華都海鮮酒家

營業中

休息中

今年重陽節同一班朋友去行山，由大澳行入東涌。聽一位住東涌既朋友講東涌碼頭有間類似大排檔的酒家食海鮮幾好味，於是一行16人夜晚去試。先黎每人一隻蒜蓉蒸扇貝，o的扇貝都幾大隻，好鮮甜。面頭的粉絲及蒜蓉份量岩岩好，味道唔會過咸，正！跟住有椒鹽鮮魷，嘩，魷魚o的肉又脆又鮮，而且炸得剛剛好，唔會過油，如果你會飲酒的話，呢個餸用黎送啤酒一流。然後有辣酒煮花螺，十個正！我個人都幾食得辣，覺得好惹味，有o的唔食得辣的朋友都食到讚不絕口，食完一隻又一隻。o的汁辣中帶鮮，我地個個都用黎撈飯，呢個係誠意推介。我地嗌左o的海蝦，可能只得1斤，結果上碟時發現開左邊用蒜蓉蒸，我個人覺得徙左o的蝦，如果嗌得足夠份量做白灼蝦應該會幾好。海鮮類的最後一碟餸係豉椒炒蜆，只係不過不失，無乜驚喜。除左海鮮，我地仲嗌左一個豆豉鯪魚炒油麥菜，ok住家，不過多左o的油；原本叫左個沙爹金菇肥牛煲，但因為肥牛賣晒而轉為鮮牛肉。雖然牛肉唔靭，但味道真係唔及肥牛；尾聲encore 左一碟西芹雞肉，認真麻麻，大家都認為阿媽炒的仲好味。整體黎講海鮮幾得，但小菜就一般喇。題外話，阿姐係唔知咩係zero可樂，你要同佢講你想要黑色可樂！我地嗌左汽水

本人居於東涌，自2004年開始，一向也有幫襯此食肆。開初的食物質素實不錯；然而在2006年開始，可能亦隨此食肆生意上軌道，本人發現食物質素卻是開始下降，無論味道、鮮味等遜色於前，碟頭更是縮細再縮水﹗不過，居於東涌的朋友便知道，實在沒有什麼較平的地方可以考慮，再者，只要服務和食物不是太離譜，本人也會樂於支持。只可惜，本人相信一定一定不會再幫襯此食肆﹗原因是五一假期那天，本人與家人在此食肆食晚飯，對於以下事情實在不能接受：1. 每道食物分隔起碼10分鐘才上，並竟然是凍上- 本人叫了鼓椒聖子、蜆、吊桶三樣海鮮，全部均是凍上；相信是在廚房火氣不夠，或是攤了太久才給客人；2. 食物味道面目全非，毫不鮮、毫不美味3. 侍應姐姐態度惡劣- 本人一到此食肆，見到人頭湧湧已心知不妙，各侍應做到踢哂腳、面紅耳熱，故黑口黑面工作，本人亦甚為諒解；然而，當本人對聖子熟及熱私程度有所質疑時(因上第四碟也是凍的)，侍應竟然叫本人「唔熱就倒左佢啦﹗」，如此服務質素，真是聞所未聞；至於小菜的單落錯，亦是不在話下，本人已認為是小問題了全程只有5個很簡單的小菜，前4度菜結果要等1.5小時才全上，最後1味因單錯了而取消，服

Dinner on March 14, 2007.Thee "Dai Lo" sitting inside the restaurant so I opted to eat outside to avoid the unnecessary "thick mouthing".Outside = a part of an old pier, decorated with used furniture, assortment of rotting stuff, and a small mountain of styrofoam cartons...very romatic if you like the chic-metropolis downtown look.Service = very diligent staff, went out of the way to help (including riding a bike to buy some ciggies )...I was suitably impressed.Food: ordered a steamed garlic (c

