葫蘆館

營業中

休息中

冬天想食啲野暖吓肚，所以入咗去叫咗一碗薑汁(伯爵茶味)撞奶🤣🤣大概等咗五至10分鐘就上，熱辣辣~份量一個人食好夠，薑味好重，食到落肚暖笠笠，好舒服。佢應該加咗啲伯爵茶嘅渣，所以會有少少咬口，不過我嫌佢撈得唔係好均勻，自己手多都喺度攪搞，個狀態即刻變咗水狀🥲🥲🥲大家記得食撞奶唔好攪，唔係就會好似我咁㗎啦，完全係錯誤示範😆總結呢個撞奶唔係好甜，我都幾鍾意，價錢又唔貴，係好親民嘅小店。夜晚過嚟食糖水宵夜，都keep住有人坐低。

觀塘老字號糖水舖葫蘆館係觀塘一間開咗好多年的糖水鋪，相信有好多觀塘嘅老街坊都已經食過佢，依家竟然重新開返，係第三任接手呢間糖水舖！薑汁撞奶($32)係呢度嘅招牌，入口好嫩滑，叫咗多薑，所以薑味重好多，奶香味都重冰花燉蛋($28)入口好滑溜，重蛋味椰香喳咋($30)好足料！地址：葫蘆館 觀塘宜安街2-4號地下2A號舖

上個星期，我同朋友喺牛頭角站附近見面，順道探下這間頗具特色嘅甜品店——胡蘆舘。地點雖然係觀塘區，但唔會太擠迫，環境輕鬆自在，非常適合同朋友坐低慢慢傾計。首先呢個「芒果紫米小丸子」 ($38)，一口咬落，芒果非常甜，果肉鮮美多汁，搭配嘅紫米同小丸子比例啱啱好，唔會食得太飽，反而覺得輕盈又開胃，味道相當和諧。第二款「紅豆沙拼芝麻糊（熱）」($32) 都係令人驚喜。呢碗甜品，紅豆沙口感滑溜，冇過份甜，紅豆味好新鮮，而芝麻糊嘅香濃正好平衡，特別係凍天食落真係好舒服，暖胃又開心。整體而言，胡蘆舘既環境舒適，甜品味道一流，對於同朋友輕鬆聚一聚，係個唔錯嘅選擇。整體評分：★★★★☆ (4/5)

呢間觀塘小區既葫蘆館，四十年前由一對夫婦開起做薑撞奶，我由細個同爸媽一齊黎食，食到畢業做野，每隔幾個月就幫襯一次，由細個食唔到辣要叫少辣到依加「多薑少辣」，呢份情意結咁多年都無變，隔唔中就好想過黎食。上年見葫蘆館話關門大吉，到中間曾經轉手比一個中年媽媽繼續做，再到近排再次重開，見到昔日殘舊既藍白簡單裝修已經變身成另一個光鮮新景象，當然要黎試下我既「多薑少甜」有無變到。呢款經典宵夜甜品，一試之下，仍然保留當年既美味，奶香濃郁，唔會太過膩，加上手工磨嘅生薑，味道非常香辣，正好中和咗牛奶嘅甜味。每一口都帶有薑的微微辛辣，唔會覺得單調。🍶🌿薑撞奶嘅口感滑溜，像絲綢般細膩，係我咁多年鍾情既口感😋雖然舊時兩夫婦已唔再出現係鋪，但就憑呢碗薑撞奶，我既兒時回憶又番哂黎🍵💖

觀塘老字號糖水店葫蘆館有40多年歷史，現在強勢回歸了，堅持用真材實料製作糖水、甜品等…現在強勢回歸，點可以錯過呀！店內全新裝修得更加光猛舒服，配合牆上嘅壁畫就更加有童年回憶的感覺。椰香咋喳咋喳非常足料，豐滿醇厚，再有椰汁花奶，軟綿口感，豆香甜味之餘，又滲出淡淡椰香，口感滿滿。原味薑汁撞奶來到當然必食薑汁撞奶，當中他們更添加了不少口味：杏仁、椰子、抹茶、伯爵茶、黑糖等…薑汁撞奶即叫即整，非常滑溜香醇，薑味濃厚適中，近來天氣轉涼，暖胃就最好不過！

