華苑潮州餐廳 (已結業)

睇到報章評價什高，所以到華苑食晚餐，去到點左個招牌蠔餅，成為$108，蠔餅入面D粉仲一舊舊，質感好差，但蠔仔都算新鮮。另外叫左個鵝片拼鵝腸$288，鵝片切得好細塊，食唔出鹵水鵝的味道，而且又乾同柴的口感，全碟只得7小塊鵝片。鹵水蛋完全沒味，失敗。服務員自己落錯單，仲要話我們講得唔清楚，一定唔會再幫襯!

在iSquare睇完戲食飯，突然好想打冷就黎到華苑試試，由iSquare行過去約1分鐘，很方便 ～之前在open rice 見到這裡的普寧豆腐已好想試～ 😋 真係好味，新鮮炸起，好有豆香。值得讚既係佢地個滷水鵝肝😵好入味，又唔會覺得好漏。平時食煎鵝肝食一塊同size已覺得肥膩，但滷水版本真係食多幾舊都覺得好正😂至於蠔餅就多粉左d，蠔又太細粒。另外叫左分雙拼河粉，牛丸好彈牙又juicy，魚蛋冇乜特別，下次可以叫碗淨牛丸 🤤

今日同一班同係潮洲人既朋友食晚飯，好耐冇食家鄉美食，格外興奮水瓜烙 ($98)- 烙係潮州食品既特色之一，有D似平時酒樓食到既煎薄罉，木薯粉+蛋漿做餅底，加上潮洲本身屬食材豐富既地方，會加入蠔或水瓜等食材做主體，再加上蔥、菜甫等香料，有煙韌既粉層、香料既口味襯托，同主食材水瓜本身既淡淡清香，係個好好既餐前薄餅，配搭魚露，鹹鹹鮮鮮更惹味牛丸紫菜湯 (忘記價錢)- 友人極力推介必食之選的確係必食中既必食，牛丸一咬之下有爆漿，牛肉味同爆漿既衝擊下，定格咗半秒，牛肉味非常特出，而且粒丸好彈牙，係我食過最好食既牛丸！鵝片拼鵝腸 - 鵝片OK，鵝腸肥美，滷水入味，有"口趙"口而唔會太韌，滷水味同鵝油脂既香混合出一種難以形容既人間美味豉油蔥花煎普寧豆腐 - 都係第一次食咁簡單口味既餸，果然豆味係香蔥豉油下更突出。檸檬蒸烏頭 - 潮洲人喜歡食魚，甚至可以用魚代替飯，將魚蒸熟再攤凍，除咗方便，凍食反而更鮮甜同食到魚香。雖然今次既烏頭鮮甜度一般，但配埋普寧豆醬+辣醬，都別有另一風味酥炸蝦棗 - 潮州餸中原汁原味既蝦丸，用真·蝦肉+爽口既馬蹄打成丸，外層沾粉炸成金黃色脆皮，即炸即食係最好食糖醋麵 - 將幼麵

父親節在尖沙咀找地方吃飯，本來都想著沒訂位沒位置，老闆人很好的安排了一個位置。還介紹了好吃的鴨醃製很入味，椒鹽瀨尿蝦稍微比較多膏，個人是喜歡多肉的，不過味道還是不錯。粥的話料也很足。*服務員態度很親切，好評

尖沙咀隱世潮菜館，位於國際廣場後面，7-11樓上的餐館，店面面積不大，裝修很有80年代的味道。店內有位上了年紀的老侍應，推介了幾道菜，鹵水拼盤，生醃蟹仔，潮州蚝烙，豆醬半煎煮黃花，芋卷普寧豆腐！先說生醃蟹仔吧，很久前到潮汕旅行吃過一次，之後回到香港找了很久都沒有地方可以吃，今次竟然可以吃到「生醃蟹仔」👍🏻，味道和汕頭一樣依舊1鮮味一試難忘，很有潮汕的味道，配上一碗白粥簡直是人間美味😋，極力推薦！另外是「蚝烙」，平時經常都吃到，但這裏的蚝仔份外大隻，更湯匙一樣🤩大很少見，蚝仔分量十足，啖啖蚝，爽！另外值得推介的是華苑這裏有很多很多潮州的地道小食，今天因為我們人數不多，只能叫其中2種，芋卷拼普寧豆腐。「普寧豆腐」外層是脆，內裡是滑身，配上特製的汁料，芋卷也香口，有芋香和咸肉。香港真的很難有店舖可以吃到這麼多種的傳統潮州味。難怪有那麼多明星光顧，因店舖面積不大，位置有限。原本七點多到，已沒有位置要差不多九點才能入座，親愛的老侍應告訴我，下次一定要先訂位

