蒲頭島 (已結業)

作為火鍋控既我，每個月點都會打幾次邊爐🍜 因為疫情關係都少左出去打，但就造就左我買外賣火鍋返屋企既最新習慣😚 喺屋企最正就係無時限，任你慢慢嘆幾耐都得✌ 除左荃葵之外，我都會成日去大埔蒲下，俾我發現左原來蒲頭島火鍋外賣套餐依家做緊外賣自取8折優惠，二人套餐折後都只係$230起😻🙀 每人百二蚊都唔洗就食飽飽，真係好抵食呀！🤩🤩·哩個二人火鍋外賣套餐份量真係超級多，一男一女應該都唔會食得曬，性價比極高呢！·湯底(1000ml)有7款選擇，包括 自家製香辣湯🌶、香濃沙嗲湯、芫茜皮蛋湯、人蔘鬚雞肉湯🐓、芝士鮮茄牛肉湯🧀🐮、雪燕牛乳養顏湯、姬松茸野菌素清湯🍄，款款都咁吸引叫人點揀呀！而配料方面，份量多到真的足夠3個人食！·▪美國牛板腱150g ▪西班牙豚肉片160g ▪雞件150g –貢丸2粒▪牛筋丸2粒 ▪海膽丸2粒 ▪墨魚春卷2條 ▪芝士腸2條▪魚皮餃2粒 ▪油豆腐2件 ▪炸魚皮100g ▪唐生菜125g▪粟米2件 ▪冬菇100g ▪金菇100g ▪韓國拉麵/烏冬2個 ▪飲品(非酒精)2罐·老實講，第一次食外賣火鍋有咁多配料，真係好驚喜！牛肉同豚肉質素不錯👍唔會得雪味嗰種。湯底有成1L咁多，

兩個人想打邊爐，但又要stay home抗疫，所以試左蒲頭島外賣火鍋套餐2人火鍋外賣套餐 8折$230有七款湯底選擇，我就揀左芝士鮮茄牛肉湯，材料唔馬虎ga，濃濃茄湯入面有番茄、西芹，仲有一位芝士碎，倒埋入湯仲有拉絲效果，正正子！套餐配料都有好多款，推介有有牛板腱，唔會好似肥牛咁肥，而且牛味都幾重。豚肉片都幾驚喜，我唔鍾意食豬肉片係因為覺得好「鞋」，但依款竟然無，仲幾爽口，幾好食tim! 火鍋配料少不了雜丸、菜、烏冬，套餐都有提供，配料都幾新鮮，款式都算多選擇。另外，醬料有齊蔥花、蒜蓉、辣椒粒同芝麻醬，唔洗自己準備，超方便！依個套餐岩哂我依d懶人，二人邊爐自己買材料好難難預分量，仲要次次都食剩，所以套餐外賣真係岩哂我👍🏻

雖然天氣開始熱 但都無阻我同屋企人想打邊爐既決心見屋企樓下間蒲頭島做左外賣邊爐套餐都一段時間, 所以見難得屋企齊人便叫左黎試其實之前係到食過堂食 D料都幾新鮮 係等外賣既時侯仲聞到有D檯係到燒緊肉同海鮮 好香 但鑑於屋企人中意坐定定係屋企睇TV嘆冷氣慢慢食 加上疫情既關係 今次就一試呢到既外賣!一家3口叫左個2人餐 有幾種肉 蔬菜 丸 烏冬 魚皮等等, 蔬菜 丸 烏冬 魚皮都係一般大路火鍋料我就唔特別講, 但呢到D肉類就真係好出色西班牙豚肉片 - 爽口彈牙有口感 食極都唔會膩美國牛板腱 - 油脂分佈好好 有咬口有牛味且無渣魚皮 - 好脆份量好足 屋企人食剩左D第2日當零食繼續食XD湯底 - 叫左沙嗲湯底 返到屋企加一比一既熱水就食得 如果想濃味D既話 可以加小D水會更加惹味呢個餐仲會搭埋不同既醬料同2罐汽水 亦有木筷子同飲管 基本上係屋企都只係洗番個火鍋盤同碗就無咩手尾了 火鍋套餐外賣其實真係好方便咩都有D又唔洗自己係街周圍撲 值得一試!

