菁囍 (已結業)

見到到旺角新開咗間茶飲店@菁囍,見門面青青黃黃好有夏日feel ,店長好落力💪💪介紹,原來店家係台灣品牌 過江龍來香港開店,所以店家茶葉都係台灣入口，店長極力推介Gelato復刻鮮奶茶,好啦咁我就試吓啦！我同事就點咗百年鐵觀音鮮奶來試吓 🔮好少有茶飲店用意大利Gelato雪糕,所以都有d期待,不過天氣太熱喇 ,番到公司舊雪糕都溶哂喇,唯有攪埋一齊啦！雪糕雲尼拿味香濃,紅茶竟然有麥味,可能我叫咗少甜,所以真係唔係好甜,不過有茶味同埋雪糕既甜味,溝埋我又覺得剛剛好喎！ 🔮同事杯鐵觀音奶點咗少甜少冰,佢話好淡呀！無諗過少甜真係唔甜,不過茶味好香濃,好似飲緊凍冰茶咁,仙草都Q彈嘅！如果下次去買就正常比例算喇！

隔離Share Tea排晒隊想快就緊係幫襯下 so call 台灣過江龍？唔知飲咩好就揀左Top 2/3嘅 蜜芋珍珠鮮奶綠店員服務都好親切 主動問我需唔需要少甜少冰我就問好甜架？就要左少甜少冰珍珠唔錯 軟糯唔痴牙👍🏼👍🏼可惜都係好甜 我諗半糖可能好啲…另外蜜糖同芋粒同綠茶 唔多夾所有味道似分開 所以真係唔合格🤢但做到解渴作用😮‍💨😮‍💨😮‍💨😮‍💨😮‍💨其實旺角好多茶飲店 競爭都幾大如果再經過我會俾多次機會要半糖 試第二樣

呢間舖主打健康茶。老闆都有介紹朝鮮薊係蔬菜之王，有護肝嘅功效。之後都聽過呢個蔬菜，但係未試過，而係香港都唔係好普遍，好少餐廳食到，所以就叫咗杯黎試。一開始店員話落多咗冰，所以重新整過一杯。最尾仲送埋畀我哋飲✨✨，真係多謝哂！朝鮮薊蜂蜜桂花蜜+仙草凍 $38+5呢杯冇得揀甜度，但係飲落都唔係好甜👍🏻。甜味主要黎自蜂蜜，加埋嘅桂花味，飲落好舒服。飲完之後有少少回甘同薄荷味，好清爽。呢間嘅仙草遍硬，有濃郁嘅甘草味。

與同事已經encore左好多次，不過上次試左朝鮮薊蜂蜜茶有少少失望，味道有Ｄ淡，蜂蜜味唔突出，可能呢杯標榜健康嘢所以特別淡味？同埋叫左微冰都係太多冰太凍。不過其他飲過嘅飲品暫時都係良好推介指數 ⭐⭐(5星為滿分)今日試試佢個ＧELATO紅茶，上面有個呍利拿嘅雪糕球，開頭仲以為有得筆個雪糕黎原味只係等佢溶Ｄ味道出黎，不過呍利拿真係好香，打開睇上面有好多黑色粒粒呍利拿籽，真才實料，原本個紅茶味道有麥香之餘仲多左呍利拿味，好有層次推介指數⭐⭐⭐⭐⭐(5星為滿分)

見佢裝修幾好，第一印象似係台灣過江龍，點知search到的確係台灣小品牌，所以期望幾高。買完半粒鐘再飲，冰度都仲好凍。鮮奶茶畀我嘅感覺一直係淡茂茂，寧願飲奶精；不過呢間嘅鐵觀音鮮奶茶茶味都好出，茶嘅炭燒味亦夠，仙草還好。不過點解明明味道好好，但叫咗半糖都咁_甜，浪費曬成杯嘢。Set返好甜度就贏幾條街了，呢度嘅半糖幾乎係香港嘅全糖；你原料各方面跟足台灣嗰邊冇問題，但大佬你都知兩地甜度差好遠，甜度就跟返香港口味調低返啦，少失望啦。單純甜度都做唔好，所以留咗個負皮，希望改善，明明就好好飲

見到網友講起呢間新開既台飲店，本身都想試下有乜特別。甘岩今日因為約左幾年無見既朋友食飯，所以路經此地，本住一試無妨心態就睇下有無特別。眼見餐牌全部以茶為主，聽店主講，佢地所有茶都係台灣自家制，店亦是自家經營，所以茶有保證。見店主推介Gelato配紅茶，甘就試下。我叫左微糖，因雪糕令到杯茶太甜，但店主力推呢隻係意大利Gelato ，唔會太甜，其實我都有啲擔心。眼見水吧即整茶底，唔駛三分鐘就叫到我。本身一見杯茶就好似無特別，飲落去好似有啲麥味。但點知一吸到雪糕，味道立即改變，好香雲呢拿味，令我一飲飲，好似有魔力甘。飲甘上下，成杯都好似奶茶甘，但又唔太甜。不消幾分鐘，成杯茶就見底了，如果唔係要食飯，我諗我會叫多杯享受多一次。

呢間店開左大約一星期多啲，我已經係第三次幫襯，因為我同同事實在太鐘意飲手搖喇，仲要開係公司附近，睇黎真係戒唔到飲品記得第一次試業個陣，Ｄickson好熱情同我介紹佢哋公司飲品同優惠，仲俾左張卡片我，叫我download個apps（storellet)，黎緊會推好多promotion，佢真係無呃我喎，星期五有免費紅茶，星期二又有買一送一，真係超抵～上上次試左✨百年仙草冬瓜 (不過唔記得影相) — 味道非常似係台灣飲到嘅，比一般茶飲店飲到嘅更香，更有冬瓜味，唔會死甜，朋友試左✨芝士奶蓋松柏烏龍，佢話個茶底非常好，奶蓋夠滑上次免費試左 ✨復刻紅茶， 果然係佢嘅招牌，必試！同平時飲到嘅紅茶非常大分別，佢一啲都唔澀，仲有一股麥香味，餘韻尤長，我敢講真係我飲過最好飲嘅紅茶！今次就飲左✨芝士奶蓋復刻紅茶凍奶蓋奶味較重，芝士味不凸出，出奇地奶蓋ｍｉｘ左紅茶有一陣焦糖咖啡味，紅茶凍亦都幾好味，不過太多了，口感太複雜，我個人都係覺得始終都係紅茶最好！