華記小食

營業中

休息中

呢間車仔麵已經食過幾次，係尖沙咀28蚊有三樣餸真係好抵食！雖然價錢包三個餸，但通常我會叫多一個餸食，支持下小鋪！今次叫左幼麵，加蘿蔔，魚蛋，豬腸，菜。盛惠$34個蘿蔔真係好入味，好淋魚蛋就一般般，同連鎖便利店個隻魚蛋差不多！豬腸係必點，同蘿蔔一樣煲到好淋，索晒汁好正！最後最後，佢d辣菜圃係必食，夠爽口，不過好辣！記得外賣叫佢加小小！

今日要攞張Cheque去阿星度，阿星提議不如買外賣上佢公司食(尖沙咀食Lunch好多人)。阿星叫我去買車仔麵，去到我都O左咀，乜尖沙咀有啲咁舊咁up dup既車仔麵店架咩？見佢$28三餸，唔怪得排晒長龍啦。其實間店係有得座位既，不過好少，Lunch Time得一個鐘簡直係唔使諗...Order左牛腩，豬紅同豬大腸油麵，廿幾蚊預左份量少，拎到去公司，油麵已經少少發漲，麵質粗身普通，唔爽口亦唔彈牙。牛腩好難搵到完整一件，因為碎上左 碎濕濕實在好難食用，不過唔un都補返幾分。豬紅亦屬普通，豬大腸反而幾香幾爽林，但只有4片唔夠喉。尖沙咀有$30有找既車仔麵，已經好好，小店有小店生存之道，不應要求咁多。

每次路過附近都不其然兜過黎食兩串囉，隔幾條街已被香味所俘虜。買唔成金多寶，走去對面拮魚蛋好過，美食能舒緩屈結！足足一年多無幫襯，依然好好味呢。炸豬大腸，全部都切定晒翻炸既，仲可能係隔夜炸等放雪櫃，好失望呀﹗肉汁都流失晒，而且裡面既腸肉有點乾硬，沒有鮮味可言，雖然炸完都好香口微脆，配埋甜醬芥辣好味，但可否做得更好呢？諗起小時候既炸大腸厚條炸，肉汁完完全全可以 keep 住，外脆內嫩架又非常 juicy﹗滷水牛什走肺，所以叔叔師傅只係比左牛肚、牛腸、牛膀同牛喉我囉。味道不過不失，炆得滷水味濃厚突出，但硬係差少少味道。膀肚都軟棉、喉軟骨卜卜脆、小腸彈牙，滿意呀﹗再唧上大量芥辣，辛辣味衝激味覺，必有一番風味。前幾日係荃灣地鐵站附近既小食店比華記更加好味呢。先食牛什，再食豬大腸，敝喇﹗食開停唔到囉，本土街邊小食梗有佢吸引之處，而且總有點兒時情意結，所以百年屹立不倒。見魚蛋哥哥被強國人重重包圍，人頭擁擁我唯有企埋一邊等吓啦﹗咖哩魚蛋，用我最大既耐性等待，終於買到串辣魚蛋喇﹗餚得濃郁，厚厚強勁辣味正呀﹗質感有咬口略有彈性既真魚彈，不幸帶點魚腥味要扣分。尖沙咀華記就香辣咖哩，結實彈牙，咖哩味夠辛夠辣。

今日經過華記小食，離遠就見到好多人系度排隊，記得以前呢間小店無咁多人排隊，可能系因為上左謝霆鋒節目嘅關系，所以夜晚都有幾多人系度排隊，剛好有D想食，就跟住排喇，大概排左10分鐘，因為都系外賣，所以等候時間唔算耐。魚蛋我覺得唔系呢度嘅特色小食，不過食起嚟都算唔錯，都算比較彈牙，不過不失，都算OK。碗仔翅值得一試嘅，起碼料夠足，湯汁濃稠，啖啖都好足料，味道唔錯，中意食嘅朋友仔可以一試。牛雜唔錯，好入味，煲得好淋，好香軟，再加上辣醬，你就會覺得食一串系唔夠嘅，因為真系好好味。最中意呢度嘅炸大腸，外脆內嫩，食大腸最怕就系洗得唔干凈，但系呢度你完全唔會有呢個感覺，再加上佢呢度秘制嘅芥辣醬，會令你食完仲想再食，其他小食炸豆腐同牛百葉都好好食嘅。

之前剛剛好去到附近辦事，辦完事就覺得還有空閒時間，決定自己一條佬過去華記食宵夜。炸大腸其實有炒得好香氣，不過還是非常吃起來很肥美，但是吃的時候又不會覺得太油膩，因為其實是辣的。烤魷魚味道不錯，很大只，不過表面油很多，魷魚味好濃，吃起來真的很香。首先上咗個碗仔翅，碗仔翅很入味，稍微有一點點的鹹，口感有點重，碗仔翅食完都沒什麼感覺。燒烤技術不錯，特別是烤的豬頸肉，不肥不膩，吃的時候都感覺不到油，豬頸肉很軟嫩，不會烤的老，掌握的火候好准，不會不熟，非常好吃。牛雜就真系頂唔順，腥味、騷味太重，我實在是吃不下扣，口感很差，很難咬，吞不下去!可能人多嘅原因，食野嘅時候真係十分之吵吖!環境真的不是很好，如果食野注重環境嘅朋友就多加考慮一下喇。話時話，服務態度其實都挺差的，搞到我落單嘅時候不怎麼愉快。