原本今天打算早些放工，到街市買些火鍋食材，晚上二人世界火鍋，但臨時要加班。為了不想掃興，想起這家火鍋店近來有外賣套餐供應，於是就來一個人生第一次外賣火鍋。二人套餐價錢$230左右，有7款湯底可供選擇，套餐包括16款食材，還配有醬料，包裝整齊企理，買回家後不用洗洗切切，懶人一定好喜歡。我選了芝士鮮茄牛肉湯底，包裝上貼心地附有說明，以店家供應的湯，另加相等份量的水就可以。這個湯底很讚，有大大個蕃茄，而且還有很足份量的蕃茄粒，牛肉亦是真材實料，所以味道很濃郁。食材方面，單看美國牛板腱、西班牙豚肉片的肉色已知道用料新鮮。雞肉很大件厚肉，很有份量。炸魚皮非常大盒，脆口又不會過鹹，留了一些明天煮麵時吃。油豆腐的形狀很特別，而且很大塊，一節節的形狀，更鎖湯汁。雖然丸類、魚皮餃等，都是每款2粒，蔬菜、菇類亦是給了2人的份量，但我們也差點吃不完。這個二人餐食材豐富，還有飲品，確實抵食又方便，是兩口子不二之選。

近幾個月經常喺屋企下廚，有時都會想食下街外嘢，會幫襯外賣。今晚好想打邊爐， 火鍋都有外賣套餐，仲有八折二人套餐食物有16款咁多，仲有一款自選湯底，汽水兩罐去到比咗錢，店員好好人叫我哋坐喺餐廳裏面等，滑咗一陣手機，兩大袋火鍋材料已經預備好自選湯底揀咗雪燕牛乳養顏湯，有成一公升咁多，材料包括雪燕，紅棗，杞子， 木瓜，餐廳建議加入1:1水，湯底好甜，好潤火鍋材料擺放得好整齊，分門別類，連調味料豉油，葱花，指天椒粒，蒜蓉，芝麻醬， 都個別用小盒仔裝住，衛生企理，賣相相當吸引美國牛板腱，油花均勻，肉質鮮嫩，呢個好好味西班牙豚肉片，雖然冇牛板腱咁快食得，但係豚肉片口感幼嫩，咬落肉汁四溢，等多幾秒又何妨雞件也十分嫩滑貢丸，牛筋丸，海膽丸，芝士腸，墨魚春卷，魚皮餃，也十分出色，食得出唔係廉價貨色。油豆腐確實有趣，好似油炸鬼浸落啲湯底，分成好多少件，索曬啲湯一大桶炸魚皮，非常香口爽脆，我就鍾意就咁食，脆卜卜還有蔬菜類，粟米，金菇，冬菇，唐生菜，加埋兩罐凍冰冰汽水，爽曬唔使買，唔使洗，唔使自己淆定個湯底， 外賣又多個選擇。

這個月開始全面復工，時間好像忽然被偷走了，放工買菜煮飯都很趕。這天一時興起，想吃火鍋，但始終未敢長時間坐在餐廳吃，買料預備也要花不少時間，就一於到這裡買火鍋外賣套餐回家開爐吃，現在還有8折呢！二人套餐折後$230.4。湯底有7款選擇，我選了姬松茸野菌素清湯，味道非常香濃，有多種菇菌，還有貼心小字條寫上加多少水製成美味湯底。套餐配料則有牛板腱🥩丶西班牙豚肉片丶雞件丶貢丸丶牛筋丸丶海膽丸🍢🍡丶墨魚春卷丶芝士腸丶魚皮餃🥟丶油豆腐🥓丶炸魚皮丶唐生菜🥬丶粟米🌽丶冬菇🍄丶金菇丶烏冬丶兩罐汽水，豐富極至。醬料方面還有我最愛的芝麻醬丶豉油丶蔥粒丶蒜蓉丶辣椒🌶️豬牛雞肉都很嫩滑，基本上不用點醬油也很好味。各種丸類都美味濃郁，粒粒彈牙。菜及菇類新鮮味美。以這價錢有這樣的份量及質素實在是超值之選。