呢間薑汁撞奶專門店真係顛覆我對薑汁撞奶嘅認知呀😍除咗有原味薑汁撞奶之外仲提供多款特色口味例如阿華田、朱古力水蜜桃等等好有新鮮感呀！-🔸原味薑汁撞奶($32）平時食薑汁撞奶質地會較為凝硬呢碗就相對較為稀有入口即化之感！而且薑味好重👍🏻🔸芒果仙草配三色芋圓（$38）配料豐富兼足料仙草滑嘟嘟三色芋圓口感煙靭而且食到原材料嘅味道味道同口感都非常出色呀！配搭埋新鮮嘅芒果香甜又多汁😋🔸茶葉蛋（$5）除咗甜品之外呢度仲有少少小食選擇！好耐冇食過茶葉蛋 試咗一隻都幾夠味唔錯呀❣️

上年2月尾宣布結業嘅葫蘆館，經過有人接手終於開返啦，可以再食返細個食開嘅薑汁撞奶😍🥛薑汁撞奶超鐘意佢哋嘅薑汁撞奶，勁辣超正，食完暖晒，啱晒我勁鐘意食薑嘅人🫚🫚🫚同埋䲪來可以叫多薑，咁就會辣啲，仲正😋🫘紅豆沙真材實料，煲到好沙，不太甜都好好食👍🏻 🚩葫蘆館 (觀塘) @woolokoon.hk📍觀塘宜安街2-4號地下2A號舖

同朋友晚飯完想食甜品，黎到觀塘多年老字號既葫蘆館。唔想諗就點左呢度既招牌薑汁撞奶。有得簡原味，黑糖，椰子，杏仁，伯爵茶等等，今次試左椰子味，同行朋友就簡左多薑少甜。淡淡既椰子味剛剛好，唔會搶左薑汁既風頭。冬天食完暖笠笠好舒服。鍾意經典既朋友就推介返食原味喇。坐左一排舖頭就見到越來越多食客，佢地都係嗌啲招牌甜品例如雪糕牛角包，合桃糊，杏仁糊，紅豆色喳喳咁樣。如果有朋友外國黎香港，都可以推介佢哋黎試試，

知道葫蘆館結業重開，真係好開心！之前食過佢哋嘅薑汁撞奶已經覺得好好食，問咗店員，依家嘅薑汁撞奶都係同創辦人董生學習，保證客人食到嘅都係同樣嘅味道。🌟薑汁撞奶 $32👉🏻一坐底都聽到好幾枱客人不約而同都叫薑汁撞奶xd枱面上餐牌都有提示，薑汁撞奶要趁熱食，唔好攪唔好搖。第一啖食落薑汁味真係超突出！同埋真係超滑，薑味濃之餘仲有奶香，真係好正！🌟芒果紫米小丸子 $38👉🏻紫米好軟熟，芒果切到好大粒，加埋煙韌軟糯嘅小丸子，真係好滿足🌟芝麻湯圓 $7👉🏻咬開入面真係流沙㗎，好好食！

1. 燒焦糖雪糕配爆珠西米椰果仙草小丸子 $32有d期望落差，因為想像中應該係有d糖水襯底，估唔到係咁"乾身"，不過餐牌寫嘅所有配料都有，所以只係自己估錯左😂雪糕可以揀椰子/芒果/榴槤味，上面燒焦糖幾得意，不過雪糕有d硬，用厚身匙羹有啲難𢳂.2. 原味薑汁撞奶 $32好薑但又唔會辣喉嚨，冬天食落暖笠笠

