華苑餐廳

營業中

休息中

星期日放假係錦田行下揀左呢間餐廳食晚餐，真係後悔到要上黎睇吓啲評價。服務態度正常嘅，落單同送菜既職員都幾好我地2個人嗌左個蠔餅、黃金鮮魷同魚頭煲蠔餅-太多粉，炸得太乾燶，啲蠔細到搵唔到仲要落極少🫠黃金鮮魷-咸蛋黃外層做得幾好（岩我口味）但係入面個鮮魷切到好薄/細粒，我以為食緊齋咸蛋黃食唔出入面有野😑魚頭煲-魚唔新鮮，厚粉環境唔係好衛生，成餐飯都忙住趕蚊螆🤢總結：食剩好多（餓住黎餓住走）當日幸運值好低（咁多食肆揀左間劣既）直升機起飛（伏伏伏伏伏）要傳道俾身邊既人（不可一不可再）

收銀阿姐態度超劣。排骨炒麵裡嘅炒排骨好淋，似係水煑過咁，冇彈性，好難食，炒麵亦好淋，冇火喉，絕對唔值$60。外賣出來，收銀阿姐掛住自己响櫃檯唔知做乜，成5分钟先去包裝比客人。地方又汚糟。港人已經多上深圳飲食，這些餐廳同服務員仍然死性不改。持住錦田偏遠少競爭就一味放肆。我列為禁區。

叫左三個下午茶餐，埋單138。燒味下午茶，油雞份量大大碟，瀨粉又係好大碗，但確實味道略鹹，不過真係好食又大碟！炸雞脾夠晒脆，跟餐免費配紅豆冰。紅豆冰非常出色，紅豆好夠淋！肉絲炒麵，喺得茶餐廳先食到脆炸麵底，好味！

黎到錦田唔係咁熟路，見到間茶記都幾企理，有個小型停車塌响餐廳對面，最緊要佢有戶外位可以比狗狗坐。阿姐推介燒鵝靚，就信吓佢叫個例牌試，黃金鮮魷，再加個八珍豆腐煲(可惜無豬潤)。燒鵝果然係得，可以話好食過某間話食燒鵝一定要去嘅X記。

繁忙的日子總是要勞煩母親大人買外賣給我吃，而午餐我都一般比較喜歡吃粉麵，所以她便買了一碗叉燒米粉給我。叉燒米粉這碗叉燒米粉，不論是叉燒還是米粉的份量都相當多。另外，餐廳又將叉燒米粉和湯分別用了兩個外賣碗分開盛載，那叉燒不就會因長時浸在湯裏而令味道變淡，米粉亦不會因此而變腍，相當貼心! 米粉吃上去的確還有點煙靭度，口感不錯! 至於叉燒，大部份叉燒都屬於偏肥叉燒，所以吃上去口感相當鬆軟，肉味又非常濃郁，叉燒亦充滿蜜汁的香甜，真的不錯! 不過湯底的味精味實在太過濃郁，所以吃完這碗麵後難免會有口渴的感覺!其實今次吃到的叉燒米粉，不論是份量還是味道也真的不錯，但如能改善湯底的問題則更為理想!

餐廳位於錦田中心，有室外同室內嘅位置，馬路對面有一個細細地屬於餐廳嘅停車場，因為錦田中心泊車都唔算方便，所以呢個細細地嘅停車場，對餐廳嘅生意嚟，有一定嘅幫助。呢日一行二人就嚟到諗住食晏，餐牌其實都有好多選擇，不過我哋兩個人都係揀左“精選午餐”上邊嘅自選鹹蛋四寶飯，燒鴨、叉燒、紅腸拼鹹蛋，飲熱奶茶 ($45)，朋友就配凍咖啡 (+$3)。四寶飯望落都幾色彩繽紛，不過……首先，飯身本身偏硬，亦都冇醬汁；燒鴨味道ok，不過肉質都幾實；叉燒反而食落口感比望落軟身，但係太瘦。紅腸食得出係比一般凍肉舖買嘅再次一等嘅貨色，味道偏鹹，而且有碎軟骨。鹹蛋黃雖然個蛋黄都算大，但係感覺好乾，無咩鹹蛋味。呢碟飯一邊食一邊會覺得偏硬同乾，要一路飲嘢先至可以繼續。不過杯熱奶茶亦好一般，有茶色，不過唔夠茶味同奶味。而且呢度嘅侍應個個感覺好酷，唔係好想應你咁，所以食物同服務，都畀我一種乾同硬嘅感覺。

昨日在華苑晚飯，大約8:30pm入座，顧客不算多，但食品等候時間太不合理。兩大一小童，叫了梅菜蒸肉餅和XO醬脆肉瓜炒雞柳。伙記即時送上3碗熱粉葛湯，之後就等了差不多20分鐘才有XO醬脆肉瓜炒雞柳，但只是暖不夠熱，問伙記，原來係廚房等多幾份一齊炒，所以等咗咁耐。所以脆用瓜已經係太熟，唔脆口。叫了兩碗白飯，食住先。叫了伙記跟梅菜蒸肉餅，但都不斷叫我哋等。又再等多差不多20分鐘才有梅菜蒸肉餅。食品味道尚可，只是等候時間太不合理。