難食指數👎🏻👎🏻👎🏻永無下次！蠔餅-粉多過蠔啲粉仲要係硬掘掘一舊舊👎🏻👎🏻蝦棗好重雪藏味！無味無道👎🏻👎🏻👎🏻芋卷又乾又係硬掘掘無味無道👎🏻👎🏻👎🏻咁簡單既韭菜粿居然又係硬掘掘煎過籠皮一咬落去滿口油🤮🤮🤮鵝片鵝腸正常！欖菜肉碎四季豆正常！椒鹽九肚魚炸得唔夠透賣相其差！服務非常極之差！如果去大排檔呢啲服務係無問題！但您收得呢個價錢唔應該咁囉！環境差無冷氣！風都無一滴非常之焗！邊食邊流汗！厠所非常狹窄！好難轉身先閂倒門仲話係正宗潮州菜🤮🤮🤮相比九龍城創發簡直差天共地！

平時食潮州菜會去銅鑼灣新光，個日係尖沙咀超想打冷，其實間野唔錯喎真係，不過我依然覺得新光更好味。醃司蚶好鬼鮮甜，粒粒都洗得好乾淨無任何沙，個汁咸咸辣辣好惹味，食到停唔到口。炒魚麵就一般，唔係唔好味，而係佢個魚麵好似係一大舊魚片中切一條條出黎咁。同我心目中有d唔同。我個人超級鍾意食芋茸香酥鴨，呢間都唔錯，不過我覺得芋茸略嫌多左，遮左鴨嘅香。我地仲叫左鹵水鵝片拼鵝腸，碟野頗貴，不過2個女仔想2樣都食，焗叫啦，味道都唔錯，記得問佢地攞辣椒油，點左更出色！

位於尖沙咀樂道的華苑潮州會所，港式餐廳設計，當中部份座位加上小屏風間隔，店員親切友善，店主是潮汕人，傾談間提供不少飲食貼士，店中大部分材料都是從汕頭運來，菜式更地道。早利亞近期前後來了兩次，同大家介紹當中我喜愛的菜式。 先來蝦棗，蝦膠彈牙，加入馬蹄爽口，芋棗其實係芋頭卷切片煎香，坊間比較少做，芋頭味道香濃。潮州食店一定要點鹵水拼盤，鵝片肉多肥少，鹵水入味，鵝味濃郁 ，鹵鵝肝入口呈半溶狀態，幼滑柔潤又不覺油膩飽滯，口感細緻。近廚房位置擺放了不同海鮮，今天除了新鮮珠蠔外，還有紐西蘭刀背蜆，用潮州做法，冬菜金不換炒蜆，鮮甜惹味。古法燻鴨，用甘蔗作為煙燻的燃料，皮爽肉嫩，肉質帶甜，蒸起煙燻味濃郁，香氣撲鼻。 蠔爽及蠔烙各有特色，蠔烙比較香口。走地雞皮薄肉質結實，配上特色醬汁，蔥及芫茜蓉，又非常配合。冬瓜菜甫排骨蟹湯鮮甜無比，推介呀。新鮮茨實百合煲是必點的，材料都是從汕頭運到，坊間少有，最好預訂，我第二次到訪就碰到售罄的情況。 鹵水豬手也值得推介，主要在於豬手夠腍滑肥美，懂得採購靚食材絕對有影響。糖醋麵其實好考功夫，若果可以再乾身一點更好，吃時可灑上糖及醮醋。

