華星冰室 (筲箕灣東大街)

營業中

休息中

第一次試華星，知道多人食，所以都預左要排隊。去到門口，可能已經去到四五點的時間，所以人龍不算太長。排了約15分鐘左右，便可以進餐廳內進食。茶餐廳必點 - 奶茶，奶茶喝上來很順滑，完全沒有苦澀的感覺，茶及奶的分配十分之好。碟及茶杯上都印有華星的名字， 獨一無二，果然係用心做好每一杯奶茶。炸雞髀及薯條，簡直係小朋友，大人，老人家最愛。店員還親切地送上全新的茄汁。除了有好味嘅嘢食，華星內的店員也10分親切，要碗有碗，要水有水，笑容可掬。

我真係好喜歡食華星嘅炒蛋同埋飲佢哋嘅奶茶，當睇到佢哋寫上「用心做好炒蛋和奶茶」，我真係好同意呢句說話。我真係想用一句對白講：佢嘅炒蛋真係好味到「跌渣」。我也存着好奇，叫了一份黑松露多士，果然冇令我失望，香濃嘅黑松露味，鬆脆嘅多士，吃起來真有令我不能停口的感覺。

是晚放工孤伶伶，要食個quick dinner,入咗華星冰室點個快餐算啦！入面門可羅雀，看下餐牌，唔知有咩好食，叫咗個猪扒番茄燴意粉。上菜快捷到令人驚訝！服務就唔好奢求太多，大致上都ok嘅！講番D食物，猪扒用鬆肉粉揦過，有少少異味。個意粉唔够咸，因此亦突出唔到個酸味。番茄醬落得唔够，配唔上番茄燴意粉個名，只可勉強稱之為茄汁意粉而已！可取之處係食物分量大，可以飽肚，因為無乜服務，所以亦無收加一服務費，算係幾公道㗎啦！

星期日約左人係筲箕灣街坊戲院睇戲，睇戲之前去相距唔遠嘅華星冰室食個靚brunch醒一醒神😋我地大概11:30到達冰室，呢個時間仲未開始有人潮，未需要排隊等位。等我地食完出餐廳，門外就出現左長長嘅人龍，華星冰室果然係名聲在外👍🏻黎到華星，就緊係要食最出名嘅常餐啦！侍應落單上菜非常之快，坐得五分鐘就有野食喇。呢到嘅炒蛋絕對係我食過最滑最好食嘅，份量亦都好夠，夾係三文治到食絕對係一流🤤湯意粉嘅叉燒收埋左係意粉下面，其實有好幾舊，幾足料，味道亦都相當唔錯。下次黎開呢頭睇戲不妨黎埋華星食返個靚常餐先😋

次次經過華星冰室都見到長長既人龍！所以成日都因為條人龍而止步🤨但其實佢好快就會有位 啲人食同走得好快 等15分鐘就有位啦😁早餐冇得揀既 一定係火腿通粉 炒蛋多士 但可以轉意粉同蛋治😋華星得一個餐可以吸到咁多客應該係因為佢個湯底好濃 通粉亦唔會淋哂咁 幾硬身💕我每次都叫華田 真係好濃味🤪🤪佢既炒蛋都係出名滑身 而且又唔會散開 可能佢加左啲牛奶令佢更加綿密😛整個餐其實都只係38蚊就有咁多野食 通常早餐食一個蛋治已經夠哂 但呢度重有通粉同野飲 正👍🏻👍🏻

