫩及鮮甜，配上恰到好處帶酸的醬汁，令紫菜的香甜更加突出，屬開胃之選。莆田扁肉湯用豬肉片到薄身如餃子皮，再包入豬肉餡，口感彈牙有嚼頭，整體有點像魚皮餃，湯底已預先加醋調味，個人覺得應該由客人自己調味會好點，始終口味有別。因為病叫左比較易消化的炆豆腐，其實就係普通版的老少平安，蒸豆腐加雞蛋，用一個瓦煲裝著上枱，觀感上就是很家常吧！估不到入面都幾多料，除左豆腐及雞蛋外，仲有切得零碎的豬肉碎，粉絲，蝦米等，易於消化，味道係淡淡的，不過病人都係食清淡啲啦！我同媽咪平日口味都清淡，所以覺得幾唔錯，如果係重口味，就會覺得好淡口啦...莆田鹵麵本來想叫興化米粉，但媽咪話湯麵

那個愛笑的你在那方？為何總是一面憂愁，是有太多煩惱嘛？笑一下吧，常言道：笑一笑，世界更美妙。這句話說得容易，但做起來卻困難重重。不是不想笑，而是擠不出一個笑容，當你滿腦子也是煩惱，當你周遭的事物充斥著壓力，當你進行中的工作是帶著不快…………你說，要怎樣笑一個！其實我不愛現在的生活，卻沒力去改變？是的，這是很正常的，改變是很困難，不是想做就能做。許多時候我們只是任人主宰的小人物，生命何時由自己決定過？也許，你不愛現時的工作。也許，你對你的愛侶有不滿。也許，你壓力也令你透不過氣。當這一切一切每夜也充斥在你腦中時，你回想一下那個愛笑的你。近來有甚麼可以笑一個，你是時候快樂些，找回那個愛笑的你。小妹近日在網上看了一對外國人惡作劇(Prank)，當看了這些那個愛笑的我總算回來了一陣子。週未，放工後跟媽媽到屯門逛了逛，兩位雙魚自私慶祝生日。有的時候要帶媽媽出外見識一下下，帶她吃入圍米芝蓮的特色店家。七點多門外已經人潮湧湧，店內採用自助機取飛，等待的時候也不會太悶，因為看看餐牌看看得獎菜式已經差不多可以入席，再者店家在門外設有，等待時也有薑茶暖胃。店內的裝潢以天藍色為主，餐桌椅也是木製的，顏色配搭也

今晚有人請食飯，系過去屯門莆田，莆田我只去過銅鑼灣店，覺得幾好，好適合一家幾口或者三五知己一齊聚會食飯，我地趕過去已經七點幾，所以都坐滿臺，要等位喇，好彩都唔系等好耐，個個靚女都NICE，裝修同格局都同銅鑼灣差唔多。上次無點燜豆腐，今晚朋友話點嚟試下，同我想象嘅燜豆腐唔同，顏色系白白地，無點放豉油同其他醬料，豆腐感覺系一整盤，豆腐品質幾好，可以夾起好大一舊，唔易碎，但一樣甘嫩滑，即磨豆腐系唔同，而且燜得好好味。扁肉湯睇上去好似餃子咁，但皮好薄，有D透明咁，可以睇到D肉，肉唔算剁得好碎，但好爽口，味道調得好啱，分量都算多，所以湯飲落都好鮮甜，覺得幾有新鮮感，唔錯。卥麵上次食過唔錯，今次繼續再點，好大盤，三個人只食麵都基本飽喇，有放青菜瘦肉白貝同埋鮮蝦幾種材料一齊煮，所以湯底好清甜，麵質好靚，好有韌頸，上次唔知莆田原嚟仲有咁正嘅辣椒醬，加埋辣椒醬一齊食，好正啊。蝦苗伴紫菜都食過覺得好食，紫菜爽口，蝦苗新鮮，酥炸芋頭炸得外脆內粉，我覺得可以當飯后點心嚟食，粉酥粉酥的，感覺都幾OK。