與同事飯聚，打算吃中菜，在尖沙咀誤打誤撞來到這間潮州菜館。這間潮州菜館賣的是正宗的潮州菜，當中不乏一些比較特別的菜式。店內環境比一般地舖較為寬敞，侍應雖然是年紀較大的叔叔，但都很有禮貌，並且會為食客推介菜式。看著牆上的餐牌及相片，選擇困難症又發作。經過叔叔一輪介紹後，便點了鹵水鵝肝、凍蟹、炸大腸、蘿蔔絲烙、春菜排骨煲、雙丸湯及反砂芋。最出色的是鹵水鵝肝，一般西式的做法是煎香或打成醬配上多士，吃起來雖然香口但很油膩，這裡的做法則非常中式，大大塊的鵝肝鹵得十分入味，而且一點也不膩口，可以多吃幾塊。炸大腸亦做得十分出色，腸中間包著大蔥，香口之餘口感更覺豐富。蘿蔔絲烙本身是水瓜烙，但當天沒有水瓜便換上蘿蔔絲。當造的蘿蔔絲很清甜，做出來的蘿蔔絲烙比水瓜烙味道更有層次，更好吃。反砂芋亦是另一款手工菜式，冬天的芋頭又香又粉，配上砂糖的外皮令芋頭感覺上沒那麼飽滯。凍蟹、春菜排骨煲及雙丸湯都是水準之作。

由於媽媽同朋友睇完戲，於是放工就過尖沙咀，我地食完甜品先去食正餐！係openrice 搜尋一輪，見到呢間老字號潮州菜（主要係夠近）上到去已經接近滿坐，剛好門口有張4人枱，坐底後睇餐牌，見好多菜式都寫必食或推介，我地當然抱住一個信字，隨便叫左5道菜必食蠔仔粥.....忘記影相😅，啲蠔仔吾算太大，不過飽滿，又無沙，好有蠔味，當我地叫既時候，諗緊叫例牌定中size,伙計好好人就話4個人叫例牌就夠啦！跟住第二味就叫佢地既必食走地雞好耐無食過甘有雞味既雞，由於係走地所以無咩脂肪，就算隻雞係凍既都無一舊舊凍糕，啲肉都好嫩，重有個綠色醬好香添再黎叫左個炒魚麵😋好彈牙，無魚腥味，味道較淡。第四道就叫左個攬菜肉碎炒四季豆三個字，好惹味👍🏽最後就叫左個水瓜烙第一次食，幾得意，朋友仔話呢間整得吾夠煙un, 口感幾得意主菜食完，大家留左啲肚食甜品，睇餐牌見到有個甜品名叫鼠殻粿，仲要又係寫必食，本來想叫兩個，驚食吾晒同埋仲有甜品想試，最終叫左一個入面係綠豆蓉，熱辣辣，幾特別最後再叫左個烏豆水晶包因為係烏豆容，所以吾太甜，試過就算！除左食物味道質素好，員工服務態度都值得一提，我地食完主菜，等緊甜品既時候，盡管不斷

今日同屋企人慶祝生日 就去咗華宛潮州餐廳度食正宗潮州打冷😋我哋叫咗一份炸蠔餅，蝦棗拼芋卷，蔥花煎豆腐，馬友蒸魚，糖醋麵同埋蠔仔粥 質素好好👍🏻炸蠔餅炸得好鬆脆 而且仲係用薯粉炸 蠔仔嘅味道亦都好突出 而且蠔嘅數量亦都好足 值得推介😋😋佢嘅蝦棗拼芋卷亦都好好食 芋卷嘅芋頭唔係好粉 可以食到粒粒嘅芋頭 蝦棗嘅蝦味亦都好突出 配埋酸辣醬味道更佳佢嘅蔥花煎豆腐好有鑊氣 亦都唔會煎得太鹹 如果唔想食咁多炸嘢可以試吓呢一個佢嘅馬友蒸魚蒸得好滑 肉質亦都好軟熟 配埋佢嘅梅子汁 好有屋企嘅味道 值得一試佢嘅蠔仔粥都好推介 蠔嘅份量好多 幾乎每一羹都會有兩粒蠔糖醋麵都整得好好食 配埋糖同埋醋味道更一流 外脆內軟整體來講呢間作為打冷真心推介 服務亦都好好 份量十足 不過價錢可能就會貴少少 但佢嘅質素亦都值呢一個價

