華安餐廳

營業中

休息中

呢間完全係冇外貌，好普通，冇裝修，既一間後巷茶餐廳，但係我都覺得要為佢寫一篇食評有次我老公話要專登帶我嚟一間隱世茶餐廳，話佢既野好好食我地中午黎到，已經座滿人，我地兩個人係要座埋一邊，要同其他人搭枱；餐枱仲要係好懷舊果啲細細張既枱，基本上你食完一碟要拿拿聲叠起黎騰空多啲位出嚟。我老公介紹呢度嘅咖喱同埋豬潤。所以我就食佢豬潤餐同埋咖喱牛腩飯豬潤餐估唔到咁既餐廳，佢既餐包都有3款包俾你揀，甜包，麥包，普通白方包。我中午去到，麥包賣晒，我揀左甜包，上到枱時候，烘得剛剛好，個包係超軟熟，塊包每一個角落都茶滿牛油。係呢塊包已經睇得出呢間餐廳係好有心機講開食豬潤麵，大家都應該會去深水埗維x豬潤麵，個人覺得果度個湯底係用豬潤煮過外，豬潤都係一般，可能因為驚豬潤唔熟會有蟲，所以啲豬潤都係煮得太過耐，變相就會好韌；但呢度就唔同，我從未食過啲咁爽口既豬潤，佢又唔係唔熟，但係煮得好爽口，又大塊，好好味；而且你睇得出佢個湯底都係有用豬潤煮過。加少少辣椒油，真係無敵。評分：👍🏻👍🏻👍🏻👍🏻👍🏻/5跟住到咖喱，我老公食飯要多汁同埋鍾意印度咖哩，呢間完全符合晒佢要求；我從未食過一間咖喱，啲汁又多，啲餸又多，個飯食晒

$60既什扒餐連牛脷都有，真係非常之豐富。不過唔食牛脷記住走左佢，廢事嘥呀麻。個阿姐都幾好笑，話唔會蝕喎。哈哈，你咪聽佢講啦。其實野食都幾好，不過我嫌D撈麵太夠味，好似濃左D。

✍︎︎☀️早餐全餐 $58(11:00後價格)甜包🍞華安雞翼配炒蛋🍳濃湯雞絲字母粉🍜見到呢間有字母粉立即試吓感覺而家好少見到有得買😳仲叫咗一個當日快餐咖哩雞髀飯🍗一上枱雞髀大到嚇親😆咖哩汁好香好惹味😚❥下就2:30去到都好full，仲要3:30就閂門想去話要早啲去食😆••••••••••••••••••••••••••••••🔎華安餐廳牛頭角定富街34號地舖••••••••••••••••••••••••••••••

牛頭角街坊同附近返工嘅人都會識華安。特別每到午餐時間，餐廳就會坐滿人。餐廳地方比較隔涉，如果唔係去開附近應該唔會為意呢間茶記。見到其他食客叫嘅食物賣相，都令到流晒口水。餐牌嘅選擇花多潦亂唔知叫咩好，如果我喺附近返工嘅話，都唔介意日日嚟食。常餐午餐 $58吉列雞扒/餐肉/炒蛋 配雞湯通粉個人覺得當日雞湯偏淡，配上通粉食落稍為遜色。吉列雞扒香脆內軟，切開肉汁流出嚟。外皮唔會太厚，味道十分之入味，加分！餐肉炸到適中，唔會乾柴柴，保留裏面軟熟口感。滑蛋略嫌過熟。印式椒鹽豬扒煎蛋飯 $55豬扒份量大塊，薄身鬆軟。食落帶有咖喱味帶有肉汁。豬扒上面冇醃料漿住，唔會帶有過濃嘅香料味。即使飯配上適量嘅豉油，豬扒冇汁都唔會覺得乾身。

📍牛頭角地道茶記‼️• 濃郁雞湯字母粉😆 — 華安餐廳☕️·Follow @pigfoodiexhk for more food!🐷#pigfoodiexhk_牛頭角#pigfoodiexhk_港式============================前排嚟咗呢間位於牛頭角同九龍灣中間嘅茶餐廳，位置唔太就腳但係都有唔少人幫襯🥰—————————————————————-⭐️早晨全餐 $40·牛油厚多士·炒蛋+香煎牛脷·濃湯雞絲英文字母粉多士大大塊，厚身香脆👍炒蛋嫩滑濕潤，但係牛脷好韌唔好食🥲🥲英文字母粉有驚喜，雞湯濃郁，仲有啲忌廉香～字母粉好掛湯，雞絲都有好多😆👍———————————————————賣相：3/5味道：4.2/5性價比：3/5推介度：3.2/5———————————————————

