華姐清湯腩 (已結業)

午飯時間，想了很久也個知吃什麼好，忽然想到附近有一間座落於酒店的food court , 裡面各式各樣的菜式可供選擇，雖然係午飯，但辛苦得來自在食，應該對自己好一點。進入該酒店餐廳就看到各式各樣的食物，令人胃口大增，此時我立刻橫掃所有食店，看到華姐清湯腩，心想，是，我想試清湯腩，雖然這是普通的菜，但我郤對牛腩情有獨鍾，加上清湯腩的煮法及個腩肥瘦也很緊要，我食過一些牛腩好大塊，不過煮太久很un ,有食過一些牛腩太肥，三四成肥脂，矣！no good ! 不久，侍應一碗熱騰騰的清湯腩端上，腩有6-7件，湯不太油，看似不錯，此時已急不及待用筷子夾起牛腩，夾起時，牛腩是柔軟的，放入口中咀嚼幾下已溶化，且有回香⋯⋯不得了，如果牛腩與河粉一起吃更令牛腩香也滲入了河粉中，回味無窮，雖然此說法好像少少誇，不過忙碌過後可以吃到這一碗，更令我又再次充滿活力的返回工作崗位，幸福的一天。

話說今日突然好想食清湯腩，見紅磡Kerry 酒店入面新開左間華姐清湯腩，所以試一試佢。個清湯腩味道清甜，肉質鮮嫩，配埋個菜飯簡直系perfect match，得閒一定會再黎食。

最近喺紅磡新開嘅嘉里酒店裏面嘅Dockyard Cafe, 真係一個好去處。華姐嘅呢一檔，喺天后嘅分店，但水準一啲都唔差。價錢相宜，坐嘅地方又舒適。一如以往，佢嘅牛腩牛肚都相當吸引，但係佢嘅墨魚丸都好有驚喜。但係佢調味標籤做得唔夠清晰，豉油樽有寫住豉油，另外嗰兩樽就咩都冇寫，要問先知道係醋。用Apps落單快捷又方便，坐喺度就一次過可以點哂唔同鋪頭嘅食物，又唔使排隊同人迫，整好咗就有人送餐到你張枱，唔使自己走來走去。

呢個星期約左朋友去黃埔，見時間尚早，就去左行下，見到有間百味村。入到去原來係foodcourt,形式同平時嘅有啲唔同，用app點嘩同有人送餐～最最最緊要係我發現呢度竟然有華姐清湯腩！差啲要尖叫！即刻點左個淨腩，個腩好點，好有水準💪🏻真係見到張相都流口水～入口肉味濃郁，啖湯仲好清甜😍下次黎搵朋友會再黎，呢度地方大，環境氣氛都唔錯！仲有足球機同桌球打，仲要免費～另外叫左一間韓國野食嘅薯條，都可以，不過唔太特別

黃埔新酒店開左“高檔版”美食廣場後，終於的起心肝去一試。最初以為呢啲酒店嘢只係得西式或日式食物，點不知竟然見到有華姐清湯腩！係驚喜既之前食親都要過海，而家就腳咁多當然爽不過有啲擔心美食廣場版既華姐會唔會差咗，就試你一試。識食當然叫腩河，試完就知我既擔心係多餘左一黎到飲啖湯先，佢個湯頭真係無得彈，清而不涸喉，明顯唔係味精調味，而且有牛骨香，保持到天后老店既水準牛腩非常入味，腍而不碎，唔會一夾就散，仲有少少肥襯邊，一咬散發香腴，仲有濃厚牛鮮味，河粉爽滑唔係漿住晒，仲索晒湯頭鮮味，一啜就入口，真係食到雪雪聲，有啲羞家食完成碗feel到個唇有少少膠住既感覺，證明個牛骨清湯真材實料，夠豐腴！！P.S.唯一要提係酒店自己個配套爭啲，懶新潮咁無論幫襯美食廣場內邊個食檔，都要用app落單，但係操作唔user-friendly, 有啲混亂。個場係grant既，食得舒服仲有波篤，營造到外國氣氛，無謂因為個app而禍左，酒店管理方面真係要諗諗佢

要 download apps 先可以 order, order 左成半個鐘都無人黎收錢！叫左個華姐排骨擔擔麵，菜肉雲吞麵，清湯牛腩麵！雲吞可以，但個麵超難食！碗麵一黎到一舊舊，好明顯D麵一早煮定放係個碗到，有 order 就倒D湯落去！D麵又硬，又乾，又有鹼水味，整體麻麻，唔會再試！

好多人一定在讀書時食過，一碗簡單的腩河，現在配上band show，桌球和小朋友依依不捨的足球機，可以慢慢的歎。#華姐清湯腩 #kerryhotel #makemyday #happyfriday

自認係牛魔王，一直超級鐘意食牛，多年前食過華姐之後已經返唔到轉頭😂，可惜嘅係每次都要過海，路程確實有D迂迴。今次華姐響黃埔開店，身為忠粉真係好興奮！一如預期華姐嘅水準咁多年都Keep得好好，就算係新舗都冇變過。牛腩又腍又入味，份量又夠，蘿蔔多汁有渣。睇黎我係黃埔有新飯堂啦。