電車遊至總站筲箕灣，下車踱步前行，走到東大街，敵不過炎夏，又正值下午茶時段。環看附近地鋪，鮮明墨綠色標誌，非常搶眼。往上牌面看，華星冰室，也好久沒嚐一個港式下午茶了，便拉門進歇一歇。牆邊兩排卡位，統統滿座，走到中間的玻璃台，二人相對而坐。密密的佈置，四壁掛上明星簽名板、簽名演唱會海報、懷舊本土手工畫數幅，食盡風味。下午茶6 個set，揀雙拼一丁麵、炸雞脾配薯條餐，跟凍、熱奶茶各一杯。伙記快手落完單，跟手擺低餐具、番茄汁。茶記一貫速度，不用5分鐘兩杯奶茶速速送上。熱奶茶香濃茶味、很滑，少少回甘，味道香醇；凍奶茶的，則層次更鮮明，果然始終茶記先飲到呢種感覺。雙拼叉燒煎蛋撈丁，不過不失，一丁麵和暖的，不燙口。炸脾薯條，雖油炸，但剩留脾上的油不多；外層脆口，零肥膏。薯條一樣，微油感，沾上茄汁，一條又一條，清晒。不錯的一餐tea 。

天啊凍凍地，又唔想食飯，當然嚟茶記啦。嚟份常餐，識叫一定要叫炒蛋啦，炒得好滑、好香，加埋件厚多士，份量十足。仲有碗通粉跟埋，我次次都一定要鮮牛通，因為不另收費，咁凍天氣，我會推薦飲田酒囉，如何煉奶唔夠，仲可以問佢再加！食哂個餐都不知幾暖！

因EASON大力推荐而名声在外的一家冰室，据说老板是华星唱片的人，所以店内常有明星光顾。2015年经过旺角店的时候，门口排着长龙，直接pass；这次没有选择湾仔店，也是想躲避可能出现的排队情况，因为湾仔店靠近英皇娱乐，貌似人气更胜旺角店。然而，本想着不热门的筲箕湾店，也基本客满，好在偶是一个人，所以被安排在了靠近厨房的桌子，OKOK，有位子就可以了华星醒目的白底黑字招牌，很好认，餐牌都是压在桌上的玻璃板下，选择太多容易犯纠结症，而且，本人胃口实在有限，本着吃到特色又管饱的宗旨，最后点单如下：炒蛋多士干炒意面（单拼-叉烧）热柠乐最终的结果是，饱到喉咙口招牌的炒蛋多士呢，果然名不虛傳，好嫩的炒蛋啊，个人感觉比澳牛的更赞！再来说一说这杯热柠乐，印象中在香港很少点热饮，没想到意外的好喝，热可乐少了甜味加上柠檬溢出的淡淡酸味，口感甚佳最后不得不提，店里的音乐，不停播的经典粤语歌曲，店员们都在不自觉地跟着哼，我能说我也是吗？这种怀旧的FEEL好正点

對華星冰室既印象就係記得佢係一間明星冰室，不過從來都未試過去食佢既嘢，咁啱係筲箕灣同朋友一齊等緊人，有啲時間之下就決定去試下。星期六晏晝一點幾，見到門口都唔少人，都要等7 8個人，都有啲卻步，不過行近啲就見到條龍都郁得幾快，咁就決定等埋佢。入到去坐發現好多都係年輕既一家大細，睇嚟大家都係住呢度既街坊或者去附近郊遊既人。呢度同X牛一樣，一樣要搭枱同每個人都係食常餐，所以都跟風要左個常餐。常餐係包一個叉燒意粉(轉左做通粉)、牛油多士、火腿煎蛋(轉左炒蛋)同嘢飲。叉燒通粉既話其實都只係見到兩三舊叉燒仔沉左係底，料唔係太足，味道都係正正常常。而火腿炒蛋既蛋都係較滑，呢個唔錯，但係如果要同_牛比較，個人會認為_牛既滑蛋會更重奶味同再滑啲。而牛油多士唔會太脆，牛油味足，包都較厚，大路味道。總括嚟講，佢既常餐係正正常常，但係如果下次再要排咁長條隊既情況之下，我諗我會選擇其他茶記。

