華記小食店

營業中

休息中

今日第一次食，見到有唔少foodie內容大同小異既食評，一嚟就下D招牌食物：叫左河粉，牛膀，牛腩，豬腸，牛骨髓，我只能說呢啲所謂招牌真係好普通，而且牛骨髓最貴，要18蚊，只係表面上色，食落冇味，其他餸份量十分少，個牛膀完全彰顯老闆刀功，薄到呢，牛腩比五香肉丁大D，大家可以想像到啦！湯底加咖哩要三蚊不過夠濃環境：村屋小店氛圍，大排檔咁坐露天食食一次就夠，十分普通，放飯時間去都唔多人，原來碗麵咁樣已經79蚊，仲貴過油尖旺個啲，已經係村屋做街坊生意，怪唔知學生都唔幫襯

今日放假去咗青衣揾朋友，途經涌美村朋友就帶咗我去試呢間幾出名嘅華記小食店。佢話呢間舖頭嘅車仔麵幾出名，既然難得嚟到梗係要試試，每碗車仔麵最低消費 $30 蚊，不過自己覺得某啲餸嘅定價有啲偏貴。最後叫咗出奇蛋、新鮮豬腸、蘿蔔同豬紅，點解鵪鶉蛋叫出奇蛋，原來鵪鶉蛋咬開之後係流心嘅，都真係幾出奇吓，另外湯底加咗咖喱汁，食落味道更正。蘿蔔就係朋友推介叫，真係冇介紹錯，估唔到可以咁好食，蘿蔔夠入味又冇渣又夠甜。

在華記小食店也吃過不少次車仔麵了，吃過：豬紅、豬皮、牛筋、牛腩、牛肺、牛骨髓……，食物賣相麻麻，豬皮、牛筋不錯，味道印象最深刻的是豬大腸，餐牌上寫的是：新鮮豬腸，沒有異味，充滿豬油香，真是不怕胖及膽固醇的勇士之選，雖然我胖，也怕膽固醇，但是每次來到，還是叫了豬大腸，好像上了癮一樣，加上勁辣辣椒醬，辣到流鼻水，少不了又要加一瓶可樂解辣，真是罪過、罪過，惟有少點去華記小食店了。 只是下次再去，還是要叫：豬大腸……豬大腸……豬大腸…… 到底是我叫豬大腸？還是豬大腸叫我？

大牧羊仔仔煲了青紅蘿蔔粟米羅漢果湯，這個滋補超甜湯又怎會了少了阿Wing的份？幸得大牧羊的邀請，Wing又來闖牧場啦....lalalalala...又有口福了！上去牧場之前，大牧羊說要帶我去吃個村屋車仔麵，我們中午時段來到，星期天來說人不多。這小店開早上七時的到下午三時，我們一時左右來到，部分招牌小食都賣光了…..我們每人先來點個車仔麵 大牧羊的有蘿蔔、魷魚、豬紅配油麵 Wing的有蘿蔔、咖哩魚蛋、魚片配米線Wing覺得蘿蔔是精髓啊！因為是好難得的清甜是無渣，更不是白水灼出來的啊！而大牧羊就在那邊說教，豬紅、雞紅的分別，是怎樣區分和怎樣看真假豬紅～哈哈！就是看顏色的，而這的豬紅應該是用上真的豬紅喔…可是阿Wing挑食的孩子都沒有聽進去， 因為這個我不吃的啊！嘿嘿 （大牧羊：屁啦！那有說教，無聊找話題跟你聊而已，嘿T＿T 老人家教落話雞紅的顏色深、口感實、咬開會見內有氣泡孔。豬紅內裏的顏色略帶粉紅、口感爽滑、不像雞紅有黐牙感。） 我們還另外點了桂花蜜糖燒花枝丸、滷水鴨蛋和墨魚餅。我們都好喜歡那個花枝丸，因為有清香的桂花混合了蜜糖，而在蜜糖中又加入了檸檬汁跟青檸的皮，所