今日老細話要加班，搞到夜晚做做下野就已經開始覺得好肚餓啦，落班噶時候突然醒起附近有間華記，於是就決定要去果度補充下體力先 呢度啲牛雜真係好好食吖，雖然已經好夜啦，不過呢度仲係有好多客人，而且一串牛雜係混搭噶，一串都好抵食嘎，份量都幾大。 再叫一碗蘿蔔牛雜，你唔好睇佢普普通通，但係人地比一般噶牛雜要好食，而且蘿蔔煲得恰到好處，味道好鮮甜，湯都可以飲埋吖 如果你仲係覺得唔夠可以嚟多碗河粉，入面噶料都幾多下，再加翻些少辣椒醬就perfect啦 再嚟翻兩串烤魷魚，烤得唔會太窿，好香好好味

每次與朋友到附近酒吧喝酒總會愛到華記買一大盒小食來送酒。華記為於赫德道角位，非常搶眼又容易搵，晚上總會有一大堆人聚集。老實說，華記的咖哩魚蛋是我心目中全港數一數二的，所以幾乎每次到尖沙咀都會忍不住要篤番串。這天到尖沙咀看醫生，碰巧見到華記，雖然午餐飲茶已經吃得飽飽的，但仍忍不住要篤魚蛋。唔知係咪好耐無幫襯，還是因為之前買時都多是朋友付款，$10得六粒魚蛋忽然覺得都幾貴。喜歡華記的魚蛋，因為咖哩味夠，魚蛋彈牙有魚肉味，總之每次經過都會按捺不住要吉番一串。除了魚蛋外，其實華記的串燒都不錯，而燒賣的辣椒豉油都好香好惹味。

尖沙咀其實冇乜車仔麵食，今日忽然食豬手，所以去呢間食下。三餸加麵$25，太耐冇食，好似同之前唔同，好細碗，之前食係滿，我睇住佢「不」餸，以為冇擺麵😒點會咁細碗，算啦。叫左3款：1）豬手-好入味，但唔係炆到冧晒果種，係爽口既；2）豬腸-都好入味，不過點解咁鞋既😰；3）雞翼尖-我覺得係最好味，入晒味，好香，一定要叫。對我黎講就夠食，男仔應該唔夠飽。

晚上8點多,我肚子餓了來這裡，要了蟹子丸，百葉，生腸，炸大腸，真的很好吃，尤其是炸大腸最喜歡了，外層炸的很酥，不過價格就不便宜，大概是每個7-9塊的樣子。咖哩魚蛋和牛百葉也都不錯！

離開Happy Hour的酒吧時已經9點多，約了我晚飯的友人還沒到😩，實在太餓，決定在附近小店"篤"串魚蛋吃吃。小店的買賣位置有很多人聚集，都在選擇面前的食物。我已經有好幾年沒有買過街頭小吃，今次買了一串魚蛋和一串芝士腸，盛惠$25，先不論是否好吃，但價錢真的好貴，原來"篤"串魚蛋已經不再便宜，真的百物騰貴😢。幸好$25的魚蛋和芝士腸的味道也不錯，魚蛋入味彈牙，芝士腸的外皮脆口，芝士味濃。在吃最後一粒魚蛋時，友人終於出現，是時候吃晚餐，但吃飽的我真的有點吃不下🙈。

走到赫德道及寶勒巷的交界，遇到這小食店，忍不住要買下這個炸大腸來試試。外表很脆，而內層又不會韌，很正。加上黃戒辣、甜醬及甜酸醬就更加配合得天衣無鏠。

三月中旬‧晴飯局要飲酒，就吃一點東西打打底，來這裡買三件來吃吃。炸韭菜餃是最好吃的，韭菜及肉香俱在。咖哩角最難吃，只是一pat的餡。而春卷就是中庸之道，還可以。服務是一貫的差勁，買了還問是不是炸翻熱。當然要啦，凍冰冰怎吃？

每次到尖沙嘴 happy hour 完飲到醉薰薰，酒精上腦，就是肚皮打鼓的時候。本少爺的尖沙嘴心水宵夜三寶，就是「源記」牛什，「後巷豬骨粥」腸粉燒賣，以及「華記小食」串燒。「華記」位處赫德道路口，亮麗的招牌，非常好找。這裡愈夜愈美麗，人頭湧湧，大批派對動物集合。坦白說，「華記」的炸物如炸大賜，炸三寶都麻麻，不香不脆只有油膩，大家吃前要三思。要吃，就吃串燒，方為識途老馬。「串燒墨魚丸」/ 「串燒雞柳」全部 ＄9 串，現燒即現吃。喜愛墨魚丸它外皮燒得香脆，熱烘烘地放入口，這就是滋味。雞柳是先醃得滿有沙爹味，燒後塗上蜜糖，惹味香口。此餐宵夜只是＄18，吃完不羨仙。

第一次和朋友經過華記就被裡面的小食吸引著。小食種類比一般的小食店較多，經過時就急不及待要買幾串~個人最喜歡是燒賣、魚蛋和腸仔，熱辣辣，超正。下次經過一定會再去。

十月上旬‧轉涼在附近經過，剛操完體能，很倦，也餓。行經這間小食店，見到炸雲吞幾吸引，不理三七二十一，吃一串先。阿姐會將已炸好的雲吞再翻炸一次，保證熱辣辣，不過就更油膩。油膩，有時也會好吃，因為至少脆脆的。餡都幾多，是菜肉餡，吃不到味精的假味，如果你不下醬油的話。好明顯我吃到，在圖中你也可以看到炸雲吞是唧滿醬油的。