位於筲箕灣東大街的餐廳非常多，一到午飯時間人頭湧湧，餐廳再多也消化不了人潮，今天我到了這條街的華星餐廳吃午餐，一入去已有很多人坐著，我看了一陣間餐牌，便叫了這個常餐，有火腿煎蛋、牛油多士、叉燒通粉及一杯飲品，盛惠$40元，整體上觀感不錯，只是稍嫌火腿好像沒有煎過，好像剛從罐頭取出來一樣，而煎蛋不會煎太好燶，夠香滑，牛油多士夠香口，有很香的牛油香味，叉燒通粉亦不錯，不會煮得太淋，但係叉燒至得兩片，略嫌孤寒。減低了好印象。

我在東區有一心水選擇，這就是筲箕灣的華星。但是不是每一間華星分店都是我心水，甚至近年已經很少去其他華星，只去筲箕灣的那一間。今日約了客到柴灣開會，襯尚有半小時時間，即刻揸架車掟個靚灣落筲箕灣，偷偷地食個早餐😋早上九時許，全餐廳都很滿，好在不用排隊，但都要撘位。一坐下侍應便迅速過來落單，我也配合地點了個早餐加奶茶(我是咖啡愛好者，但真的不太喜愛華星的咖啡)，不用兩分鐘通粉已上🌪，撘枱滿4個坐位，我也曾擔心我點的多士炒蛋與奶茶到時，會沒有位子放。我約用5分鐘吃下火腿通粉，再不用一分鐘，多士與炒蛋便已上到，時間配合得啱啱好，效率一流👍愛上筲箕灣華星冰室其一是效率，其二是華星是賣普通冰室貨色，什麼地方也能食到，但是越是普通的貨色便越難做得突出。通粉的湯夠雞味夠濃，通粉索了湯好味道，炒蛋夠滑夠味，多士夠脆又唔燶，還有濃濃的牛油味，奶茶又夠紅茶味又滑，每一樣上得枱的都做得出色👍服務當然是沒有，但至少不會像澳洲牛奶公司般伙記會鬧客。我完成一個美味滿足的早餐只是15分鐘，這樣就能為我當日繁忙的工作打打氣，醫飽個肚從新上路，好👍🏻Well done ✅

若干時間沒有來，是日下午見無需排隊就同老公入去食個茶餐，發覺食物質素下降了，包括通粉及意粉都煮得過稔，奶茶又差了。望望廚房，點解由從前的全男班變為全女班，仲似乎係從內地來港咁！或許此轉陣已有一段時間吧！希望眾老闆能夠keep回食物質素！

Christy cafe restaurant is mainly famous because of the celebrities and is one of my favourite restaurants, it has really delicious food and it is really cheap.Begining from 2 years ago I have started eating the restaurant for breakfast. This restaurant is really close to my home, so I can go there every Sunday.The service is good, and the staff work really fast, the food is served about 90 seconds after you order(I timed it). There are some photos of celebrities hanged on the wall, and a lot of

唔好睇佢好似好平常咁，同其他冰室同茶餐廳一樣啊！其實佢同其他唔太一樣嫁！就好似個常餐咁，係必食嫁！最精粹係佢嘅厚多士同炒蛋啊🤤佢個蛋有好重嘅奶味！同其他好唔一樣嫁！連我唔鍾意食蛋都覺得好味！個通粉嘅湯底唔似其他茶餐廳嘅味精湯，係一個好濃郁嘅湯底

個人好鍾意食常餐，叉燒通粉熱奶茶都係我嘅至愛華星呢我就試過兩間特別喜歡筲箕灣嘅呢一間，耐唔耐就會特登黎食。除咗常餐我仲會推介佢嘅番茄會意粉不過今次就冇食啦餐廳入邊有好多演唱會嘅poster，有次喺度見過老闆EO2eddie呢度坐得舒服，厚多士夠厚夠軟，通粉軟硬度適中，炒蛋有好大牛油嘅香味又唔會散通常餐肉我會將去擺通粉上面一齊食，叉燒半肥瘦啱啱好！抄蛋呢就一半就咁食一般放喺厚多士上面食同行友人嘅餐蛋米，分量超多的