早排受疫情影響，又想打邊爐，但又唔想出去食，就上網揾下附近有無提供外賣邊爐料既餐廳，結果近近地俾我揾到喺大埔既蒲頭島 火鍋 放題店預早落order, 去到餐廳已經整齊包好等俾錢，非常貼心！其實堂食早鳥同宵夜都有優惠，疫情過後一定再嚟食放題返到屋企打開，份量十足，而且d膠盒質素唔錯，洗返乾淨可以重用！個餐係二人外賣套餐，勁多野食，足兩人份量！仲有醬汁配料都包埋，真係同平時餐廳打邊爐無分別！先講下個湯底，蕃茄味十足，係濃郁嗰種蕃茄香味，入面配料都好多，仲有牛肉粒，大大隻蕃茄等。。。個湯底已經令我哋食指大動，臨起筷之前仲要加埋d芝士粒，令到個湯底多陣芝士香味！跟住落嚟介紹下d配料先，魚皮都幾香脆，浸完蕃茄湯都仲保持到脆口，值得讚！美國牛板腱同西班牙豚肉片賣相唔錯，睇落非常新鮮牛板腱鮮味十足，配上香濃既蕃茄湯，牛肉更見鮮甜，肉質嫩，肉汁多！滾兩滾就食得！除了牛肉同蕃茄湯既香甜味外，仲有陣陣香甜既芝士香味，口感十足！雞件份量比想像中多，一件件乾淨整齊切好！我一口氣倒埋入香濃既蕃茄芝士湯入面，雞肉都幾嫩滑，唔錯！至於配料以專吸湯汁既油豆腐，同爽口彈牙既墨魚春卷甚為出色，其他配料也非常不錯，整整齊

好想打邊爐但係又唔想喺街度食，最好嘅方法就係外賣，好耐都未試過同老公兩個人撐枱腳，屋企食火鍋感覺更加自由自在，可以調節自己的節奏。屋企附近蒲頭島 外賣自取套餐，外賣自取有八折，抗疫價 $230 二人用 CP值真的很高！外賣打包整齊，乾淨俐落。雪燕牛乳養顏湯湯底款式選擇豐富，如果怕熱氣可以揀滋潤養顏的 雪燕牛乳養顏湯。以一比一的比例加水到湯底，滾起之後首先飲一碗雪燕牛乳養顏湯，滋潤了最近枯燥的胃。蔬菜類 唐山菜、粟米、冬菇、金菇幾款蔬菜首先放湯煮，蔬菜味道顯得特別甜美，可以作腸胃清道夫，火鍋都可以食得健康。雞件 趁着湯底還是很清新的時候，加入雞件滾一會兒，還有雞湯的風味呢！雞件肉質嫩滑，口感非常柔軟，有雞味。美國牛板腱 套餐主打另有兩款肉類，美國牛板腱 油花分布均勻，牛味好濃好香，入口柔嫩，牛加上清甜的湯底，食到牛肉本身的原汁原味，點醬汁味道層次更高！西班牙豚肉片西班牙豚肉片 八成熟就可以食啦！肉質更加鮮嫩，肉夠肥美，肉汁豐富，我自己喜歡點麻醬，火鍋其中一個很好的配搭。另一盒放滿了不同的丸丸餃餃，貢丸、牛筋丸、海膽丸、芝士腸、魚皮餃，味道正常新鮮，食落有燙口的感覺。如果去香港仔就一定會食

今天與幾位居住在大埔的閨密相聚，晚餐時間，姐妹們提議到從新開事業的蒲頭島吃晚飯，聽說這間食店是頗有名氣，我們便隨他到此用膳。這間餐廳地方甚大，估計有三千尺以上，特別之處是可以同時提供鐵板燒、網燒和火鍋，讓客人可以同時享用不同方式煮製的食物，而且店內設有魚缸養殖海鮮，因此食材亦是相當新鮮。人參鬚煲雞鍋火鍋湯底方面，閨密說要養顏補身，可以選擇了這個湯底。湯底呈現奶白色，用料有人參鬚、紅棗、杞子、豬肉、雞件、薑、薏米、京蔥，食材豐富新鮮，入口香甜鮮美，清淡健康，人參味道恰好，而且有補氣生血等各種滋補功效。套餐D我們選擇了套餐 D ，有加拿大紅青龍蝦二選一，還有海鮮拼盤。海鮮拼盤更包括有朝鮮珍寶蠔、海蝦、 鮑魚、鱔片、大帆立貝、藍青口，海鮮食材豐富，而且新鮮飽滿，味道鮮甜味美。另外，這個套餐的特色是可以任吃 A 及 B 餐的肉類，所以我們又點選了美國牛肉片以及西班牙豚梅柳片，入口肉味香濃，嫩滑鮮美。此外，還會隨人數附送招牌拼盤，當中還包括牛柳、餃子雲吞、羽衣甘藍、蝦墨魚滑，食材皆是用料充足，口感新鮮嫩滑。自助美食自助美食區的選擇眾多，有飲品、公仔麵、串燒、街頭小食等，而且還有十二款醬料可供選擇

