華記士多 (已結業)

以往係筲箕灣返工，間中會幫襯呢間食店。佢既咖哩蛋包飯真係一流，炒飯底，加上流心一樣的蛋液，同出面既高級日式餐廳有得揮。但最重要是價錢親民，日日都可負擔到。今次老婆心掛掛想食，我地二話不說即時係屋企搭車出發。去到幸好不用等位，老婆選了咖哩蛋包飯，我選了咖哩芝士蛋包飯。咖哩芝士蛋包飯上台，見到如溶岩一樣的流心蛋液混合咖哩汁，心裡即時報以微微一笑。再往嘴裡送一口飯，咖哩的微香、流心蛋液的嫩滑、芝士的咸香、再加上炒飯底，簡直是夢幻組合。

間鋪頭而家變左收六點。仲記得之前夜晚有個「意大利飯」好好食，果日去到都唔見有：（今次就叫左個生招牌——蛋包飯。阿姐會問你「加唔加芝士呀？」分別就係咖哩芝士蛋包飯($40)而咖哩芝士蛋包飯($35)主要係個飯既中間（即係蛋同埋飯既中間有加到芝士）。因為都係五蚊之差，都試左個咖哩芝士蛋包飯。跟餐係送野飲，甘我就揀左檸汁。推薦大家飲檸汁因為酸酸甜甜味道好清新因為我都係一個好好食蛋既人。其實個蛋係整得好好，好鬼滑，再撈埋咖哩汁好正食的。個飯係炒飯或再加雞肉。雞肉既份量都多，但係比較凍同埋唔係甘嫰滑。如果有機會再食，我都會問可唔可以走肉：（飯我都覺得偏凍呀真係唔係甘食到火侯。不過因為個份量真係幾大份，只係收你40蚊仲想點丫

我是喜欢吃蛋包饭也喜欢吃咖喱的人 当见到蛋包饭和咖喱结合在一起简直就是欲罢不能 想要立马飞过去吃一次！！开心的是！真的一点都不失望！饭端上来的时候热腾腾的金灿灿的！给人有种深处中华小当家的感觉！吃一口！也是绝了啊！蛋很嫩很香淋上咖喱汁！就那个很舒服的感觉啊！不用嚼直接吞下去也没有问题～直接爆出一句哦一西！配上香香的酱油炒饭！我一个平时吃不了一碗饭的人整碟饭我都可以吃下肚子了诶！！反正就是还会再来第二次！

八月頭黎過，但嗰陣貼住張紙話放暑假九月頭先開，今次特登早啲去到，誓要試到呢間蛋包飯選擇不多 而且睇過蛋包飯係12點後先有，所以想試蛋包飯既記得留意下。店得4個位，其他位都係後巷，唔會有冷氣預住會熱。芝士咖喱蛋包飯蛋味唔算濃但都炒得幾滑，起碼用左兩三隻蛋。入面既飯加左雞肉同豉油炒過，咖哩汁既咖喱味好濃一d都唔辣，配上飯同蛋一齊食，好夾。唯一可以挑剔既 芝士加左係飯既中間位，頭尾都食唔到有芝士，中間d芝士已經溶唒，加埋一齊食感覺更邪惡份量真係好多，食左三份二已經好飽下。其他地方食個蛋包飯都要80蚊，相比下呢度真係好抵，而且真係又幾好食 係有小小熱，好彩今次去到即有位。40蚊甘大碟飯仲要包凍飲 CP值真係極高黎開附近又唔知去邊lunch，不妨試吓

8月果時已經好想食佢嘅蛋包飯，因為個個朋友食完都讚好👍👍。但早前華記員工要放暑假，所以今日先試到。全店只有3款食品選擇，仲要坐係橫街窄巷到食，但仍然有咁多fans丶咁爸畢。外賣一個咖喱蛋包飯$35連一杯飲品，勝價比高！打開盒飯已經睇到個蛋好厚身、好滑，係半熟juice炒蛋。切開個飯，雞肉同飯瀉出來，香味四溢！難得個飯係有味飯，粒粒分明又煙靭，相信唔係平價米。雞肉好嫩好滑，份量洽到好處。雖然咖喱汁係用市面買返黎嘅牌子，但同樣唔係平價貨，好有咖喱香味又有辣味。個飯嘅材料連工序都幾高成本，老闆真係好大誠意！

Located at a small corner easily missed, Wah Kei serves an above curry emu rice. Very mild in terms of the spiciness of the curry, the taste is pretty decent for hkd35. Slices of tender chicken meat can be found . Being a small eatery, there is no aircon sitting. There are only 2 small tables for indoor sittings.