好鍾意周圍搵車仔麵食, 而家做早餐嘅車仔麵買少見少,睇過食評話平時人多, 平日朝早十點鐘嚟試下叫咗一碗幼麵、一碗油麵餸分別有雞翼、魚蛋（ 跌咗落碗底） 、牛筋、牛肚，仲有冬菇後上，因為十點鐘太早可能未預備好， 原本想食墨魚條、墨魚丸，佢話因為炸嘅都未有。雞翼：入味，感覺都似深水埗好出名嘅車仔麵🤠魚蛋： 細細粒，咬入口實實淨淨，同樣入味牛筋、牛肚：兩個都炆得淋，我覺得前者好好食冬菇： 切細咗有三件， 炆得又淋又入味唔記得咗50幾蚊，如果唔同頂級好食嘅車仔麵比較，佢已經叫做過得去，我覺得似永年車仔麵嘅感覺， 十分滿分都有八分嘅

Intro: 青衣涌美邨坐左好多當地嘅原居民，青衣最多野食嘅小店都喺哂呢到，而有一間做左五十年嘅小店依然存在，好多青衣嘅居民都會走過黎幫襯，而呢到係專賣車仔麵，價錢都好平民架，但有居民反映味道冇以前咁好食，今次經過終於有機會試啦，但要比耐性，佢地嘅人手長期唔夠架～___________________🍽 墨魚/龍蝦條各一+蘿蔔+咖喱魚蛋+豬紅+ 咖喱汁+河粉 ⭐️ 8.5/10💰 12+12+8+8+3+8 = 51✍🏻 除左特別餸外，好多餸都係8～12蚊✍🏻 墨魚/龍蝦條長而煙韌，墨魚條味道更出✍🏻 蘿蔔好入味，唔會青又唔會有渣✍🏻 豬紅好挺身，咬完唔會散開✍🏻 咖喱汁原來加三蚊，但湯底會更濃更完整✍🏻 普遍黎講所有餸都好出色，價錢更公道，出面食都要50蚊，但呢到多一餸___________________🏠 華記小食店📍 青衣涌美老屋村90號地下⭐️ 8.5/10___________________

係附近上堂，lunch 見附近無乜選擇，而且華記仲有唔少好評，就去左n年前去過一次既華記，嗌左4個餸幼面(雞翼，豬軟骨，冬菇， 鹵水蛋) ，無嗌野飲埋單話71蚊，當堂打左個凸，但都照俾無出聲，埋位食落，其中3個餸味道都好麻麻，甚至乎唔得，餸入面係唔熱，應該係擺左好耐(其實睇佢夾果陣都睇到啲餸賣相似擺左好耐，乾晒) ，只有冬菇係叫好食，夠入味夠淋，但老老實實，71蚊唔係問題，但整體無論味道，賣相，環境都認真唔得，無下次啦。

之前行完山想食尼間！點之摸門釘，原來佢收3:00PM!所以今日特登早啲過嚟食我叫咗油麵（$8）走䓤，雞翼（$20），冬菇（$13），元氣蛋（$10）共$51雞翼入味（2隻）但我又食唔係好到煙燻味道冬菇好厚肉（3件）好香嘅菇味！份量少咗啲！合起來應該唔夠一隻元氣蛋（1隻）要等，佢會送到你枱，夠入味！但咸味偏重！朋友食幼麵加咖哩汁，猪軟骨，蘿蔔，炸雲吞猪軟骨夠「琳」蘿蔔好食！清甜最失色系炸雲吞凍，好彩個皮仲脆！裡面有啲粟米粒！特別一提加咖哩汁係要加錢！

住咗青衣十幾年。都未食過。今日就嚟搓搓佢。1030 去到暫時一枱客。還好。室外空間大啲。我鐘意姨姨有禮。快手。+咖喱汁唔記得$5 定$8係辣的。個咀仔都辣咗一陣湯底正常。食完冇大量扯水蘿蔔。三大舊。入味。冇渣。牛腩粒。細細粒。約有8粒。淋。入味。但可以俾多小小紅腸。有金蒜。有點酸。唔知係咪。。。。。油麵正常。大路鴨蛋。等了15 分鐘。值得嘅！蛋香。蛋黃濃郁。個汁不會喊。有麻油香。正！入哂色。入哂味汽水+$8香茅牛蒡茶$40太貴。目測最多500ml。所以等大家去發現