如果方便當然在店內食會方便一點，地方大，裝修整潔，但今晚反正都係就家人work at home，所以放工就直接買外賣回家，價錢都可以，因唔要海鮮，所以價錢就比較平，原價八折後都係一口價$230.4，就有兩大袋可以取走，由去到落單到可以攞走都唔使10分鐘，比你去買過晚餐外賣差不多，而今晚就點了芝士鮮茄牛肉湯有成1升，回家當然要第一時間起爐，先將個湯放到鍋內本身建議1:1加水，但想食食得夠濃味，所以先食肉唔加水住，套餐內裡有肥美嘅美國牛板腱，入口嫩滑軟熟，而西班牙豚肉片亦十分軟滑美味，估不到佢嘅雞件都十分嫩滑軟熟！到食丸丸時就加水，再放丸丸，而牛筋丸牛味濃郁入口十分彈牙爽口！而個炸魚片都十分香脆可口，吸埋個湯正！另外墨魚春卷內有墨魚粒彈牙煙韌都十分有口感，而粟米亦十分爽甜，真係用料認真！由肉到丸，丸到菜，最後就係加埋個煙韌彈牙嘅烏冬，吸收了個濃郁湯底味道，入口十分入味，加埋一罐冰凍嘅可樂，真係十分滿足，下次可以想吃火鍋又可以多個選擇！

今晚等老公放工又出動食食食😋 6點鐘黎到，無乜人，我地叫套餐B，可以任食美國牛板腱。正常時段 $198位 (星期六日另加多+$10) 如果7點半前埋單價錢只係$148位 (星期六日另加多+$10) 如果想食埋燒烤 (網燒或者鐵板燒) 就另加$20位我地見幾得意，就加多$20試埋。 雖然之前都睇過Openrice 評價過個網燒火力唔夠。嘩，原來真係唔夠，慢煮咁，心急既人一定食到好忟😂不過一邊十下十下，一邊又燒烤，基本上都食唔切。。。 所以慢慢熟我都可以接受👍呢度可以用QR code手機落單，又有其他熟食可以係出面攞，仲包任飲。人參雞湯底偏淡，都係靠調味料先夠味。火鍋配料:炸魚皮，雲吞，手打墨魚滑，牛板腱又唔太肥，其他都正常，幾好燒烤配料:雞翼，一口牛肉粒，五花腩燒香左都好好食。我地食到7點已經飽飽地，7點半就埋左單，埋單一人唔洗$200😆 好抵呀P.S. 服務態度幾好👍

疫情爆發後除了返工就是留在家，近期情况有好轉，就去新界行下山，吸下新鮮空氣，咁啱碰到舊同學，原來他搬左入大埔住，邀請我去參觀一下他的新居，因近晚餐時間，他在樓下的蒲頭島買了二人火鍋外賣套餐。套餐有8折，火鍋外賣套餐有數款選擇，我選了其中2百多元的二人火鍋套餐，加50元有一套一人火鍋爐，一人一鍋，方便衛生，如果想二人世界用也足夠。落單後好快就包裝好待客人拎走。連混醬材料也預備妥當，十分方便快速。7款湯底自選了雪燕牛乳養顏湯，奶白色的湯底是濃縮的，所以店員貼左字條建議加1比1的水再加熱用，湯底加入了雪燕、南瓜、紅棗等，味道清甜，雪燕份量不少，晶瑩剔透，滋補養生。火鍋料新鮮，美國牛板腱肉質鮮嫩，牛肉味香濃。西班牙豚肉片，豬肉味比較濃，肉質細嫩。雞件新鮮嫩滑，貢丸、牛筋丸、海膽丸、墨魚春卷、芝士腸、魚皮餃、油豆腐款式都不少。唐生菜、粟米、冬菇、炸魚皮、金菇、烏冬，蔬菜麵食樣樣齊。還包2罐汽水。