食出食物的原味＠莆田好同事要離職了，趁著ＬＡＳＴ　ＤＡＹ就和他食餐好，最近屯門市廣場1期莆田新開張，看起來門面頗別致的，因此便入去試試看 想不到下午時間竟然超多人，店入面都座滿了人，眼見大部份的客人都是點套餐的，原來好多信用卡都有做折扣，和指定的套餐，接近６折好抵食很喜歡這裡的餐具，很有中國特式，不講不知道原來莆田是一間來自新加坡的餐廳，我印象中新加坡菜只有喇沙，原來新加坡有好多來自福建的華僑，因此福建口味的菜色也很流行蝦苗拌頭水紫菜 $52，是一道很清爽的涼菜，味道有點酸酸的，但又不是好重調味料味，淡淡的反而食得出紫菜的鮮味　炒芋頭 $88是我最喜歡的一款，芋頭切成小塊很易食，不會有飽膩感，外層用了砂糖來炒香，食落有點甜味，而外面加了少許蔥和洋蔥齊炒，味道更為特別原味炆豆腐 $88，味道有點燶，而且好鞋口，我不太喜歡 一大鍋的莆田扁肉湯$78，才$78非常抵食 湯帶點酸味，而且非常鮮甜，不是平時我們食的清湯口味，而且一點油也沒有，非常健康入面的扁肉有點似肉餃，肉質有彈性，一啖一口，清清地的湯底反而可以帶出其天然的鮮味，而且一點油膩感也沒有莆田鹵麵 $78 看起來有點醜，杰杰的湯底看起

電視節目介紹了不少新加坡麵食，就想來試試這間新開張的新加坡十大餐廳，見網上好評不斷，想必有個人之處。一家人黎到屯門行街，順便來試試，等位的人不少，聽說話的口音好像真的是新加坡人，還有不少內地人，看來莆田應該真的很正宗，吸引遊客來解鄉愁。餐具整潔，送上的茶散發出淡淡清香，很好喝。實在不知有什麼名物，就隨便點點餐牌上的十大吧，不知是否大部分人都叫呢幾款，上菜之快真另人驚訝，叫完起菜後不夠一分鐘所有菜式都上了，勁！莆田扁肉湯$78招牌湯點都要試試，湯清味濃，加了醋所以酸酸的，感覺像碗仔翅加醋後的味道。內裏有不少小雲吞，肉餃？不知當地人是點叫的呢。小雲吞包著豬肉，皮有點厚，感覺像吃魚片餃，味道不錯。蝦苗拌頭水紫菜 $52同樣加了醋酸酸的，作為開胃菜不錯。酥炒芋頭 $88喜愛芋頭的我搶住食，基乎食哂成碟 芋頭切成小塊很易入口，外層用了砂糖炒香，食落甜甜的，仲有一粒粒糖嘅口感，正。原味炆豆腐 $88好特別的味道，食落唔似豆腐，仲有點燶味呢。莆田鹵麵 $78電視成日介紹新加坡嘅麵食，點都要試試，一盤上，配料很多，見到有蝦，蜆，元貝，五花腩，菇，菜等，湯底很濃味，有肉又有海鮮味，麵是煮到十分淋，近乎

契媽是個追求健康的老友記，去年她生日時，曾到屯門《莆田》陪契媽先吃一頓生日飯，一轉眼已數月了，農曆年期間，未有時間與她拜年，就襯悠長假期，再往屯門一趟，與她共聚。想不到，契媽竟與 BeautySeach 一樣，對《莆田》情有獨鍾，於是我倆便再次相約在《莆田》享用晚飯，當然，最重要還是詳談一番。BeautySearch 自從早前在《莆田》吃過當中的「蝦苗拌紫菜」後，一直念念不忘，皆因餐廳的「蝦苗拌紫菜」選用了頭水紫菜，其產量少但營養價值甚高，頭水紫菜比一般吃到的紫菜更嫩滑味濃，配以小蝦米和香醋，開胃爽口，味道清新，帶出紫菜味道更濃口感更清爽。而且，上次與契媽時只點選了「精美四小拼」，「蝦苗拌紫菜」的分量不多，因此，這次還是點選一碟，好讓她可以細意品嚐這珍貴的皇上貢品。我與契媽都愛喝湯，於是這次點選了「莆田扁肉湯」，因為是加醋的，酸酸地，感覺非常開胃。「莆田扁肉湯」扁肉的皮是用豬肉加薯粉而成，再釀入豬前腿肉及蝦肉餡料而成，工序精細。肉汁豐富，口感煙韌，而且，湯裡加入醋去油去膩，食落份外有滿足感。啖啖鮮嫩爽滑，多吃也不覺膩，但今次的醋比上次濃郁，我就不太喜好太濃的醋味，如果醋可分開上由顧客隨