華嫂冰室 (已結業)

係觀塘成年都仲未食厭🙊 就算我叫外賣送到黎都係熱辣辣既，外皮仲好香脆！菠蘿包入面會有厚切牛油，仲有煎到流心既蛋同蕃茄！除左菠蘿包，華嫂既蛋沙律多士、芝士咸牛肉豬仔包、秘製撈米線(係麻辣嫁)、蕃茄湯雞翼米線(大大隻超入味)都好好食！

華嫂喺元朗嘅時候已經出名好食㗎啦，最近同朋友經過觀塘，忍唔住見到長長嘅人龍都要試吓。佢個菠蘿油真係好邪惡！入面仲有番茄同炒蛋，自己一個真係唔敢食晒佢，真係會肥死。不過真係超級好食，十級推介，抵佢有咁多人排隊都要試。

今日晏晝去到華嫂冰室，見到有10幾人喺前面排隊，但係呢都唔係得耐喎，等左大約半個鐘就入咗去，入到去侍應嘅態度都唔錯，落左單好快都有得食。食飯我平時最鍾意食嘢撈米線，未到依舊但係豬扒好似少咗，唔知係撞手神定係份量減少呢！享受呢就叫咗杯凍奶茶，突然發現隔離枱有冰花奶茶，新產品好似仲吸引，不過都係下次先試啦。一齊呢都係奶味好濃，茶味爭小小，冰都唔算多，可以接受啦。不過我都希望佢開多啲分店，唔使排隊直入就好啦。

華嫂真厲害，由元朗注入九龍同港島插定𣄃仔，我jim最鐘意排隊，有人龍至夠人氣，星期六帶老婆又排下。下午茶時間，華嫂個location麻麻，又係工業區，但人龍老遠都望到，行番出去其他食店好遠，只好死死地氣等啦。眼見等位者多數後生仔、大部分係大陸客，心諗你地咩風吹黎，咁知定。等左35分鐘，叫到我number，點兩個麵，一杯凍奶茶同老婆share。點個招牌叻沙同撈麵，果然排得有道理，叻沙色香味掂，老水雞翼好出色。老婆對撈起亦大讚，夠香夠惹味，比足料。華嫂，好野

去親觀塘都會好想食華嫂冰室，無奈成日時間都夾唔啱，因為佢好早就閂門。今日咁岩下午要去觀塘做嘢，終於可以食到期待已久嘅招牌菠蘿包啦！呢個招牌菠蘿包真係無得輸，出到嚟熱辣辣，已經佈滿住菠蘿包嘅香味。菠蘿包入面有蕃茄、雞蛋同埋一片超厚牛油，真係超級超級邪惡。我鍾意個菠蘿包外面層皮會好脆，裡面嘅材料味道又好夾，嗰塊牛油仲要係重點，咬入去牛油香味濃郁，令到整體都好滑溜，咬完一啖又想再啖多啖，完全停唔到口呀。呢度嘅凍奶茶都好好飲，茶味香濃之餘，奶香亦夠，perfect!

成日聽人講華嫂冰室 其實我去左幾次 但每次見到佢條隊都會放棄🙄 今日再去 難得個朋友不屈不撓咁等 最後終可一戰 難得食到 我地明明兩個女仔 嗌左三款包加一個茄通 仲有奶茶 搭枱既人應該嚇親我地咁大食 重點係要食得晒😂 叫左個有豬扒既茄通 茄味超濃 唔會酸 唔會係好假既茄汁味 個湯係好稠密既 其實食完一個已經好飽 但都試左蕃茄蛋菠蘿油 同咸牛肉包！ 蕃茄蛋同菠蘿油好唔match😂應該就咁食菠蘿油先好食 咸牛肉包好正 包好脆！ 朋友再嗌左個公司三文治 我真係不了😂 順帶一提店員好正 叫我地影相影靚啲 仲教我地要開少少個包影先靚😂既然佢咁好 所以我都要post一post d相出黎俾大家望下

尋日去巧明街上樓呢間華嫂，上到去只得外賣，真係嘥晒我啲腳骨力，今日我兩個friends，又係盲中中睇OpenRice去咗巧明街e間，又係擵錯地方，佢哋就無我咁有目標感，走左去食第二間。

華嫂觀塘店成日排隊，見到在巧明街開左間外賣專門店，滿心歡喜，唔駛再排隊!外賣店的隔局，似一個食物工場多 D，似乎大部分是招呼外送速遞員。一個人盲中中上左去，真係有 D 尷尬…等外賣，室內個地下好油…有D 危險…衛生… * 親眼見到廚房有人跌個包落地，再拎起黎檯面 * ……食品質素，是真心保持到的 ! 豬扒大大件，未食晒一碗已很滿足 !凍檸茶，滿足到我這個檸茶控的要求 !招牌菠蘿包，太好味，忘記了拍照... 有無下次? Um… 希望提高衛生意識，都會再叫外送速遞。