巷仔士多餐廳的店面細細, 士多裡賣的是一份日式蛋包飯, 鋪面的滑嫩炒蛋邪惡滿分, Golden Curry咖哩磚配上量多的雞肉絲和港式的豉油炒飯底縱然只是現成的咖哩磚, 也不是新鮮雞肉絲, 但這個另類港日crossover的是日fusion頹飯, 味道很是不錯, 惹味又飽肚, 還有一個重要因素就是價錢夠貼地, 食得飽足的一頓飯, 連餐飲才要價$35 這樣的高CP值在港島很少有了👍🏻

堅好味既蛋包飯！對於蛋控既我黎講真係覺得好好味係香港從未食過咁既蛋包飯味 好正喔呢間係係太安樓既對面街既小巷地道小舖仔 成件事好有風味餐牌只係得兩樣 呢個咖哩蛋包飯($35)絕對係招牌d滑蛋係令到你瞬間食哂成碟飯d滑蛋真係好滑咖哩汁唔會太濃味 真係恰到好處入面d飯仲要唔係hea貨係炒飯底仲要係同好多雞肉粒炒成既有味豉油飯好快就爬哂成碟飯大大大大滿足！極推介大家去食呢個跟餐既熱奶茶都唔錯 好懷舊用鐵杯最緊要係真夠熱滿載而歸

華記，我記得我認識它是由一本雜誌的專欄中介紹。當年介紹這間小小的店舖是連openrice都未有資料，而且專欄沒有明確地址，到某天我想去的時間，是在西灣河附近行了一會，才在某條街的一個不起眼處找到它。當時點了餐蛋叮，一試難忘。到openrice有華記資料後我即時推介。無論工作還是居住都不在西灣河，來華記用饍真的是有放假或經過附近才過來吃。試過幾次都無失手。今天碰考在太古有事幹，便過來華記吃一個午饍，看看牆上午餐：有芝士咖喱蛋包飯，咖喱蛋包飯和鹵肉飯。咖喱蛋包飯之前已經食過，必是推介之一。今次不如就試一試新品：鹵肉飯。鹵肉是五花腩切細粒而成，配上濃郁的汁，不是死鹹，反而我覺得有少少甜味，很入味，配上熱飯，在三十度的高溫下進食，真是又熱又要食，食得十分滿足。35蚊午餐在2017年算是大部份午餐的中位數，但是美味便不是其他地方可比。

華記士多算係一間後巷舖，係佢未出名之前，我已經黎食。現時華記主力賣兩種碟頭飯，分別係咖哩蛋包飯同埋鹵肉飯。咖哩蛋包飯：如果要係西灣河食好食既蛋包飯，華記應該係無人能出其右。先講咖哩：係甜多辣少果種日式咖哩既味道，唔駛擔心食完辣標唒汗。蛋：呢碟飯既靈魂，口感介乎於炒蛋同煎蛋之間，口感尚算幼滑。大勝於坊間將隻蛋煎到老唒，嚡口又無味道。包飯：飯係用豉油炒過，有炒底既香氣，唔會過咸；此外，飯入面有啲雞扒肉係度，不過只係普通雪藏貨色，充當肉類填充物既角色。整體黎講係非常優秀，已經好過好多以日本美食作牌頭既店舖。鹵肉飯：相比蛋包飯，鹵肉飯更值得我推介。同招牌蛋包飯唔同，鹵肉飯遲啲可能會換成其他飯。（前身係泡菜豬頸肉飯，我估計老細係因為自家制泡菜用唒，所以轉賣鹵肉飯） 提起鹵肉飯，大家應該第一時間諗起台灣。作為台灣既平民美食，好多人都應該食過。不過，如果你係睇旅遊書或者係去台北旺區食的話，我相信你未食過真正地道既鹵肉飯。（新北區有間叫今大魯肉飯，食過你就知咩叫台灣本土風味） 番番黎香港華記先，點解要講埋台灣風味出黎呢？華記既鹵肉飯其貌不揚，就算你見到隔離檯點黎食，眼球都唔會被吸引而點黎食。但禾稈冚珍