又同幾個uncle auntie 食飯是晚在尖沙嘴食晚飯西餐多數都唔係首選 比幾個選擇他們 最後揀了大都未試過的華苑我和其中一位姐姐例外未試過又未睇過open rice 班uncle auntie 意見絕無bias ！預先講左 唔係裝修高級的餐廳黎嫁！一入門口 oh～ 我鍾意，夠氣氛，這些格局先有好野食！等 都係他們講的點菜 一人揀一個 共5個菜uncle A 話好耐無食苦瓜 點了苦瓜排骨煲他們話好食 但我小朋友唔識欣賞中國苦瓜感覺夠晒苦和有d鹹酸菜味uncle B 見到廚房位出門有個 海產show desk 見到 瀨尿蝦好大隻 叫左椒鹽蝦2隻 時價100幾一隻 我敏感 試了一小塊 ok 肉爽 殼都好脆他們連d炸蒜都唔放過凍烏頭 時價 不是好油 肉好鬆軟蠔仔粥走地雞都好鮮味 d sauce幾特別 用幾種綠色香菜搞埋 （店員透露的秘方）最後食埋綠豆爽 不太甜 大家非常滿意最重要係 d 伙計熱情 和d uncle 可以吹下水tump得他們好開心

原來尖沙咀都有一問歷史悠久的上樓潮州打冷館~華苑講起打冷，一定唔少得鹵水拼盤、炸蠔餅、糖醋麵、反沙芋頭等等當中叫了的鹵水鵝肝拼鵝片做得很出色，鵝肝以鹵水煮過，入味又軟稔，慢慢在口中溶化，味道口感佳另外店主熱門推介的蝦棗拼芋卷都相當滋味，新鮮炸起，蝦膠打得很有口感，咬下去還覺得是蝦肉芋卷用上真材實料，芋頭味濃，幼滑的芋蓉，又炸得香脆惹味

華苑潮州菜館古舊式 老字號 樓上舖敬上一層樓 一點鐘到達午飯 客人唔多 地方簡陋 離島街市有招牌菜 鹵水鵝片一個糖醋麵反沙芋頭炸蠔餅普寧豆腐綠豆爽好失望 綠豆爽 因為變咗味退咗貨

逛過誠品後，沿著亞士厘道一直走，想在附近找家餐廳吃晚餐，逛著逛著越感肚餓，發現了樂道這家上樓的潮州餐館。餐廳似是以家族式經營，服務員都似是老伙計。餐廳頗為寬敞，我們兩位，服務員為我們安排了近窗的卡座。餐廳奉上的鐵觀音茶又滑又香，潮州人果然對茶特別講究。這家餐廳的菜式比一般潮州菜館的選擇更多，連烙都有好幾款，而我喜歡的芋茸菜色亦甚多變化。在花多眼亂的情況下，我倆最後決定反璞歸真，點了春菜牛丸湯和鵝片拼盤。牛丸非常爽口彈牙，春菜亦沒有像其他潮州餐館般煮得太久而能保持爽口。鵝片拼盤份量足，鹵水汁味道不錯， 不會太咸。海鮮類方面，平日吃潮州菜一般只吃大眼雞或烏頭，但這次餐廳向我們介紹了梅子蒸馬友。因為聽到店家強調他們潮州人就是愛吃這種魚，所以我們便決定一試。第一次吃到蒸馬友，魚骨很少，魚肉跟梅子醬汁配起來亦很不錯。起初想點一客蕃薯糖水，但店家跟我們說蕃薯糖水會等得較久，向我們推薦了薑薯糖水。薑薯我們還是第一次聽到，見店家極力推介，又說薑薯營養價值非常高，最後我們都點了一碗。本以為薑薯會跟蕃薯差不多，但原來薑薯是透明白色，而味道及口感有點像淮山，我倆一致覺得蕃薯糖水比這個好吃多了。以往經常路過樂