尋晚我去左東涌舊碼頭食海鮮, 果度d 野同個feel 幾好!! 雖然係典型大排檔feel, 不過飽覽無敵海景, 見到360 纜車, 都幾靚景!由於地點幾隔涉, 佢\地係有免費專車接送, 由東涌MTR 去果度既, 都算幾方便!尋晚我同屋企人一行5人去食, 食左都唔少野, 埋單都係$755, 都幾化算.食物方面, 好易中d味精毒既我, 冇事喎! 証明d野冇乜味精! ^.^”海鮮都幾新鮮, 幾乾淨.. (至少食左唔肚痛^.^) 食左... (唔係好記得, 唔知有冇漏, 好似冇咁少野....)白灼蝦–細細隻, 個樣有d似基圍, 不過d殼好易剝, 岩岩熟, 幾好食.薑蔥蠔–幾好味, 不過有少少沙同殼, 食既時候要小心.豉椒炒蟶子–蟶子係比出面既細隻, 個樣有d似蜆, 有沙同殼係在所難免, 不過都幾大碟好襟食下, ok!蒜蓉粉絲扇貝–好味!油鹽水癩尿蝦–好大隻, 連埋頭同尾坐底有10寸長, 叫左2隻, 都切到6舊大大粒. 由於我唔係太”好”, 冇意見!清蒸黃立”倉”–幾大條, d肉幾甜, 個樣有d似斑.菜心鮮魷–菜硬左d, 鮮魷就幾彈牙.生燒牛仔骨–全晚至愛呢碟, 真係好好味, 仲幾大碟. ^w^

我都算係幾”背”，如果唔係朋友介紹，真係唔知呢到有海鮮食。係地鐵站坐專車，太概幾分鐘就到。環境方面，只係村屋一間，重係頗為"up"㗳個隻。ｄ海鮮就係出面一隻艇同埋幾個魚缸到俾ｄ客選擇，款式嚟講大路嘅都有，但唔知係咪因為下午關係，選擇嘅數量唔係太多，唔係好似鯉魚門布袋澳咁。叫了老虎班、帶子、迷你象拔螃、白焯蝦同蟹，重有炒菜同炒飯。咁多樣嘢以魚最正，又鮮甜蒸得又夠嫩滑；蝦都好，白焯帶出蝦嘅鮮味；最意想不到個炒飯：夠乾身唔油，ｄ飯粒粒分明，可見個厨嘅功力。其他海鮮都幾得，但又唔算持別好正。價錢唔貴，食咗幾樣海鮮都係百三蚊左右一個人。不過地方真係麻麻，如果比較講究裝修情調，呢到就應該唔係咁適合嘅選擇。總體評價都ｏｋ，但對住市區嘅人嚟講都算幾遠。

星期六去左東涌探朋友, 我地一行五人就去了這間酒家食晚飯. 因為地點偏僻的原故, 這酒家每晚於五時四十五分之後, 會有專車係東涌各大私人屋苑及地鐡站提供接送服務, 亦可call車. 車程大約十分鍾, 到達後發現這酒家是位於一個小碼頭旁邊, 有室內和露天坐位, 因為天氣涷, 我地選了室內坐位, 相信坐外面會更有風味(有D似去左長洲).這裡主要食海鮮(有得俾客人自己選), 亦有其他小菜. 可能係獨市的關係, 海鮮的價錢略為貴左D, 好像聖子王就要一百一十蚊一斤, 我地只係試左細隻果種, 四十六蚊一斤, 另外叫左帶子, 十八蚊一隻, 同埋八爪魚刺身, 再加幾個小菜, 包括鵝腸, 咕嚕肉同炒菜. 相比下小菜的價錢就十分經濟, 只係四至五十蚊左右.帶子很新鮮, 蒸得亦很好味, 八爪魚刺身很鮮味, 肉質很’淋’, 聖子都很鮮甜, 但可借有沙. 小菜方面, 咕嚕肉十分脆, 鵝腸亦很爽, 總括黎講食物的味道很不錯.我朋友住得咁近, 又有專車接送, 當然會再黎食啦! 但相信我就要等下次黎探佢先會再幫襯了. 原來除左這酒家之外, 有好幾間食店都有提供車係地鐡站接送客人, 有食泰菜, 亦有食火鍋燒烤,