噚(12-11-2020 Thur)日同老公放假,又再特登走嚟食(上次食評係9月26日登嘅呢篇:https://www.openrice.com/zh/hongkong/review/%E7%94%A8%E5%BF%83%E8%A3%BD%E4%BD%9C%E5%98%85%E7%89%B9%E8%89%B2%E8%BB%8A%E4%BB%94%E9%BA%B5-e3817725),為嘅係陰勁豬扒.我哋過咗lunch 嘅繁忙時間嚟,所以唔使等位,老公去買先,然後到我.佢好似用咗$77.00買牛蒡,牛骨髓,蘿蔔同韓國花菇,伊麵同一支麥精,同$30.00嘅陰勁豬扒.我就用$49.00要咗炸魚片頭,紅腸,豬紅,元氣蛋(鹵水鴨蛋)油麵,加支蜂蜜綠茶.我哋第一次食車仔伊麵,感覺都唔錯;韓國花菇幾厚身,菇味濃;牛蒡味道正常甘甘地;牛骨髓都一樣正常.炸魚片頭正常;加咗金蒜嘅紅腸口感有啲實;豬紅油麵都正常冇問題;湯底依然係夠味.元氣蛋(鹵水鴨蛋)後上,呢個味道啱啱好.最後上嘅陰勁豬扒,係炸豬扒嚟,約7mm厚,口感唔錯又唔會好乾好嚡,味道係鹹香但唔會太鹹,幾好味.味道係3.36分, 抵食係2.7分其他:

前日(24-9-2020 Thu)同老公放假,特登走嚟搵好似係黃店嘅呢間食,老公話揀佢美食排行榜上嘅”王子推介”,老闆娘話有啲係小食,有啲係車仔餸,咁我揀唔炸雞翼(黑糖煙燻),中華豬軟骨同出奇蛋,要$8.00嘅油麵,呢碗共$58.00.另一碗要$8.00嘅幼生麵,牛骨髓,$9.00嘅黃金蘿蔔,要加$3.00一殼嘅咖哩汁,共$38.00.嘢食齊晒後,同老公研究,佢話重可以要$45.00嘅桂花蜜燒墨魚丸,咁就再買嚟食住等.佢嘅咖喱汁對我嚟講係辣,我哋分好就開動,兩隻麵都爽口; 黑糖煙燻雞翼好腍亦夠煙燻味;出奇蛋原來係鵪鶉蛋,重要係流心,好正;中華豬軟骨啱啱舀唔到豬軟骨俾我哋,呢個同牛骨髓都正正常常;大大舊黃金蘿蔔入味冇渣,食到少少蘿蔔嘅甘味.味道:3分而湯底係夠味鹵水牛腩湯,好正.味道:4分我哋食完繼續等即叫即做嘅桂花蜜燒墨魚丸,呢個熱騰騰,撈埋清甜嘅桂花蜜食,唔錯.味道:4分服務:好好,好有禮貌.