今日下午去試葫蘆館，整體價錢實惠及水準唔錯1.薑汁撞奶(味道及性價比高😚，一定要叫)2.魚肉燒賣(以$13蚊8粒係抵食及性價比，加埋辣椒豉油冇得輸🤣🤣)3.糖不甩，可能已飽飽地，就正常發揮整體裝修及坐得舒服，老店翻新後又有一好去處(特別街坊/學生)

一間開咗好多年的糖水鋪，咁啱經過見到竟然重新開返，即刻搵時間同frd去試吓叫咗佢最招牌的薑汁撞奶，比上手唔同嘅係佢用埋日本明治奶，入口好滑，食落有明顯薑味但唔會太辣搶左個奶香味朋友叫咗冰花燉蛋，食落濃蛋味，比撞奶挺身啲我哋仲試咗佢個特色甜品，脆脆芝麻湯圓，佢啲脆脆係粟米脆片，啲湯丸面灑咗阿華田粉，咬落係黑芝麻湯圓，都會食到粟米脆脆同阿華田，咬落煙煙韌韌。鐘意食甜啲可以點埋煉奶，不過我覺得就咁食已經好夠味見佢仲有雪糕牛角酥，下次天氣冇咁凍一定要試試！

薑汁撞奶伯爵茶味，平時食薑汁撞奶就食得多，第一次食伯爵茶味嘅薑汁撞奶！口感香醇爽滑，薑味好濃郁，好暖胃！食落口仲帶有淡淡嘅伯爵茶香味，幾特別！紅豆沙拼芝麻糊，紅豆沙紅豆夠哂軟淋，仲食到濃濃嘅陳皮香味，配埋芝麻糊一齊食，味道好夾，鍾意佢唔會好甜！！正！！魚肉燒賣外皮煙韌，口感彈牙！味道都唔錯呢！餐廳舒適，裝修都有懷舊氣息，牆上面仲印有公雞碗嘅糖水！呢間老字號糖水店嘅糖水真係幾唔錯！下次會再同朋友黎食！

今天我和朋友一齊去左一家新開的甜品店，品嚐左佢地招牌甜品：薑汁撞奶和冰花燉蛋。而家好難係香港食到薑汁撞奶，一定要去試下。薑汁撞奶 - 熱騰騰的牛奶搭配生薑汁，散發著濃郁的香氣。舀了一口，奶香滑嫩。微微的薑辣和奶香完美融合，既暖心又舒適，真的讓人一口接一口，完全停不下來！朋友一邊吃一邊讚不絕口，說這是她吃過最好吃的薑汁撞奶。冰花燉蛋 - 好有蛋香味，又唔太甜，  外觀晶瑩剔透，讓人一看就想拍照。薑汁撞奶和冰花燉蛋各具特色，下次一定要黎再試其他甜品。

經過重重波折~經過開業⏩結業⏩開業⏩結業...到今日~終於有第3️⃣任接手啦😳😳作為街坊既我真係好感動🥹🥹🥹老闆好有心❤️❤️招牌同室內裝修都重新設計過由舊式設計⏩文青壁畫設計但唯獨人情味無變到🥰🥰糖水都仲係以前既味道就算轉咗手都仲KEEP到水準👍呢度好多糖水選擇基本上大部分港式糖水都可以喺呢度叫到而呢度最出名係食🫚薑汁撞奶🥣好足料~薑夠辣~奶夠滑👍又濃又好味🤤🤤另外可選口味同辣度，如果怕太辣既可以叫少辣😜而且仲新增咗多款新穎甜品~例如🍦燒焦糖雪糕配爆珠西米椰果仙草小丸子/🍧伯爵茶沙冰/🥐雪糕牛角酥我食咗🥐雪糕牛角酥🍦雪糕球可以選芒果味/椰子味/榴槤味我就選芒果味，濃郁芒果香好好味😋而🥐牛角包即叫即整，上枱仲好酥脆，牛油味濃配埋濃濃🍫朱古力醬，無得彈😍😍