菜根有味 (已結業)

坐落個感覺不迫趕，食物也不俗，中式食物，但感覺的確有點"西" 。尤其記得碗碟也頗精緻，整體感覺良好。

叫左碟雞，皮脆肉又唔’鞋’好野味炒白菜＄１８都幾大碟，而且用炸過既蒜蓉炒，好香口帶子茄子伊面唔油又唔咸，都幾好味仲可以睇住大電視食飯，物有所值。

餐廳的佈局比較奇怪﹐最好坐的位一是看不到電視﹐一是冷氣不足﹐要加風扇的。暗暗的環境吃中菜總是有點奇怪。但它的廚真的弄的食品不錯﹐難怪唔好坐都要幫襯。它的抄米粉用的好像粉絲的米粉﹐而且每次吃的都不油膩。海鮮雜菜煲用料十足﹐只是尤魚太en。重有風沙雞﹐皮脆肉不en 。

有電視睇, 幾好, 唔會悶.有免費湯飲同白飯食, 幾好, 幾surprise!d野食就過得去啦...但就勁多蚊! 我未試過入去一間餐廳可以咁多蚊向度"怒"黎"怒"去!!成日要趕蚊, 煩!!

to openrice editor:係杏花新城都有一間。食評：昨晚去左杏花新城食，以為佢同九斗半同一個集團，都會幾好食啦.點知真係有D失望價錢係同九斗半差唔多，不過就唔好食.叫左：沙茶牛河-D河粉炒得唔夠散，沙茶味唔夠濃，牛肉又唔滑，唔可以話難食但水準真係一般.煎餃子-男友話好難食，我都覺得唔好食，個皮好厚同埋好粉，裡面D料好少同埋真係有味~~~怪味，完全唔合格. 蒜泥白肉-好油呀，我之前淨係聽過呢味餸，未食過，一試，原來係咁……唔知係灼熟定係蒸熟o既豬肉，淋d豉油，面頭再鋪厚厚一層蒜蓉，面頭d肉滑d，底部d肉就"鞋"d，唔知點解會咁，不過份量好多，成碟滿晒，不過我唔太鐘意食啦，普通得嚟又油。服務-其實都冇乜俾人服務過，成晚都冇同我加過茶，扣分.埋單百零蚊，貴就唔貴，不過真係麻麻，不次都係去返九斗半，雖然等位耐d.

sorry 打錯字, 係D 餸夠清先岩

D 餸 唔清, 岩晒D KEEP FIT 既女仔去食! HEHE .. 有個蚵仔XX 泡飯, 好正, 其實係佢既所有泡飯好正就真! 不過最衰係佢地成日播D 唔同時既LIVE SHOW , 差左D !

今次叫了三道菜18蚊BB鴿-相算不錯蒜香炒大蝦-足六只大蝦,抵食但醎左D咕嚕肉-被它的賣相吸引叫了一客但吃了又覺得不太好味,不夠酸,酸D好似開胃D.價格合理,不妨一試

初初係因為係紅螞蟻對面而第一之入去"幫襯" 我鐘意佢D 野勁清, 好岩女仔去食, 只要我去銅鑼灣, 我多數都會"幫襯" 佢..... BUT ?既小食就炸既野為最正, BUT 唔好既係佢抄數耐, D 待應成日吹水又唔理客人!最印像深既係?既------- 廁所, 做開DESIGN 既朋友不仿抄"橋" (最慳位,最平既做法)

見呢間餐廳裝修得幾摩登有格調，原來係主打台灣菜同素素，咁就同同事黎食晏。<br>午市套餐28 蚊，包一碟小菜，白飯，例湯，要餐飲就另加2 蚊。小菜都幾多選擇，都係以台灣菜同素菜為主，o個日同同事夾埋揀左：<br>玉蒲團：即係齋菜，有菜，有菇咁，清清地，幾唔錯。<br>滑蛋海鮮粒：d 蛋都幾滑漏，不過d海鮮剩係得非常非常細既帶子粒，唔係好抵！<br>雞醬骨：即o係原條排骨上面淋d酸甜醬，幾惹味。<br>三色芝麻雞：d 雞肉切條然後拎去炸，夠晒香脆，再撈埋芝麻同個酸甜醬一齊食，好開胃。<br>埋單每人30 零蚊度，銅鑼灣區來講都算抵，都一試無妨既！