講多無謂事源我一條友睇完醫生咁番工之前都要醫肚㗎上open rice 搵下觀塘有咩好食本身想去啲cafe一個人靜靜地食個晏咁碌碌下發現到而家都未食到鼎鼎大名既華嫂咁當然就一支箭咁去啦去到係11點半 雖然唔洗等位但見到其實都full哂咁滯你諗下 係平日 未到lunch time都已經係滿座喎證明有幾多人鍾意食我叫左蕃茄豬扒雞翼通心粉應該唔係最主要既招牌菜但都幾吸引就叫黎試試一試到黎我心諗：同張相一模一樣！！平時啲圖片只供參考已經磨練到我對出街食只抱70%信心點估到呢度係真材實料得咁勁！咁瑞士雞翼就十份入味 夠大隻 唔會比小兒麻痹雞翼豬扒好大塊啊大哥 我食左勁耐先食哂通粉正路 蕃茄汁唔似用醬開 因為我冇食完口渴 都堅堅地！咁樣$40幾蚊抵到爛啦 雖然冇包野飲哈哈下次一定要試埋名物蕃茄雞蛋包！建議大家避開人潮時間啦 因為我食完12:45左右 出面排左十幾人呀！！

公司就起華嫂附近放lunch12點衝到過去都要等位真係好受歡迎！其實都幾底食同好味，如果唔駛等停，我可以日日食，哈哈咸午芝士蛋- 21元其實真心好鬼好食，不過好肥個包又烘到好翠，芝士咸牛蛋冇得輸同事叫既，個樣麻麻係茄膏唔係鮮茄，似配意粉多過配米線22元一般啦，冇傳說中甘好飲，但都ok既皮蛋芫莤湯米線配魚餅同雞翼雞翼必叫！好好味！鮮奶油多，同事次次都必叫好多奶油好正，包又好味！其實，華嫂都係賣好普通既茶記食物但係都用心制既，出左名後都冇粗制濫造美中不足既係。。。晚上不做生意架，只做早餐同午餐

下午茶時間，當然就係外賣個下午茶餐啦！發現佢唔係因為網上睇到d食評，而係咁岩樓下見到易拉架咋。佢真係好方便，用wtsapp落單就得，confirm完跟住就開始送到門口了。今次叫左杯熱奶茶同埋招牌波蘿包，奶茶好香好滑，唔會太甜，對我黎講真係剛剛好。至於個波蘿包，一d都唔髮散，每一啖都好實淨唔會似食空氣。加上佢超脆口、連埋蛋黎食可以濕下個口，唔會乾爭爭。所以好鐘意呢個配搭，有機會要再試多幾款唔同既口味！

華嫂開到黎觀塘唔係新聞但我覺得點都要高呼一句係吃貨嘅恩物呀！先對得住佢同frd子share左呢碗豬扒雞翼茄丁加招牌菠蘿包當然唔少得每人一杯凍奶茶啦無食咁耐 個豬扒依然好出色出色在佢真係煎得好香呀連友人唔好豬扒 都會俾面食番塊另外 招牌菠蘿包加上牛油同炒蛋口感無得輸 肥都抵呀我地叫嘅普通凍奶茶 茶味好夠 一個字爽啦

係度返工嘅人都知，近排好多新餐廳開，可以分下一啲成日爆哂棚嘅餐廳食店。星期五尤其多人，周圍都爆多人排隊，又想食好啲，又想快啲有得食，同事話食華嫂！好主意！之前同事有嚟過話等外賣等到傻，今次我地好快就買到。嚟到門口都幾有風味嘅，幾特別，我仲以為係街個種外賣快餐店嘅樣。裡面係意外地乾淨同整齊，廚房，外面包裝嘅地方，office位置也是，只有香香嘅煮餸味。等左一陣就有得拎，ok喎。我叫左嘅香煎豬扒米粉（$27），我拎到返公司先發現原來啲湯已經漏哂落個湯到，好彩個袋夠硬淨，好似去台灣咁，倒番落個米粉度食，幾有風味呀。豬扒煎得好香口，個人覺得咸左小小，個清湯偏濃味，堅係飽。同事叫咗秘撈米線（$43），有餐肉，有青瓜，有紅腸，小小辣，都幾可口，呢個值得食呢。我地仲叫左招牌蛋沙律多士（$22），還好，整得幾好。由於太飽，當下午茶先食。

平時係係觀塘返工，都見到日日lunch time華嫂出面都好多人排隊！今日難得返半日，去左食個下午茶嗌左個招牌菠蘿包試下！可能係即叫即整既關係，等左一陣先有。切開一半，入面有蕃茄同蛋，熱辣辣既包好好食，果然值得一試

華嫂係觀塘嘅分店都開咗差不多一年多，但佢條龍由佢開舖到而家都係咁長。每次都很想食，但見到長龍就有點卻步，因為lunch time不可以等太久，但發現如果中午兩點鐘才去的話，通常等的時間不會太長，所以最近也常常跟同事去食，我每次都會點香煎豬扒烏冬，另加煎魚餅和墨魚丸，而我的同事通常比較喜歡秘製雞翼烏冬，我們兩個也很喜歡他的煎魚餅，他很香口，煎出來脆脆的，而它的奶茶也是我很喜歡的，因為我是奶茶控，每天最少也飲一杯奶茶，所以對奶茶也有一定的要求，他的奶茶很香滑，是我杯茶，我們也會多叫一份鮮油奶多，但到最後通常都是吃到很飽很飽的，之前也試過它的豬扒菠蘿包，覺得這個也是下午茶的不錯選擇。