呢日氣溫高達34度，同老公揸車去左錦田市中心揾地方食Bunch, 最後揀左華苑餐廳因為呢間餐廳喺對面馬路有個細細地嘅私家停車場畀食客泊車嘛。餐牌上有好多食物選擇，但考慮到餐廳坐滿人的關係，為左減少等餐嘅時間，我老公同我最後都係揀左6款精選午餐中的自選咸蛋四寶飯($45)配熱檸茶(熱飲免費)。四寶中的紅腸同咸蛋都係餐廳選定嘅，我另外揀左燒肉同燒鵝。上菜速度好快，唔洗一陣已經送到。呢個四寶飯好有質素，燒肉係6嚿脆皮燒腩、燒鵝竟然係肥美嘅燒鵝脾，紅腸亦都好好味，飯量夠，仲有幾條菜芯，唯一少少美中不足係咸蛋好似醃得唔夠耐，顏色偏淺同味道偏淡，其他我都好滿意。檸檬茶亦唔錯。呢度有有得泊車，食物質素亦唔錯，價錢亦合理，我哋會再嚟幫襯！

錦田市都算有好多食市，但有提供泊車停車場嘅就唔係太多，呢間餐廳係其中一間，餐廳喺對面馬路有個約有七至八個車位嘅停車場方便食客。呢日本身都無諗住喺度食，不過揸車見呢個停車場有位，而錦田市本身喺好難揾停車位，見有得泊車，咁就一於喺度攪掂lunch啦！餐廳都算大，但入到去幾乎座無虛席。揀左個金針雲耳蒸滑鷄飯配熱奶茶($45), 餸同飯係分開上嘅，兩樣份量都好足。有好多件鷄，鷄食落都幾滑溜，調味都唔錯，美中不足係好似蒸得耐左少少，但係都算唔錯。個熱奶茶就好ok, 茶同奶嘅比例唔錯亦夠順滑，絕對配得起茶記港式奶茶嘅身份!

今天來到錦田市中心揾野食，適逢又是母親節度度都好多人，見到路邊間''華苑餐廳''有免費泊車，於是就去幫襯。叫左個常餐A($42)包括有猪扒公仔湯奶油猪你包配火腿奄列加杯凍咖啡(加$3)合共盛惠$45猪扒一般，無乜味，又乾身。公仔湯麵正常味道，無乜驚喜。好油猪仔包唔新鮮，包唔脆口。火腿奄列味道也可以凍咖啡唔錯，好夠咖啡味，花好份量又適中。總結，有得泊車又唔駛等位，只是等左10分鐘就有得食，簡簡單單又一餐，醫飽個肚就算了吧！

要喺錦田市中心食下午茶，其實選擇唔多。我同屋企人通常去華苑，因為佢地既食物質素一路都不過不失，另外亦比其他餐廳坐得舒服啲。雖然服務就一般喇，不過食左幾次，已經習慣左佢地既服務模式。今日同上兩次都一樣，叫左燒鴨瀨。下午茶黎講份量都算多。(之前試過叫雙拼，份量一樣但要加錢 ，叫雙拼就有啲中伏feel)燒鴨整得好味，肥瘦適中。層皮都脆口。依家好少地方食到瀨粉，佢地整既瀨粉口感好好，唔會咬落去好硬。飲埋杯熱鴛鴦，個餐$38。都ok抵食。

個場唔爆，想叫野食時，全場企左4，5個侍應都視而不見，即使系面前行過，亦會話唔得閒 轉頭先…剛開業時，呢間野各方面都好好，服務唔錯，食物都好好。即使下午茶既西炒飯、星洲米都又足料 炒得又香。而家實在大不如前…

已經不是第一次買華苑餐廳的外賣作午餐，但發現他們食物的質數總是時好時壞。雖然如此，為了放便再加上我有一陣子沒吃過他們的午餐，所以我還是選擇到這裡買外賣午餐來看看他們的食物質數是進步還是退步了。干炒雞絲意粉 $42香口的食物都總是份外吸引，所以我沒有多想便點了干炒雞絲意粉。點了餐後等了一會兒，他們便弄好了我的意粉。回家後一打開外賣盒，雞絲意粉香氣四溢，一嗅到這股香氣就知道鑊氣十足，同時令我食指大動。咬一口意粉，意粉出奇地富咬口，沒想到茶餐廳也可以做到這種質數，確實令我喜出望外! 再咬一口意粉嚐清楚它的味道，它的確有鑊氣而帶濃郁的豉油香又不過鹹，味道跟口感一樣出色。不幸的是整盒意粉都十分油膩，每吃一口意粉都吃得我滿口油，嚴重地破壞了出色的味道和口感所帶來的良好感覺。這種不良的感覺雖令我相當失望，但我還是對雞絲有所寄望，希望它能挽回點分數。雞絲的份量不算多，但當中也有些大如雞塊，老實說雞絲的份量和大小對於我來說已不是重點了，我更在乎它的味道。雞絲的味道令我徹底地失望，沒有雞肉味之餘，就連一點鹹味也沒有。油膩的意粉加上無味的雞絲，即使意粉的口感和味道再好，也沒法令我愛上它。凍檸茶 (跟餐加$3

錦田市沿路有各式唔到餐廳，有食小菜、印度菜、菜餐廳、酒家等等，話說今日入黎錦上路探個朋友，跟住有啲肚餓，所以我地就係附近揀左尼間餐廳黎食！係餐廳外面睇，裝修唔錯幾靚，而且設有室內室外既座位選擇，雖然今日天氣唔算熱，有啲涼風，但我地都選擇坐係室內，貪佢可以睇到電視正值午市時份，雖然餐廳未算滿座，但都接受八成爆滿，而我地都好快咁揀左我地想食啲咩！今次我選擇叫「椒鹽豬扒飯」，白飯份量十足，豬扒唔好睇佢好似好少咁，其實件件都好大件，味道十足，唔會太咸，不過就唔算熱辣辣，而且唔算太特別！

越來越難食都唔係問題，問題係班阿姐態度又差，好似欠左佢地咁，以前都有個經理算正常，依家果班阿姐塊面西到一個點。其實周圍好食嘅街坊店仲有好多，五月花、樂園同帶記都唔錯，所以一定唔會再幫襯。