某一日經過蒲頭島聞到好香嘅麻辣火鍋味道，再望一望門口抗疫套餐價，火鍋外賣套餐，外賣自取有八折，埋單計數 $230 二人餐，款式多而且選擇豐富，仲可以配埋自家製香辣湯底，咁完美又點可以唔試吓呢？自家製香辣湯底屋企開冷氣食火鍋，食得安心又舒服，自家製果然特別真材實料，香辣味道濃烈，建議一份湯底加一份水，麻香而不會太辣，刺激惹味，火鍋精華發揮得更加好！美國牛板腱美國牛板腱肉的油花均勻，牛味濃香，口感柔嫩，牛板腱切片加上香濃的辣湯，味道跟肉汁一樣咁正呀！西班牙豚肉片西班牙的豚肉片外表特別肥美，而且霜降勻稱， 賣相很好。一咬落肉汁香甜四溢，肉味之香濃真的絕非一般豬肉可以相提並論，用來做火鍋也很好味。雞件雞件配搭濃郁的香辣湯底，有點像吃雞煲的感覺，雞件嫩滑多汁，口感一流。丸類特別要讚一下貢丸、牛筋丸味道特別香濃，一入口就有爆汁的感覺。火鍋配料比較特別的有墨魚春卷，彈牙到不得了，而且食到一粒粒的墨魚肉，口感很好。油豆腐平時比較少食到好似手掌咁大的油豆腐，放湯吸收晒所有精華，味道很好，湯汁飽滿。炸魚皮最開心係外皮香脆可口，沾滿湯汁更加好吃。蔬菜食咗咁多肉再食返唔同嘅蔬菜平衡一下，腸胃都健康啲。烏冬食火

前日去左大埔太和既蒲頭島買火鍋外賣，餐廳職員準備得好好，將所有既配料，醬汁，飲品也放置得好好；完全冇執漏。今次我揀左二人火鍋外賣套餐，外賣仲有八折！見到有多款配料，感覺好抵食啊～吾知味道合吾合心水呢？芝士鮮茄牛肉湯底：餐廳貼心將芝士分開，可自行將芝士放有湯底中溶解。鮮茄牛肉湯底既蕃茄味好濃郁，味道甜中帶少少酸，令人愈食愈開胃！更有薯仔和蕃茄肉。餐廳提供溫馨提示，需要將一比一比例把水放入鍋中啊！美國牛板鍵：先講賣相，牛板鍵顏色鮮艷，而當中帶有好幼細既紋理，可見牛脂吾會好多，令食客吾會有好油膩既感覺。焯後既牛板鍵肉質好滑，仲滲出好多肉汁，食起黎味道更加之juicy；牛味香口的。雖然是二人份量，但片數也很足夠，厚薄適中。西班牙豚肉片：食完牛就有豬，豚肉片為粉嫩色。即使焯後，口感絕對吾鞋口；反而帶滑，當中依然有肉汁滲出，可知豚肉片也吾乾身，同樣很值得一食。雞件：雞件大約是150g左右，一個套餐有牛有豬又有雞，岩晒食肉獸。雞件口感同樣吾會鞋，雞香味濃。炸魚皮：必定一讚既炸魚皮，份量足，而且每塊也大大塊；口感極為脆口，食落有脆卜卜既聲，咸度剛好！！金菇，粟米，冬菇：金菇清洗得好乾淨，沒有帶沙粒，焯

多咗外賣返屋企開餐當然唔少得火鍋，呢款美食一年四季都食得到，是日去咗呢間火鍋放題店買外賣火鍋家陣外賣自取有八折優惠，套餐已包括多款火鍋配料，分別有三款特色套餐供應，最啱我呢D懶人夠晒方便點了呢款二人火鍋外賣套餐，已包十多款配料連飲品，湯底要香濃沙嗲湯係火鍋最佳配搭，火鍋套餐包裝好晒可以返屋企準備品嚐一餐火鍋，打開包裝已見各款火鍋配料盡在眼前先放入湯底落鍋滾起，再放各款丸類同餃等一陣就可以品嚐，當然有埋美國牛板腱、西班牙豚肉片同雞件，而且份量足夠二人享用係不可缺少嘅火鍋食材濃郁沙嗲香味亦滲出來係時候開餐，鍾意食肉嘅我，即刻食番幾片牛板腱滿足一下，入口啖啖肉汁至於豚肉片食落一樣咁爽嫩，點埋醬汁一齊食更滋味，食完一輪肉唞一唞再食下其他火鍋配料，尤其金菇同油豆腐吸收晒湯汁精華入口特別惹味最後食番個烏冬已經好飽滿嘅一餐外賣火鍋。