朋友說這裏的蛋包飯很出色，特意過來一試，看外表確實十分吸引，蛋面塗上一層層厚厚咖哩汁，賣相已經不錯，蛋的生熟程度適中，入面飯中的是雞肉，評論蛋、咖哩汁，做得不錯，入面炒飯亦不過不失，要評的是那雪藏雞肉，可以加多點洒或胡椒，一吃進去那雪藏味就破壞了整個飯，當然如果改用鮮雞肉一定一流，不過退而求其次，雪雞也可以做得很好，另外份量對一個大男仕來看，應該只可以半飽，後記：門口可以泊二至三部車，當天綠色林寶堅尼就駕車來吃；如果夏天去只有二三張始曬唔到太陽，其他的曬死

前日同老公再黎幫襯華記既蛋包飯,聽到有人問"蛋包飯加唔加芝士?",我老公即時叫左一份芝士蛋包飯,而我就叫了一份蛋包飯.試了一啖老公的芝士蛋包飯,蛋包飯有芝士既鹹香味,好特別,唔錯.飲品方面,今日叫了凍檸茶.終於係呢間店比我搵到一杯正常既飲品了,great!

今天來到西灣河，友人帶我來到這間在橫街裡的小士多。我很喜歡這些小茶檔，因為都很有香港的味道。一坐下，呀姐就問我地食咩，我地話睇睇先，佢話只得2款揀，就是蛋包飯和魯肉飯。剛巧2款都是Kaka最愛，那就每人叫了一款。蛋包飯是配以咖哩汁，裡面是雞肉和像荷葉飯裡的飯，像是糯米飯但又不會太梗。配搭起來口感不錯，味道也很夾。蛋是滑滑的。雞肉也很嫩滑。魯肉飯也很出色，魯肉和肥肉比例剛好，汁也很香濃。飯去梗度也適中。好味！就是奶茶不夠出色，茶味不夠，但是食物搭夠食物都好底食，$35仲包飲品

是日去試傳說中的 【 Wah Kee Store 】 咖喱蛋包飯！$35蚊跟埋杯檸檬橙汁， 咖喱汁入口甜甜地 夠香 微微辣，蛋有蛋香又滑，中間既雞絲夠入味， 檸檬橙甜甜酸酸 好味！，下次再試埋個鹵肉飯

放工都已經6點半左右，行過西灣河附近，黎到呢間隱世美食華記士多。雖然佢裝潢好舊，日久失修咁，枱櫈都只係用摺枱同膠櫈，但食物卻意想不到地好。佢位置唔算好搵，特別夜晚黑，招牌冇燈，係一間賣零食舖頭隔離啲舖。座位主要得後巷位置，得好細樓面，大概放2張摺枱。餐牌得3樣可以選擇，飲品都係得幾款（如圖）。我一於試下最出名嘅咖哩蛋包飯。大概四，五分鐘，已經炒好左。蛋滑身，飯雖然未至於熱到出煙，暖嘅，但同外面層蛋好夾。外面滑身嘅蛋，內裡有咬口飯粒，食落有口感。咖哩汁未係我至愛，應該話個人偏好印度咖哩，比較辣。不過，咖哩都有日本咖哩款香味，冇影響我對整個飯的評價。講下飲品，檸水檸茶咖啡呢啲平時飲得多，見佢跟餐有橙汁揀，一定揀橙汁。橙汁中規中矩，果汁先生版加冰變成淡味版，檸檬冇作用，只作裝飾。橙汁平平無其，但當食蛋包飯時飲，卻顯得酸酸甜甜幾好味，同時襯托出蛋包飯有多突出。服務，因為得2個人，一個廚師先生一個水吧姐姐（做埋落單，收錢）。說不上有任何服務，但落單時語氣都有禮貌，以一般茶餐廳標準！🙇好食歸好食，但衛生就麻麻，杯碟有破爛。而且坐係後巷位置（樓面已坐滿），見住一間診所係後巷丟垃圾，寫單前又見到廚師先