唔使講咁多啦，我嚟到華安餐廳，簡直係味蕾上嘅樂園！首先係印式椒鹽豬扒煎蛋飯，嗰個蛋滑到出晒界，豬扒又脆又香，咖哩香味濃郁，整體搭配食落超級過癮。而家仲想再嘆多口呀！之後隻眼見到隔籬枱嘅梅菜扣肉飯，揼鼻都唔使諗，即刻叫咗份。真係諗起都仲流口水🤤，扣肉肥瘦得宜，肉感滑嫩，梅菜香味厚道，啖啖肉配飯，真係想話你知食到我心入面！飲品嗰邊，我哥佬何華田嘅選擇簡直冇得輸。熱辣辣嘅奶，甜美滋味，絕對係飽餐一頓後嘅完美收尾。最後講返轉頭，華安呢度，除咗味道正，位置方便，我仲好欣賞佢哋份量夠充實，價錢公道。忙碌嘅都市生活中，能夠搵到咁樣嘅美食小憩站實在係太好呀！下次見到我仲係呢度吃嘢，千祈唔好奇怪呀！👍🍳🍚

不起眼的茶記，周邊都係五金鋪車房，但以前site visit 經過附近都好喜歡食呢度個咖喱腩飯同埋梅菜扣肉飯。今次附近做野帶小師妹過黎試下，佢見有ABC粉呆一呆，原來佢唔知咩係ABC粉所以想試試，我就簡單叫個滑蛋叉燒飯+熱黑啡 $58。早晨全餐 大大份師妹都食唔晒（2大塊麥包+煎蛋+煎雞扒+濃湯雞絲ABC粉+熱黑啡）11：00前 $40 / 11：00後 $58味道可以重點大大份性價比高，舊茶記食嘅就係人情味同埋個環境吧！

華安餐廳坐落於牛頭角巷弄裡，附近有機舖有唐樓有教會有五金，晚上少人經過，出入要留意。華安餐廳在區內算有名，餐廳亦不只為工業區嘅人服務，早市午市都滿座，晚市易搵位。今日第一次叫麥皮餐，無糖麥皮加甜奶、奶油多、炒蛋同凍奶茶走甜。坐咗半個鐘，因為太多人等位所以走先，下次再幫襯。

呢間餐廳係同事介紹今朝收工特登過嚟其實佢個鋪面好細而且縮咗入橫街初頭以為成條街都係整車唔會發覺佢嘅存在去到門口發現有成10幾人企喺度我哋諗應該都唔差等咗陣入到去開始點餐我叫呢個餐有煎雞扒同洋蔥炒蛋個雞排好出色 醃料味道啱啱好熱辣辣即刻拎出嚟最正係個洋蔥炒蛋平時好少喺茶餐廳食到呢個水準蛋滑得來有洋蔥甜甜嘅香味非常出色 所以明白點解咁多人排隊嚟食個一丁麵就煮得冇乜話太過特別普通茶記一定水準 都夠彈牙至於我同事食呢個茄牛燴意個賣相都好出色 不過味道我就無試下次來會親身試試其實而家茶餐廳嘅食物質素有咁好真係好少見 你預佢做街坊生意環境唔會太舒適 坐得太好服務又未必太好但係呢啲就係情懷嘢嘢食好食已經超晒班唔怪得知有咁多人排隊最重要因為價錢好抵食真係會一得閒就過嚟幫襯

近幾年觀塘區都變化好大 舊式餐廳已經買少見少係OpenRice找尋到牛頭角一間舊式茶餐廳-華安於是心血來潮食個早餐 餐廳地址環境其實唔太起眼 地方雖然狹小 但人潮其實都多入到店內見到餐牌 款式選擇比現在冰室有點不同 第一眼就被字母粉吸引左🤣 而且多士可以選擇類型跟手點了招牌雞翼+煎蛋+奶油多+回鍋肉碎字母粉配奶茶先講塊多士烘得唔算話脆 但牛油煉奶搽得夠均勻招牌雞翼望落好普通樣 似係孜然加7味粉，但食落種味道我從未食過幾特別辣味 同埋外脆內軟值得大家一試字母粉黎既時候 呆左呆 見咁細碗既～ 但其實係夠填飽肚 字母粉睇落幾得意 口感就唔係平時食通粉感覺 比較軟身 配埋肉碎真係食到罐頭果種荀味杯奶茶就反而失色 茶味唔重 溝水比例多啲不過整體唔差 可以體驗到一種人情味

轉左喺牛頭角返工之後，成日會喺附近捐窿捐罅試新餐廳😎「華安」可以話係我最喜愛既三甲之一👍🏻雖然坐得迫左啲，但平靚正，重要有失傳已久既字！母！粉！😍😍😍午市12點左右去到啱啱好有位，過一陣就好多人排長龍啦～一張圓枱要坐6個人，真係肩拼肩咁😓Lunch set有固定7個，有2個仲送一碟油菜，好抵👍🏻我鍾意食菜，所以多數都㨂鹹蛋肉餅飯/櫻花蝦蒸水蛋飯😋份量大大份，熱飲同凍飲一樣大杯😳都幾好😄叉燒蛋飯都好大碟，好新鮮熱辣，感覺係3-4隻蛋加一大堆叉燒，一啲都唔孤寒，足料好味！海南雞飯仲會送一碗湯🤣啲雞都幾靚仔，唔會全部都係碎骨😵PS 間唔時都會嚟食常餐，字母粉好得意，雞湯好濃，而且嗰塊包仲可以揀麥包，健康之選～(˶‾᷄ ⁻̫ ‾᷅˵)喺附近返工嘅人不妨試吓！☺️✌🏻