N年都唔入青衣一次，仲要第一次去到咁入，算係比較偏僻。我唔係特別鍾意食車仔麵，好似間間都差唔多咁，聽講呢間華記喺疫情前仲要排長龍咁誇張。因為即叫即整，所以都要等十幾分鐘。地方比我想像中乾淨，果日唔算熱，吹風扇都已經好涼。我果碗車仔麵淨係叫韓國花菇、菜同蘿蔔，咁清淡應該冇乜特別。但冇諗到花菇一食落去係咁入味🤤蘿蔔係清甜。試咗一隻黑糖煙燻雞翼，個煙燻味好香。另外唔同嘅小食都係佢嘅賣點，佢仲有個小食排行榜，可以睇到邊啲小食係比較受歡迎。個桂花蜜燒墨魚丸個燒墨魚味好香濃，有少少脆，爽口彈牙，桂花蜜個量係足，不過我最鍾意係佢嘅寸勁豬頸肉。老闆好細心，有碟係寸勁豬頸肉，本身係辣，佢話見我哋冇食辣就幫我哋走辣，上碟前將豬頸肉吸哂油，食落去係厚實，一啲都唔韌唔乾，肉汁入口即融。每次上菜，老闆都會嚟介紹吓小菜嘅特色。意外嘅係，我哋食完之後，佢退返10蚊俾我，因為果日豬頸肉唔算大份。不過睇得出佢係好用心經營呢間小店，幾乎樣樣餸都係佢親自主理，見佢走嚟走去又去睇火又煮小菜，呢樣係食肆基本要有嘅態度同水準。

車仔麵都有食法國菜感受只要講車仔麵，識食之人都會提到華記，疫情前仲要排長龍先有得食，不過其實話車仔麵出名，不如話小食係老闆精心烹調而出名。（banner老闆叫車仔麵王子，原來平時啲人都係叫老闆做王子）#牛根 #牛骨髓 #黑糖煙燻雞翼#生菜 #黃金蘿蔔 #韓國花菇其實車仔麵因為我無食出名既咖哩湯底，所以唔算太特別，不過都要提下雞翼本來係小菜之一，不過可以跟餸當然跟，小小甜淡淡的煙燻味好香，而且唔洗點咬，真係幾正蘿蔔同花菇，食個下有俾佢驚喜左一下，相當之入味同甜，食前其實無太大期待，但入口的味道，真係無得輸，平凡既外表下係估佢唔到。因為即叫即整，所以都要等10幾分鐘，不過可以話俾大家聽，係值得等，題外話 老闆每次拎出黎時，係好似法國菜咁上盤，然後解釋小菜的特色。#桂花蜜燒墨魚丸首先到係墨魚丸，因為係手打所以粒粒大小不一，未入口就聞到燒魷魚香，需要襯剛燒好新鮮即食，因為外皮真係燒到少少脆，有燒墨魚的感覺，內涵飽滿彈牙，外面每粒都有份量足的桂花蜜，香甜彈齊哂，入口之後係講唔到野。#寸勁豬頸肉等多陣，終於黎到，老闆話見我地無食辣，所以貼心地幫我地減辣，而且上碟前將豬頸肉吸哂油，所以睇相見到無乜油

唔好睇車仔麵好似將全部野碌熟再放埋一齊食 好似好輕鬆咁 其實佢做得香港咁特別嘅著名美食 當然唔係表面上咁簡單啦所以每次食車仔麵都必定要去返華記車仔麵 佢每一個餸都好用心製作 同好入味 雖然唔係啲咩連鎖餐廳 冇靚靚裝修 更加冇靚靚舖位 其實只係一個公屋村入面嘅小角落 但係咁樣先令佢更加有心去做好每一個餸所以每次必食嘅一定係最入味嘅蘿蔔同豆卜 唔好睇佢咁普通 佢可以將湯底同咖喱汁嘅所有精華吸收晒 一定係必食 另外佢嘅大腸都好入味 又洗得乾淨 正佢仲有其他餸另如墨魚卷 咖喱魷魚 全部都好好食 如果譚仔入面嘅餸有佢嘅大半質素就好啦除咗食車仔麵一般嘅餸 呢度仲有得叫炸雞翼或者豬扒 即叫即炸 雖然製作需時但係都值得等待 好味

青衣華記車仔麵真正隱世既車仔麵因為呢間老店位於青衣涌尾由於唔近地鐵站 唔係住青衣既人要搵都唔容易每日中午都好多人排隊 一定爆場而且2點3點過後就無乜野食賣剩所以要去就要早d喇食物方面咖哩汁相當出色豬腸非常好食 處理得好好 完全無任何異味香港最用心 最好食 既車仔麵之一