影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
呢間潮州鹵水車仔面，性價比算幾高。鹵水嘅味道都幾正宗，牛腩同牛肚炆得好腍，塊頭又大，咬落去好有口感，唔會「鞋口」。最正係佢可以加多啲香菜，對於我呢啲「香菜控」來講，簡直係福音，灑滿一層綠油油，睇住都開心。不過個辣度真係要好好提下。只叫咗小辣，點知個辣勁勁到有啲頂唔順，食唔出鹵水嘅層次，淨係覺得辣。如果唔係咁怕辣嘅朋友，可能會覺得無所謂，但對於唔太受得辣嘅人，呢個辣度真係有啲「過份」，有啲影響整體口感。
繼續閱讀
今日經過西環，諗住入去試下華記，點知間鋪冇冷氣冇鮮風，熱到飛街，食到出晒汗，間鋪入面仲熱過條街，真心唔會再有下次，除非你有帶小風扇、穿小背心同熱褲，就可以一試無妨
繼續閱讀
車仔麵來講呢，華記係出色既佢有得揀菜底，仲可以揀蘿蔔我叫左三個餸，佢大碗到咁大魚蛋真係要點，足料到呢個蘿蔔係浸到腍晒，入哂味牛蒡都係好好味，仲好大塊反而，我朋友仔叫2 餸，就冇咁澎湃 😂我識叫啦，下次都會叫返3 餸會回頭的包括：蘿蔔，牛蒡，大魚蛋 👍👍👍
繼續閱讀
今次同朋友嚟咗呢間餐廳，真係有驚喜！1. **豆腐串**：豆腐好入味，我怕辣只係加少少辣嘅咖喱，都已經真係好開胃。每一啖都係享受，好啱鍾意食豆腐同埋咖喱味嘅朋友。另外仲有腩汁推介，朋友就叫左重口味推薦（全部汁），辣得過癮2. **巨型魚蛋**：個魚丸質地厚實，唔係普通個d 霉鬆泡泡的口感，配埋個咖喱一流，但係又唔會太嗆。我自己中意食烏冬，烏冬加埋菜吸晒湯，每一啖都好滿足。餐廳環境都唔錯，夜晚時段人唔係太多，也都冇特別有壓力話要趕人走。我哋係透過電子菜單點餐，好方便快捷。成餐飯食得好開心，一定會再嚟幫襯！
繼續閱讀
上星期先食完又想再返兜今次叫咗啲無咁大路嘅野，試下餐廳係咪樣樣麵整得好食。咖喱汁滷水豆腐韭菜烏冬 $59份量依然十分大碗，熱辣辣！睇其他食評，見好似無嘜人叫烏冬。心思思諗佢會唔會係日本烏冬…結果諗多咗😂係類似噹噹烏冬十分local嘅麵。唔太掛湯，但勝在無分湯外賣都無吸曬啲湯底。韭菜亦非常多，平均咁每樣餸食下，最後麵都食咗大部分，韭菜依然有大一箸！唯一比較失望係啲滷水豆腐，豆腐唔太入味，而且比較硬身。牛筋十分爽口，所有內臟亦無騷味，腩汁醃到入曬味！一定唔少得嘅秘製潮州辣椒油。係唔使額外加錢，少少都好夠辣。
繼續閱讀
您可能會有興趣的...