11點前早餐時段平$12❗️抵食好多難怪平日11點前都滿座。食物比一般茶記選擇多，仲有麥包揀，早餐價錢真係性價比高，大大份而且質素好唔錯！早晨全餐 $38牛油多士(可轉麥包🤩其實麥包係吸引我來試的原因😆)、餐肉、香煎雞扒、濃湯雞絲通粉、熱奶茶。咁豐富的早餐咁的價錢真係冇得輸。雞扒勁入味又juicy完全唔乾好出色，濃湯通粉好好味，湯底香濃得來又唔會太重忌廉，有大量雞絲。麥包厚身超大塊亦烘得夠脆。好滿意性價比亦好高的早餐👍🏻歐陸早餐 $40香煎牛脷、牛油多士(都係轉麥包)、茄汁焗豆、炒蛋、脆薯餅、熱奶茶。煎牛脷好少會係早餐出現，估唔到有咁大塊，超慷慨的份量，牛脷煎得啱啱好，帶爽唔韌。難得有茄汁焗豆正，炒蛋香滑非常唔錯下次試佢個洋蔥炒蛋😏薯餅是M記低鹽版😂唯一係奶茶唔夠熱。

最近返工有時會唔食早餐唔食午餐直接食個brunch，貪呢個時段少人啲食得舒服啲😅發掘到呢間幾多人推介有啲歷史既茶餐廳，座位唔多，十點幾去到之後愈來愈多客～我叫左個滋味茶餐 (早餐時段$38) 鮮茄豬潤通粉扣底，跟半片麥包厚多士走牛油加花生醬，煎全熟蛋同午餐肉，熱檸水鮮茄個湯底比較清淡，味道幾家常，豬潤唔算好爽但都ok，感覺無乜落梳打粉👍通粉煮得岩岩好唔會太淋～厚多士可以揀白包，麥包或者甜包，原本係跟一片既，但一定會超飽所以我要求只要半片😅加左$1要花生醬，好重手兼搽得好均勻😍好少茶餐廳會搽得咁認真，真心讚！👍👍👍午餐肉算係厚切，煎得幾靚而且唔會太油膩😊全熟蛋就正常～整體黎講係幾有誠意幾認真而偏向少少家常味道既茶餐廳，感覺唔錯，應該會再黎👍

又同兩個吱吱渣渣嘅同事出去食飯難得我聽日放假所以今日下晝食餐好佢哋提議行遠啲食呢間好耐冇食過嘅見到冇人排隊都覺得好驚訝呢間餐廳都好耐冇嚟今日我揀咗個雜扒飯但係我冇諗過佢入邊有雞扒豬扒但係牛係變咗牛脷🙈🙈其實我就有啲驚牛脷嘅所以係咁易切咗一忽食咗而雞扒比豬扒好食😋仲有呢個茄汁係真係有啲茄蓉喺入邊👍🏻加埋隻流心蛋都唔錯另外嗰兩位同事每次嚟都好似食呢個炸魚片頭，呢個炸魚片頭又的確係幾好味我今日都可以食到兩舊yo🤟🏻不過我覺得撈麵就比較肥🙈所以我揀咗雜扒

牛頭角係典型嘅工廠區👨🏻‍🔧🛠幾乎無商場咁濟(最近都要行去APM/德福)🛍，就連餐廳都唔算多～而最近比我發現到間👇🏻茶記☕華安餐廳！佢就喺定富街嗰邊(牛頭角站B4出口直行)，前後左右都係車行🚘，所以呢間應該都係佢地嘅「飯堂」之一😆👆🏻睇門面嘅餐牌都知開咗幾耐下😹👇🏻左右兩邊係廚師同人氣推介👍🏻不過想嚟食嘅記住留意時間，因為佢開到下午三點～👇🏻餐廳入面乾乾淨淨，有齊酒精搓手液同隔板👍🏻👆🏻附近打工仔可以打電話落order😹有九折！👆🏻早餐，當茶餐咁食都得👇🏻👇🏻只不過茶餐貴啲咁解😹有大路嘅湯粉炒麵、西式早餐等等～而11點後就會有午餐～👇🏻👆🏻主要有飯🥘，亦都會有通粉、三文治嗰啲🥪咖哩飯、梅菜扣肉、印式椒鹽豬扒、鮮油多都係佢地嘅招牌😻👇🏻呢次就先試咗🐷古法梅菜扣肉飯🍚呢個係華安系列，包埋熱飲☕👆🏻佢個賣相已經好吸引😹好少見到用砵仔裝住！啱晒打卡😹梅菜鋪滿面，甜甜地，食落爽口唔會一pat～而扣肉有五大舊🐷👇🏻 份量嚟講其實算多啦～而且蒸得幾淋幾軟熟，肥肉部分唔太油，瘦肉部分唔會柴👍🏻配埋梅菜就甜甜鹹鹹咁，好開胃😆食完一定滿足～雖然梅菜扣肉真係好邪惡，但間唔中食下都唔錯啊！呢個男仔食就夠，女仔