西式裝修，但食中菜o既style，始終有點奇怪！黑暗環境下再加上發光o既檯，食得真係唔多舒服！價錢同份量唔多成正比，味道又普通，唯一好處就是食得健康，無乜味精、少鹽及油！但對我來講，真係無乜再去既理由。

被表面看來舒適的座位騙了.實際是頗擠迫的呢要了客<魔鬼雞翼>.那根本就是沾了炸粉後炸的雞翼.這個還尚算可以.要了一客<金門炒飯>.看來好像印尼炒飯.但我朋友一吃已高叫"好硬!"到我自己吃時發現那些飯是一堆堆的硬飯.. 咬也咬不開!最後是<粉皮棒棒雞>. 最難忘的一個小吃. 雞絲撕得挺幼. 麻醬可以. 但那些所謂粉皮.不是透明的.也不是滑滑的. 和炒飯一樣. 是硬的.是很硬的. 已很少光顧到那麼沒水準的食店了. 除了雞翼之外.其餘的怎樣也很難嚥下!!

「菜根有味」望入去都幾舒服，但係坐落其實麻麻地，最慘就係佢o既裝修同佢所賣o既食物一D 都唔夾，有少少不倫不類o既感覺。　　叫o左好幾個小菜，份量都幾細，絕唔適合三五知己一齊去，而且食物缺乏味道，我敢肯定一定無落到味精！「檸汁雞翼」簡直係不濟菜式中o既表表者，幾隻炸過的雞翼，活像椒鹽雞翼，但食落只有淡淡的檸檬味，明顯係炸完雞翼後滴上幾滴檸檬汁，馬虎了事……　　「大富豪炒飯」同樣係用一D 無味o既海鮮炒無味o既飯，上碟白雪雪，食慾全消……　　唯一可以入口的是「鹽酥蝦」，總算似返D 樣，但o係果度已經叫好好食……悲！

Excuse me, I was first attracted to this restaurant because of some good-looking customers eating inside. I tried it this lunch time and found that it was also good in terms of the food. The lunch sets cost very reasonable and they are good...except that the rice may be a little bit 'hard'. Oh, they played the Beatles music video today too. Definitely worth a try if you can't find seats in 'Red Ants' right opposite...

要到昨日先去睇套正o野"人妖打排球"..~~睇完都成差唔多八點喇六合彩又開o左,睇下我係咪其中一個中頭獎的幸運兒先~結果係....車中得o個兩個字......不過話雖如此.點都要食飯架~~同女友話不如去soho食野,佢話西餐唔好喇,又貴又唔飽)~咁呀,去山頂喇~佢話去山頂食個mood 咋~無好o野食o架)之後佢話不如食台記啦~(台記即係台灣)...都好,~圓山老早去過唔再去住.~結果去o左加寧街的"菜根有味"..左兜右兜o左一輪去到話要等三個字,兩個人企o係街食風咩?都係去對面的"I.T" 打個轉先~隔離美味廚同對面的紅螞蟻一年三百六十五日都咁鬼死多人,呢間睇落去有後來居上之勢~單係睇裝修係絕對唔似係食台灣o野o架~好鬼"HIP" o下呢~等同霎東街的"AREA" 同蘭方道的"DINING AREA" 個feel 好相近~門口仲有兩部電腦俾你上網,不過咁o岩去到o個日o岩o岩壞o左..~~好喇~有位坐喇,不過要搭檯.....真係好唔自然,單係傾計都傾得唔自在啦~不過你地實話車!去茶記都係咁啦!)不過~同你去茶記o個d 係你老友~而今次同我去o個個,係我女友~知無?睇個餐牌,都係無咩頭緒